மூக பஞ்ச ஶதி 1 – ஆர்ய ஶதகம்

காரணபரசித்³ரூபா காஞ்சீபுரஸீம்னி காமபீட²க³தா ।
காசன விஹரதி கருணா காஶ்மீரஸ்தப³ககோமலாங்க³லதா ॥1॥

கஞ்சன காஞ்சீனிலயம் கரத்⁴ருதகோத³ண்ட³பா³ணஸ்ருணிபாஶம் ।
கடி²னஸ்தனப⁴ரனம்ரம் கைவல்யானந்த³கந்த³மவலம்பே³ ॥2॥

சிந்திதப²லபரிபோஷணசிந்தாமணிரேவ காஞ்சினிலயா மே ।
சிரதரஸுசரிதஸுலபா⁴ சித்தம் ஶிஶிரயது சித்ஸுகா²தா⁴ரா ॥3॥

குடிலகசம் கடி²னகுசம் குந்த³ஸ்மிதகாந்தி குங்குமச்சா²யம் ।
குருதே விஹ்ருதிம் காஞ்ச்யாம் குலபர்வதஸார்வபௌ⁴மஸர்வஸ்வம் ॥4॥

பஞ்சஶரஶாஸ்த்ரபோ³த⁴னபரமாசார்யேண த்³ருஷ்டிபாதேன ।
காஞ்சீஸீம்னி குமாரீ காசன மோஹயதி காமஜேதாரம் ॥5॥

பரயா காஞ்சீபுரயா பர்வதபர்யாயபீனகுசப⁴ரயா ।
பரதந்த்ரா வயமனயா பங்கஜஸப்³ரஹ்மசாரிலோசனயா ॥6॥

ஐஶ்வர்யமிந்து³மௌலேரைகத்ம்யப்ரக்ருதி காஞ்சிமத்⁴யக³தம் ।
ஐந்த³வகிஶோரஶேக²ரமைத³ம்பர்யம் சகாஸ்தி நிக³மானாம் ॥7॥

ஶ்ரிதகம்பஸீமானம் ஶிதி²லிதபரமஶிவதை⁴ர்யமஹிமானம் ।
கலயே படலிமானம் கஞ்சன கஞ்சுகிதபு⁴வனபூ⁴மானம் ॥8॥

ஆத்³ருதகாஞ்சீனிலயமாத்³யாமாரூட⁴யௌவனாடோபாம் ।
ஆக³மவதம்ஸகலிகாமானந்தா³த்³வைதகந்த³லீம் வந்தே³ ॥9॥

துங்கா³பி⁴ராமகுசப⁴ரஶ்ருங்கா³ரிதமாஶ்ரயாமி காஞ்சிக³தம் ।
க³ங்கா³த⁴ரபரதந்த்ரம் ஶ்ருங்கா³ராத்³வைததந்த்ரஸித்³தா⁴ந்தம் ॥1௦॥

காஞ்சீரத்னவிபூ⁴ஷாம் காமபி கந்த³ர்பஸூதிகாபாங்கீ³ம் ।
பரமாம் கலாமுபாஸே பரஶிவவாமாங்கபீடி²காஸீனாம் ॥11॥

கம்பாதீசராணாம் கருணாகோரகிதத்³ருஷ்டிபாதானாம் ।
கேலீவனம் மனோ மே கேஷாஞ்சித்³ப⁴வது சித்³விலாஸானாம் ॥12॥

ஆம்ரதருமூலவஸதேராதி³மபுருஷஸ்ய நயனபீயூஷம் ।
ஆரப்³த⁴யௌவனோத்ஸவமாம்னாயரஹஸ்யமந்தரவலம்பே³ ॥13॥

அதி⁴காஞ்சி பரமயோகி³பி⁴ராதி³மபரபீட²ஸீம்னி த்³ருஶ்யேன ।
அனுப³த்³த⁴ம் மம மானஸமருணிமஸர்வஸ்வஸம்ப்ரதா³யேன ॥14॥

அங்கிதஶங்கரதே³ஹாமங்குரிதோரோஜகங்கணாஶ்லேஷை: ।
அதி⁴காஞ்சி நித்யதருணீமத்³ராக்ஷம் காஞ்சித³த்³பு⁴தாம் பா³லாம் ॥15॥

