லக்ஷ்மீ நித்ய பூஜா விதா⁴னம்

ஆவஶ்யகானி வஸ்தூனி
– ஆஸனம்
– தீ³ப:
– க³ந்த:⁴
– குங்குமம்
– அக்ஷதா:
– புஷ்பாணி
– தூ⁴ப:
– நைவேத்³யம்
– தாம்பூ³லம்
– ஆசமனீயம்
– பூஜா பாத்ரம்
– கலஶ:
– ஶங்க:³ [optional]
– லக்ஷ்மீ தே³வீ ப்ரதிமா வா சித்ரபட: வா

பூர்வாங்க³ பூஜா
ஶ்ரீமஹாக³ணாதி⁴பதயே நம: ।
ஶ்ரீ கு³ருப்⁴யோ நம: ।
ஹரி: ஓம் ।

ஶுசி:
அபவித்ர: பவித்ரோ வா ஸர்வாவஸ்தா²ம் க³தோபி வா ।
ய: ஸ்மரேத் புண்ட³ரீகாக்ஷம் ஸ பா³ஹ்யாப்⁴யந்தர: ஶுசி: ॥
புண்ட³ரீகாக்ஷ புண்ட³ரீகாக்ஷ புண்ட³ரீகாக்ஷாய நம: ॥

ப்ரார்த²னா
ஶுக்லாம்ப³ரத⁴ரம் விஷ்ணும் ஶஶிவர்ணம் சதுர்பு⁴ஜம் ।
ப்ரஸன்னவத³னம் த்⁴யாயேத் ஸர்வவிக்⁴னோபஶாந்தயே ॥

அகஜ³ானன பத்³மார்கம் கஜ³ானனமஹர்னிஶம் ।
அனேகத³ம் தம் ப⁴க்தானாம் ஏகத³ந்தமுபாஸ்மஹே ॥

ததே³வ லக்³னம் ஸுதி³னம் ததே³வ
தாராப³லம் சந்த்³ரப³லம் ததே³வ ।
வித்³யாப³லம் தை³வப³லம் ததே³வ
லக்ஷ்மீபதே தேங்க்⁴ரியுக³ம் ஸ்மராமி ॥

கு³ருர்ப்³ரஹ்மா கு³ருர்விஷ்ணு: கு³ருர்தே³வோ மஹேஶ்வர: ।
கு³ரு: ஸாக்ஷாத் பரப்³ரஹ்ம தஸ்மை ஶ்ரீகு³ரவே நம: ॥

ஸர்வமங்கள³ மாங்கள³்யே ஶிவே ஸர்வார்த²ஸாதி⁴கே ।
ஶரண்யே த்ர்யம்ப³கே கௌ³ரீ நாராயணி நமோஸ்து தே ॥

ஶ்ரீலக்ஷ்மீனாராயணாப்⁴யாம் நம: ।
உமாமஹேஶ்வராப்⁴யாம் நம: ।
வாணீஹிரண்யக³ர்பா⁴ப்⁴யாம் நம: ।
ஶசீபுரந்த³ராப்⁴யாம் நம: ।
அருந்த⁴தீவஸிஷ்டா²ப்⁴யாம் நம: ।
ஶ்ரீஸீதாராமாப்⁴யாம் நம: ।
மாதாபித்ருப்⁴யோ நம: ।
ஸர்வேப்⁴யோ மஹாஜனேப்⁴யோ நம: ।

ஆசமனம்
ஓம் கேஶவாய ஸ்வாஹா ।
ஓம் நாராயணாய ஸ்வாஹா ।
ஓம் மாத⁴வாய ஸ்வாஹா ।
ஓம் கோ³விந்தா³ய நம: ।
ஓம் விஷ்ணவே நம: ।
ஓம் மது⁴ஸூத³னாய நம: ।
ஓம் த்ரிவிக்ரமாய நம: ।
ஓம் வாமனாய நம: ।
ஓம் ஶ்ரீத⁴ராய நம: ।
ஓம் ஹ்ருஷீகேஶாய நம: ।
ஓம் பத்³மனாபா⁴ய நம: ।
ஓம் தா³மோத³ராய நம: ।
ஓம் ஸங்கர்ஷணாய நம: ।
ஓம் வாஸுதே³வாய நம: ।
ஓம் ப்ரத்³யும்னாய நம: ।
ஓம் அனிருத்³தா⁴ய நம: ।
ஓம் புருஷோத்தமாய நம: ।
ஓம் அதோ⁴க்ஷஜாய நம: ।
ஓம் நாரஸிம்ஹாய நம: ।
ஓம் அச்யுதாய நம: ।
ஓம் ஜனார்த³னாய நம: ।
ஓம் உபேந்த்³ராய நம: ।
ஓம் ஹரயே நம: ।
ஓம் ஶ்ரீக்ருஷ்ணாய நம: ।

