ஹம்ஸ கு³ஹ்ய ஸ்தோத்ரம் (பா⁴க³வத புராண)

(பா⁴க³வதபுராணாந்தர்க³தம்)

நம: பராயாவிததா²னுபூ⁴தயே
கு³ணத்ரயாபா⁴ஸனிமித்தப³ந்த⁴வே ।
அத்³ருஷ்டதா⁴ம்னே கு³ணதத்த்வபு³த்³தி⁴பி⁴:
நிவ்ருத்தமானாய த³தே⁴ ஸ்வயம்பு⁴வே ॥ 1 ॥

ந யஸ்ய ஸக்²யம் புருஷோவைதி ஸக்²யு:
ஸகா² வஸன்ஸம்வஸத: புரேஸ்மின் ।
கு³ணோ யதா² கு³ணினோ வ்யக்தத்³ருஷ்டே:
தஸ்மை மஹேஶாய நமஸ்கரோமி ॥ 2 ॥

தே³ஹோஸவோக்ஷா மனவோ பூ⁴தமாத்ரா
நாத்மானமன்யம் ச விது³: பரம் யத் ।
ஸர்வம் புமான் வேத³ கு³ணாம்ஶ்ச தஜ்ஜ்ஞோ
ந வேத³ ஸர்வஜ்ஞமனந்தமீடே³ ॥ 3 ॥

யதோ³பராமோ மனஸோ நாமரூப-
ரூபஸ்ய த்³ருஷ்டஸ்ம்ருதிஸப்ரமோஷாத் ।
ய ஈயதே கேவலயா ஸ்வஸம்ஸ்த²யா
ஹம்ஸாய தஸ்மை ஶுசிஸத்³மனே நம: ॥ 4 ॥

மனீஷிணோந்தர்ஹதி³ ஸன்னிவேஶிதம்
ஸ்வஶக்திபி⁴ர்னவபி⁴ஶ்ச த்ரிவ்ருத்³பி⁴: ।
வஹ்னிம் யதா² தா³ருணி பாஞ்சத³ஶ்யம்
மனீஷயா நிஷ்கர்ஷந்தி கூ³ட⁴ம் ॥ 5 ॥

ஸ வை மமாஶேஷவிஶேஷமாயா
நிஷேத⁴னிவாணஸுகா²னுபூ⁴தி: ।
ஸ ஸர்வனாமா ஸ ச விஶ்வரூப:
ப்ரஸீத³தாமனிருக்தாத்மஶக்தி: ॥ 6 ॥

யத்³யன்னிருக்தம் வசஸா நிரூபிதம்
தி⁴யாக்ஷபி⁴ர்வா மனஸா வோத யஸ்ய ।
மா பூ⁴த்ஸ்வரூபம் கு³ணரூபம் ஹி தத்தத்
ஸ வை கு³ணாபாயவிஸர்க³லக்ஷண: ॥ 7 ॥

யஸ்மின் யதோ யேன ச யஸ்ய யஸ்மை
யத்³யோ யதா² குரூதே கார்யதே ச ।
பராவரேஷாம் பரமம் ப்ராக் ப்ரஸித்³த⁴ம்
தத்³ப்³ரஹ்ம தத்³தே⁴துரனன்யதே³கம் ॥ 8 ॥

யச்ச²க்தயோ வத³தாம் வாதி³தாம் வை
விவாத³ஸம்வாத³பு⁴வோ ப⁴வந்தி ।
குர்வந்தி சைஷாம் முஹுராத்மமோஹம்
தஸ்மை நமோனந்தகு³ணாய பூ⁴ம்னே ॥ 9 ॥

அஸ்தீதி நாஸ்தீதி ச வஸ்துனிஷ்ட²யோ:
ஏகஸ்த²யோர்பி⁴ன்னவிருத்³த⁴த⁴ர்மயோ: ।
அவேக்ஷிதம் கிம் ச ந யோக³ஸாங்க்³யயோ:
ஸமம் பரம் ஹ்யனுகூலம் ப்³ருஹத்தத் ॥ 1௦ ॥

யோனுக³ஹார்த²ம் பஜ⁴தாம் பாத³மூலமனாமரூபோ ப⁴க³வானனந்த: ।
நாமானி ரூபாணி ச ஜன்மகர்மபி⁴ர்பே⁴ஜே ஸ மஹ்யம் பரம: ப்ரஸீத³து ॥ 11 ॥

ய: ப்ராக்ருதைர்ஜ்ஞானபதை²ர்ஜனானாம்
யதா²ஶயம் தே³ஹக³தோ விபா⁴தி ।
யதா²னில: பார்தி²வமாஶ்ரிதோ கு³ணம்
ஸ ஈஶ்வரோ மே குருதான்மனோரத²ம் ॥ 12 ॥

॥ இதி ஹம்ஸகு³ஹ்யஸ்தோத்ரம் ஸம்பூர்ணம் ॥