மணித்³வீப வர்ணன – 1 (தே³வீ பா⁴க³வதம்)

(ஶ்ரீதே³வீபா⁴க³வதம், த்³வாத³ஶ ஸ்கந்த⁴ம், த³ஶமோத்⁴யாய:, , மணித்³வீப வர்ணன – 1)

வ்யாஸ உவாச –
ப்³ரஹ்மலோகாதூ³ர்த்⁴வபா⁴கே³ ஸர்வலோகோஸ்தி ய: ஶ்ருத: ।
மணித்³வீப: ஸ ஏவாஸ்தி யத்ர தே³வீ விராஜதே ॥ 1 ॥

ஸர்வஸ்மாத³தி⁴கோ யஸ்மாத்ஸர்வலோகஸ்தத: ஸ்ம்ருத: ।
புரா பராம்ப³யைவாயம் கல்பிதோ மனஸேச்ச²யா ॥ 2 ॥

ஸர்வாதௌ³ நிஜவாஸார்த²ம் ப்ரக்ருத்யா மூலபூ⁴தயா ।
கைலாஸாத³தி⁴கோ லோகோ வைகுண்டா²த³பி சோத்தம: ॥ 3 ॥

கோ³லோகாத³பி ஸர்வஸ்மாத்ஸர்வலோகோதி⁴க: ஸ்ம்ருத: ।
நைதத்ஸமம் த்ரிலோக்யாம் து ஸுந்த³ரம் வித்³யதே க்வசித் ॥ 4 ॥

ச²த்ரீபூ⁴தம் த்ரிஜக³தோ ப⁴வஸந்தாபனாஶகம் ।
சா²யாபூ⁴தம் ததே³வாஸ்தி ப்³ரஹ்மாண்டா³னாம் து ஸத்தம ॥ 5 ॥

ப³ஹுயோஜனவிஸ்தீர்ணோ க³ம்பீ⁴ரஸ்தாவதே³வ ஹி ।
மணித்³வீபஸ்ய பரிதோ வர்ததே து ஸுதோ⁴த³தி⁴: ॥ 6 ॥

மருத்ஸங்க⁴ட்டனோத்கீர்ணதரங்க³ ஶதஸங்குல: ।
ரத்னாச்ச²வாலுகாயுக்தோ ஜ²ஷஶங்க³ஸமாகுல: ॥ 7 ॥

வீசிஸங்க⁴ர்ஷஸஞ்ஜாதலஹரீகணஶீதல: ।
நானாத்⁴வஜஸமாயுக்தா நானாபோதக³தாக³தை: ॥ 8 ॥

விராஜமான: பரிதஸ்தீரரத்னத்³ருமோ மஹான் ।
தது³த்தரமயோதா⁴துனிர்மிதோ க³க³னே தத: ॥ 9 ॥

ஸப்தயோஜனவிஸ்தீர்ண: ப்ராகாரோ வர்ததே மஹான் ।
நானாஶஸ்த்ரப்ரஹரணா நானாயுத்³த⁴விஶாரதா³: ॥ 1௦ ॥

ரக்ஷகா நிவஸந்த்யத்ர மோத³மானா: ஸமந்தத: ।
சதுர்த்³வாரஸமாயுக்தோ த்³வாரபாலஶதான்வித: ॥ 11 ॥

நானாக³ணை: பரிவ்ருதோ தே³வீப⁴க்தியுதைர்ன்ருப ।
த³ர்ஶனார்த²ம் ஸமாயாந்தி யே தே³வா ஜக³தீ³ஶிது: ॥ 12 ॥

தேஷாம் க³ணா வஸந்த்யத்ர வாஹனானி ச தத்ர ஹி ।
விமானஶதஸங்க⁴ர்ஷக⁴ண்டாஸ்வனஸமாகுல: ॥ 13 ॥

ஹயஹேஷாகு²ராகா⁴தப³தி⁴ரீக்ருததி³ம்முக:² ।
க³ணை: கிலகிலாராவைர்வேத்ரஹஸ்தைஶ்ச தாடி³தா: ॥ 14 ॥

