நாராயணீயம் த³ஶக 59 – வேணுகா³னவர்ணனம்

த்வத்³வபுர்னவகலாயகோமலம் ப்ரேமதோ³ஹனமஶேஷமோஹனம் ।
ப்³ரஹ்ம தத்த்வபரசின்முதா³த்மகம் வீக்ஷ்ய ஸம்முமுஹுரன்வஹம் ஸ்த்ரிய: ॥1॥

மன்மதோ²ன்மதி²தமானஸா: க்ரமாத்த்வத்³விலோகனரதாஸ்ததஸ்தத: ।
கோ³பிகாஸ்தவ ந ஸேஹிரே ஹரே கானனோபக³திமப்யஹர்முகே² ॥2॥

நிர்க³தே ப⁴வதி த³த்தத்³ருஷ்டயஸ்த்வத்³க³தேன மனஸா ம்ருகே³க்ஷணா: ।
வேணுனாத³முபகர்ண்ய தூ³ரதஸ்த்வத்³விலாஸகத²யாபி⁴ரேமிரே ॥3॥

கானனாந்தமிதவான் ப⁴வானபி ஸ்னிக்³த⁴பாத³பதலே மனோரமே ।
வ்யத்யயாகலிதபாத³மாஸ்தி²த: ப்ரத்யபூரயத வேணுனாலிகாம் ॥4॥

மாரபா³ணது⁴தகே²சரீகுலம் நிர்விகாரபஶுபக்ஷிமண்ட³லம் ।
த்³ராவணம் ச த்³ருஷதா³மபி ப்ரபோ⁴ தாவகம் வ்யஜனி வேணுகூஜிதம் ॥5॥

வேணுரந்த்⁴ரதரலாங்கு³லீத³லம் தாலஸஞ்சலிதபாத³பல்லவம் ।
தத் ஸ்தி²தம் தவ பரோக்ஷமப்யஹோ ஸம்விசிந்த்ய முமுஹுர்வ்ரஜாங்க³னா: ॥6॥

நிர்விஶங்கப⁴வத³ங்க³த³ர்ஶினீ: கே²சரீ: க²க³ம்ருகா³ன் பஶூனபி ।
த்வத்பத³ப்ரணயி கானனம் ச தா: த⁴ன்யத⁴ன்யமிதி நன்வமானயன் ॥7॥

ஆபிபே³யமத⁴ராம்ருதம் கதா³ வேணுபு⁴க்தரஸஶேஷமேகதா³ ।
தூ³ரதோ ப³த க்ருதம் து³ராஶயேத்யாகுலா முஹுரிமா: ஸமாமுஹன் ॥8॥

ப்ரத்யஹம் ச புனரித்த²மங்க³னாஶ்சித்தயோனிஜனிதாத³னுக்³ரஹாத் ।
ப³த்³த⁴ராக³விவஶாஸ்த்வயி ப்ரபோ⁴ நித்யமாபுரிஹ க்ருத்யமூட⁴தாம் ॥9॥

ராக³ஸ்தாவஜ்ஜாயதே ஹி ஸ்வபா⁴வா-
ந்மோக்ஷோபாயோ யத்னத: ஸ்யான்ன வா ஸ்யாத் ।
தாஸாம் த்வேகம் தத்³த்³வயம் லப்³த⁴மாஸீத்
பா⁴க்³யம் பா⁴க்³யம் பாஹி மாம் மாருதேஶ ॥1௦॥