கடோ²பனிஷத்³ – அத்⁴யாய 1, வள்ளீ 1

அத்⁴யாய 1
வல்லீ 1

ஓம் உஶன் ஹ வை வாஜஶ்ரவஸ: ஸர்வவேத³ஸம் த³தௌ³।
தஸ்ய ஹ நசிகேதா நாம புத்ர ஆஸ ॥1॥

தம் ஹ குமாரம் ஸந்தம் த³க்ஷிணாஸு நீயமானாஸு ஶ்ரத்³தா⁴விவேஶ। ஸோமன்யத ॥2॥

பீதோத³கா ஜக்³த⁴த்ருணா து³க்³த⁴தோ³ஹா நிரிந்த்³ரியா:।
அனந்தா³ நாம தே லோகாஸ்தான்ஸ க³ச்ச²தி தா த³த³த் ॥3॥

ஸ ஹோவாச பிதரம் தத கஸ்மை மாம் தா³ஸ்யஸீதி।
த்³விதீயம் த்ருதீயம் தம் ஹோவாச ம்ருத்யவே த்வா த³தா³மீதி ॥4॥

ப³ஹூனாமேமி ப்ரத²மோ ப³ஹூனாமேமி மத்⁴யம:।
கிம் ஸ்வித்³யமஸ்ய கர்தவ்யம் யன்மயாத்³ய கரிஷ்யதி ॥5॥

அனுபஶ்ய யதா² பூர்வே ப்ரதிபஶ்ய ததா²பரே।
ஸஸ்யமிவ மர்த்ய: பச்யதே ஸஸ்யமிவாஜாயதே புன: ॥6॥

வைஶ்வானர: ப்ரவிஶத்யதிதி²ர்ப்³ராஹ்மணோ க்³ருஹான்।
தஸ்யைதாம் ஶாந்திம் குர்வந்தி ஹர வைவஸ்வதோத³கம் ॥7॥

ஆஶாப்ரதீக்ஷே ஸங்க³தம் ஸூன்ருதாம் சேஷ்டாபூர்தே புத்ரபஶூம்ஶ்ச ஸர்வான்।
ஏதத்³ வ்ருங்க்தே புருஷஸ்யால்பமேத⁴ஸோ யஸ்யானஶ்னன்வஸதி ப்³ராஹ்மணோ க்³ருஹே ॥8॥

திஸ்ரோ ராத்ரீர்யத³வாத்ஸீர்க்³ருஹே மேனஶ்னன்ப்³ரஹ்மன்னதிதி²ர்னமஸ்ய:।
நமஸ்தேஸ்து ப்³ரஹ்மன்ஸ்வஸ்தி மேஸ்து தஸ்மாத்ப்ரதி த்ரீன்வரான்வ்ருணீஷ்வ ॥9॥

ஶாந்தஸங்கல்ப: ஸுமனா யதா² ஸ்யாத்³வீதமன்யுர்கௌ³தமோ மாபி⁴ ம்ருத்யோ।
த்வத்ப்ரஸ்ருஷ்டம் மாபி⁴வதே³த்ப்ரதீத ஏதத்த்ரயாணாம் ப்ரத²மம் வரம் வ்ருணே ॥1௦॥

யதா² புரஸ்தாத்³ ப⁴விதா ப்ரதீத ஔத்³தா³லகிராருணிர்மத்ப்ரஸ்ருஷ்ட:।
ஸுக²ம் ராத்ரீ: ஶயிதா வீதமன்யுஸ்த்வாம் த³த்³ருஶிவான்ம்ருத்யுமுகா²த்ப்ரமுக்தம் ॥11॥

ஸ்வர்கே³ லோகே ந ப⁴யம் கிஞ்சனாஸ்தி ந தத்ர த்வம் ந ஜரயா பி³பே⁴தி।
உபே⁴ தீர்த்வாஶனாயாபிபாஸே ஶோகாதிகோ³ மோத³தே ஸ்வர்க³லோகே ॥12॥

ஸ த்வமக்³னிம் ஸ்வர்க்³யமத்⁴யேஷி ம்ருத்யோ ப்ரப்³ரூஹி த்வம் ஶ்ரத்³த³தா⁴னாய மஹ்யம்।
ஸ்வர்க³லோகா அம்ருதத்வம் பஜ⁴ந்த ஏதத்³ த்³விதீயேன வ்ருணே வரேண ॥13॥

ப்ர தே ப்³ரவீமி தது³ மே நிபோ³த⁴ ஸ்வர்க்³யமக்³னிம் நசிகேத: ப்ரஜானன்।
அனந்தலோகாப்திமதோ² ப்ரதிஷ்டா²ம் வித்³தி⁴ த்வமேதம் நிஹிதம் கு³ஹாயாம் ॥14॥

லோகாதி³மக்³னிம் தமுவாச தஸ்மை யா இஷ்டகா யாவதீர்வா யதா² வா।
ஸ சாபி தத்ப்ரத்யவத³த்³யதோ²க்தமதா²ஸ்ய ம்ருத்யு: புனரேவாஹ துஷ்ட: ॥15॥

