நாராயணீயம் த³ஶக 23 – த³க்ஷசரிதம் ததா² சித்ரகேதூபாக்²யானம்

ப்ராசேதஸஸ்து ப⁴க³வன்னபரோ ஹி த³க்ஷ-
ஸ்த்வத்ஸேவனம் வ்யதி⁴த ஸர்க³விவ்ருத்³தி⁴காம: ।
ஆவிர்ப³பூ⁴வித² ததா³ லஸத³ஷ்டபா³ஹு-
ஸ்தஸ்மை வரம் த³தி³த² தாம் ச வதூ⁴மஸிக்னீம் ॥1॥

தஸ்யாத்மஜாஸ்த்வயுதமீஶ புனஸ்ஸஹஸ்ரம்
ஶ்ரீனாரத³ஸ்ய வசஸா தவ மார்க³மாபு: ।
நைகத்ரவாஸம்ருஷயே ஸ முமோச ஶாபம்
ப⁴க்தோத்தமஸ்த்வ்ருஷிரனுக்³ரஹமேவ மேனே ॥2॥

ஷஷ்ட்யா ததோ து³ஹித்ருபி⁴: ஸ்ருஜத: குலௌகா⁴ன்
தௌ³ஹித்ரஸூனுரத² தஸ்ய ஸ விஶ்வரூப: ।
த்வத்ஸ்தோத்ரவர்மிதமஜாபயதி³ந்த்³ரமாஜௌ
தே³வ த்வதீ³யமஹிமா க²லு ஸர்வஜைத்ர: ॥3॥

ப்ராக்ஶூரஸேனவிஷயே கில சித்ரகேது:
புத்ராக்³ரஹீ ந்ருபதிரங்கி³ரஸ: ப்ரபா⁴வாத் ।
லப்³த்⁴வைகபுத்ரமத² தத்ர ஹதே ஸபத்னீ-
ஸங்கை⁴ரமுஹ்யத³வஶஸ்தவ மாயயாஸௌ ॥4॥

தம் நாரத³ஸ்து ஸமமங்கி³ரஸா த³யாலு:
ஸம்ப்ராப்ய தாவது³பத³ர்ஶ்ய ஸுதஸ்ய ஜீவம் ।
கஸ்யாஸ்மி புத்ர இதி தஸ்ய கி³ரா விமோஹம்
த்யக்த்வா த்வத³ர்சனவிதௌ⁴ ந்ருபதிம் ந்யயுங்க்த ॥5॥

ஸ்தோத்ரம் ச மந்த்ரமபி நாரத³தோத² லப்³த்⁴வா
தோஷாய ஶேஷவபுஷோ நனு தே தபஸ்யன் ।
வித்³யாத⁴ராதி⁴பதிதாம் ஸ ஹி ஸப்தராத்ரே
லப்³த்⁴வாப்யகுண்ட²மதிரன்வபஜ⁴த்³ப⁴வந்தம் ॥6॥

தஸ்மை ம்ருணாலத⁴வலேன ஸஹஸ்ரஶீர்ஷ்ணா
ரூபேண ப³த்³த⁴னுதிஸித்³த⁴க³ணாவ்ருதேன ।
ப்ராது³ர்ப⁴வன்னசிரதோ நுதிபி⁴: ப்ரஸன்னோ
த³த்வாத்மதத்த்வமனுக்³ருஹ்ய திரோத³தா⁴த² ॥7॥

த்வத்³ப⁴க்தமௌலிரத² ஸோபி ச லக்ஷலக்ஷம்
வர்ஷாணி ஹர்ஷுலமனா பு⁴வனேஷு காமம் ।
ஸங்கா³பயன் கு³ணக³ணம் தவ ஸுந்த³ரீபி⁴:
ஸங்கா³திரேகரஹிதோ லலிதம் சசார ॥8॥

அத்யந்தஸங்க³விலயாய ப⁴வத்ப்ரணுன்னோ
நூனம் ஸ ரூப்யகி³ரிமாப்ய மஹத்ஸமாஜே ।
நிஶ்ஶங்கமங்கக்ருதவல்லப⁴மங்கஜ³ாரிம்
தம் ஶங்கரம் பரிஹஸன்னுமயாபி⁴ஶேபே ॥9॥

நிஸ்ஸம்ப்⁴ரமஸ்த்வயமயாசிதஶாபமோக்ஷோ
வ்ருத்ராஸுரத்வமுபக³ம்ய ஸுரேந்த்³ரயோதீ⁴ ।
ப⁴க்த்யாத்மதத்த்வகத²னை: ஸமரே விசித்ரம்
ஶத்ரோரபி ப்⁴ரமமபாஸ்ய க³த: பத³ம் தே ॥1௦॥

த்வத்ஸேவனேன தி³திரிந்த்³ரவதோ⁴த்³யதாபி
தான்ப்ரத்யுதேந்த்³ரஸுஹ்ருதோ³ மருதோபி⁴லேபே⁴ ।
து³ஷ்டாஶயேபி ஶுப⁴தை³வ ப⁴வன்னிஷேவா
தத்தாத்³ருஶஸ்த்வமவ மாம் பவனாலயேஶ ॥11॥