நாராயணீயம் த³ஶக 14 – கபிலாவதாரம்

ஸமனுஸ்ம்ருததாவகாங்க்⁴ரியுக்³ம:
ஸ மனு: பங்கஜஸம்ப⁴வாங்கஜ³ன்மா ।
நிஜமந்தரமந்தராயஹீனம்
சரிதம் தே கத²யன் ஸுக²ம் நினாய ॥1॥

ஸமயே க²லு தத்ர கர்த³மாக்²யோ
த்³ருஹிணச்சா²யப⁴வஸ்ததீ³யவாசா ।
த்⁴ருதஸர்க³ரஸோ நிஸர்க³ரம்யம்
ப⁴க³வம்ஸ்த்வாமயுதம் ஸமா: ஸிஷேவே ॥2॥

க³ருடோ³பரி காலமேக⁴க்ரமம்
விலஸத்கேலிஸரோஜபாணிபத்³மம் ।
ஹஸிதோல்லஸிதானனம் விபோ⁴ த்வம்
வபுராவிஷ்குருஷே ஸ்ம கர்த³மாய ॥3॥

ஸ்துவதே புலகாவ்ருதாய தஸ்மை
மனுபுத்ரீம் த³யிதாம் நவாபி புத்ரீ: ।
கபிலம் ச ஸுதம் ஸ்வமேவ பஶ்சாத்
ஸ்வக³திம் சாப்யனுக்³ருஹ்ய நிர்க³தோபூ⁴: ॥4॥

ஸ மனு: ஶதரூபயா மஹிஷ்யா
கு³ணவத்யா ஸுதயா ச தே³வஹூத்யா ।
ப⁴வதீ³ரிதனாரதோ³பதி³ஷ்ட:
ஸமகா³த் கர்த³மமாக³திப்ரதீக்ஷம் ॥5॥

மனுனோபஹ்ருதாம் ச தே³வஹூதிம்
தருணீரத்னமவாப்ய கர்த³மோஸௌ ।
ப⁴வத³ர்சனனிவ்ருதோபி தஸ்யாம்
த்³ருட⁴ஶுஶ்ரூஷணயா த³தௌ⁴ ப்ரஸாத³ம் ॥6॥

ஸ புனஸ்த்வது³பாஸனப்ரபா⁴வா-
த்³த³யிதாகாமக்ருதே க்ருதே விமானே ।
வனிதாகுலஸங்குலோ நவாத்மா
வ்யஹரத்³தே³வபதே²ஷு தே³வஹூத்யா ॥7॥

ஶதவர்ஷமத² வ்யதீத்ய ஸோயம்
நவ கன்யா: ஸமவாப்ய த⁴ன்யரூபா: ।
வனயானஸமுத்³யதோபி காந்தா-
ஹிதக்ருத்த்வஜ்ஜனனோத்ஸுகோ ந்யவாத்ஸீத் ॥8॥

நிஜப⁴ர்த்ருகி³ரா ப⁴வன்னிஷேவா-
நிரதாயாமத² தே³வ தே³வஹூத்யாம் ।
கபிலஸ்த்வமஜாயதா² ஜனானாம்
ப்ரத²யிஷ்யன் பரமாத்மதத்த்வவித்³யாம் ॥9॥

வனமேயுஷி கர்த³மே ப்ரஸன்னே
மதஸர்வஸ்வமுபாதி³ஶன் ஜனன்யை ।
கபிலாத்மக வாயுமந்தி³ரேஶ
த்வரிதம் த்வம் பரிபாஹி மாம் க³தௌ³கா⁴த் ॥1௦॥