க்ருஷ்ண ஸ்துதி: (ப்³ரஹ்ம க்ருதா பா⁴க³வத புராண)

ப்³ரஹ்மோவாச ।
நௌமீட்³ய தேப்⁴ரவபுஷே தடி³த³ம்ப³ராய
கு³ஞ்ஜாவதம்ஸபரிபிச்ச²லஸன்முகா²ய ।
வன்யஸ்ரஜே கவலவேத்ரவிஷாணவேணு-
லக்ஷ்மஶ்ரியே ம்ருது³பதே³ பஶுபாங்கஜ³ாய ॥ 1 ॥
அஸ்யாபி தே³வ வபுஷோ மத³னுக்³ரஹஸ்ய
ஸ்வேச்சா²மயஸ்ய ந து பூ⁴தமயஸ்ய கோபி ।
நேஶேமஹி த்வவஸிதும் மனஸாந்தரேண
ஸாக்ஷாத்தவைவ கிமுதாத்மஸுகா²னுபூ⁴தே: ॥ 2 ॥
ஜ்ஞானே ப்ரயாஸமுத³பாஸ்ய நமந்த ஏவ
ஜீவந்தி ஸன்முக²ரிதாம் ப⁴வதீ³யவார்தாம் ।
ஸ்தா²னே ஸ்தி²தா: ஶ்ருதிக³தாம் தனுவாம்மனோபி⁴:
யே ப்ராயஶோஜித ஜிதோப்யஸி தைஸ்த்ரிலோக்யாம் ॥ 3 ॥
ஶ்ரேய:ஸ்ருதிம் ப⁴க்திமுத³ஸ்ய தே விபோ⁴ க்லிஶ்யந்தி யே கேவலபோ³த⁴லப்³த⁴யே ।
தேஷாமஸௌ க்லேஶல ஏவ ஶிஷ்யதே நான்யத்³யதா² ஸ்தூ²லதுஷாவகா⁴தினாம் ॥ 4 ॥
புரேஹ பூ⁴மன் ப³ஹவோபி யோகி³னஸ்த்வத³ர்பிதேஹா நிஜகர்மலப்³த⁴யா ।
விபு³த்⁴ய ப⁴க்த்யைவ கதோ²பனீதயா ப்ரபேதி³ரேஞ்ஜோச்யுத தே க³திம் பராம் ॥ 5 ॥
ததா²பி பூ⁴மன் மஹிமாகு³ணஸ்ய தே விபோ³த்³து⁴மர்ஹத்யமலாந்தராத்மபி⁴: ।
அவிக்ரியாத்ஸ்வானுப⁴வாத³ரூபதோ ஹ்யனன்யபோ³த்⁴யாத்மதயா ந சான்யதா² ॥ 6 ॥
கு³ணாத்மனஸ்தேபி கு³ணான் விமாதும் ஹிதாவதீர்ணஸ்ய க ஈஶிரேஸ்ய ।
காலேன யைர்வா விமிதா: ஸுகல்பைர்பூ⁴பாம்ஸவ: கே² மிஹிகா த்³யுபா⁴ஸ: ॥ 7 ॥
தத்தேனுகம்பாம் ஸுஸமீக்ஷமாணோ பு⁴ஞ்ஜான ஏவாத்மக்ருதம் விபாகம் ।
ஹ்ருத்³வாக்³வபுர்பி⁴ர்வித³த⁴ன்னமஸ்தே ஜீவேத யோ முக்திபதே³ ஸ தா³யபா⁴க் ॥ 8 ॥
பஶ்யேஶ மேனார்யமனந்த ஆத்³யே பராத்மனி த்வய்யபி மாயிமாயினி ।
மாயாம் விதத்யேக்ஷிதுமாத்மவைப⁴வம் ஹ்யஹம் கியானைச்ச²மிவார்சிரக்³னௌ ॥ 9 ॥
அத: க்ஷமஸ்வாச்யுத மே ரஜோபு⁴வோ ஹ்யஜானதஸ்த்வத்ப்ருத²கீ³ஶமானின: ।