மது⁴ரத⁴னுஷா மஹீத⁴ரஜனுஷா நந்தா³மி ஸுரபி⁴பா³ணஜுஷா ।
சித்³வபுஷா காஞ்சிபுரே கேலிஜுஷா ப³ந்து⁴ஜீவகாந்திமுஷா ॥16॥

மது⁴ரஸ்மிதேன ரமதே மாம்ஸலகுசபா⁴ரமந்த³க³மனேன ।
மத்⁴யேகாஞ்சி மனோ மே மனஸிஜஸாம்ராஜ்யக³ர்வபீ³ஜேன ॥17॥

த⁴ரணிமயீம் தரணிமயீம் பவனமயீம் க³க³னத³ஹனஹோத்ருமயீம் ।
அம்பு³மயீமிந்து³மயீமம்பா³மனுகம்பமாதி³மாமீக்ஷே ॥18॥

லீனஸ்தி²தி முனிஹ்ருத³யே த்⁴யானஸ்திமிதம் தபஸ்யது³பகம்பம் ।
பீனஸ்தனப⁴ரமீடே³ மீனத்⁴வஜதந்த்ரபரமதாத்பர்யம் ॥19॥

ஶ்வேதா மந்த²ரஹஸிதே ஶாதா மத்⁴யே ச வாட்³ப⁴னோதீதா ।
ஶீதா லோசனபாதே ஸ்பீ²தா குசஸீம்னி ஶாஶ்வதீ மாதா ॥2௦॥

புரத: கதா³ ந கரவை புரவைரிவிமர்த³புலகிதாங்க³லதாம் ।
புனதீம் காஞ்சீதே³ஶம் புஷ்பாயுத⁴வீர்யஸரஸபரிபாடீம் ॥21॥

புண்யா காபி புரந்த்⁴ரீ புங்கி²தகந்த³ர்பஸம்பதா³ வபுஷா ।
புலினசரீ கம்பாயா: புரமத²னம் புலகனிசுலிதம் குருதே ॥22॥

தனிமாத்³வைதவலக்³னம் தருணாருணஸம்ப்ரதா³யதனுலேக²ம் ।
தடஸீமனி கம்பாயாஸ்தருணிமஸர்வஸ்வமாத்³யமத்³ராக்ஷம் ॥23॥

பௌஷ்டிககர்மவிபாகம் பௌஷ்பஶரம் ஸவித⁴ஸீம்னி கம்பாயா: ।
அத்³ராக்ஷமாத்தயௌவனமப்⁴யுத³யம் கஞ்சித³ர்த⁴ஶஶிமௌலை: ॥24॥

ஸம்ஶ்ரிதகாஞ்சீதே³ஶே ஸரஸிஜதௌ³ர்பா⁴க்³யஜாக்³ரது³த்தம்ஸே ।
ஸம்வின்மயே விலீயே ஸாரஸ்வதபுருஷகாரஸாம்ராஜ்யே ॥25॥

மோதி³தமது⁴கரவிஶிக²ம் ஸ்வாதி³மஸமுதா³யஸாரகோத³ண்ட³ம் ।
ஆத்³ருதகாஞ்சீகே²லனமாதி³மமாருண்யபே⁴த³மாகலயே ॥26॥

உரரீக்ருதகாஞ்சிபுரீமுபனிஷத³ரவிந்த³குஹரமது⁴தா⁴ராம் ।
உன்னம்ரஸ்தனகலஶீமுத்ஸவலஹரீமுபாஸ்மஹே ஶம்போ⁴: ॥27॥

ஏணஶிஶுதீ³ர்க⁴லோசனமேன:பரிபந்தி² ஸந்ததம் பஜ⁴தாம் ।
ஏகாம்ரனாதஜ²ீவிதமேவம்பத³தூ³ரமேகமவலம்பே³ ॥28॥

ஸ்மயமானமுக²ம் காஞ்சீப⁴யமானம் கமபி தே³வதாபே⁴த³ம் ।
த³யமானம் வீக்ஷ்ய முஹுர்வயமானந்தா³ம்ருதாம்பு³தௌ⁴ மக்³னா: ॥29॥