ஸேவகா தே³வஸங்கா³னாம் ப்⁴ராஜந்தே தத்ர பூ⁴மிப ।
தஸ்மிங்கோலாஹலே ராஜன்னஶப்³த:³ கேனசித்க்வசித் ॥ 15 ॥

கஸ்யசிச்ச்²ரூயதேத்யந்தம் நானாத்⁴வனிஸமாகுலே ।
பதே³ பதே³ மிஷ்டவாரிபரிபூர்ணஸரான்ஸி ச ॥ 16 ॥

வாடிகா விவிதா⁴ ராஜன் ரத்னத்³ருமவிராஜிதா: ।
தது³த்தரம் மஹாஸாரதா⁴துனிர்மிதமண்ட³ல: ॥ 17 ॥

ஸாலோபரோ மஹானஸ்தி க³க³னஸ்பர்ஶி யச்சி²ர: ।
தேஜஸா ஸ்யாச்ச²தகு³ண: பூர்வஸாலாத³யம் பர: ॥ 18 ॥

கோ³புரத்³வாரஸஹிதோ ப³ஹுவ்ருக்ஷஸமன்வித: ।
யா வ்ருக்ஷஜாதய: ஸந்தி ஸர்வாஸ்தாஸ்தத்ர ஸந்தி ச ॥ 19 ॥

நிரந்தரம் புஷ்பயுதா: ஸதா³ ப²லஸமன்விதா: ।
நவபல்லவஸம்யுக்தா: பரஸௌரப⁴ஸங்குலா: ॥ 2௦ ॥

பனஸா ப³குலா லோத்⁴ரா: கர்ணிகாராஶ்ச ஶிம்ஶபா: ।
தே³வதா³ருகாஞ்சனாரா ஆம்ராஶ்சைவ ஸுமேரவ: ॥ 21 ॥

லிகுசா ஹிங்கு³லாஶ்சைலா லவங்கா³: கட்ப²லாஸ்ததா² ।
பாடலா முசுகுந்தா³ஶ்ச ப²லின்யோ ஜக⁴னேப²லா: ॥ 22 ॥

தாலாஸ்தமாலா: ஸாலாஶ்ச கங்கோலா நாக³ப⁴த்³ரகா: ।
புன்னாகா³: பீலவ: ஸால்வகா வை கர்பூரஶாகி²ன: ॥ 23 ॥

அஶ்வகர்ணா ஹஸ்திகர்ணாஸ்தாலபர்ணாஶ்ச தா³டி³மா: ।
க³ணிகா ப³ந்து⁴ஜீவாஶ்ச ஜம்பீ³ராஶ்ச குரண்ட³கா: ॥ 24 ॥

சாம்பேயா ப³ந்து⁴ஜீவாஶ்ச ததா² வை கனகத்³ருமா: ।
காலாகு³ருத்³ருமாஶ்சைவ ததா² சந்த³னபாத³பா: ॥ 25 ॥

க²ர்ஜூரா யூதி²காஸ்தாலபர்ண்யஶ்சைவ ததே²க்ஷவ: ।
க்ஷீரவ்ருக்ஷாஶ்ச க²தி³ராஶ்சிஞ்சாப⁴ல்லாதகாஸ்ததா² ॥ 26 ॥

ருசகா: குடஜா வ்ருக்ஷா பி³ல்வவ்ருக்ஷாஸ்ததை²வ ச ।
துலஸீனாம் வனான்யேவம் மல்லிகானாம் ததை²வ ச ॥ 27 ॥

இத்யாதி³தருஜாதீனாம் வனான்யுபவனானி ச ।
நானாவாபீஶதைர்யுக்தான்யேவம் ஸந்தி த⁴ராதி⁴ப ॥ 28 ॥

கோகிலாராவஸம்யுக்தா கு³ன்ஜத்³ப்⁴ரமரபூ⁴ஷிதா: ।
நிர்யாஸஸ்ராவிண: ஸர்வே ஸ்னிக்³த⁴ச்சா²யாஸ்தரூத்தமா: ॥ 29 ॥

