நாராயணீயம் த³ஶக 56 – காலியக³ர்வஶமனம் ததா² ப⁴க³வத³னுக்³ரஹம்

ருசிரகம்பிதகுண்ட³லமண்ட³ல: ஸுசிரமீஶ நனர்தித² பன்னகே³ ।
அமரதாடி³தது³ந்து³பி⁴ஸுந்த³ரம் வியதி கா³யதி தை³வதயௌவதே ॥1॥

நமதி யத்³யத³முஷ்ய ஶிரோ ஹரே பரிவிஹாய தது³ன்னதமுன்னதம் ।
பரிமத²ன் பத³பங்கருஹா சிரம் வ்யஹரதா²: கரதாலமனோஹரம் ॥2॥

த்வத³வப⁴க்³னவிபு⁴க்³னப²ணாக³ணே க³லிதஶோணிதஶோணிதபாத²ஸி ।
ப²ணிபதாவவஸீத³தி ஸன்னதாஸ்தத³ப³லாஸ்தவ மாத⁴வ பாத³யோ: ॥3॥

அயி புரைவ சிராய பரிஶ்ருதத்வத³னுபா⁴வவிலீனஹ்ருதோ³ ஹி தா: ।
முனிபி⁴ரப்யனவாப்யபதை²: ஸ்தவைர்னுனுவுரீஶ ப⁴வந்தமயந்த்ரிதம் ॥4॥

ப²ணிவதூ⁴க³ணப⁴க்திவிலோகனப்ரவிகஸத்கருணாகுலசேதஸா ।
ப²ணிபதிர்ப⁴வதாச்யுத ஜீவிதஸ்த்வயி ஸமர்பிதமூர்திரவானமத் ॥5॥

ரமணகம் வ்ரஜ வாரிதி⁴மத்⁴யக³ம் ப²ணிரிபுர்ன கரோதி விரோதி⁴தாம் ।
இதி ப⁴வத்³வசனான்யதிமானயன் ப²ணிபதிர்னிரகா³து³ரகை³: ஸமம் ॥6॥

ப²ணிவதூ⁴ஜனத³த்தமணிவ்ரஜஜ்வலிதஹாரது³கூலவிபூ⁴ஷித: ।
தடக³தை: ப்ரமதா³ஶ்ருவிமிஶ்ரிதை: ஸமக³தா²: ஸ்வஜனைர்தி³வஸாவதௌ⁴ ॥7॥

நிஶி புனஸ்தமஸா வ்ரஜமந்தி³ரம் வ்ரஜிதுமக்ஷம ஏவ ஜனோத்கரே ।
ஸ்வபதி தத்ர ப⁴வச்சரணாஶ்ரயே த³வக்ருஶானுரருந்த⁴ ஸமந்தத: ॥8॥

ப்ரபு³தி⁴தானத² பாலய பாலயேத்யுத³யதா³ர்தரவான் பஶுபாலகான் ।
அவிதுமாஶு பபாத² மஹானலம் கிமிஹ சித்ரமயம் க²லு தே முக²ம் ॥9॥

ஶிகி²னி வர்ணத ஏவ ஹி பீததா பரிலஸத்யது⁴னா க்ரியயாப்யஸௌ ।
இதி நுத: பஶுபைர்முதி³தைர்விபோ⁴ ஹர ஹரே து³ரிதை:ஸஹ மே க³தா³ன் ॥1௦॥