நாராயணீயம் த³ஶக 84 – ஸமந்தபஞ்சகதீர்த²யாத்ரா – ப³ந்து⁴மித்ராதி³ ஸமாக³மம்

க்வசித³த² தபனோபராக³காலே புரி நித³த⁴த் க்ருதவர்மகாமஸூனூ ।
யது³குலமஹிலாவ்ருத: ஸுதீர்த²ம் ஸமுபக³தோஸி ஸமந்தபஞ்சகாக்²யம் ॥1॥

ப³ஹுதரஜனதாஹிதாய தத்ர த்வமபி புனன் வினிமஜ்ய தீர்த²தோயம் ।
த்³விஜக³ணபரிமுக்தவித்தராஶி: ஸமமிலதா²: குருபாண்ட³வாதி³மித்ரை: ॥2॥

தவ க²லு த³யிதாஜனை: ஸமேதா த்³ருபத³ஸுதா த்வயி கா³ட⁴ப⁴க்திபா⁴ரா ।
தது³தி³தப⁴வதா³ஹ்ருதிப்ரகாரை: அதிமுமுதே³ ஸமமன்யபா⁴மினீபி⁴: ॥3॥

தத³னு ச ப⁴க³வன் நிரீக்ஷ்ய கோ³பானதிகுதுகாது³பக³ம்ய மானயித்வா।
சிரதரவிரஹாதுராங்க³ரேகா²: பஶுபவதூ⁴: ஸரஸம் த்வமன்வயாஸீ: ॥4॥

ஸபதி³ ச ப⁴வதீ³க்ஷணோத்ஸவேன ப்ரமுஷிதமானஹ்ருதா³ம் நிதம்பி³னீனாம் ।
அதிரஸபரிமுக்தகஞ்சுலீகே பரிசயஹ்ருத்³யதரே குசே ந்யலைஷீ: ॥5॥

ரிபுஜனகலஹை: புன: புனர்மே ஸமுபக³தைரியதீ விலம்ப³னாபூ⁴த் ।
இதி க்ருதபரிரம்ப⁴ணேத்வயி த்³ராக் அதிவிவஶா க²லு ராதி⁴கா நிலில்யே ॥6॥

அபக³தவிரஹவ்யதா²ஸ்ததா³ தா ரஹஸி விதா⁴ய த³தா³த² தத்த்வபோ³த⁴ம் ।
பரமஸுக²சிதா³த்மகோஹமாத்மேத்யுத³யது வ: ஸ்பு²டமேவ சேதஸீதி ॥7॥

ஸுக²ரஸபரிமிஶ்ரிதோ வியோக:³ கிமபி புராப⁴வது³த்³த⁴வோபதே³ஶை: ।
ஸமப⁴வத³முத: பரம் து தாஸாம் பரமஸுகை²க்யமயீ ப⁴வத்³விசிந்தா ॥8॥

முனிவரனிவஹைஸ்தவாத² பித்ரா து³ரிதஶமாய ஶுபா⁴னி ப்ருச்ச்²யமானை: ।
த்வயி ஸதி கிமித³ம் ஶுபா⁴ந்தரை: ரித்யுருஹஸிதைரபி யாஜிதஸ்ததா³ஸௌ ॥9॥

ஸுமஹதி யஜனே விதாயமானே ப்ரமுதி³தமித்ரஜனே ஸஹைவ கோ³பா: ।
யது³ஜனமஹிதாஸ்த்ரிமாஸமாத்ரம் ப⁴வத³னுஷங்க³ரஸம் புரேவ பே⁴ஜு : ॥1௦॥

வ்யபக³மஸமயே ஸமேத்ய ராதா⁴ம் த்³ருட⁴முபகூ³ஹ்ய நிரீக்ஷ்ய வீதகே²தா³ம் ।
ப்ரமுதி³தஹ்ருத³ய: புரம் ப்ரயாத: பவனபுரேஶ்வர பாஹி மாம் க³தே³ப்⁴ய: ॥11॥