நானாருதுப⁴வா வ்ருக்ஷா நானாபக்ஷிஸமாகுலா: ।
நானாரஸஸ்ராவிணீபி⁴ர்னதீ³பி⁴ரதிஶோபி⁴தா: ॥ 3௦ ॥

பாராவதஶுகவ்ராதஸாரிகாபக்ஷமாருதை: ।
ஹம்ஸபக்ஷஸமுத்³பூ⁴த வாதவ்ராதைஶ்சலத்³த்³ருமம் ॥ 31 ॥

ஸுக³ந்த⁴க்³ராஹிபவனபூரிதம் தத்³வனோத்தமம் ।
ஸஹிதம் ஹரிணீயூதை²ர்தா⁴வமானைரிதஸ்தத: ॥ 32 ॥

ந்ருத்யத்³ப³ர்ஹிகத³ம்ப³ஸ்ய கேகாராவை: ஸுக²ப்ரதை³: ।
நாதி³தம் தத்³வனம் தி³வ்யம் மது⁴ஸ்ராவி ஸமந்தத: ॥ 33 ॥

காம்ஸ்யஸாலாது³த்தரே து தாம்ரஸால: ப்ரகீர்தித: ।
சதுரஸ்ரஸமாகார உன்னத்யா ஸப்தயோஜன: ॥ 34 ॥

த்³வயோஸ்து ஸாலயோர்மத்⁴யே ஸம்ப்ரோக்தா கல்பவாடிகா ।
யேஷாம் தரூணாம் புஷ்பாணி காஞ்சனாபா⁴னி பூ⁴மிப ॥ 35 ॥

பத்ராணி காஞ்சனாபா⁴னி ரத்னபீ³ஜப²லானி ச ।
த³ஶயோஜனக³ந்தோ⁴ ஹி ப்ரஸர்பதி ஸமந்தத: ॥ 36 ॥

தத்³வனம் ரக்ஷிதம் ராஜன்வஸந்தேனர்துனானிஶம் ।
புஷ்பஸிம்ஹாஸனாஸீன: புஷ்பச்ச²த்ரவிராஜித: ॥ 37 ॥

புஷ்பபூ⁴ஷாபூ⁴ஷிதஶ்ச புஷ்பாஸவவிகூ⁴ர்ணித: ।
மது⁴ஶ்ரீர்மாத⁴வஶ்ரீஶ்ச த்³வே பா⁴ர்யே தஸ்ய ஸம்மதே ॥ 38 ॥

க்ரீட³த: ஸ்மேரவத³னே ஸுமஸ்தப³ககந்து³கை: ।
அதீவ ரம்யம் விபினம் மது⁴ஸ்ராவி ஸமந்தத: ॥ 39 ॥

த³ஶயோஜனபர்யந்தம் குஸுமாமோத³வாயுனா ।
பூரிதம் தி³வ்யக³ந்த⁴ர்வை: ஸாங்க³னைர்கா³னலோலுபை: ॥ 4௦ ॥

ஶோபி⁴தம் தத்³வனம் தி³வ்யம் மத்தகோகிலனாதி³தம் ।
வஸந்தலக்ஷ்மீஸம்யுக்தம் காமிகாமப்ரவர்த⁴னம் ॥ 41 ॥

தாம்ரஸாலாது³த்தரத்ர ஸீஸஸால: ப்ரகீர்தித: ।
ஸமுச்ச்²ராய: ஸ்ம்ருதோப்யஸ்ய ஸப்தயோஜனஸங்க்³யயா ॥ 42 ॥

ஸந்தானவாடிகாமத்⁴யே ஸாலயோஸ்து த்³வயோர்ன்ருப ।
த³ஶயோஜனக³ந்த⁴ஸ்து ப்ரஸூனானாம் ஸமந்தத: ॥ 43 ॥

ஹிரண்யாபா⁴னி குஸுமான்யுத்பு²ல்லானி நிரந்தரம் ।
அம்ருதத்³ரவஸம்யுக்தப²லானி மது⁴ராணி ச ॥ 44 ॥