அஜாவலேபாந்த⁴தமோந்த⁴சக்ஷுஷ ஏஷோனுகம்ப்யோ மயி நாத²வானிதி ॥ 1௦ ॥
க்வாஹம் தமோமஹத³ஹங்க³சராக்³னிவார்பூ⁴ஸம்வேஷ்டிதாண்ட³க⁴டஸப்தவிதஸ்தகாய: ।
க்வேத்³ருக்³விதா⁴விக³ணிதாண்ட³பராணுசர்யாவாதாத்⁴வரோமவிவரஸ்ய ச தே மஹித்வம் ॥ 11 ॥
உத்க்ஷேபணம் க³ர்ப⁴க³தஸ்ய பாத³யோ: கிம் கல்பதே மாதுரதோ⁴க்ஷஜாக³ஸே ।
கிமஸ்தி நாஸ்திவ்யபதே³ஶபூ⁴ஷிதம் தவாஸ்தி குக்ஷே: கியத³ப்யனந்த: ॥ 12 ॥
ஜக³த்த்ரயாந்தோத³தி⁴ஸம்ப்லவோதே³ நாராயணஸ்யோத³ரனாபி⁴னாலாத் ।
வினிர்க³தோஜஸ்த்விதி வாம்ன வை ம்ருஷா கிம் த்வீஶ்வரத்வான்ன வினிர்க³தோஸ்மி . ।
நாராயணஸ்த்வம் ந ஹி ஸர்வதே³ஹினாமாத்மாஸ்யதீ⁴ஶாகி²லலோகஸாக்ஷீ ।
நாராயணோங்க³ம் நரபூ⁴ஜலாயனாத்தச்சாபி ஸத்யம் ந தவைவ மாயா ॥ 14 ॥
தச்சேஜ்ஜலஸ்த²ம் தவ ஸஜ்ஜக³த்³வபு: கிம் மே ந த்³ருஷ்டம் ப⁴க³வம்ஸ்ததை³வ ।
கிம் வா ஸுத்³ருஷ்டம் ஹ்ருதி³ மே ததை³வ கிம் நோ ஸபத்³யேவ புனர்வ்யத³ர்ஶி ॥ 15 ॥
அத்ரைவ மாயாத³மனாவதாரே ஹ்யஸ்ய ப்ரபஞ்சஸ்ய ப³ஹி: ஸ்பு²டஸ்ய ।
க்ருத்ஸ்னஸ்ய சாந்தர்ஜட²ரே ஜனன்யா மாயாத்வமேவ ப்ரகடீக்ருதம் தே ॥ 16 ॥
யஸ்ய குக்ஷாவித³ம் ஸர்வம் ஸாத்மம் பா⁴தி யதா² ததா² ।
தத்த்வய்யபீஹ தத்ஸர்வம் கிமித³ம் மாயயா வினா ॥ 17 ॥
அத்³யைவ த்வத்³ருதேஸ்ய கிம் மம ந தே மாயாத்வமாத³ர்ஶிதம்
ஏகோஸி ப்ரத²மம் ததோ வ்ரஜஸுஹ்ருத்³வத்ஸா: ஸமஸ்தா அபி ।
தாவந்தோஸி சதுர்பு⁴ஜாஸ்தத³கி²லை: ஸாகம் மயோபாஸிதா-
ஸ்தாவந்த்யேவ ஜக³ந்த்யபூ⁴ஸ்தத³மிதம் ப்³ரஹ்மாத்³வயம் ஶிஷ்யதே ॥ 18 ॥
அஜானதாம் த்வத்பத³வீமனாத்மன்யாத்மாத்மனா பா⁴ஸி விதத்ய மாயாம் ।
ஸ்ருஷ்டாவிவாஹம் ஜக³தோ விதா⁴ன இவ த்வமேஷோந்த இவ த்ரினேத்ர: ॥ 19 ॥
ஸுரேஷ்வ்ருஷிஷ்வீஶ ததை²வ ந்ருஷ்வபி திர்யக்ஷு யாத:³ஸ்வபி தேஜனஸ்ய ।
ஜன்மாஸதாம் து³ர்மத³னிக்³ரஹாய ப்ரபோ⁴ விதா⁴த: ஸத³னுக்³ரஹாய ச ॥ 2௦ ॥
