குந்தீ ஸ்துதி: (பா⁴க³வத புராண)

(ஶ்ரீமத்³பா⁴க³வத மஹாபுராணே ப்ரத²மஸ்கந்தே⁴ அஷ்டமாத்⁴யாய:)

குந்த்யுவாச ।

நமஸ்யே புருஷம் த்வாத்³யமீஶ்வரம் ப்ரக்ருதே: பரம் ।
அலக்ஷ்யம் ஸர்வபூ⁴தானாமந்தர்ப³ஹிரவஸ்தி²தம் ॥ 18 ॥

மாயாஜவனிகாச்ச²ன்னமஜ்ஞாதோ⁴க்ஷஜமவ்யயம் ।
ந லக்ஷ்யஸே மூட⁴த்³ருஶா நடோ நாட்யத⁴ரோ யதா² ॥ 19 ॥

ததா² பரமஹம்ஸானாம் முனீனாமமலாத்மனாம் ।
ப⁴க்தியோக³விதா⁴னார்த²ம் கத²ம் பஶ்யேம ஹி ஸ்த்ரிய: ॥ 2௦ ॥

க்ருஷ்ணாய வாஸுதே³வாய தே³வகீனந்த³னாய ச ।
நந்த³கோ³பகுமாராய கோ³விந்தா³ய நமோ நம: ॥ 21 ॥

நம: பங்கஜனாபா⁴ய நம: பங்கஜமாலினே ।
நம: பங்கஜனேத்ராய நமஸ்தே பங்கஜாங்க்⁴ரயே ॥ 22 ॥

யதா² ஹ்ருஷீகேஶ க²லேன தே³வகீ கம்ஸேன ருத்³தா⁴திசிரம் ஶுசார்பிதா ।
விமோசிதாஹம் ச ஸஹாத்மஜா விபோ⁴ த்வயைவ நாதே²ன முஹுர்விபத்³க³ணாத் ॥ 23 ॥

விஷான்மஹாக்³னே: புருஷாத³த³ர்ஶனாத³ஸத்ஸபா⁴யா வனவாஸக்ருச்ச்²ரத: ।
ம்ருதே⁴ ம்ருதே⁴னேகமஹாறதா²ஸ்த்ரதோ த்³ரௌண்யஸ்த்ரதஶ்சாஸ்ம ஹரேபி⁴ரக்ஷிதா: ॥ 24 ॥

விபத:³ ஸந்து தா: ஶஶ்வத்தத்ர தத்ர ஜக³த்³கு³ரோ ।
ப⁴வதோ த³ர்ஶனம் யத்ஸ்யாத³புனர்ப⁴வத³ர்ஶனம் ॥ 25 ॥

ஜன்மைஶ்வர்யஶ்ருதஶ்ரீபி⁴ரேத⁴மானமத:³ புமான் ।
நைவார்ஹத்யபி⁴தா⁴தும் வை த்வாமகிஞ்சனகோ³சரம் ॥ 26 ॥

நமோகிஞ்சனவித்தாய நிவ்ருத்தகு³ணவ்ருத்தயே ।
ஆத்மாராமாய ஶாந்தாய கைவல்யபதயே நம: ॥ 27 ॥

மன்யே த்வாம் காலமீஶானமனாதி³னித⁴னம் விபு⁴ம் ।
ஸமம் சரந்தம் ஸர்வத்ர பூ⁴தானாம் யன்மித:² கலி: ॥ 28 ॥

ந வேத³ கஶ்சித்³ப⁴க³வம்ஶ்சிகீர்ஷிதம் தவேஹமானஸ்ய ந்ருணாம் விட³ம்ப³னம் ।
ந யஸ்ய கஶ்சித்³த³யிதோஸ்தி கர்ஹிசித்³த்³வேஷ்யஶ்ச யஸ்மின்விஷமா மதிர்ன்ருணாம் ॥ 29 ॥

ஜன்ம கர்ம ச விஶ்வாத்மன்னஜஸ்யாகர்துராத்மன: ।
திர்யம்ன்ருஷிஷு யாத:³ஸு தத³த்யந்தவிட³ம்ப³னம் ॥ 3௦ ॥

கோ³ப்யாத³தே³ த்வயி க்ருதாக³ஸி தா³ம தாவத்³யாதே த³ஶாஶ்ருகலிலாஞ்ஜனஸம்ப்⁴ரமாக்ஷம் ।
வக்த்ரம் நினீய ப⁴யபா⁴வனயா ஸ்தி²தஸ்ய ஸா மாம் விமோஹயதி பீ⁴ரபி யத்³பி³பே⁴தி ॥ 31 ॥