தீ³பாராத⁴னம்
தீ³பஸ்த்வம் ப்³ரஹ்மரூபோஸி ஜ்யோதிஷாம் ப்ரபு⁴ரவ்யய: ।
ஸௌபா⁴க்³யம் தே³ஹி புத்ராம்ஶ்ச ஸர்வான்காமாம்ஶ்ச தே³ஹி மே ॥
போ⁴ தீ³ப தே³வி ரூபஸ்த்வம் கர்மஸாக்ஷீ ஹ்யவிக்⁴னக்ருத் ।
யாவத்பூஜாம் கரிஷ்யாமி தாவத்த்வம் ஸுஸ்தி²ரோ ப⁴வ ॥
தீ³பாராத⁴ன முஹூர்த: ஸுமுஹூர்தோஸ்து ॥

பூ⁴தோச்சாடனம்
உத்திஷ்ட²ந்து பூ⁴தபிஶாசா: ய ஏதே பூ⁴மிபா⁴ரகா: ।
ஏதேஷாமவிரோதே⁴ன ப்³ரஹ்மகர்ம ஸமாரபே⁴ ॥
அபஸர்பந்து தே பூ⁴தா யே பூ⁴தா பூ⁴மிஸம்ஸ்தி²தா: ।
யே பூ⁴தா விக்⁴னகர்தாரஸ்தே க³ச்ச²ந்து ஶிவாஜ்ஞயா ॥

ப்ராணாயாம:

ஓம் பூ⁴: । ஓம் பு⁴வ:॑ । ஓக்³ம் ஸுவ:॑ । ஓம் மஹ:॑ । ஓம் ஜன:॑ । ஓம் தப:॑ । ஓக்³ம் ஸத்யம் ।
ஓம் தத்ஸ॑வி॒துர்வரே᳚ண்யம்॒ ப⁴ர்கோ॑³ தே॒³வஸ்ய॑ தீ⁴மஹி ।
தி⁴யோ॒ யோ ந:॑ ப்ரசோ॒த³யா᳚த் ॥
ஓமாபோ॒ ஜ்யோதீ॒ ரஸோ॒ம்ருதம்॒ ப்³ரஹ்ம॒ பூ⁴ர்பு⁴வ॒ஸ்ஸுவ॒ரோம் ॥

ஸங்கல்ப:
மம உபாத்த ஸமஸ்த து³ரிதக்ஷய த்³வாரா ஶ்ரீபரமேஶ்வர ப்ரீத்யர்த²ம், மம/அஸ்மாகம் ஸஹகுடும்ப³ஸ்ய க்ஷேம-ஸ்தை²ர்ய-தை⁴ர்ய-வீர்ய-விஜய-அப⁴ய-ஆயு:-ஆரோக்³ய-ஐஶ்வர்ய-அபி⁴வ்ருத்³த்⁴யர்த²ம், த⁴ர்மார்த-²காம-மோக்ஷ-சதுர்வித-⁴புருஷார்த-²ப²ல-ஸித்³த்⁴யர்த²ம், ஸர்வாபீ⁴ஷ்ட-ஸித்³த்⁴யர்த²ம், ஶ்ரீமஹாலக்ஷ்மீ-ப்ரீத்யர்த²ம், யாவச்ச²க்தி த்⁴யான-ஆவாஹனாதி³-ஷோட³ஶோபசார-பூஜாம் கரிஷ்யே ॥

தத³ங்க³ கலஶாராத⁴னம் கரிஷ்யே ॥

கலஶாராத⁴னம்
கலஶே க³ந்த⁴ புஷ்பாக்ஷதைரப்⁴யர்ச்ய ।
கலஶே உத³கம் பூரயித்வா ।
கலஶஸ்யோபரி ஹஸ்தம் நிதா⁴ய ।