குதுகஜுஷி காஞ்சிதே³ஶே குமுத³தபோராஶிபாகஶேக²ரிதே ।
குருதே மனோவிஹாரம் குலகி³ரிபரிப்³ருட⁴குலைகமணிதீ³பே ॥3௦॥

வீக்ஷேமஹி காஞ்சிபுரே விபுலஸ்தனகலஶக³ரிமபரவஶிதம் ।
வித்³ருமஸஹசரதே³ஹம் விப்⁴ரமஸமவாயஸாரஸன்னாஹம் ॥31॥

குருவிந்த³கோ³த்ரகா³த்ரம் கூலசரம் கமபி நௌமி கம்பாயா: ।
கூலங்கஷகுசகும்ப⁴ம் குஸுமாயுத⁴வீர்யஸாரஸம்ரம்ப⁴ம் ॥32॥

குடூ³மலிதகுசகிஶோரை: குர்வாணை: காஞ்சிதே³ஶஸௌஹார்த³ம் ।
குங்குமஶோணைர்னிசிதம் குஶலபத²ம் ஶம்பு⁴ஸுக்ருதஸம்பா⁴ரை: ॥33॥

அங்கிதகசேன கேனசித³ந்த⁴ங்கரணௌஷதே⁴ன கமலானாம் ।
அந்த:புரேண ஶம்போ⁴ரலங்க்ரியா காபி கல்ப்யதே காஞ்ச்யாம் ॥34॥

ஊரீகரோமி ஸந்ததமூஷ்மலபா²லேன லலிதம் பும்ஸா ।
உபகம்பமுசிதகே²லனமுர்வீத⁴ரவம்ஶஸம்பது³ன்மேஷம் ॥35॥

அங்குரிதஸ்தனகோரகமங்காலங்காரமேகசூதபதே: ।
ஆலோகேமஹி கோமலமாக³மஸம்லாபஸாரயாதா²ர்த்²யம் ॥36॥

புஞ்ஜிதகருணமுத³ஞ்சிதஶிஞ்ஜிதமணிகாஞ்சி கிமபி காஞ்சிபுரே ।
மஞ்ஜரிதம்ருது³லஹாஸம் பிஞ்ஜரதனுருசி பினாகிமூலத⁴னம் ॥37॥

லோலஹ்ருத³யோஸ்தி ஶம்போ⁴ர்லோசனயுக³லேன லேஹ்யமானாயாம் ।
லலிதபரமஶிவாயாம் லாவண்யாம்ருததரங்க³மாலாயாம் ॥38॥

மது⁴கரஸஹசரசிகுரைர்மத³னாக³மஸமயதீ³க்ஷிதகடாக்ஷை: ।
மண்டி³தகம்பாதீரைர்மங்க³லகந்தை³ர்மமாஸ்து ஸாரூப்யம் ॥39॥

வத³னாரவிந்த³வக்ஷோவாமாங்கதடீவஶம்வதீ³பூ⁴தா ।
பூருஷத்ரிதயே த்ரேதா⁴ புரந்த்⁴ரிரூபா த்வமேவ காமாக்ஷி ॥4௦॥

பா³தா⁴கரீம் ப⁴வாப்³தே⁴ராதா⁴ராத்³யம்பு³ஜேஷு விசரந்தீம் ।
ஆதா⁴ரீக்ருதகாஞ்சீ போ³தா⁴ம்ருதவீசிமேவ விம்ருஶாம: ॥41॥

கலயாம்யந்த: ஶஶத⁴ரகலயாங்கிதமௌலிமமலசித்³வலயாம் ।
அலயாமாக³மபீடீ²னிலயாம் வலயாங்கஸுந்த³ரீமம்பா³ம் ॥42॥

ஶர்வாதி³பரமஸாத⁴ககு³ர்வானீதாய காமபீடஜ²ுஷே ।
ஸர்வாக்ருதயே ஶோணிமக³ர்வாயாஸ்மை ஸமர்ப்யதே ஹ்ருத³யம் ॥43॥

ஸமயா ஸாந்த்⁴யமயூகை²: ஸமயா பு³த்³த⁴யா ஸதை³வ ஶீலிதயா ।
உமயா காஞ்சீரதயா ந மயா லப்⁴யதே கிம் நு தாதா³த்ம்யம் ॥44॥