க்³ரீஷ்மர்துர்னாயகஸ்தஸ்யா வாடிகாயா ந்ருபோத்தம ।
ஶுக்ரஶ்ரீஶ்ச ஶுசிஶ்ரீஶ்ச த்³வே பா⁴ர்யே தஸ்ய ஸம்மதே ॥ 45 ॥

ஸந்தாபத்ரஸ்தலோகாஸ்து வ்ருக்ஷமூலேஷு ஸம்ஸ்தி²தா: ।
நானாஸித்³தை⁴: பரிவ்ருதோ நானாதே³வை: ஸமன்வித: ॥ 46 ॥

விலாஸினீனாம் ப்³ருந்தை³ஸ்து சந்த³னத்³ரவபங்கிலை: ।
புஷ்பமாலாபூ⁴ஷிதைஸ்து தாலவ்ருந்தகராம்பு³ஜை: ॥ 47 ॥

[பாட²பே⁴த:³- ப்ராகார:]
ப்ரகார: ஶோபி⁴தோ ஏஜச்சீ²தலாம்பு³னிஷேவிபி⁴: ।
ஸீஸஸாலாது³த்தரத்ராப்யாரகூடமய: ஶுப:⁴ ॥ 48 ॥

ப்ராகாரோ வர்ததே ராஜன்முனியோஜனதை³ர்க்⁴யவான் ।
ஹரிசந்த³னவ்ருக்ஷாணாம் வாடீ மத்⁴யே தயோ: ஸ்ம்ருதா ॥ 49 ॥

ஸாலயோரதி⁴னாத²ஸ்து வர்ஷர்துர்மேக⁴வாஹன: ।
வித்³யுத்பிங்க³லனேத்ரஶ்ச ஜீமூதகவச: ஸ்ம்ருத: ॥ 5௦ ॥

வஜ்ரனிர்கோ⁴ஷமுக²ரஶ்சேந்த்³ரத⁴ன்வா ஸமந்தத: ।
ஸஹஸ்ரஶோ வாரிதா⁴ரா முஞ்சன்னாஸ்தே க³ணாவ்ருத: ॥ 51 ॥

நப:⁴ ஶ்ரீஶ்ச நப⁴ஸ்யஶ்ரீ: ஸ்வரஸ்யா ரஸ்யமாலினீ ।
அம்பா³ து³லா நிரத்னிஶ்சாப்⁴ரமந்தீ மேக⁴யந்திகா ॥ 52 ॥

வர்ஷயந்தீ சிபு³ணிகா வாரிதா⁴ரா ச ஸம்மதா: ।
வர்ஷர்தோர்த்³வாத³ஶ ப்ரோக்தா: ஶக்தயோ மத³விஹ்வலா: ॥ 53 ॥

நவபல்லவவ்ருக்ஷாஶ்ச நவீனலதிகான்விதா: ।
ஹரிதானி த்ருணான்யேவ வேஷ்டிதா யைர்த⁴ராகி²லா ॥ 54 ॥

நதீ³னத³ப்ரவாஹாஶ்ச ப்ரவஹந்தி ச வேக³த: ।
ஸராம்ஸி கலுஷாம்பூ³னி ராகி³சித்தஸமானி ச ॥ 55 ॥

வஸந்தி தே³வா: ஸித்³தா⁴ஶ்ச யே தே³வீகர்மகாரிண: ।
வாபீகூபதடா³கா³ஶ்ச யே தே³வ்யர்த²ம் ஸமர்பிதா: ॥ 56 ॥

தே க³ணா நிவஸந்த்யத்ர ஸவிலாஸாஶ்ச ஸாங்க³னா: ।
ஆரகூடமயாத³க்³ரே ஸப்தயோஜனதை³ர்க்⁴யவான் ॥ 57 ॥

பஞ்சலோஹாத்மக: ஸாலோ மத்⁴யே மந்தா³ரவாடிகா ।
நானாபுஷ்பலதாகீர்ணா நானாபல்லவஶோபி⁴தா ॥ 58 ॥