கலஶஸ்ய முகே² விஷ்ணு: கண்டே² ருத்³ர: ஸமாஶ்ரித: ।
மூலே த்வஸ்ய ஸ்தி²தோ ப்³ரஹ்மா மத்⁴யே மாத்ருக³ணா: ஸ்ம்ருதா: ॥
குக்ஷௌ து ஸாக³ரா: ஸர்வே ஸப்தத்³வீபா வஸுந்த⁴ரா ।
ருக்³வேதோ³த² யஜுர்வேதோ³ ஸாமவேதோ³ ஹ்யத²ர்வண: ॥
அங்கை³ஶ்ச ஸஹிதா: ஸர்வே கலஶாம்பு³ ஸமாஶ்ரிதா: ॥

க³ங்கே³ ச யமுனே சைவ கோ³தா³வரீ ஸரஸ்வதீ ।
நர்மதே³ ஸிந்து⁴ காவேரீ ஜலேஸ்மின் ஸன்னிதி⁴ம் குரு ॥
காவேரீ துங்க³ப⁴த்³ரா ச க்ருஷ்ணவேணீ ச கௌ³தமீ ।
பா⁴கீ³ரதீ²தி விக்²யாதா: பஞ்சக³ங்கா³: ப்ரகீர்திதா: ॥

ஆயாந்து தே³வபூஜார்த²ம் மம து³ரிதக்ஷயகாரகா: ।
கலஶோத³கேன பூஜா த்³ரவ்யாணி ஸம்ப்ரோக்ஷ்ய, தே³வம் ஸம்ப்ரோக்ஷ்ய, ஆத்மானம் ச ஸம்ப்ரோக்ஷ்ய ॥

ஶங்க³பூஜா
ஶங்க³ம் சந்த்³ரார்க தை³வதம் மத்⁴யே வருண தே³வதாம் ।
ப்ருஷ்டே² ப்ரஜாபதிம் விந்த்³யாத³க்³ரே க³ங்கா³ ஸரஸ்வதீம் ॥
த்ரைலோக்யே யானி தீர்தா²னி வாஸுதே³வஸ்ய ஆஜ்ஞயா ।
ஶங்கே³ திஷ்ட²ந்து விப்ரேந்த்³ரா: தஸ்மாத் ஶங்க³ம் ப்ரபூஜயேத் ॥

ஓம் ஶங்கா³ய நம: ।
ஓம் த⁴வளாய நம: ।
ஓம் பாஞ்சஜன்யாய நம: ।
ஓம் ஶங்க³தே³வதாப்⁴யோ நம: ।
ஸகலபூஜார்தே² அக்ஷதான் ஸமர்பயாமி ॥

க⁴ண்டானாத:³
ஆக³மார்த²ம் து தே³வானாம் க³மனார்த²ம் து ராக்ஷஸாம் ।
க⁴ண்டாரவம் கரோம்யாதௌ³ தே³வதாஹ்வான லாஞ்ச²னம் ॥
ஓம் க⁴ண்டாதே³வதாப்⁴யோ நம: ।
ஸகலோபசார பூஜார்தே² அக்ஷதான் ஸமர்பயாமி ॥

ஶ்ரீ மஹாக³ணபதி பூஜா

ஓம் க॒³ணானாஂ᳚ த்வா க॒³ணப॑திக்³ம் ஹவாமஹே க॒விம் க॑வீ॒னாம் உப॒மஶ்ர॑வஸ்தவம் ।
ஜ்யே॒ஷ்ட॒²ராஜம்॒ ப்³ரஹ்ம॑ணாம் ப்³ரஹ்மணஸ்பத॒ ஆ ந:॑ ஶ்ரு॒ண்வன்னூ॒திபி॑⁴ஸ்ஸீத॒³ ஸாத॑³னம் ॥

ஸுமுக²ஶ்சைகத³ந்தஶ்ச கபிலோ கஜ³கர்ணக: ।
லம்போ³த³ரஶ்ச விகடோ விக்⁴னராஜோ க³ணாதி⁴ப: ॥
தூ⁴மகேதுர்க³ணாத்⁴யக்ஷ: பா²லசந்த்³ரோ கஜ³ானன: ।
வக்ரதுண்ட:³ ஶூர்பகர்ணோ ஹேரம்ப:³ ஸ்கந்த³பூர்வஜ: ॥

