நாராயணீயம் த³ஶக 64 – கோ³விந்த³பட்டாபி⁴ஷேகம்

ஆலோக்ய ஶைலோத்³த⁴ரணாதி³ரூபம் ப்ரபா⁴வமுச்சைஸ்தவ கோ³பலோகா: ।
விஶ்வேஶ்வரம் த்வாமபி⁴மத்ய விஶ்வே நந்த³ம் ப⁴வஜ்ஜாதகமன்வப்ருச்ச²ன் ॥1॥

க³ர்கோ³தி³தோ நிர்க³தி³தோ நிஜாய வர்கா³ய தாதேன தவ ப்ரபா⁴வ: ।
பூர்வாதி⁴கஸ்த்வய்யனுராக³ ஏஷாமைதி⁴ஷ்ட தாவத் ப³ஹுமானபா⁴ர: ॥2॥

ததோவமானோதி³ததத்த்வபோ³த:⁴ ஸுராதி⁴ராஜ: ஸஹ தி³வ்யக³வ்யா।
உபேத்ய துஷ்டாவ ஸ நஷ்டக³ர்வ: ஸ்ப்ருஷ்ட்வா பதா³ப்³ஜம் மணிமௌலினா தே ॥3॥

ஸ்னேஹஸ்னுதைஸ்த்வாம் ஸுரபி⁴: பயோபி⁴ர்கோ³விந்த³னாமாங்கிதமப்⁴யஷிஞ்சத் ।
ஐராவதோபாஹ்ருததி³வ்யக³ங்கா³பாதோ²பி⁴ரிந்த்³ரோபி ச ஜாதஹர்ஷ: ॥4॥

ஜக³த்த்ரயேஶே த்வயி கோ³குலேஶே ததா²பி⁴ஷிக்தே ஸதி கோ³பவாட: ।
நாகேபி வைகுண்ட²பதே³ப்யலப்⁴யாம் ஶ்ரியம் ப்ரபேதே³ ப⁴வத: ப்ரபா⁴வாத் ॥5॥

கதா³சித³ந்தர்யமுனம் ப்ரபா⁴தே ஸ்னாயன் பிதா வாருணபூருஷேண ।
நீதஸ்தமானேதுமகா³: புரீம் த்வம் தாம் வாருணீம் காரணமர்த்யரூப: ॥6॥

ஸஸம்ப்⁴ரமம் தேன ஜலாதி⁴பேன ப்ரபூஜிதஸ்த்வம் ப்ரதிக்³ருஹ்ய தாதம் ।
உபாக³தஸ்தத்க்ஷணமாத்மகே³ஹம் பிதாவத³த்தச்சரிதம் நிஜேப்⁴ய: ॥7॥

ஹரிம் வினிஶ்சித்ய ப⁴வந்தமேதான் ப⁴வத்பதா³லோகனப³த்³த⁴த்ருஷ்ணான் ॥
நிரீக்ஷ்ய விஷ்ணோ பரமம் பத³ம் தத்³து³ராபமன்யைஸ்த்வமதீ³த்³ருஶஸ்தான் ॥8॥

ஸ்பு²ரத்பரானந்த³ரஸப்ரவாஹப்ரபூர்ணகைவல்யமஹாபயோதௌ⁴ ।
சிரம் நிமக்³னா: க²லு கோ³பஸங்கா⁴ஸ்த்வயைவ பூ⁴மன் புனருத்³த்⁴ருதாஸ்தே ॥9॥

கரப³த³ரவதே³வம் தே³வ குத்ராவதாரே
நிஜபத³மனவாப்யம் த³ர்ஶிதம் ப⁴க்திபா⁴ஜாம் ।
ததி³ஹ பஶுபரூபீ த்வம் ஹி ஸாக்ஷாத் பராத்மா
பவனபுரனிவாஸின் பாஹி மாமாமயேப்⁴ய: ॥1௦॥