கேசிதா³ஹுரஜம் ஜாதம் புண்யஶ்லோகஸ்ய கீர்தயே ।
யதோ³: ப்ரியஸ்யான்வவாயே மலயஸ்யேவ சந்த³னம் ॥ 32 ॥

அபரே வஸுதே³வஸ்ய தே³வக்யாம் யாசிதோப்⁴யகா³த் ।
அஜஸ்த்வமஸ்ய க்ஷேமாய வதா⁴ய ச ஸுரத்³விஷாம் ॥ 33 ॥

பா⁴ராவதாரணாயான்யே பு⁴வோ நாவ இவோத³தௌ⁴ ।
ஸீத³ந்த்யா பூ⁴ரிபா⁴ரேண ஜாதோ ஹ்யாத்மபு⁴வார்தி²த: ॥ 34 ॥

ப⁴வேஸ்மின்க்லிஶ்யமானானாமவித்³யாகாமகர்மபி⁴: ।
ஶ்ரவணஸ்மரணார்ஹாணி கரிஷ்யன்னிதி கேசன ॥ 35 ॥

ஶ்ருண்வந்தி கா³யந்தி க்³ருணந்த்யபீ⁴க்ஷ்ணஶ: ஸ்மரந்தி நந்த³ந்தி தவேஹிதம் ஜனா: ।
த ஏவ பஶ்யந்த்யசிரேண தாவகம் ப⁴வப்ரவாஹோபரமம் பதா³ம்பு³ஜம் ॥ 36 ॥

அப்யத்³ய நஸ்த்வம் ஸ்வக்ருதேஹித ப்ரபோ⁴ ஜிஹாஸஸி ஸ்வித்ஸுஹ்ருதோ³னுஜீவின: ।
யேஷாம் ந சான்யத்³ப⁴வத: பதா³ம்பு³ஜாத்பராயணம் ராஜஸு யோஜிதாம்ஹஸாம் ॥ 37 ॥

கே வயம் நாமரூபாப்⁴யாம் யது³பி⁴: ஸஹ பாண்ட³வா: ।
ப⁴வதோத³ர்ஶனம் யர்ஹி ஹ்ருஷீகாணாமிவேஶிது: ॥ 38 ॥

நேயம் ஶோபி⁴ஷ்யதே தத்ர யதே²தா³னீம் க³தா³த⁴ர ।
த்வத்பதை³ரங்கிதா பா⁴தி ஸ்வலக்ஷணவிலக்ஷிதை: ॥ 39 ॥

இமே ஜனபதா³: ஸ்வ்ருத்³தா⁴: ஸுபக்வௌஷதி⁴வீருத:⁴ ।
வனாத்³ரினத்³யுத³ன்வந்தோ ஹ்யேத⁴ந்தே தவ வீக்ஷிதை: ॥ 4௦ ॥

அத² விஶ்வேஶ விஶ்வாத்மன்விஶ்வமூர்தே ஸ்வகேஷு மே ।
ஸ்னேஹபாஶமிமம் சி²ந்தி⁴ த்³ருட⁴ம் பாண்டு³ஷு வ்ருஷ்ணிஷு ॥ 41 ॥

த்வயி மேனன்யவிஷயா மதிர்மது⁴பதேஸக்ருத் ।
ரதிமுத்³வஹதாத³த்³தா⁴ க³ங்கே³வௌக⁴முத³ன்வதி ॥ 42 ॥

ஶ்ரீக்ருஷ்ண க்ருஷ்ணஸக² வ்ருஷ்ண்ய்ருஷபா⁴வனித்³ருக்³ராஜன்யவம்ஶத³ஹனானபவர்க³வீர்ய ।
கோ³விந்த³ கோ³த்³விஜஸுரார்திஹராவதார யோகே³ஶ்வராகி²லகு³ரோ ப⁴க³வன்னமஸ்தே ॥ 43 ॥

॥ இதி ஶ்ரீமத்³பா⁴க³வதே மஹாபுராணே பாரமஹம்ஸ்யாம் ஸம்ஹிதாயாம் ப்ரத²மஸ்கந்தே⁴ அஷ்டமேத்⁴யாயே ஶ்ரீகுந்தீக்ருதக்ருஷ்ணஸ்துதி: ஸம்பூர்ணா ॥