அதி⁴ஷ்டா²தாத்ர ஸம்ப்ரோக்த: ஶரத்³ருதுரனாமய: ।
இஷலக்ஷ்மீரூர்ஜலக்ஷ்மீர்த்³வே பா⁴ர்யே தஸ்ய ஸம்மதே ॥ 59 ॥

நானாஸித்³தா⁴ வஸந்த்யத்ர ஸாங்க³னா: ஸபரிச்ச²தா³: ।
பஞ்சலோஹமயாத³க்³ரே ஸப்தயோஜனதை³ர்க்⁴யவான் ॥ 6௦ ॥

தீ³ப்யமானோ மஹாஶ்ருங்கை³ர்வர்ததே ரௌப்யஸாலக: ।
பாரிஜாதாடவீமத்⁴யே ப்ரஸூனஸ்தப³கான்விதா ॥ 61 ॥

த³ஶயோஜனக³ந்தீ⁴னி குஸுமானி ஸமந்தத: ।
மோத³யந்தி க³ணான்ஸர்வான்யே தே³வீகர்மகாரிண: ॥ 62 ॥

தத்ராதி⁴னாத:² ஸம்ப்ரோக்தோ ஹேமந்தர்துர்மஹோஜ்ஜ்வல: ।
ஸக³ண: ஸாயுத:⁴ ஸர்வான் ராகி³ணோ ரஞ்ஜயன்னப: ॥ 63 ॥

ஸஹஶ்ரீஶ்ச ஸஹஸ்யஶ்ரீர்த்³வே பா⁴ர்யே தஸ்ய ஸம்மதே ।
வஸந்தி தத்ர ஸித்³தா⁴ஶ்ச யே தே³வீவ்ரதகாரிண: ॥ 64 ॥

ரௌப்யஸாலமயாத³க்³ரே ஸப்தயோஜனதை³ர்க்⁴யவான் ।
ஸௌவர்ணஸால: ஸம்ப்ரோக்தஸ்தப்தஹாடககல்பித: ॥ 65 ॥

மத்⁴யே கத³ம்ப³வாடீ து புஷ்பபல்லவஶோபி⁴தா ।
கத³ம்ப³மதி³ராதா⁴ரா: ப்ரவர்தந்தே ஸஹஸ்ரஶ: ॥ 66 ॥

யாபி⁴ர்னிபீதபீதாபி⁴ர்னிஜானந்தோ³னுபூ⁴யதே ।
தத்ராதி⁴னாத:² ஸம்ப்ரோக்த: ஶைஶிரர்துர்மஹோத³ய: ॥ 67 ॥

தப:ஶ்ரீஶ்ச தபஸ்யஶ்ரீர்த்³வே பா⁴ர்யே தஸ்ய ஸம்மதே ।
மோத³மான: ஸஹைதாப்⁴யாம் வர்ததே ஶிஶிராக்ருதி: ॥ 68 ॥

நானாவிலாஸஸம்யுக்தோ நானாக³ணஸமாவ்ருத: ।
நிவஸந்தி மஹாஸித்³தா⁴ யே தே³வீதா³னகாரிண: ॥ 69 ॥

நானாபோ⁴க³ஸமுத்பன்னமஹானந்த³ஸமன்விதா: ।
ஸாங்க³னா: பரிவாரைஸ்து ஸங்க⁴ஶ: பரிவாரிதா: ॥ 7௦ ॥

ஸ்வர்ணஸாலமயாத³க்³ரே முனியோஜனதை³ர்க்⁴யவான் ।
புஷ்பராக³மய: ஸால: குங்குமாருணவிக்³ரஹ: ॥ 71 ॥

புஷ்பராக³மயீ பூ⁴மிர்வனான்யுபவனானி ச ।
ரத்னவ்ருக்ஷாலவாலாஶ்ச புஷ்பராக³மயா: ஸ்ம்ருதா: ॥ 72 ॥

ப்ராகாரோ யஸ்ய ரத்னஸ்ய தத்³ரத்னரசிதா த்³ருமா: ।
வனபூ⁴: பக்ஷினஶ்சைவ ரத்னவர்ணஜலானி ச ॥ 73 ॥