ஜந்தோஸ்தவ பத³பூஜனஸந்தோஷதரங்கி³தஸ்ய காமாக்ஷி ।
வந்தோ⁴ யதி³ ப⁴வதி புன: ஸிந்தோ⁴ரம்ப⁴ஸ்ஸு ப³ம்ப்⁴ரமீதி ஶிலா ॥45॥

குண்ட³லி குமாரி குடிலே சண்டி³ சராசரஸவித்ரி சாமுண்டே³ ।
கு³ணினி கு³ஹாரிணி கு³ஹ்யே கு³ருமூர்தே த்வாம் நமாமி காமாக்ஷி ॥46॥

அபி⁴தா³க்ருதிர்பி⁴தா³க்ருதிரசிதா³க்ருதிரபி சிதா³க்ருதிர்மாத: ।
அனஹந்தா த்வமஹந்தா ப்⁴ரமயஸி காமாக்ஷி ஶாஶ்வதீ விஶ்வம் ॥47॥

ஶிவ ஶிவ பஶ்யந்தி ஸமம் ஶ்ரீகாமாக்ஷீகடாக்ஷிதா: புருஷா: ।
விபினம் ப⁴வனமமித்ரம் மித்ரம் லோஷ்டம் ச யுவதிபி³ம்போ³ஷ்ட²ம் ॥48॥

காமபரிபந்தி²காமினி காமேஶ்வரி காமபீட²மத்⁴யக³தே ।
காமது³கா⁴ ப⁴வ கமலே காமகலே காமகோடி காமாக்ஷி ॥49॥

மத்⁴யேஹ்ருத³யம் மத்⁴யேனிடிலம் மத்⁴யேஶிரோபி வாஸ்தவ்யாம் ।
சண்ட³கரஶக்ரகார்முகசந்த்³ரஸமாபா⁴ம் நமாமி காமாக்ஷீம் ॥5௦॥

அதி⁴காஞ்சி கேலிலோலைரகி²லாக³மயந்த்ரதந்த்ரமயை: ।
அதிஶீதம் மம மானஸமஸமஶரத்³ரோஹிஜீவனோபாயை: ॥51॥

நந்த³தி மம ஹ்ருதி³ காசன மந்தி³ரயந்தீ நிரந்தரம் காஞ்சீம் ।
இந்து³ரவிமண்ட³லகுசா பி³ந்து³வியன்னாத³பரிணதா தருணீ ॥52॥

ஶம்பாலதாஸவர்ணம் ஸம்பாத³யிதும் ப⁴வஜ்வரசிகித்ஸாம் ।
லிம்பாமி மனஸி கிஞ்சன கம்பாதடரோஹி ஸித்³த⁴பை⁴ஷஜ்யம் ॥53॥

அனுமிதகுசகாடி²ன்யாமதி⁴வக்ஷ:பீட²மங்கஜ³ன்மரிபோ: ।
ஆனந்த³தா³ம் பஜ⁴ே தாமானங்க³ப்³ரஹ்மதத்வபோ³த⁴ஸிராம் ॥54॥

ஐக்ஷிஷி பாஶாங்குஶத⁴ரஹஸ்தாந்தம் விஸ்மயார்ஹவ்ருத்தாந்தம் ।
அதி⁴காஞ்சி நிக³மவாசாம் ஸித்³தா⁴ந்தம் ஶூலபாணிஶுத்³தா⁴ந்தம் ॥55॥

ஆஹிதவிலாஸப⁴ங்கீ³மாப்³ரஹ்மஸ்தம்ப³ஶில்பகல்பனயா ।
ஆஶ்ரிதகாஞ்சீமதுலாமாத்³யாம் விஸ்பூ²ர்திமாத்³ரியே வித்³யாம் ॥56॥

மூகோபி ஜடிலது³ர்க³திஶோகோபி ஸ்மரதி ய: க்ஷணம் ப⁴வதீம் ।
ஏகோ ப⁴வதி ஸ ஜந்துர்லோகோத்தரகீர்திரேவ காமாக்ஷி ॥57॥

பஞ்சத³ஶவர்ணரூபம் கஞ்சன காஞ்சீவிஹாரதௌ⁴ரேயம் ।
பஞ்சஶரீயம் ஶம்போ⁴ர்வஞ்சனவைத³க்³த்⁴யமூலமவலம்பே³ ॥58॥