ஓம் ஶ்ரீமஹாக³ணபதயே நம: ।
த்⁴யாயாமி । ஆவாஹயாமி । ஆஸனம் ஸமர்பயாமி ।
பாத்³யம் ஸமர்பயாமி । அர்க்⁴யம் ஸமர்பயாமி । ஆசமனீயம் ஸமர்பயாமி ।
ஸ்னானம் ஸமர்பயாமி । வஸ்த்ரம் ஸமர்பயாமி । யஜ்ஞோபவீதம் ஸமர்பயாமி ।
க³ந்த⁴ம் ஸமர்பயாமி । புஷ்பாணி ஸமர்பயாமி ।
தூ⁴பமாக்⁴ராபயாமி । தீ³பம் த³ர்ஶயாமி ।
நைவேத்³யம் ஸமர்பயாமி । தாம்பூ³லம் ஸமர்பயாமி ।
நீராஜனம் ஸமர்பயாமி । மந்த்ரபுஷ்பம் ஸமர்பயாமி ।
ப்ரத³க்ஷிண நமஸ்காரான் ஸமர்பயாமி ॥

ஷோட³ஶோபசார பூஜா
லக்ஷ்மீ தே³வீ த்⁴யானம்
யா ஸா பத்³மாஸனஸ்தா² விபுலகடிதடீ பத்³மபத்ராயதாக்ஷீ ।
க³ம்பீ⁴ராவர்தனாபி⁴: ஸ்தனப⁴ர நமிதா ஶுப்⁴ர வஸ்த்ரோத்தரீயா ॥
லக்ஷ்மீர்தி³வ்யைர்கஜ³ேந்த்³ரைர்மணிக³ண க²சிதை: ஸ்னாபிதா ஹேமகும்பை⁴: ।
நித்யம் ஸா பத்³மஹஸ்தா மம வஸது க்³ருஹே ஸர்வமாங்க³ல்யயுக்தா ॥

லக்ஷ்மீம் க்ஷீரஸமுத்³ரராஜதனயாம் ஶ்ரீரங்க³தா⁴மேஶ்வரீம் ।
தா³ஸீபூ⁴தஸமஸ்ததே³வ வனிதாம் லோகைக தீ³பாங்குராம் ॥
ஶ்ரீமன்மந்த³கடாக்ஷலப்³த⁴ விப⁴வ ப்³ரஹ்மேந்த்³ரக³ங்கா³த⁴ராம் ।
த்வாம் த்ரைலோக்ய குடும்பி³னீம் ஸரஸிஜாம் வந்தே³ முகுந்த³ப்ரியாம் ॥

ஓம் ॥ ஹிர॑ண்யவர்ணாம்॒ ஹரி॑ணீம் ஸு॒வர்ண॑ரஜ॒தஸ்ர॑ஜாம் ।
ச॒ந்த்³ராம் ஹி॒ரண்ம॑யீம் ல॒க்ஷ்மீம் ஜாத॑வேதோ³ ம॒மாவ॑ஹ ॥

ஓம் ஶ்ரீமஹாலக்ஷ்ம்யை நம: ।
த்⁴யாயாமி । த்⁴யானம் ஸமர்பயாமி ॥

ஆவாஹனம்

தாம் ம॒ ஆவ॑ஹ॒ ஜாத॑வேதோ³ ல॒க்ஷ்மீமன॑பகா॒³மினீ᳚ம் ।
யஸ்யாம்॒ ஹிர॑ண்யம் வி॒ந்தே³யம்॒ கா³மஶ்வம்॒ புரு॑ஷான॒ஹம் ॥

ஸஹஸ்ரத³லபத்³மஸ்தா²ம் ஸ்வஸ்தா²ம் ச ஸுமனோஹராம் ।
ஶாந்தாம் ச ஶ்ரீஹரே: காந்தாம் தாம் பஜ⁴ே ஜக³தாம் ப்ரஸூம் ॥
ஓம் ஶ்ரீமஹாலக்ஷ்ம்யை நம: ।
ஆவாஹயாமி । ஸ்தா²பயாமி । பூஜயாமி ॥

