நாராயணீயம் த³ஶக 41 – பூதனாத³ஹனம் ததா² க்ருஷ்ணலாலனாஹ்லாத³ம்

வ்ரஜேஶ்வரை: ஶௌரிவசோ நிஶம்ய ஸமாவ்ரஜன்னத்⁴வனி பீ⁴தசேதா: ।
நிஷ்பிஷ்டனிஶ்ஶேஷதரும் நிரீக்ஷ்ய கஞ்சித்பதா³ர்த²ம் ஶரணம் க³தஸ்வாம் ॥1॥

நிஶம்ய கோ³பீவசனாது³த³ந்தம் ஸர்வேபி கோ³பா ப⁴யவிஸ்மயாந்தா⁴: ।
த்வத்பாதிதம் கோ⁴ரபிஶாசதே³ஹம் தே³ஹுர்விதூ³ரேத² குடா²ரக்ருத்தம் ॥2॥

த்வத்பீதபூதஸ்தனதச்ச²ரீராத் ஸமுச்சலன்னுச்சதரோ ஹி தூ⁴ம: ।
ஶங்காமதா⁴தா³க³ரவ: கிமேஷ கிம் சாந்த³னோ கௌ³ல்கு³லவோத²வேதி ॥3॥

மத³ங்க³ஸங்க³ஸ்ய ப²லம் ந தூ³ரே க்ஷணேன தாவத் ப⁴வதாமபி ஸ்யாத் ।
இத்யுல்லபன் வல்லவதல்லஜேப்⁴ய: த்வம் பூதனாமாதனுதா²: ஸுக³ந்தி⁴ம் ॥4॥

சித்ரம் பிஶாச்யா ந ஹத: குமார: சித்ரம் புரைவாகதி² ஶௌரிணேத³ம் ।
இதி ப்ரஶம்ஸன் கில கோ³பலோகோ ப⁴வன்முகா²லோகரஸே ந்யமாங்க்ஷீத் ॥5॥

தி³னேதி³னேத² ப்ரதிவ்ருத்³த⁴லக்ஷ்மீரக்ஷீணமாங்க³ல்யஶதோ வ்ரஜோயம் ।
ப⁴வன்னிவாஸாத³யி வாஸுதே³வ ப்ரமோத³ஸாந்த்³ர: பரிதோ விரேஜே ॥6॥

க்³ருஹேஷு தே கோமலரூபஹாஸமித:²கதா²ஸங்குலிதா: கமன்ய: ।
வ்ருத்தேஷு க்ருத்யேஷு ப⁴வன்னிரீக்ஷாஸமாக³தா: ப்ரத்யஹமத்யனந்த³ன் ॥7॥

அஹோ குமாரோ மயி த³த்தத்³ருஷ்டி: ஸ்மிதம் க்ருதம் மாம் ப்ரதி வத்ஸகேன ।
ஏஹ்யேஹி மாமித்யுபஸார்ய பாணீ த்வயீஶ கிம் கிம் ந க்ருதம் வதூ⁴பி⁴: ॥8॥

ப⁴வத்³வபு:ஸ்பர்ஶனகௌதுகேன கராத்கரம் கோ³பவதூ⁴ஜனேன ।
நீதஸ்த்வமாதாம்ரஸரோஜமாலாவ்யாலம்பி³லோலம்ப³துலாமலாஸீ: ॥9॥

நிபாயயந்தீ ஸ்தனமங்கக³ம் த்வாம் விலோகயந்தீ வத³னம் ஹஸந்தீ ।
த³ஶாம் யஶோதா³ கதமாம் ந பே⁴ஜே ஸ தாத்³ருஶ: பாஹி ஹரே க³தா³ன்மாம் ॥1௦॥