நாராயணீயம் த³ஶக 67 – ஶ்ரீக்ருஷ்ணதிரோதா⁴னம் ததா² புன: ப்ரத்யக்ஷீபூ⁴ய கோ³பிகா: ப்ரீணனம்

ஸ்பு²ரத்பரானந்த³ரஸாத்மகேன த்வயா ஸமாஸாதி³தபோ⁴க³லீலா: ।
அஸீமமானந்த³ப⁴ரம் ப்ரபன்னா மஹாந்தமாபுர்மத³மம்பு³ஜாக்ஷ்ய: ॥1॥

நிலீயதேஸௌ மயி மய்யமாயம் ரமாபதிர்விஶ்வமனோபி⁴ராம: ।
இதி ஸ்ம ஸர்வா: கலிதாபி⁴மானா நிரீக்ஷ்ய கோ³விந்த்³ திரோஹிதோபூ⁴: ॥2॥

ராதா⁴பி⁴தா⁴ம் தாவதஜ³ாதக³ர்வாமதிப்ரியாம் கோ³பவதூ⁴ம் முராரே ।
ப⁴வானுபாதா³ய க³தோ விதூ³ரம் தயா ஸஹ ஸ்வைரவிஹாரகாரீ ॥3॥

திரோஹிதேத² த்வயி ஜாததாபா: ஸமம் ஸமேதா: கமலாயதாக்ஷ்ய: ।
வனே வனே த்வாம் பரிமார்க³யந்த்யோ விஷாத³மாபுர்ப⁴க³வன்னபாரம் ॥4॥

ஹா சூத ஹா சம்பக கர்ணிகார ஹா மல்லிகே மாலதி பா³லவல்ய: ।
கிம் வீக்ஷிதோ நோ ஹ்ருத³யைகசோர: இத்யாதி³ தாஸ்த்வத்ப்ரவணா விலேபு: ॥5॥

நிரீக்ஷிதோயம் ஸகி² பங்கஜாக்ஷ: புரோ மமேத்யாகுலமாலபந்தீ ।
த்வாம் பா⁴வனாசக்ஷுஷி வீக்ஷ்ய காசித்தாபம் ஸகீ²னாம் த்³விகு³ணீசகார ॥6॥

த்வதா³த்மிகாஸ்தா யமுனாதடாந்தே தவானுசக்ரு: கில சேஷ்டிதானி ।
விசித்ய பூ⁴யோபி ததை²வ மானாத்த்வயா விமுக்தாம் த³த்³ருஶுஶ்ச ராதா⁴ம் ॥7॥

தத: ஸமம் தா விபினே ஸமந்தாத்தமோவதாராவதி⁴ மார்க³யந்த்ய: ।
புனர்விமிஶ்ரா யமுனாதடாந்தே ப்⁴ருஶம் விலேபுஶ்ச ஜகு³ர்கு³ணாம்ஸ்தே ॥8॥

ததா² வ்யதா²ஸங்குலமானஸானாம் வ்ரஜாங்க³னானாம் கருணைகஸிந்தோ⁴ ।
ஜக³த்த்ரயீமோஹனமோஹனாத்மா த்வம் ப்ராது³ராஸீரயி மந்த³ஹாஸீ ॥9॥

ஸந்தி³க்³த⁴ஸந்த³ர்ஶனமாத்மகாந்தம் த்வாம் வீக்ஷ்ய தன்வ்ய: ஸஹஸா ததா³னீம் ।
கிம் கிம் ந சக்ரு: ப்ரமதா³திபா⁴ராத் ஸ த்வம் க³தா³த் பாலய மாருதேஶ ॥1௦॥