ஆஸனம்
அமூல்யரத்னக²சிதம் நிர்மிதம் விஶ்வகர்மணா ।
ஆஸனம் ச விசித்ரம் ச மஹாலக்ஷ்மி ப்ரக்³ருஹ்யதாம் ॥
ஓம் ஶ்ரீமஹாலக்ஷ்ம்யை நம: ।
ஆஸனம் ஸமர்பயாமி ॥

பாத்³யம்
அஶ்வபூர்வாம் ரத²மத்⁴யாம் ஹஸ்தினாத³ ப்ரபோ³தி⁴னீம் ।
ஶ்ரியம் தே³வீமுபஹ்வயே ஶ்ரீர்மா தே³வீர்ஜுஷதாம் ॥
புஷ்பசந்த³னதூ³ர்வாதி³ ஸம்யுதம் ஜாஹ்னவீஜலம் ।
ஶங்க³க³ர்ப⁴ஸ்தி²தம் ஶுத்³த⁴ம் க்³ருஹ்யதாம் பத்³மவாஸினி ॥
ஓம் ஶ்ரீமஹாலக்ஷ்ம்யை நம: ।
பாத³யோ: பாத்³யம் ஸமர்பயாமி ॥

அர்க்⁴யம்
க³ந்த⁴ புஷ்பாக்ஷதைர்யுக்தம் அர்க்⁴யம் ஸம்பாதி³தம் மயா ।
க்³ருஹாண த்வம் மஹாலக்ஷ்மி ப்ரஸன்னா ப⁴வ ஸர்வதா³ ॥
ஓம் ஶ்ரீமஹாலக்ஷ்ம்யை நம: ।
ஹஸ்தயோ: அர்க்⁴யம் ஸமர்பயாமி ॥

ஆசமனீயம்
புண்யதீர்தோ²த³கம் சைவ விஶுத்³த⁴ம் ஶுத்³தி⁴த³ம் ஸதா³ ।
க்³ருஹ்யதாம் க்ருஷ்ணகாந்தே த்வம் ரம்யமாசமனீயகம் ॥
ஓம் ஶ்ரீமஹாலக்ஷ்ம்யை நம: ।
முகே² ஆசமனீயம் ஸமர்பயாமி ॥

ஸ்னானம்

ஆபோ॒ ஹிஷ்டா² ம॑யோ॒பு⁴வ॒ஸ்தா ந॑ ஊ॒ர்ஜே த॑³தா⁴தன ।
ம॒ஹே ரணா॑ய॒ சக்ஷ॑ஸே ॥
யோ வ:॑ ஶி॒வத॑மோ ரஸ॒ஸ்தஸ்ய॑ பா⁴ஜயதே॒ஹ ந:॑ ।
உ॒ஶ॒தீரி॑வ மா॒த॑ர: ॥
தஸ்மா॒ அரம்॑ க³மாம வோ॒ யஸ்ய॒ க்ஷயா॑ய॒ ஜின்வ॑த² ।
ஆபோ॑ ஜ॒னய॑தா² ச ந: ॥

ஓம் ஶ்ரீமஹாலக்ஷ்ம்யை நம: ।
ஶுத்³தோ⁴த³க ஸ்னானம் ஸமர்பயாமி ॥
ஸ்னானானந்தரம் ஆசமனீயம் ஸமர்பயாமி ॥

வஸ்த்ரம்

உபை॑து॒ மாம் தே॑³வஸ॒க:² கீ॒ர்திஶ்ச॒ மணி॑னா ஸ॒ஹ ।
ப்ரா॒து॒³ர்பூ॒⁴தோஸ்மி॑ ராஷ்ட்ரே॒ஸ்மின் கீ॒ர்தி॒ம்ரு॑த்³தி⁴ம் த॒³தா³து॑ மே ॥

தே³ஹஸௌம்த³ர்யபீ³ஜம் ச ஸதா³ ஶோபா⁴ விவர்த⁴னம் ।
கார்பாஸஜம் ச க்ருமிஜம் வஸனம் தே³வி க்³ருஹ்யதாம் ॥
ஓம் ஶ்ரீமஹாலக்ஷ்ம்யை நம: ।
வஸ்த்ரம் ஸமர்பயாமி ॥

