நாராயணீயம் த³ஶக 19 – ப்ரசேத்ருணாம் சரிதம்

ப்ருதோ²ஸ்து நப்தா ப்ருது²த⁴ர்மகர்மட:²
ப்ராசீனப³ர்ஹிர்யுவதௌ ஶதத்³ருதௌ ।
ப்ரசேதஸோ நாம ஸுசேதஸ: ஸுதா-
நஜீஜனத்த்வத்கருணாங்குரானிவ ॥1॥

பிது: ஸிஸ்ருக்ஷானிரதஸ்ய ஶாஸனாத்³-
ப⁴வத்தபஸ்யாபி⁴ரதா த³ஶாபி தே
பயோனிதி⁴ம் பஶ்சிமமேத்ய தத்தடே
ஸரோவரம் ஸந்த³த்³ருஶுர்மனோஹரம் ॥2॥

ததா³ ப⁴வத்தீர்த²மித³ம் ஸமாக³தோ
ப⁴வோ ப⁴வத்ஸேவகத³ர்ஶனாத்³ருத: ।
ப்ரகாஶமாஸாத்³ய புர: ப்ரசேதஸா-
முபாதி³ஶத் ப⁴க்ததமஸ்தவ ஸ்தவம் ॥3॥

ஸ்தவம் ஜபந்தஸ்தமமீ ஜலாந்தரே
ப⁴வந்தமாஸேவிஷதாயுதம் ஸமா: ।
ப⁴வத்ஸுகா²ஸ்வாத³ரஸாத³மீஷ்வியான்
ப³பூ⁴வ காலோ த்⁴ருவவன்ன ஶீக்⁴ரதா ॥4॥

தபோபி⁴ரேஷாமதிமாத்ரவர்தி⁴பி⁴:
ஸ யஜ்ஞஹிம்ஸானிரதோபி பாவித: ।
பிதாபி தேஷாம் க்³ருஹயாதனாரத-³
ப்ரத³ர்ஶிதாத்மா ப⁴வதா³த்மதாம் யயௌ ॥5॥

க்ருபாப³லேனைவ புர: ப்ரசேதஸாம்
ப்ரகாஶமாகா³: பதகே³ந்த்³ரவாஹன: ।
விராஜி சக்ராதி³வராயுதா⁴ம்ஶுபி⁴-
ர்பு⁴ஜாபி⁴ரஷ்டாபி⁴ருத³ஞ்சிதத்³யுதி: ॥6॥

ப்ரசேதஸாம் தாவத³யாசதாமபி
த்வமேவ காருண்யப⁴ராத்³வரானதா³: ।
ப⁴வத்³விசிந்தாபி ஶிவாய தே³ஹினாம்
ப⁴வத்வஸௌ ருத்³ரனுதிஶ்ச காமதா³ ॥7॥

அவாப்ய காந்தாம் தனயாம் மஹீருஹாம்
தயா ரமத்⁴வம் த³ஶலக்ஷவத்ஸரீம் ।
ஸுதோஸ்து த³க்ஷோ நனு தத்க்ஷணாச்ச மாம்
ப்ரயாஸ்யதே²தி ந்யக³தோ³ முதை³வ தான் ॥8॥

ததஶ்ச தே பூ⁴தலரோதி⁴னஸ்தரூன்
க்ருதா⁴ த³ஹந்தோ த்³ருஹிணேன வாரிதா: ।
த்³ருமைஶ்ச த³த்தாம் தனயாமவாப்ய தாம்
த்வது³க்தகாலம் ஸுகி²னோபி⁴ரேமிரே ॥9॥

அவாப்ய த³க்ஷம் ச ஸுதம் க்ருதாத்⁴வரா:
ப்ரசேதஸோ நாரத³லப்³த⁴யா தி⁴யா ।
அவாபுரானந்த³பத³ம் ததா²வித-⁴
ஸ்த்வமீஶ வாதாலயனாத² பாஹி மாம் ॥1௦॥