நாராயணீயம் த³ஶக 49 – வ்ருந்தா³வனப்ரவேஶம்

ப⁴வத்ப்ரபா⁴வாவிது³ரா ஹி கோ³பாஸ்தருப்ரபாதாதி³கமத்ர கோ³ஷ்டே² ।
அஹேதுமுத்பாதக³ணம் விஶங்க்ய ப்ரயாதுமன்யத்ர மனோ விதேனு: ॥1॥

தத்ரோபனந்தா³பி⁴த⁴கோ³பவர்யோ ஜகௌ³ ப⁴வத்ப்ரேரணயைவ நூனம் ।
இத: ப்ரதீச்யாம் விபினம் மனோஜ்ஞம் வ்ருந்தா³வனம் நாம விராஜதீதி ॥2॥

ப்³ருஹத்³வனம் தத் க²லு நந்த³முக்²யா விதா⁴ய கௌ³ஷ்டீ²னமத² க்ஷணேன ।
த்வத³ன்விதத்வஜ்ஜனனீனிவிஷ்டக³ரிஷ்ட²யானானுக³தா விசேலு: ॥3॥

அனோமனோஜ்ஞத்⁴வனிதே⁴னுபாலீகு²ரப்ரணாதா³ந்தரதோ வதூ⁴பி⁴: ।
ப⁴வத்³வினோதா³லபிதாக்ஷராணி ப்ரபீய நாஜ்ஞாயத மார்க³தை³ர்க்⁴யம் ॥4॥

நிரீக்ஷ்ய வ்ருந்தா³வனமீஶ நந்த³த்ப்ரஸூனகுந்த³ப்ரமுக²த்³ருமௌக⁴ம் ।
அமோத³தா²: ஶாத்³வலஸாந்த்³ரலக்ஷ்ம்யா ஹரின்மணீகுட்டிமபுஷ்டஶோப⁴ம் ॥5॥

நவாகனிர்வ்யூட⁴னிவாஸபே⁴தே³ஷ்வஶேஷகோ³பேஷு ஸுகா²ஸிதேஷு ।
வனஶ்ரியம் கோ³பகிஶோரபாலீவிமிஶ்ரித: பர்யக³லோகதா²ஸ்த்வம் ॥6॥

அராலமார்கா³க³தனிர்மலாபாம் மராலகூஜாக்ருதனர்மலாபாம் ।
நிரந்தரஸ்மேரஸரோஜவக்த்ராம் கலிந்த³கன்யாம் ஸமலோகயஸ்த்வம் ॥7॥

மயூரகேகாஶதலோப⁴னீயம் மயூக²மாலாஶப³லம் மணீனாம் ।
விரிஞ்சலோகஸ்ப்ருஶமுச்சஶ்ருங்கை³ர்கி³ரிம் ச கோ³வர்த⁴னமைக்ஷதா²ஸ்த்வம் ॥8॥

ஸமம் ததோ கோ³பகுமாரகைஸ்த்வம் ஸமந்ததோ யத்ர வனாந்தமாகா³: ।
ததஸ்ததஸ்தாம் குடிலாமபஶ்ய: கலிந்தஜ³ாம் ராக³வதீமிவைகாம் ॥9॥

ததா²விதே⁴ஸ்மின் விபினே பஶவ்யே ஸமுத்ஸுகோ வத்ஸக³ணப்ரசாரே ।
சரன் ஸராமோத² குமாரகைஸ்த்வம் ஸமீரகே³ஹாதி⁴ப பாஹி ரோகா³த் ॥1௦॥