பரிணதிமதீம் சதுர்தா⁴ பத³வீம் ஸுதி⁴யாம் ஸமேத்ய ஸௌஷும்னீம் ।
பஞ்சாஶத³ர்ணகல்பிதமத³ஶில்பாம் த்வாம் நமாமி காமாக்ஷி ॥59॥

ஆதி³க்ஷன்மம கு³ருராடா³தி³க்ஷாந்தாக்ஷராத்மிகாம் வித்³யாம் ।
ஸ்வாதி³ஷ்ட²சாபத³ண்டா³ம் நேதி³ஷ்டா²மேவ காமபீட²க³தாம் ॥6௦॥

துஷ்யாமி ஹர்ஷிதஸ்மரஶாஸனயா காஞ்சிபுரக்ருதாஸனயா ।
ஸ்வாஸனயா ஸகலஜக³த்³பா⁴ஸனயா கலிதஶம்ப³ராஸனயா ॥61॥

ப்ரேமவதீ கம்பாயாம் ஸ்தே²மவதீ யதிமனஸ்ஸு பூ⁴மவதீ ।
ஸாமவதீ நித்யகி³ரா ஸோமவதீ ஶிரஸி பா⁴தி ஹைமவதீ ॥62॥

கௌதுகினா கம்பாயாம் கௌஸுமசாபேன கீலிதேனாந்த: ।
குலதை³வதேன மஹதா குட்³மலமுத்³ராம் து⁴னோது ந:ப்ரதிபா⁴ ॥63॥

யூனா கேனாபி மிலத்³தே³ஹா ஸ்வாஹாஸஹாயதிலகேன ।
ஸஹகாரமூலதே³ஶே ஸம்வித்³ரூபா குடும்பி³னீ ரமதே ॥64॥

குஸுமஶரக³ர்வஸம்பத்கோஶக்³ருஹம் பா⁴தி காஞ்சிதே³ஶக³தம் ।
ஸ்தா²பிதமஸ்மின்கத²மபி கோ³பிதமந்தர்மயா மனோரத்னம் ॥65॥

த³க்³த⁴ஷட³த்⁴வாரண்யம் த³ரத³லிதகுஸும்ப⁴ஸம்ப்⁴ருதாருண்யம் ।
கலயே நவதாருண்யம் கம்பாதடஸீம்னி கிமபி காருண்யம் ॥66॥

அதி⁴காஞ்சி வர்த⁴மானாமதுலாம் கரவாணி பாரணாமக்ஷ்ணோ: ।
ஆனந்த³பாகபே⁴தா³மருணிமபரிணாமக³ர்வபல்லவிதாம் ॥67॥

பா³ணஸ்ருணிபாஶகார்முகபாணிமமும் கமபி காமபீட²க³தம் ।
ஏணத⁴ரகோணசூட³ம் ஶோணிமபரிபாகபே⁴த³மாகலயே ॥68॥

கிம் வா ப²லதி மமான்யௌர்பி³ம்பா³த⁴ரசும்பி³மந்த³ஹாஸமுகீ² ।
ஸம்பா³த⁴கரீ தமஸாமம்பா³ ஜாக³ர்தி மனஸி காமாக்ஷீ ॥69॥

மஞ்சே ஸதா³ஶிவமயே பரிஶிவமயலலிதபௌஷ்பபர்யங்கே ।
அதி⁴சக்ரமத்⁴யமாஸ்தே காமாக்ஷீ நாம கிமபி மம பா⁴க்³யம் ॥7௦॥

ரக்ஷ்யோஸ்மி காமபீடீ²லாஸிகயா க⁴னக்ருபாம்பு³ராஶிகயா ।
ஶ்ருதியுவதிகுந்தலீமணிமாலிகயா துஹினஶைலபா³லிகயா ॥71॥

லீயே புரஹரஜாயே மாயே தவ தருணபல்லவச்சா²யே ।
சரணே சந்த்³ராப⁴ரணே காஞ்சீஶரணே நதார்திஸம்ஹரணே ॥72॥

மூர்திமதி முக்திபீ³ஜே மூர்த்⁴னி ஸ்தப³கிதசகோரஸாம்ராஜ்யே ।
மோதி³தகம்பாகூலே முஹுர்முஹுர்மனஸி முமுதி³ஷாஸ்மாகம் ॥73॥

