நாராயணீயம் த³ஶக 48 – நளகூபர³-மணிக்³ரீவயோ: ஶாபமோக்ஷம்

முதா³ ஸுரௌகை⁴ஸ்த்வமுதா³ரஸம்மதை³-
ருதீ³ர்ய தா³மோத³ர இத்யபி⁴ஷ்டுத: ।
ம்ருது³த³ர: ஸ்வைரமுலூக²லே லக-³
ந்னதூ³ரதோ த்³வௌ ககுபா⁴வுதை³க்ஷதா²: ॥1॥

குபே³ரஸூனுர்னலகூப³ராபி⁴த:⁴
பரோ மணிக்³ரீவ இதி ப்ரதா²ம் க³த: ।
மஹேஶஸேவாதி⁴க³தஶ்ரியோன்மதௌ³
சிரம் கில த்வத்³விமுகா²வகே²லதாம் ॥2॥

ஸுராபகா³யாம் கில தௌ மதோ³த்கடௌ
ஸுராபகா³யத்³ப³ஹுயௌவதாவ்ருதௌ ।
விவாஸஸௌ கேலிபரௌ ஸ நாரதோ³
ப⁴வத்பதை³கப்ரவணோ நிரைக்ஷத ॥3॥

பி⁴யா ப்ரியாலோகமுபாத்தவாஸஸம்
புரோ நிரீக்ஷ்யாபி மதா³ந்த⁴சேதஸௌ ।
இமௌ ப⁴வத்³ப⁴க்த்யுபஶாந்திஸித்³த⁴யே
முனிர்ஜகௌ³ ஶாந்திம்ருதே குத: ஸுக²ம் ॥4॥

யுவாமவாப்தௌ ககுபா⁴த்மதாம் சிரம்
ஹரிம் நிரீக்ஷ்யாத² பத³ம் ஸ்வமாப்னுதம் ।
இதீரேதௌ தௌ ப⁴வதீ³க்ஷணஸ்ப்ருஹாம்
க³தௌ வ்ரஜாந்தே ககுபௌ⁴ ப³பூ⁴வது: ॥5॥

அதந்த்³ரமிந்த்³ரத்³ருயுக³ம் ததா²வித⁴ம்
ஸமேயுஷா மந்த²ரகா³மினா த்வயா ।
திராயிதோலூக²லரோத⁴னிர்து⁴தௌ
சிராய ஜீர்ணௌ பரிபாதிதௌ தரூ ॥6॥

அபா⁴ஜி ஶாகி²த்³விதயம் யதா³ த்வயா
ததை³வ தத்³க³ர்ப⁴தலான்னிரேயுஷா ।
மஹாத்விஷா யக்ஷயுகே³ன தத்க்ஷணா-
த³பா⁴ஜி கோ³விந்த³ ப⁴வானபி ஸ்தவை: ॥7॥

இஹான்யப⁴க்தோபி ஸமேஷ்யதி க்ரமாத்
ப⁴வந்தமேதௌ க²லு ருத்³ரஸேவகௌ ।
முனிப்ரஸாதா³த்³ப⁴வ்த³ங்க்⁴ரிமாக³தௌ
க³தௌ வ்ருணானௌ க²லு ப⁴க்திமுத்தமாம் ॥8॥

ததஸ்தரூத்³தா³ரணதா³ருணாரவ-
ப்ரகம்பிஸம்பாதினி கோ³பமண்ட³லே ।
விலஜ்ஜிதத்வஜ்ஜனனீமுகே²க்ஷிணா
வ்யமோக்ஷி நந்தே³ன ப⁴வான் விமோக்ஷத:³ ॥9॥

மஹீருஹோர்மத்⁴யக³தோ ப³தார்ப⁴கோ
ஹரே: ப்ரபா⁴வாத³பரிக்ஷதோது⁴னா ।
இதி ப்³ருவாணைர்க³மிதோ க்³ருஹம் ப⁴வான்
மருத்புராதீ⁴ஶ்வர பாஹி மாம் க³தா³த் ॥1௦॥