நாராயணீயம் த³ஶக 82 – பா³ணாஸுரயுத்³த⁴ம் ததா² ந்ருக³ஶாபமோக்ஷம்

ப்ரத்³யும்னோ ரௌக்மிணேய: ஸ க²லு தவ கலா ஶம்ப³ரேணாஹ்ருதஸ்தம்
ஹத்வா ரத்யா ஸஹாப்தோ நிஜபுரமஹரத்³ருக்மிகன்யாம் ச த⁴ன்யாம் ।
தத்புத்ரோதா²னிருத்³தோ⁴ கு³ணனிதி⁴ரவஹத்³ரோசனாம் ருக்மிபௌத்ரீம்
தத்ரோத்³வாஹே க³தஸ்த்வம் ந்யவதி⁴ முஸலினா ருக்ம்யபி த்³யூதவைராத் ॥1॥

பா³ணஸ்ய ஸா ப³லிஸுதஸ்ய ஸஹஸ்ரபா³ஹோ-
ர்மாஹேஶ்வரஸ்ய மஹிதா து³ஹிதா கிலோஷா ।
த்வத்பௌத்ரமேனமனிருத்³த⁴மத்³ருஷ்டபூர்வம்
ஸ்வப்னேனுபூ⁴ய ப⁴க³வன் விரஹாதுராபூ⁴த் ॥2॥

யோகி³ன்யதீவ குஶலா க²லு சித்ரலேகா²
தஸ்யா: ஸகீ² விலிக²தீ தருணானஶேஷான் ।
தத்ரானிருத்³த⁴முஷயா விதி³தம் நிஶாயா-
மானேஷ்ட யோக³ப³லதோ ப⁴வதோ நிகேதாத் ॥3॥

கன்யாபுரே த³யிதயா ஸுக²மாரமந்தம்
சைனம் கத²ஞ்சன ப³ப³ந்து⁴ஷி ஶர்வப³ந்தௌ⁴ ।
ஶ்ரீனாரதோ³க்ததது³த³ந்தது³ரந்தரோஷை-
ஸ்த்வம் தஸ்ய ஶோணிதபுரம் யது³பி⁴ர்ன்யருந்தா⁴: ॥4॥

புரீபாலஶ்ஶைலப்ரியது³ஹித்ருனாதோ²ஸ்ய ப⁴க³வான்
ஸமம் பூ⁴தவ்ராதைர்யது³ப³லமஶங்கம் நிருருதே⁴ ।
மஹாப்ராணோ பா³ணோ ஜ²டிதி யுயுதா⁴னேனயுயுதே⁴
கு³ஹ: ப்ரத்³யும்னேன த்வமபி புரஹந்த்ரா ஜக⁴டிஷே ॥5॥

நிருத்³தா⁴ஶேஷாஸ்த்ரே முமுஹுஷி தவாஸ்த்ரேண கி³ரிஶே
த்³ருதா பூ⁴தா பீ⁴தா: ப்ரமத²குலவீரா: ப்ரமதி²தா: ।
பராஸ்கந்த்³த் ஸ்கந்த:³ குஸுமஶரபா³ணைஶ்ச ஸசிவ:
ஸ கும்பா⁴ண்டோ³ பா⁴ண்ட³ம் நவமிவ ப³லேனாஶு பி³பி⁴தே³ ॥6॥

சாபானாம் பஞ்சஶத்யா ப்ரஸப⁴முபக³தே சி²ன்னசாபேத² பா³ணே
வ்யர்தே² யாதே ஸமேதோ ஜ்வரபதிரஶனைரஜ்வரி த்வஜ்ஜ்வரேண ।
ஜ்ஞானீ ஸ்துத்வாத² த³த்வா தவ சரிதஜுஷாம் விஜ்வரம் ஸ ஜ்வரோகா³த்
ப்ராயோந்தர்ஜ்ஞானவந்தோபி ச ப³ஹுதமஸா ரௌத்³ரசேஷ்டா ஹி ரௌத்³ரா: ॥7॥

பா³ணம் நானாயுதோ⁴க்³ரம் புனரபி⁴பதிதம் த³ர்பதோ³ஷாத்³விதன்வன்
நிர்லூனாஶேஷதோ³ஷம் ஸபதி³ பு³பு³து⁴ஷா ஶங்கரேணோபகீ³த: ।
தத்³வாசா ஶிஷ்டபா³ஹுத்³விதயமுப⁴யதோ நிர்ப⁴யம் தத்ப்ரியம் தம்
முக்த்வா தத்³த³த்தமானோ நிஜபுரமக³ம: ஸானிருத்³த:⁴ ஸஹோஷ: ॥8॥

முஹுஸ்தாவச்ச²க்ரம் வருணமஜயோ நந்த³ஹரணே
யமம் பா³லானீதௌ த³வத³ஹனபானேனிலஸக²ம் ।
விதி⁴ம் வத்ஸஸ்தேயே கி³ரிஶமிஹ பா³ணஸ்ய ஸமரே
விபோ⁴ விஶ்வோத்கர்ஷீ தத³யமவதாரோ ஜயதி தே ॥9॥

த்³விஜருஷா க்ருகலாஸவபுர்த⁴ரம் ந்ருக³ன்ருபம் த்ரிதி³வாலயமாபயன் ।
நிஜஜனே த்³விஜப⁴க்திமனுத்தமாமுபதி³ஶன் பவனேஶ்வர் பாஹி மாம் ॥1௦॥