கடோ²பனிஷத்³ – அத்⁴யாய 1, வள்ளீ 3

அத்⁴யாய 1
வல்லீ 3

ருதம் பிப³ந்தௌ ஸுக்ருதஸ்ய லோகே கு³ஹாம் ப்ரவிஷ்டௌ பரமே பரார்தே⁴।
சா²யாதபௌ ப்³ரஹ்மவிதோ³ வத³ந்தி பஞ்சாக்³னயோ யே ச த்ரிணாசிகேதா: ॥1॥

ய: ஸேதுரீஜானானாமக்ஷரம் ப்³ரஹ்ம யத்பரம்।
அப⁴யம் திதீர்​ஷதாம் பாரம் நாசிகேதம் ஶகேமஹி ॥2॥

ஆத்மானம் ரதி²னம் வித்³தி⁴ ஶரீரம் ரத²மேவ து।
பு³த்³தி⁴ம் து ஸாரதி²ம் வித்³தி⁴ மன: ப்ரக்³ரஹமேவ ச ॥3॥

இந்த்³ரியாணி ஹயானாஹுர்விஷயாம்ஸ்தேஷு கோ³சரான்।
ஆத்மேந்த்³ரியமனோயுக்தம் போ⁴க்தேத்யாஹுர்மனீஷிண: ॥4॥

யஸ்த்வவிஜ்ஞானவான்ப⁴வத்யயுக்தேன மனஸா ஸதா³।
தஸ்யேந்த்³ரியாண்யவஶ்யானி து³ஷ்டாஶ்வா இவ ஸாரதே²: ॥5॥

யஸ்து விஜ்ஞானவான்ப⁴வதி யுக்தேன மனஸா ஸதா³।
தஸ்யேந்த்³ரியாணி வஶ்யானி ஸத³ஶ்வா இவ ஸாரதே²: ॥6॥

யஸ்த்வவிஜ்ஞானவான்ப⁴வத்யமனஸ்க: ஸதா³ஶுசி:।
ந ஸ தத்பத³மாப்னோதி ஸம்ஸாரம் சாதி⁴க³ச்ச²தி ॥7॥

யஸ்து விஜ்ஞானவான்ப⁴வதி ஸமனஸ்க: ஸதா³ ஶுசி:।
ஸ து தத்பத³மாப்னோதி யஸ்மாத்³ பூ⁴யோ ந ஜாயதே ॥8॥

விஜ்ஞானஸாரதி²ர்யஸ்து மன: ப்ரக்³ரஹவான்னர:।
ஸோத்⁴வன: பாரமாப்னோதி தத்³விஷ்ணோ: பரமம் பத³ம் ॥9॥

இந்த்³ரியேப்⁴ய: பரா ஹ்யர்தா² அர்தே²ப்⁴யஶ்ச பரம் மன:।
மனஸஸ்து பரா பு³த்³தி⁴ர்பு³த்³தே⁴ராத்மா மஹான்பர: ॥1௦॥

மஹத: பரமவ்யக்தமவ்யக்தாத்புருஷ: பர:।
புருஷான்ன பரம் கிஞ்சித்ஸா காஷ்டா² ஸா பரா க³தி: ॥11॥

ஏஷ ஸர்வேஷு பூ⁴தேஷு கூ³டோ⁴த்மா ந ப்ரகாஶதே।
த்³ருஶ்யதே த்வக்³ர்யயா பு³த்³த்⁴யா ஸூக்ஷ்மயா ஸூக்ஷ்மத³ர்​ஶிபி⁴: ॥12॥

யச்சே²த்³வாங்மனஸீ ப்ராஜ்ஞஸ்தத்³யச்சே²ஜ்ஜ்ஞான ஆத்மனி।
ஜ்ஞானமாத்மனி மஹதி நியச்சே²த்தத்³யச்சே²ச்சா²ந்த ஆத்மனி ॥13॥

உத்திஷ்ட²த ஜாக்³ரத ப்ராப்ய வரான்னிபோ³த⁴த।
க்ஷுரஸ்ய தா⁴ரா நிஶிதா து³ரத்யயா து³ர்க³ம் பத²ஸ்தத்கவயோ வத³ந்தி ॥14॥

அஶப்³த³மஸ்பர்​ஶமரூபமவ்யயம் ததா²ரஸம் நித்யமக³ந்த⁴வச்ச யத்।
அனாத்³யனந்தம் மஹத: பரம் த்⁴ருவம் நிசாய்ய தன்ம்ருத்யுமுகா²த் ப்ரமுச்யதே ॥15॥

நாசிகேதமுபாக்²யானம் ம்ருத்யுப்ரோக்தம் ஸனாதனம்।
உக்த்வா ஶ்ருத்வா ச மேதா⁴வீ ப்³ரஹ்மலோகே மஹீயதே ॥16॥

ய இமம் பரமம் கு³ஹ்யம் ஶ்ராவயேத்³ ப்³ரஹ்மஸம்ஸதி³।
ப்ரயத: ஶ்ராத்³த⁴காலே வா ததா³னந்த்யாய கல்பதே।
ததா³னந்த்யாய கல்பத இதி ॥17॥