மண்ட³பா மண்ட³பஸ்தம்பா⁴: ஸரான்ஸி கமலானி ச ।
ப்ராகாரே தத்ர யத்³யத்ஸ்யாத்தத்ஸர்வம் தத்ஸமம் ப⁴வேத் ॥ 74 ॥

பரிபா⁴ஷேயமுத்³தி³ஷ்டா ரத்னஸாலாதி³ஷு ப்ரபோ⁴ ।
தேஜஸா ஸ்யால்லக்ஷகு³ண: பூர்வஸாலாத்பரோ ந்ருப ॥ 75 ॥

தி³க்பாலா நிவஸந்த்யத்ர ப்ரதிப்³ரஹ்மான்ட³வர்தினாம் ।
தி³க்பாலானாம் ஸமஷ்ட்யாத்மரூபா: ஸ்பூ²ர்ஜத்³வராயுதா⁴: ॥ 76 ॥

பூர்வாஶாயாம் ஸமுத்துங்க³ஶ்ருங்கா³ பூரமராவதீ ।
நானோபவனஸம்யுக்தா மஹேந்த்³ரஸ்தத்ர ராஜதே ॥ 77 ॥

ஸ்வர்க³ஶோபா⁴ ச யா ஸ்வர்கே³ யாவதீ ஸ்யாத்ததோதி⁴கா ।
ஸமஷ்டிஶதனேத்ரஸ்ய ஸஹஸ்ரகு³ணத: ஸ்ம்ருதா ॥ 78 ॥

ஐராவதஸமாரூடோ⁴ வஜ்ரஹஸ்த: ப்ரதாபவான் ।
தே³வஸேனாபரிவ்ருதோ ராஜதேத்ர ஶதக்ரது: ॥ 79 ॥

தே³வாங்க³னாக³ணயுதா ஶசீ தத்ர விராஜதே ।
வஹ்னிகோணே வஹ்னிபுரீ வஹ்னிபூ: ஸத்³ருஶீ ந்ருப ॥ 8௦ ॥

ஸ்வாஹாஸ்வதா⁴ஸமாயுக்தோ வஹ்னிஸ்தத்ர விராஜதே ।
நிஜவாஹனபூ⁴ஷாட்⁴யோ நிஜதே³வக³ணைர்வ்ருத: ॥ 81 ॥

யாம்யாஶாயாம் யமபுரீ தத்ர த³ண்ட³த⁴ரோ மஹான் ।
ஸ்வப⁴டைர்வேஷ்டிதோ ராஜன் சித்ரகு³ப்தபுரோக³மை: ॥ 82 ॥

நிஜஶக்தியுதோ பா⁴ஸ்வத்தனயோஸ்தி யமோ மஹான் ।
நைர்ருத்யாம் தி³ஶி ராக்ஷஸ்யாம் ராக்ஷஸை: பரிவாரித: ॥ 83 ॥

க²ட்³க³தா⁴ரீ ஸ்பு²ரன்னாஸ்தே நிர்ருதிர்னிஜஶக்தியுக் ।
வாருண்யாம் வருணோ ராஜா பாஶதா⁴ரீ ப்ரதாபவான் ॥ 84 ॥

மஹாஜ²ஶஸமாரூடோ⁴ வாருணீமது⁴விஹ்வல: ।
நிஜஶக்திஸமாயுக்தோ நிஜயாதோ³க³ணான்வித: ॥ 85 ॥

ஸமாஸ்தே வாருணே லோகே வருணானீரதாகுல: ।
வாயுகோணே வாயுலோகோ வாயுஸ்தத்ராதி⁴திஷ்ட²தி ॥ 86 ॥

வாயுஸாத⁴னஸம்ஸித்³த⁴யோகி³பி⁴: பரிவாரித: ।
த்⁴வஜஹஸ்தோ விஶாலாக்ஷோ ம்ருக³வாஹனஸம்ஸ்தி²த: ॥ 87 ॥