யஜ்ஞோபவீதம்
யஜ்ஞோபவீதம் பரமம் பவித்ரம் ப்ரஜாபதேர்யத்ஸஹஜம் புரஸ்தாத் ।
ஆயுஷ்யமக்³ர்யம் ப்ரதிமுஞ்ச ஶுப்⁴ரம் யஜ்ஞோபவீதம் ப³லமஸ்து தேஜ: ॥
ஓம் ஶ்ரீமஹாலக்ஷ்ம்யை நம: ।
யஜ்ஞோபவீதம் ஸமர்பயாமி ॥

க³ந்த⁴ம்

க³ம்॒த॒⁴த்³வா॒ராம் து॑³ராத॒⁴ர்​ஷாம்॒ நி॒த்யபு॑ஷ்டாம் கரீ॒ஷிணீ᳚ம் ।
ஈ॒ஶ்வரீக்³ம்॑ ஸர்வ॑பூ⁴தா॒னாம்॒ தாமி॒ஹோப॑ஹ்வயே॒ ஶ்ரியம் ॥

மலயாசலஸம்பூ⁴தம் வ்ருக்ஷஸாரம் மனோஹரம் ।
ஸுக³ந்தி⁴யுக்தம் ஸுக²த³ம் சந்த³னம் தே³வி க்³ருஹ்யதாம் ॥
ஓம் ஶ்ரீமஹாலக்ஷ்ம்யை நம: ।
க³ந்த⁴ம் ஸமர்பயாமி ॥

அர்சன
அக்ஷதான் த⁴வளான் தி³வ்யான் புஷ்பாணி ச ஸுக³ந்தீ⁴னி ।
ப⁴க்த்யா த³த்தானி க்³ருஹ்யந்தாம் ஸர்வதே³வா: ப்ரஸீத³த ॥

அங்க³ பூஜா
ஓம் சபலாயை நம: – பாதௌ³ பூஜயாமி ।
ஓம் சஞ்சலாயை நம: – ஜானுனீ பூஜயாமி ।
ஓம் கமலாயை நம: – கடிம் பூஜயாமி ।
ஓம் காத்யாயன்யை நம: – நாபி⁴ம் பூஜயாமி ।
ஓம் ஜக³ன்மாத்ரே நம: – ஜட²ரம் பூஜயாமி ।
ஓம் விஶ்வவல்லபா⁴யை நம: – வக்ஷ:ஸ்த²லம் பூஜயாமி ।
ஓம் கமலவாஸின்யை நம: – நேத்ரத்ரயம் பூஜயாமி ।
ஓம் ஶ்ரியை நம: – ஶிர: பூஜயாமி ।
ஓம் மஹாலக்ஷ்ம்யை நம: – ஸர்வாண்யங்கா³னி பூஜயாமி ॥

[Recite the SrI mahAlakShmI aShTOttara Sata nAmAvaLI, or at least a few known names of Lakshmi. Offer flowers or akshatas with each name.]

அத²வா லக்ஷ்மீ நாமாவளீ பட²னம் ॥

ஓம் ஶ்ரீமஹாலக்ஷ்ம்யை நம: ।
அஷ்டோத்தர ஶத நாமாவளீ பூஜாம் ஸமர்பயாமி ।
அக்ஷதான் புஷ்பாணி ச ஸமர்பயாமி ॥

தூ⁴பம்

ஆப:॑ ஸ்ரு॒ஜந்து॑ ஸ்னி॒க்³தா॒⁴னி॒ சி॒க்லீ॒த வ॑ஸ மே॒ க்³ருஹே ।
நி ச॑ தே॒³வீம் மா॒தரம்॒ ஶ்ரியம்॑ வா॒ஸய॑ மே கு॒லே ॥

வ்ருக்ஷனிர்யாஸரூபம் ச க³ந்த⁴த்³ரவ்யாதி³ ஸம்யுதம் ।
க்ருஷ்ணகாந்தே பவித்ரோ வை தூ⁴போயம் ப்ரதிக்³ருஹ்யதாம் ॥
ஓம் ஶ்ரீமஹாலக்ஷ்ம்யை நம: ।
தூ⁴பமாக்⁴ராபயாமி ॥