கோ வேத்தி பூ⁴மன் ப⁴க³வன் பராத்மன் யோகே³ஶ்வரோதீர்ப⁴வதஸ்த்ரிலோக்யாம் ।
க்வ வா கத²ம் வா கதி வா கதே³தி விஸ்தாரயன் க்ரீட³ஸி யோக³மாயாம் ॥ 21 ॥
தஸ்மாதி³த³ம் ஜக³த³ஶேஷமஸத்ஸ்வரூபம் ஸ்வப்னாப⁴மஸ்ததி⁴ஷணம் புருது³:க²து³:க²ம் ।
த்வய்யேவ நித்யஸுக²போ³த⁴தனாவனந்தே மாயாத உத்³யத³பி யத்ஸதி³வாவபா⁴தி ॥ 22 ॥
ஏகஸ்த்வமாத்மா புருஷ: புராண: ஸத்ய: ஸ்வயஞ்ஜ்யோதிரனந்த ஆத்³ய: ।
நித்யோக்ஷரோஜஸ்ரஸுகோ² நிரஞ்ஜன: பூர்ணோத்³வயோ முக்த உபாதி⁴தோம்ருத: ॥ 23 ॥
ஏவம்வித⁴ம் த்வாம் ஸகலாத்மனாமபி ஸ்வாத்மானமாத்மாத்மதயா விசக்ஷதே ।
கு³ர்வர்கலப்³தோ⁴பனிஷத்ஸுசக்ஷுஷா யே தே தரந்தீவ ப⁴வான்ருதாம்பு³தி⁴ம் ॥ 24 ॥
ஆத்மானமேவாத்மதயாவிஜானதாம் தேனைவ ஜாதம் நிகி²லம் ப்ரபஞ்சிதம் ।
ஜ்ஞானேன பூ⁴யோபி ச தத்ப்ரலீயதே ரஜ்ஜ்வாமஹேர்போ⁴க³ப⁴வாப⁴வௌ யதா² ॥ 25 ॥
அஜ்ஞானஸஞ்ஜ்ஞௌ ப⁴வப³ந்த⁴மோக்ஷௌ த்³வௌ நாம நான்யௌ ஸ்த ருதஜ்ஞபா⁴வாத் ।
அஜஸ்ரசித்யாத்மனி கேவலே பரே விசார்யமாணே தரணாவிவாஹனீ ॥ 26 ॥
த்வாமாத்மானம் பரம் மத்வா பரமாத்மானமேவ ச ।
ஆத்மா புனர்ப³ஹிர்ம்ருக்³ய அஹோஜ்ஞஜனதாஜ்ஞதா ॥ 27 ॥
அந்தர்ப⁴வேனந்த ப⁴வந்தமேவ ஹ்யதத்த்யஜந்தோ ம்ருக³யந்தி ஸந்த: ।
அஸந்தமப்யந்த்யஹிமந்தரேண ஸந்தம் கு³ணம் தம் கிமு யந்தி ஸந்த: ॥ 28 ॥
அதா²பி தே தே³வ பதா³ம்பு³ஜத்³வயப்ரஸாத³லேஶானுக்³ருஹீத ஏவ ஹி ।
ஜானாதி தத்த்வம் ப⁴க³வன் மஹிம்னோ ந சான்ய ஏகோபி சிரம் விசின்வன் ॥ 29 ॥
தத³ஸ்து மே நாத² ஸ பூ⁴ரிபா⁴கோ³ ப⁴வேத்ர வான்யத்ர து வா திரஶ்சாம் ।
யேனாஹமேகோபி ப⁴வஜ்ஜனானாம் பூ⁴த்வா நிஷேவே தவ பாத³பல்லவம் ॥ 3௦ ॥
அஹோதித⁴ன்யா வ்ரஜகோ³ரமண்ய: ஸ்தன்யாம்ருதம் பீதமதீவ தே முதா³ ।