வேத³மயீம் நாத³மயீம் பி³ந்து³மயீம் பரபதோ³த்³யதி³ந்து³மயீம் ।
மந்த்ரமயீம் தந்த்ரமயீம் ப்ரக்ருதிமயீம் நௌமி விஶ்வவிக்ருதிமயீம் ॥74॥

புரமத²னபுண்யகோடீ புஞ்ஜிதகவிலோகஸூக்திரஸதா⁴டீ ।
மனஸி மம காமகோடீ விஹரது கருணாவிபாகபரிபாடீ ॥75॥

குடிலம் சடுலம் ப்ருது²லம் ம்ருது³லம் கசனயனஜக⁴னசரணேஷு ।
அவலோகிதமவலம்பி³தமதி⁴கம்பாதடமமேயமஸ்மாபி⁴: ॥76॥

ப்ரத்யங்முக்²யா த்³ருஷ்டயா ப்ரஸாத³தீ³பாங்குரேண காமாக்ஷ்யா: ।
பஶ்யாமி நிஸ்துலமஹோ பசேலிமம் கமபி பரஶிவோல்லாஸம் ॥77॥

வித்³யே விதா⁴த்ருவிஷயே காத்யாயனி காலி காமகோடிகலே ।
பா⁴ரதி பை⁴ரவி ப⁴த்³ரே ஶாகினி ஶாம்ப⁴வி ஶிவே ஸ்துவே ப⁴வதீம் ॥78॥

மாலினி மஹேஶசாலினி காஞ்சீகே²லினி விபக்ஷகாலினி தே ।
ஶூலினி வித்³ருமஶாலினி ஸுரஜனபாலினி கபாலினி நமோஸ்து ॥79॥

தே³ஶிக இதி கிம் ஶங்கே தத்தாத்³ருக்தவ நு தருணிமோன்மேஷ: ।
காமாக்ஷி ஶூலபாணே: காமாக³மஸமயதீ³க்ஷாயாம் ॥8௦॥

வேதண்ட³கும்ப⁴ட³ம்ப³ரவைதண்டி³ககுசப⁴ரார்தமத்⁴யாய ।
குங்குமருசே நமஸ்யாம் ஶங்கரனயனாம்ருதாய ரசயாம: ॥81॥

அதி⁴காஞ்சிதமணிகாஞ்சனகாஞ்சீமதி⁴காஞ்சி காஞ்சித³த்³ராக்ஷம் ।
அவனதஜனானுகம்பாமனுகம்பாகூலமஸ்மத³னுகூலாம் ॥82॥

பரிசிதகம்பாதீரம் பர்வதராஜன்யஸுக்ருதஸன்னாஹம் ।
பரகு³ருக்ருபயா வீக்ஷே பரமஶிவோத்ஸங்க³மங்க³லாப⁴ரணம் ॥83॥

த³க்³த⁴மத³னஸ்ய ஶம்போ⁴: ப்ரதீ²யஸீம் ப்³ரஹ்மசர்யவைத³க்³தீ⁴ம் ।
தவ தே³வி தருணிமஶ்ரீசதுரிமபாகோ ந சக்ஷமே மாத: ॥84॥

மதஜ³லதமாலபத்ரா வஸனிதபத்ரா கராத்³ருதகா²னித்ரா ।
விஹரதி புலிந்த³யோஷா கு³ஞ்ஜாபூ⁴ஷா ப²ணீந்த்³ரக்ருதவேஷா ॥85॥

அங்கே ஶுகினீ கீ³தே கௌதுகினீ பரிஸரே ச கா³யகினீ ।
ஜயஸி ஸவிதே⁴ம்ப³ பை⁴ரவமண்ட³லினீ ஶ்ரவஸி ஶங்க²குன்ட³லினீ ॥86॥

ப்ரணதஜனதாபவர்கா³ க்ருதப³ஹுஸர்கா³ ஸஸிம்ஹஸம்ஸர்கா³ ।
காமாக்ஷி முதி³தப⁴ர்கா³ ஹதரிபுவர்கா³ த்வமேவ ஸா து³ர்கா³ ॥87॥