மருத்³க³ணை: பரிவ்ருதோ நிஜஶக்திஸமன்வித: ।
உத்தரஸ்யாம் தி³ஶி மஹான்யக்ஷலோகோஸ்தி பூ⁴மிப ॥ 88 ॥

யக்ஷாதி⁴ராஜஸ்தத்ராஸ்தே வ்ருத்³தி⁴ருத்³த்⁴யாதி³ஶக்திபி⁴: ।
நவபி⁴ர்னிதி⁴பி⁴ர்யுக்தஸ்துந்தி³லோ த⁴னனாயக: ॥ 89 ॥

மணிப⁴த்³ர: பூர்ணப⁴த்³ரோ மணிமான்மணிகந்த⁴ர: ।
மணிபூ⁴ஷோ மணிஸ்ரக்³வீ மணிகார்முகதா⁴ரக: ॥ 9௦ ॥

இத்யாதி³யக்ஷஸேனானீஸஹிதோ நிஜஶக்தியுக் ।
ஈஶானகோணே ஸம்ப்ரோக்தோ ருத்³ரலோகோ மஹத்தர: ॥ 91 ॥

அனர்க்⁴யரத்னக²சிதோ யத்ர ருத்³ரோதி⁴தை³வதம் ।
மன்யுமாந்தீ³ப்தனயனோ ப³த்³த⁴ப்ருஷ்ட²மஹேஷுதி⁴: ॥ 92 ॥

ஸ்பூ²ர்ஜத்³த⁴னுர்வாமஹஸ்தோதி⁴ஜ்யத⁴ன்வபி⁴ராவ்ருத: ।
ஸ்வஸமானைரஸங்க்³யாதருத்³ரை: ஶூலவராயுதை⁴: ॥ 93 ॥

விக்ருதாஸ்யை: கராலாஸ்யைர்வமத்³வஹ்னிபி⁴ராஸ்யத: ।
த³ஶஹஸ்தை: ஶதகரை: ஸஹஸ்ரபு⁴ஜஸம்யுதை: ॥ 94 ॥

த³ஶபாதை³ர்த³ஶக்³ரீவைஸ்த்ரினேத்ரைருக்³ரமூர்திபி⁴: ।
அந்தரிக்ஷசரா யே ச யே ச பூ⁴மிசரா: ஸ்ம்ருதா: ॥ 95 ॥

ருத்³ராத்⁴யாயே ஸ்ம்ருதா ருத்³ராஸ்தை: ஸர்வைஶ்ச ஸமாவ்ருத: ।
ருத்³ராணீகோடிஸஹிதோ ப⁴த்³ரகால்யாதி³மாத்ருபி⁴: ॥ 96 ॥

நானாஶக்திஸமாவிஷ்டடா³மர்யாதி³க³ணாவ்ருத: ।
வீரப⁴த்³ராதி³ஸஹிதோ ருத்³ரோ ராஜன்விராஜதே ॥ 97 ॥

முண்ட³மாலாத⁴ரோ நாக³வலயோ நாக³கந்த⁴ர: ।
வ்யாக்⁴ரசர்மபரீதா⁴னோ கஜ³சர்மோத்தரீயக: ॥ 98 ॥

சிதாப⁴ஸ்மாங்க³லிப்தாங்க:³ ப்ரமதா²தி³க³ணாவ்ருத: ।
நினத³ட்³ட³மருத்⁴வானைர்ப³தி⁴ரீக்ருததி³ம்முக:² ॥ 99 ॥

அட்டஹாஸாஸ்போ²டஶப்³தை³: ஸந்த்ராஸிதனப⁴ஸ்தல: ।
பூ⁴தஸங்க⁴ஸமாவிஷ்டோ பூ⁴தாவாஸோ மஹேஶ்வர: ॥ 1௦௦ ॥

ஈஶானதி³க்பதி: ஸோயம் நாம்னா சேஶான ஏவ ச ॥ 1௦1 ॥

இதி ஶ்ரீதே³வீபா⁴க³வதே மஹாபுராணே த்³வாத³ஶஸ்கந்தே⁴ மணித்³வீபவர்ணனம் நாம த³ஶமோத்⁴யாய: ॥