மனீஷா பஞ்சகம்

ஸத்யாசார்யஸ்ய க³மனே கதா³சின்முக்தி தா³யகம் ।
காஶீக்ஶேத்ரம் ப்ரதி ஸஹ கௌ³ர்யா மார்கே³ து ஶ்ங்கரம் ॥ (அனுஷ்டுப்)

அந்த்யவேஷத⁴ரம் த்³ருஷ்ட்வா க³ச்ச² க³ச்சே²தி சாப்³ரவீத் ।
ஶங்கர:ஸோபி சாண்ட³லஸ்தம் புன: ப்ராஹ ஶ்ங்கரம் ॥ (அனுஷ்டுப்)

அன்னமயாத³ன்னமயமத²வா சைதன்யமேவ சைதன்யாத் ।
யதிவர தூ³ரீகர்தும் வாஞ்ச²ஸி கிம் ப்³ரூஹி க³ச்ச² க³ச்சே²தி ॥ (ஆர்யா வ்ருத்த)

ப்ரத்யக்³வஸ்துனி நிஸ்தரங்க³ஸஹஜானந்தா³வபோ³தா⁴ம்பு³தௌ⁴
விப்ரோயம் ஶ்வபசோயமித்யபி மஹான்கோயம் விபே⁴த³ப்⁴ரம: ।
கிம் க³ங்கா³ம்பு³னி பி³ம்பி³தேம்ப³ரமணௌ சாண்டா³லவீதீ²பய:
பூரே வாந்தரமஸ்தி காஞ்சனக⁴டீம்ருத்கும்ப⁴யோர்வாம்ப³ரே ॥ (ஶார்தூ³ல விக்ரீடி³த)

ஜாக்³ரத்ஸ்வப்னஸுஷுப்திஷு ஸ்பு²டதரா யா ஸம்விது³ஜ்ஜ்ரும்ப⁴தே
யா ப்³ரஹ்மாதி³பிபீலிகாந்ததனுஷு ப்ரோதா ஜக³த்ஸாக்ஷிணீ ।
ஸைவாஹம் ந ச த்³ருஶ்யவஸ்த்விதி த்³ருட⁴ப்ரஜ்ஞாபி யஸ்யாஸ்தி சே-
ச்சாண்டா³லோஸ்து ஸ து த்³விஜோஸ்து கு³ருரித்யேஷா மனீஷா மம ॥ 1॥

ப்³ரஹ்மைவாஹமித³ம் ஜக³ச்ச ஸகலம் சின்மாத்ரவிஸ்தாரிதம்
ஸர்வம் சைதத³வித்³யயா த்ரிகு³ணயாஶேஷம் மயா கல்பிதம் ।
இத்த²ம் யஸ்ய த்³ருடா⁴ மதி: ஸுக²தரே நித்யே பரே நிர்மலே
சாண்டா³லோஸ்து ஸ து த்³விஜோஸ்து கு³ருரித்யேஷா மனீஷா மம ॥ 2॥

ஶஶ்வன்னஶ்வரமேவ விஶ்வமகி²லம் நிஶ்சித்ய வாசா கு³ரோ-
ர்னித்யம் ப்³ரஹ்ம நிரந்தரம் விம்ருஶதா நிர்வ்யாஜஶாந்தாத்மனா ।
பூ⁴தம் பா⁴வி ச து³ஷ்க்ருதம் ப்ரத³ஹதா ஸம்வின்மயே பாவகே
ப்ராரப்³தா⁴ய ஸமர்பிதம் ஸ்வவபுரித்யேஷா மனீஷா மம ॥ 3॥

யா திர்யங்னரதே³வதாபி⁴ரஹமித்யந்த: ஸ்பு²டா க்³ருஹ்யதே
யத்³பா⁴ஸா ஹ்ருத³யாக்ஷதே³ஹவிஷயா பா⁴ந்தி ஸ்வதோசேதனா: ।
தாம் பா⁴ஸ்யை: பிஹிதார்கமண்ட³லனிபா⁴ம் ஸ்பூ²ர்திம் ஸதா³ பா⁴வய-
ந்யோகீ³ நிர்வ்ருதமானஸோ ஹி கு³ருரித்யேஷா மனீஷா மம ॥ 4॥

யத்ஸௌக்²யாம்பு³தி⁴லேஶலேஶத இமே ஶக்ராத³யோ நிர்வ்ருதா
யச்சித்தே நிதராம் ப்ரஶாந்தகலனே லப்³த்⁴வா முனிர்னிர்வ்ருத: ।
யஸ்மின்னித்யஸுகா²ம்பு³தௌ⁴ க³லிததீ⁴ர்ப்³ரஹ்மைவ ந ப்³ரஹ்மவித்³
ய: கஶ்சித்ஸ ஸுரேந்த்³ரவந்தி³தபதோ³ நூனம் மனீஷா மம ॥ 5॥

தா³ஸஸ்தேஹம் தே³ஹத்³ருஷ்ட்யாஸ்மி ஶம்போ⁴
ஜாதஸ்தேம்ஶோ ஜீவத்³ருஷ்ட்யா த்ரித்³ருஷ்டே ।
ஸர்வஸ்யாத்மன்னாத்மத்³ருஷ்ட்யா த்வமேவே-
த்யேவம் மே தீ⁴ர்னிஶ்சிதா ஸர்வஶாஸ்த்ரை: ॥

॥ இதி ஶ்ரீமச்ச²ங்கரப⁴க³வத: க்ருதௌ மனீஷாபஞ்சகம் ஸம்பூர்ணம் ॥