ஶ்ரவணசலத்³வேதண்டா³ ஸமரோத்³த³ண்டா³ து⁴தாஸுரஶிக²ண்டா³ ।
தே³வி கலிதாந்த்ரஷண்டா³ த்⁴ருதனரமுண்டா³ த்வமேவ சாமுண்டா³ ॥88॥

உர்வீத⁴ரேந்த்³ரகன்யே த³ர்வீப⁴ரிதேன ப⁴க்தபூரேண ।
கு³ர்வீமகிஞ்சனார்தி க²ர்வீகுருஷே த்வமேவ காமாக்ஷி ॥89॥

தாடி³தரிபுபரிபீட³னப⁴யஹரண நிபுணஹலமுஸலா ।
க்ரோட³பதிபீ⁴ஷணமுகீ² க்ரீட³ஸி ஜக³தி த்வமேவ காமாக்ஷி ॥9௦॥

ஸ்மரமத²னவரணலோலா மன்மத²ஹேலாவிலாஸமணிஶாலா ।
கனகருசிசௌர்யஶீலா த்வமம்ப³ பா³லா கராப்³ஜத்⁴ருதமாலா ॥91॥

விமலபடீ கமலகுடீ புஸ்தகருத்³ராக்ஷஶஸ்தஹஸ்தபுடீ ।
காமாக்ஷி பக்ஷ்மலாக்ஷீ கலிதவிபஞ்சீ விபா⁴ஸி வைரிஞ்சீ ॥92॥

குங்குமருசிபிங்க³மஸ்ருக்பங்கிலமுண்டா³லிமண்டி³தம் மாத: ।
ஶ்ரீகாமாக்ஷி ததீ³யஸங்க³மகலாமந்தீ³ப⁴வத்கௌதுக:
ஜயதி தவ ரூபதே⁴யம் ஜபபடபுஸ்தகவராப⁴யகராப்³ஜம் ॥93॥

கனகமணிகலிதபூ⁴ஷாம் காலாயஸகலஹஶீலகாந்திகலாம் ।
காமாக்ஷி ஶீலயே த்வாம் கபாலஶூலாபி⁴ராமகரகமலாம் ॥94॥

லோஹிதிமபுஞ்ஜமத்⁴யே மோஹிதபு⁴வனே முதா³ நிரீக்ஷந்தே ।
வத³னம் தவ குவயுக³லம் காஞ்சீஸீமாம் ச கேபி காமாக்ஷி ॥95॥

ஜலதி⁴த்³விகு³ணிதஹுதப³ஹதி³ஶாதி³னேஶ்வரகலாஶ்வினேயத³லை: ।
நலினைர்மஹேஶி க³ச்ச²ஸி ஸர்வோத்தரகரகமலத³லமமலம் ॥96॥

ஸத்க்ருததே³ஶிகசரணா: ஸபீ³ஜனிர்பீ³ஜயோக³னிஶ்ரேண்யா ।
அபவர்க³ஸௌத⁴வலபீ⁴மாரோஹந்த்யம்ப³ கேபி தவ க்ருபயா ॥97॥

அந்தரபி ப³ஹிரபி த்வம் ஜந்துததேரந்தகாந்தக்ருத³ஹந்தே ।
சிந்திதஸந்தானவதாம் ஸந்ததமபி தந்தனீஷி மஹிமானம் ॥98॥

கலமஞ்ஜுலவாக³னுமிதக³லபஞ்ஜரக³தஶுகக்³ரஹௌத்கண்ட்²யாத் ।
அம்ப³ ரத³னாம்ப³ரம் தே பி³ம்ப³ப²லம் ஶம்ப³ராரிணா ந்யஸ்தம் ॥99॥

ஜய ஜய ஜக³த³ம்ப³ ஶிவே ஜய ஜய காமாக்ஷி ஜய ஜயாத்³ரிஸுதே ।
ஜய ஜய மஹேஶத³யிதே ஜய ஜய சித்³க³க³னகௌமுதீ³தா⁴ரே ॥1௦௦॥

ஆர்யாஶதகம் ப⁴க்த்யா பட²தாமார்யாகடாக்ஷேண ।
நிஸ்ஸரதி வத³னகமலாத்³வாணீ பீயூஷதோ⁴ரணீ தி³வ்யா ॥1௦1॥

॥ இதி ஆர்யாஶதகம் ஸம்பூர்ணம் ॥