நாராயணீயம் த³ஶக 16 – நரனாராயணாவதாரம் ததா² த³க்ஷயாக:³

த³க்ஷோ விரிஞ்சதனயோத² மனோஸ்தனூஜாம்
லப்³த்⁴வா ப்ரஸூதிமிஹ ஷோட³ஶ சாப கன்யா: ।
த⁴ர்மே த்ரயோத³ஶ த³தௌ³ பித்ருஷு ஸ்வதா⁴ம் ச
ஸ்வாஹாம் ஹவிர்பு⁴ஜி ஸதீம் கி³ரிஶே த்வத³ம்ஶே ॥1॥

மூர்திர்ஹி த⁴ர்மக்³ருஹிணீ ஸுஷுவே ப⁴வந்தம்
நாராயணம் நரஸக²ம் மஹிதானுபா⁴வம் ।
யஜ்ஜன்மனி ப்ரமுதி³தா: க்ருததூர்யகோ⁴ஷா:
புஷ்போத்கரான் ப்ரவவ்ருஷுர்னுனுவு: ஸுரௌகா⁴: ॥2॥

தை³த்யம் ஸஹஸ்ரகவசம் கவசை: பரீதம்
ஸாஹஸ்ரவத்ஸரதபஸ்ஸமராபி⁴லவ்யை: ।
பர்யாயனிர்மிததபஸ்ஸமரௌ ப⁴வந்தௌ
ஶிஷ்டைககங்கடமமும் ந்யஹதாம் ஸலீலம் ॥3॥

அன்வாசரன்னுபதி³ஶன்னபி மோக்ஷத⁴ர்மம்
த்வம் ப்⁴ராத்ருமான் ப³த³ரிகாஶ்ரமமத்⁴யவாத்ஸீ: ।
ஶக்ரோத² தே ஶமதபோப³லனிஸ்ஸஹாத்மா
தி³வ்யாங்க³னாபரிவ்ருதம் ப்ரஜிகா⁴ய மாரம் ॥4॥

காமோ வஸந்தமலயானிலப³ந்து⁴ஶாலீ
காந்தாகடாக்ஷவிஶிகை²ர்விகஸத்³விலாஸை: ।
வித்⁴யன்முஹுர்முஹுரகம்பமுதீ³க்ஷ்ய ச த்வாம்
பீ⁴ருஸ்த்வயாத² ஜக³தே³ ம்ருது³ஹாஸபா⁴ஜா ॥5॥

பீ⁴த்யாலமங்கஜ³ வஸந்த ஸுராங்க³னா வோ
மன்மானஸம் த்விஹ ஜுஷத்⁴வமிதி ப்³ருவாண: ।
த்வம் விஸ்மயேன பரித: ஸ்துவதாமதை²ஷாம்
ப்ராத³ர்ஶய: ஸ்வபரிசாரககாதராக்ஷீ: ॥6॥

ஸம்மோஹனாய மிலிதா மத³னாத³யஸ்தே
த்வத்³தா³ஸிகாபரிமலை: கில மோஹமாபு: ।
த³த்தாம் த்வயா ச ஜக்³ருஹுஸ்த்ரபயைவ ஸர்வ-
ஸ்வர்வாஸிக³ர்வஶமனீம் புனருர்வஶீம் தாம் ॥7॥

த்³ருஷ்ட்வோர்வஶீம் தவ கதா²ம் ச நிஶம்ய ஶக்ர:
பர்யாகுலோஜனி ப⁴வன்மஹிமாவமர்ஶாத் ।
ஏவம் ப்ரஶாந்தரமணீயதராவதாரா-
த்த்வத்தோதி⁴கோ வரத³ க்ருஷ்ணதனுஸ்த்வமேவ ॥8॥

த³க்ஷஸ்து தா⁴துரதிலாலனயா ரஜோந்தோ⁴
நாத்யாத்³ருதஸ்த்வயி ச கஷ்டமஶாந்திராஸீத் ।
யேன வ்யருந்த⁴ ஸ ப⁴வத்தனுமேவ ஶர்வம்
யஜ்ஞே ச வைரபிஶுனே ஸ்வஸுதாம் வ்யமானீத் ॥9॥

க்ருத்³தே⁴ஶமர்தி³தமக:² ஸ து க்ருத்தஶீர்ஷோ
தே³வப்ரஸாதி³தஹராத³த² லப்³தஜ⁴ீவ: ।
த்வத்பூரிதக்ரதுவர: புனராப ஶாந்திம்
ஸ த்வம் ப்ரஶாந்திகர பாஹி மருத்புரேஶ ॥1௦॥