யாஸாம் விபோ⁴ வத்ஸதராத்மஜாத்மனா யத்த்ருப்தயேத்³யாபி ந சாலமத்⁴வரா: ॥ 31 ॥
அஹோ பா⁴க்³யமஹோ பா⁴க்³யம் நந்த³கோ³பவ்ரஜௌகஸாம் ।
யன்மித்ரம் பரமானந்த³ம் பூர்ணம் ப்³ரஹ்ம ஸனாதனம் ॥ 32 ॥
ஏஷாம் து பா⁴க்³யமஹிமாச்யுத தாவதா³ஸ்தா-
மேகாத³ஶைவ ஹி வயம் ப³த பூ⁴ரிபா⁴கா³: ।
ஏதத்³த்⁴ருஷீகசஷகைரஸக்ருத்பிபா³ம:
ஶர்வாத³யோங்க்⁴ர்யுதஜ³மத்⁴வம்ருதாஸவம் தே ॥ 33 ॥
தத்³பூ⁴ரிபா⁴க்³யமிஹ ஜன்ம கிமப்யடவ்யாம்
யத்³கோ³குலேபி கதமாங்க்⁴ரிரஜோபி⁴ஷேகம் ।
யஜ்ஜீவிதம் து நிகி²லம் ப⁴க³வான் முகுந்த-³
ஸ்த்வத்³யாபி யத்பத³ரஜ: ஶ்ருதிம்ருக்³யமேவ ॥ 34 ॥
ஏஷாம் கோ⁴ஷனிவாஸினாமுத ப⁴வான் கிம் தே³வ ராதேதி ந:
சேதோ விஶ்வப²லாத்ப²லம் த்வத³பரம் குத்ராப்யயன் முஹ்யதி ।
ஸத்³வேஷாதி³வ பூதனாபி ஸகுலா த்வாமேவ தே³வாபிதா
யத்³தா⁴மார்த²ஸுஹ்ருத்ப்ரியாத்மதனயப்ராணாஶயாஸ்த்வத்க்ருதே ॥ 35 ॥
தாவத்³ராகா³த³ய: ஸ்தேனாஸ்தாவத்காராக்³ருஹம் க்³ருஹம் ।
தாவன்மோஹோங்க்⁴ரினிக³டோ³ யாவத்க்ருஷ்ண ந தே ஜனா: ॥ 36 ॥
ப்ரபஞ்சம் நிஷ்ப்ரபஞ்சோபி விட³ம்ப³யஸி பூ⁴தலே ।
ப்ரபன்னஜனதானந்த³ஸந்தோ³ஹம் ப்ரதி²தும் ப்ரபோ⁴ ॥ 37 ॥
ஜானந்த ஏவ ஜானந்து கிம் ப³ஹூக்த்யா ந மே ப்ரபோ⁴ ।
மனஸோ வபுஷோ வாசோ வைப⁴வம் தவ கோ³சர: ॥ 38 ॥
அனுஜானீஹி மாம் க்ருஷ்ண ஸர்வம் த்வம் வேத்ஸி ஸர்வத்³ருக் ।
த்வமேவ ஜக³தாம் நாதோ² ஜக³தே³தத்தவார்பிதம் ॥ 39 ॥
ஶ்ரீக்ருஷ்ண வ்ருஷ்ணிகுலபுஷ்கரஜோஷதா³யின்
க்ஷ்மானிர்ஜரத்³விஜபஶூத³தி⁴வ்ருத்³தி⁴காரின் ।
உத்³த⁴ர்மஶார்வரஹர க்ஷிதிராக்ஷஸத்⁴ருக்³
ஆகல்பமார்கமர்ஹன் ப⁴க³வன் நமஸ்தே ॥ 4௦ ॥

இதி ஶ்ரீமத்³பா⁴க³வதமஹாபுராணே த³ஶமஸ்கந்தே⁴ பூர்வார்தே⁴
சதுர்த³ஶாத்⁴யாயாந்தர்க³தம் ப்³ரஹ்மக்ருதம் ஶ்ரீக்ருஷ்ணஸ்துதி: ஸமாப்தா ।

பா⁴க³வதபுராண . அத்⁴யாய 1௦/14/1-4௦ . ।