தீ³பம்

ஆ॒ர்த்³ராம் பு॒ஷ்கரி॑ணீம் பு॒ஷ்டிம்॒ பிம்॒க॒³ளாம் ப॑த்³மமா॒லினீம் ।
ச॒ந்த்³ராம் ஹி॒ரண்ம॑யீம் ல॒க்ஷ்மீம் ஜாத॑வேதோ³ ம॒மாவ॑ஹ ॥

ஜக³ச்சக்ஷு: ஸ்வரூபம் ச த்⁴வாந்த ப்ரத்⁴வம்ஸகாரணம் ।
ப்ரதீ³பம் ஶுத்³த⁴ரூபம் ச க்³ருஹ்யதாம் பரமேஶ்வரி ॥
ஓம் ஶ்ரீமஹாலக்ஷ்ம்யை நம: ।
தீ³பம் த³ர்ஶயாமி ॥

நைவேத்³யம்
நைவேத்³யம் க்³ருஹ்யதாம் தே³வி ப⁴க்த்யா ஸம்பாதி³தம் மயா ।
இத³ம் ப²லம் ச பானீயம் ஸர்வோபசார ஸம்யுதம் ॥

ஓம் பூ⁴ர்பு⁴வ॒ஸ்ஸுவ:॒ । தத்ஸ॑வி॒துர்வரே᳚ண்யம்॒ ப⁴ர்கோ॑³ தே॒³வஸ்ய॑ தீ⁴மஹி ।
தி॒⁴யோ யோ ந:॑ ப்ரசோ॒த³யா᳚த் ॥

ஸத்யம் த்வா ருதேன பரிஷிஞ்சாமி ।
அம்ருதமஸ்து । அம்ருதோபஸ்தரணமஸி ।
ஓம் ப்ராணாய ஸ்வாஹா । ஓம் அபானாய ஸ்வாஹா । ஓம் வ்யானாய ஸ்வாஹா ।
ஓம் உதா³னாய ஸ்வாஹா । ஓம் ஸமானாய ஸ்வாஹா ।
மத்⁴யே மத்⁴யே பானீயம் ஸமர்பயாமி ।
அம்ருதாபிதா⁴னமஸி ।
உத்தராபோஶனம் ஸமர்பயாமி ।
ஹஸ்தௌ ப்ரக்ஷாளயாமி । பாதௌ³ ப்ரக்ஷாளயாமி ।
ஶுத்³தா⁴சமனீயம் ஸமர்பயாமி ॥

ஓம் ஶ்ரீமஹாலக்ஷ்ம்யை நம: ।
நைவேத்³யம் ஸமர்பயாமி ॥

தாம்பூ³லம்
தாம்பூ³லம் ச வரம் ரம்யம் கர்பூராதி³ ஸுவாஸிதம் ।
ஜிஹ்வாஜாட்³யச்சே²த³கரம் தாம்பூ³லம் தே³வி க்³ருஹ்யதாம் ॥
ஓம் ஶ்ரீமஹாலக்ஷ்ம்யை நம: ।
தாம்பூ³லம் ஸமர்பயாமி ॥

நீராஜனம்
சக்ஷுர்த³ம் ஸர்வலோகானாம் திமிரஸ்ய நிவாரணம் ।
ஆர்திக்யம் கல்பிதம் ப⁴க்த்யா க்³ருஹாண பரமேஶ்வரி ॥
ஸந்தத ஶ்ரீரஸ்து ஸமஸ்த மங்கள³ானி ப⁴வந்து ।
நித்ய ஶ்ரீரஸ்து நித்யமங்கள³ானி ப⁴வந்து ॥
ஓம் ஶ்ரீமஹாலக்ஷ்ம்யை நம: ।
நீராஜனம் ஸமர்பயாமி ॥

மந்த்ரபுஷ்பம்

ஓம் ம॒ஹா॒தே॒³வ்யை ச॑ வி॒த்³மஹே॑ விஷ்ணுப॒த்னீ ச॑ தீ⁴மஹி ।
தன்னோ॑ லக்ஷ்மீ: ப்ரசோ॒த³யா᳚த் ॥

