நாராயணீயம் த³ஶக 28 – லக்ஷ்மீஸ்வயம்வரம் ததா² அம்ருதோத்பத்தி:

க³ரலம் தரலானலம் புரஸ்தா-
ஜ்ஜலதே⁴ருத்³விஜகா³ல காலகூடம் ।
அமரஸ்துதிவாத³மோத³னிக்⁴னோ
கி³ரிஶஸ்தன்னிபபௌ ப⁴வத்ப்ரியார்த²ம் ॥1॥

விமத²த்ஸு ஸுராஸுரேஷு ஜாதா
ஸுரபி⁴ஸ்தாம்ருஷிஷு ந்யதா⁴ஸ்த்ரிதா⁴மன் ।
ஹயரத்னமபூ⁴த³தே²ப⁴ரத்னம்
த்³யுதருஶ்சாப்ஸரஸ: ஸுரேஷு தானி ॥2॥

ஜக³தீ³ஶ ப⁴வத்பரா ததா³னீம்
கமனீயா கமலா ப³பூ⁴வ தே³வீ ।
அமலாமவலோக்ய யாம் விலோல:
ஸகலோபி ஸ்ப்ருஹயாம்ப³பூ⁴வ லோக: ॥3॥

த்வயி த³த்தஹ்ருதே³ ததை³வ தே³வ்யை
த்ரித³ஶேந்த்³ரோ மணிபீடி²காம் வ்யதாரீத் ।
ஸகலோபஹ்ருதாபி⁴ஷேசனீயை:
ருஷயஸ்தாம் ஶ்ருதிகீ³ர்பி⁴ரப்⁴யஷிஞ்சன் ॥4॥

அபி⁴ஷேகஜலானுபாதிமுக்³த-⁴
த்வத³பாங்கை³ரவபூ⁴ஷிதாங்க³வல்லீம் ।
மணிகுண்ட³லபீதசேலஹார-
ப்ரமுகை²ஸ்தாமமராத³யோன்வபூ⁴ஷன் ॥5॥

வரணஸ்ரஜமாத்தப்⁴ருங்க³னாதா³ம்
த³த⁴தீ ஸா குசகும்ப⁴மந்த³யானா ।
பத³ஶிஞ்ஜிதமஞ்ஜுனூபுரா த்வாம்
கலிதவ்ரீலவிலாஸமாஸஸாத³ ॥6॥

கி³ரிஶத்³ருஹிணாதி³ஸர்வதே³வான்
கு³ணபா⁴ஜோப்யவிமுக்ததோ³ஷலேஶான் ।
அவம்ருஶ்ய ஸதை³வ ஸர்வரம்யே
நிஹிதா த்வய்யனயாபி தி³வ்யமாலா ॥7॥

உரஸா தரஸா மமானிதை²னாம்
பு⁴வனானாம் ஜனனீமனன்யபா⁴வாம் ।
த்வது³ரோவிலஸத்ததீ³க்ஷணஶ்ரீ-
பரிவ்ருஷ்ட்யா பரிபுஷ்டமாஸ விஶ்வம் ॥8॥

அதிமோஹனவிப்⁴ரமா ததா³னீம்
மத³யந்தீ க²லு வாருணீ நிராகா³த் ।
தமஸ: பத³வீமதா³ஸ்த்வமேனா-
மதிஸம்மானனயா மஹாஸுரேப்⁴ய: ॥9॥

தருணாம்பு³த³ஸுந்த³ரஸ்ததா³ த்வம்
நனு த⁴ன்வந்தரிருத்தி²தோம்பு³ராஶே: ।
அம்ருதம் கலஶே வஹன் கராப்⁴யா-
மகி²லார்திம் ஹர மாருதாலயேஶ ॥1௦॥