க்ருஷ்ணாஷ்டகம்

வஸுதே³வ ஸுதம் தே³வம் கம்ஸ சாணூர மர்த³னம் ।
தே³வகீ பரமானந்த³ம் க்ருஷ்ணம் வந்தே³ ஜக³த்³கு³ரும் ॥

அதஸீ புஷ்ப ஸங்காஶம் ஹார நூபுர ஶோபி⁴தம் ।
ரத்ன கங்கண கேயூரம் க்ருஷ்ணம் வந்தே³ ஜக³த்³கு³ரும் ॥

குடிலாலக ஸம்யுக்தம் பூர்ணசந்த்³ர நிபா⁴னனம் ।
விலஸத் குண்ட³லத⁴ரம் க்ருஷ்ணம் வந்தே³ ஜக³த்³கு³ரம் ॥

மந்தா³ர க³ந்த⁴ ஸம்யுக்தம் சாருஹாஸம் சதுர்பு⁴ஜம் ।
ப³ர்ஹி பிஞ்சா²வ சூடா³ங்க³ம் க்ருஷ்ணம் வந்தே³ ஜக³த்³கு³ரும் ॥

உத்பு²ல்ல பத்³மபத்ராக்ஷம் நீல ஜீமூத ஸன்னிப⁴ம் ।
யாத³வானாம் ஶிரோரத்னம் க்ருஷ்ணம் வந்தே³ ஜக³த்³கு³ரும் ॥

ருக்மிணீ கேளி ஸம்யுக்தம் பீதாம்ப³ர ஸுஶோபி⁴தம் ।
அவாப்த துலஸீ க³ந்த⁴ம் க்ருஷ்ணம் வந்தே³ ஜக³த்³கு³ரும் ॥

கோ³பிகானாம் குசத்³வந்த³ குங்குமாங்கித வக்ஷஸம் ।
ஶ்ரீனிகேதம் மஹேஷ்வாஸம் க்ருஷ்ணம் வந்தே³ ஜக³த்³கு³ரும் ॥

ஶ்ரீவத்ஸாங்கம் மஹோரஸ்கம் வனமாலா விராஜிதம் ।
ஶங்க²சக்ர த⁴ரம் தே³வம் க்ருஷ்ணம் வந்தே³ ஜக³த்³கு³ரும் ॥

க்ருஷ்ணாஷ்டக மித³ம் புண்யம் ப்ராதருத்தா²ய ய: படே²த் ।
கோடிஜன்ம க்ருதம் பாபம் ஸ்மரணேன வினஶ்யதி ॥