ஸத்³பா⁴வபுஷ்பாண்யாதா³ய ஸஹஜ ப்ரேமரூபிணே ।
லோகமாத்ரே த³தா³ம்யத்³ய ப்ரீத்யா ஸங்க்³ருஹ்யதாம் ஸதா³ ॥
ஓம் ஶ்ரீமஹாலக்ஷ்ம்யை நம: ।
மந்த்ரபுஷ்பம் ஸமர்பயாமி ॥

ப்ரத³க்ஷிணம்
யானி கானி ச பாபானி ஜன்மாந்தர க்ருதானி ச ।
தானி தானி ப்ரணஶ்யந்தி ப்ரத³க்ஷிண பதே³ பதே³ ॥
பாபோஹம் பாபகர்மாஹம் பாபாத்மா பாபஸம்ப⁴வ ।
த்ராஹி மாம் க்ருபயா தே³வி ஶரணாக³தவத்ஸலே ॥
அன்யதா² ஶரணம் நாஸ்தி த்வமேவ ஶரணம் மம ।
தஸ்மாத்காருண்ய பா⁴வேன ரக்ஷ மாம் பரமேஶ்வரி ॥
ஓம் ஶ்ரீமஹாலக்ஷ்ம்யை நம: ।
ப்ரத³க்ஷிண நமஸ்காரான் ஸமர்பயாமி ॥

நமஸ்கார:
உரஸா ஶிரஸா த்³ருஷ்ட்யா மனஸா வசஸா ததா² ।
பத்³ப்⁴யாம் கராப்⁴யாம் கர்ணாப்⁴யாம் ப்ரணாமோஷ்டாங்க³ உச்யதே ॥
ஓம் ஶ்ரீமஹாலக்ஷ்ம்யை நம: ।
நமஸ்காரான் ஸமர்பயாமி ॥

ஸர்வோபசாரா:
ஓம் ஶ்ரீமஹாலக்ஷ்ம்யை நம: ।
ச²த்ரம் ஸமர்பயாமி ।
சாமரம் ஸமர்பயாமி ।
கீ³தம் ஶ்ராவயாமி ।
ந்ருத்யம் த³ர்ஶயாமி ।
ஸமஸ்த ராஜோபசாரான் தே³வோபசாரான் ஸமர்பயாமி ॥

ஸ்தோத்ர/ஸூக்த பட²னம்

க்ஷமாப்ரார்த²னா
அபராத⁴ஸஹஸ்ராணி க்ரியந்தேஹர்னிஶம் மயா ।
தா³ஸோயமிதி மாம் மத்வா க்ஷமஸ்வ பரமேஶ்வரி ॥
மந்த்ரஹீனம் க்ரியாஹீனம் ப⁴க்திஹீனம் மஹாலக்ஷ்மி ।
யத்பூஜிதம் மயா தே³வி பரிபூர்ணம் தத³ஸ்து தே ॥

காயேன வாசா மனஸேந்த்³ரியைர்வா
பு³த்³த்⁴யாத்மனா வா ப்ரக்ருதே: ஸ்வபா⁴வாத் ।
கரோமி யத்³யத் ஸகலம் பரஸ்மை
நாராயணாயேதி ஸமர்பயாமி ॥

அனயா த்⁴யான-ஆவாஹனாதி³-ஷோட³ஶோபசார பூஜயா ஶ்ரீமஹாலக்ஷ்மீ தே³வீ ஸுப்ரீதா ஸுப்ரஸன்னா வரதா³ ப⁴வது ॥

உத்³வாஸனம்
ஓம் ஶ்ரீமஹாலக்ஷ்ம்யை நம: ।
யதா²ஸ்தா²னம் உத்³வாஸயாமி ।
ஶோப⁴னார்தே² க்ஷேமாய புனராக³மனாய ச ॥

ப்ரஸாத³ க்³ரஹணம்
அகாலம்ருத்யுஹரணம் ஸர்வவ்யாதி⁴னிவாரணம் ।
ஸமஸ்தபாபக்ஷயகரம் தே³வதா பாதோ³த³கம் ஶுப⁴ம் ॥

ஶ்ரீமஹாலக்ஷ்மீ தே³வீ ப்ரஸாத³ம் ஶிரஸா க்³ருஹ்ணாமி ॥

ஓம் ஶாந்தி: ஶாந்தி: ஶாந்தி: ॥

ஓம் தத்ஸத் ப்³ரஹ்மார்பணமஸ்து ॥