கடோ²பனிஷத்³ – அத்⁴யாய 2, வள்ளீ 2

அத்⁴யாய 2
வல்லீ 2

புரமேகாத³ஶத்³வாரமஜஸ்யாவக்ரசேதஸ:।
அனுஷ்டா²ய ந ஶோசதி விமுக்தஶ்ச விமுச்யதே। ஏதத்³வை தத் ॥1॥

ஹம்ஸ: ஶுசிஷத்³வஸுரந்தரிக்ஷஸத்³தோ⁴தா வேதி³ஷத³திதி²ர்து³ரோணஸத்।
ந்ருஷத்³வரஸத்³ருதஸத்³வ்யோமஸத³ப்³ஜா கோ³ஜா ருதஜா அத்³ரிஜா ருதம் ப்³ருஹத் ॥2॥

ஊர்த்⁴வம் ப்ராணமுன்னயத்யபானம் ப்ரத்யக³ஸ்யதி।
மத்⁴யே வாமனமாஸீனம் விஶ்வே தே³வா உபாஸதே ॥3॥

அஸ்ய விஸ்ரம்ஸமானஸ்ய ஶரீரஸ்த²ஸ்ய தே³ஹின:।
தே³ஹாத்³விமுச்யமானஸ்ய கிமத்ர பரிஶிஷ்யதே। ஏதத்³வை தத் ॥4॥

ந ப்ராணேன நாபானேன மர்த்யோ ஜீவதி கஶ்சன।
இதரேண து ஜீவந்தி யஸ்மின்னேதாவுபாஶ்ரிதௌ ॥5॥

ஹந்த த இத³ம் ப்ரவக்ஷ்யாமி கு³ஹ்யம் ப்³ரஹ்ம ஸனாதனம்।
யதா² ச மரணம் ப்ராப்ய ஆத்மா ப⁴வதி கௌ³தம ॥6॥

யோனிமன்யே ப்ரபத்³யந்தே ஶரீரத்வாய தே³ஹின:।
ஸ்தா²ணுமன்யேனுஸம்யந்தி யதா²கர்ம யதா²ஶ்ருதம் ॥7॥

ய ஏஷ ஸுப்தேஷு ஜாக³ர்தி காமம் காமம் புருஷோ நிர்மிமாண:।
ததே³வ ஶுக்ரம் தத்³ ப்³ரஹ்ம ததே³வாம்ருதமுச்யதே।
தஸ்மிம்ல்லோகா: ஶ்ரிதா: ஸர்வே தது³ நாத்யேதி கஶ்சன। ஏதத்³வை தத் ॥8॥

அக்³னிர்யதை²கோ பு⁴வனம் ப்ரவிஷ்டோ ரூபம் ரூபம் ப்ரதிரூபோ ப³பூ⁴வ।
ஏகஸ்ததா² ஸர்வபூ⁴தாந்தராத்மா ரூபம் ரூபம் ப்ரதிரூபோ ப³ஹிஶ்ச ॥9॥

வாயுர்யதை²கோ பு⁴வனம் ப்ரவிஷ்டோ ரூபம் ரூபம் ப்ரதிரூபோ ப³பூ⁴வ।
ஏகஸ்ததா² ஸர்வபூ⁴தாந்தராத்மா ரூபம் ரூபம் ப்ரதிரூபோ ப³ஹிஶ்ச ॥1௦॥

ஸூர்யோ யதா² ஸர்வலோகஸ்ய சக்ஷுர்ன லிப்யதே சாக்ஷுஷைர்பா³ஹ்யதோ³ஷை:।
ஏகஸ்ததா² ஸர்வபூ⁴தாந்தராத்மா ந லிப்யதே லோகது³:கே²ன பா³ஹ்ய: ॥11॥

ஏகோ வஶீ ஸர்வபூ⁴தாந்தராத்மா ஏகம் ரூபம் ப³ஹுதா⁴ ய: கரோதி।
தமாத்மஸ்த²ம் யேனுபஶ்யந்தி தீ⁴ராஸ்தேஷாம் ஸுக²ம் ஶாஶ்வதம் நேதரேஷாம் ॥12॥

நித்யோனித்யானாம் சேதனஶ்சேதனானாமேகோ ப³ஹூனாம் யோ வித³தா⁴தி காமான்।
தமாத்மஸ்த²ம் யேனுபஶ்யந்தி தீ⁴ராஸ்தேஷாம் ஶாந்தி: ஶாஶ்வதீ நேதரேஷாம் ॥13॥

ததே³ததி³தி மன்யந்தேனிர்தே³ஶ்யம் பரமம் ஸுக²ம்।
கத²ம் நு தத்³விஜானீயாம் கிமு பா⁴தி விபா⁴தி வா ॥14॥

ந தத்ர ஸூர்யோ பா⁴தி ந சந்த்³ரதாரகம் நேமா வித்³யுதோ பா⁴ந்தி குதோயமக்³னி:।
தமேவ பா⁴ந்தமனுபா⁴தி ஸர்வம் தஸ்ய பா⁴ஸா ஸர்வமித³ம் விபா⁴தி ॥15॥