முண்ட³க உபனிஷத்³ – த்³விதீய முண்டக³, ப்ரத²ம காண்ட:³

॥ த்³விதீய முண்ட³கே ப்ரத²ம: க²ண்ட:³ ॥

ததே³தத் ஸத்யம்
யதா² ஸுதீ³ப்தாத் பாவகாத்³விஸ்பு²லிங்கா³:
ஸஹஸ்ரஶ: ப்ரப⁴வந்தே ஸரூபா: ।
ததா²க்ஷராத்³விவிதா⁴: ஸோம்ய பா⁴வா:
ப்ரஜாயந்தே தத்ர சைவாபி யந்தி ॥ 1॥

தி³வ்யோ ஹ்யமூர்த: புருஷ: ஸ பா³ஹ்யாப்⁴யந்தரோ ஹ்யஜ: ।
அப்ராணோ ஹ்யமனா: ஶுப்⁴ரோ ஹ்யக்ஷராத் பரத: பர: ॥ 2॥

ஏதஸ்மாஜ்ஜாயதே ப்ராணோ மன: ஸர்வேந்த்³ரியாணி ச ।
க²ம் வாயுர்ஜ்யோதிராப: ப்ருதி²வீ விஶ்வஸ்ய தா⁴ரிணீ ॥ 3॥

அக்³னிர்மூர்தா⁴ சக்ஷுஷீ சந்த்³ரஸூர்யௌ
தி³ஶ: ஶ்ரோத்ரே வாக்³ விவ்ருதாஶ்ச வேதா³: ।
வாயு: ப்ராணோ ஹ்ருத³யம் விஶ்வமஸ்ய பத்³ப்⁴யாம்
ப்ருதி²வீ ஹ்யேஷ ஸர்வபூ⁴தாந்தராத்மா ॥ 4॥

தஸ்மாத³க்³னி: ஸமிதோ⁴ யஸ்ய ஸூர்ய:
ஸோமாத் பர்ஜன்ய ஓஷத⁴ய: ப்ருதி²வ்யாம் ।
புமான் ரேத: ஸிஞ்சதி யோஷிதாயாம்
ப³ஹ்வீ: ப்ரஜா: புருஷாத் ஸம்ப்ரஸூதா: ॥ 5॥

தஸ்மாத்³ருச: ஸாம யஜூம்ஷி தீ³க்ஷா
யஜ்ஞாஶ்ச ஸர்வே க்ரதவோ த³க்ஷிணாஶ்ச ।
ஸம்வத்ஸரஶ்ச யஜமானஶ்ச லோகா:
ஸோமோ யத்ர பவதே யத்ர ஸூர்ய: ॥ 6॥

தஸ்மாச்ச தே³வா ப³ஹுதா⁴ ஸம்ப்ரஸூதா:
ஸாத்⁴யா மனுஷ்யா: பஶவோ வயாம்ஸி ।
ப்ராணாபானௌ வ்ரீஹியவௌ தபஶ்ச
ஶ்ரத்³தா⁴ ஸத்யம் ப்³ரஹ்மசர்யம் விதி⁴ஶ்ச ॥ 7॥

ஸப்த ப்ராணா: ப்ரப⁴வந்தி தஸ்மாத்
ஸப்தார்சிஷ: ஸமித:⁴ ஸப்த ஹோமா: ।
ஸப்த இமே லோகா யேஷு சரந்தி ப்ராணா
கு³ஹாஶயா நிஹிதா: ஸப்த ஸப்த ॥ 8॥

அத: ஸமுத்³ரா கி³ரயஶ்ச ஸர்வேஸ்மாத்
ஸ்யந்த³ந்தே ஸிந்த⁴வ: ஸர்வரூபா: ।
அதஶ்ச ஸர்வா ஓஷத⁴யோ ரஸஶ்ச
யேனைஷ பூ⁴தைஸ்திஷ்ட²தே ஹ்யந்தராத்மா ॥ 9॥

புருஷ ஏவேத³ம் விஶ்வம் கர்ம தபோ ப்³ரஹ்ம பராம்ருதம் ।
ஏதத்³யோ வேத³ நிஹிதம் கு³ஹாயாம்
ஸோவித்³யாக்³ரந்தி²ம் விகிரதீஹ ஸோம்ய ॥ 1௦॥

॥ இதி முண்ட³கோபனிஷதி³ த்³விதீயமுண்ட³கே ப்ரத²ம: க²ண்ட:³ ॥