தமப்³ரவீத்ப்ரீயமாணோ மஹாத்மா வரம் தவேஹாத்³ய த³தா³மி பூ⁴ய:।
தவைவ நாம்னா ப⁴விதாயமக்³னி: ஸ்ருங்காம் சேமாமனேகரூபாம் க்³ருஹாண ॥16॥

த்ரிணாசிகேதஸ்த்ரிபி⁴ரேத்ய ஸந்தி⁴ம் த்ரிகர்மக்ருத்தரதி ஜன்மம்ருத்யூ।
ப்³ரஹ்மஜஜ்ஞம் தே³வமீட்³யம் விதி³த்வா நிசாய்யேமாம் ஶாந்திமத்யந்தமேதி ॥17॥

த்ரிணாசிகேதஸ்த்ரயமேதத்³விதி³த்வா ய ஏவம் வித்³வாம்ஶ்சினுதே நாசிகேதம்।
ஸ ம்ருத்யுபாஶான்புரத: ப்ரணோத்³ய ஶோகாதிகோ³ மோத³தே ஸ்வர்க³லோகே ॥18॥

ஏஷ தேக்³னிர்னசிகேத: ஸ்வர்க்³யோ யமவ்ருணீதா² த்³விதீயேன வரேண।
ஏதமக்³னிம் தவைவ ப்ரவக்ஷ்யந்தி ஜனாஸஸ்த்ருதீயம் வரம் நசிகேதோ வ்ருணீஷ்வ ॥19॥

யேயம் ப்ரேதே விசிகித்ஸா மனுஷ்யேஸ்தீத்யேகே நாயமஸ்தீதி சைகே।
ஏதத்³வித்³யாமனுஶிஷ்டஸ்த்வயாஹம் வராணாமேஷ வரஸ்த்ருதீய: ॥2௦॥

தே³வைரத்ராபி விசிகித்ஸிதம் புரா ந ஹி ஸுவிஜ்ஞேயமணுரேஷ த⁴ர்ம:।
அன்யம் வரம் நசிகேதோ வ்ருணீஷ்வ மா மோபரோத்ஸீரதி மா ஸ்ருஜைனம் ॥21॥

தே³வைரத்ராபி விசிகித்ஸிதம் கில த்வம் ச ம்ருத்யோ யன்ன ஸுஜ்ஞேயமாத்த।²
வக்தா சாஸ்ய த்வாத்³ருக³ன்யோ ந லப்⁴யோ நான்யோ வரஸ்துல்ய ஏதஸ்ய கஶ்சித் ॥22॥

ஶதாயுஷ: புத்ரபௌத்ரான்வ்ருணீஷ்வ ப³ஹூன்பஶூன்ஹஸ்திஹிரண்யமஶ்வான்।
பூ⁴மேர்மஹதா³யதனம் வ்ருணீஷ்வ ஸ்வயம் ச ஜீவ ஶரதோ³ யாவதி³ச்ச²ஸி ॥23॥

ஏதத்துல்யம் யதி³ மன்யஸே வரம் வ்ருணீஷ்வ வித்தம் சிரஜீவிகாம் ச।
மஹாபூ⁴மௌ நசிகேதஸ்த்வமேதி⁴ காமானாம் த்வாம் காமபா⁴ஜம் கரோமி ॥24॥

யே யே காமா து³ர்லபா⁴ மர்த்யலோகே ஸர்வான்காமாம்ஶ்ச²ந்த³த: ப்ரார்த²யஸ்வ।
இமா ராமா: ஸரதா²: ஸதூர்யா ந ஹீத்³ருஶா லம்ப⁴னீயா மனுஷ்யை:।
ஆபி⁴ர்மத்ப்ரத்தாபி⁴: பரிசாரயஸ்வ நசிகேதோ மரணம் மானுப்ராக்ஶீ: ॥25॥

ஶ்வோபா⁴வா மர்த்யஸ்ய யத³ந்தகைதத்ஸர்வேந்த்³ரியாணாம் ஜரயந்தி தேஜ:।
அபி ஸர்வம் ஜீவிதமல்பமேவ தவைவ வாஹாஸ்தவ ந்ருத்யகீ³தே ॥26॥

ந வித்தேன தர்பணீயோ மனுஷ்யோ லப்ஸ்யாமஹே வித்தமத்³ராக்ஷ்ம சேத்த்வா।
ஜீவிஷ்யாமோ யாவதீ³ஶிஷ்யஸி த்வம் வரஸ்து மே வரணீய: ஸ ஏவ ॥27॥

அஜீர்யதாமம்ருதானாமுபேத்ய ஜீர்யன்மர்த்ய: க்வத:⁴ஸ்த:² ப்ரஜானன்।
அபி⁴த்⁴யாயன்வர்ணரதிப்ரமோதா³னதிதீ³ர்கே⁴ ஜீவிதே கோ ரமேத ॥28॥

யஸ்மின்னித³ம் விசிகித்ஸந்தி ம்ருத்யோ யத்ஸாம்பராயே மஹதி ப்³ரூஹி நஸ்தத்।
யோயம் வரோ கூ³ட⁴மனுப்ரவிஷ்டோ நான்யம் தஸ்மான்னசிகேதா வ்ருணீதே ॥29॥