த்⁴ருவ ஸ்துதி:

(விஷ்ணுபுராணாந்தர்க³தா; முக்²ய ஸ்துதி ஶ்லோகா: 51-74)

த்⁴ருவ உவாச ।
பூ⁴மிராபோனலோ வாயு: க²ம் மனோ பு³த்³தி⁴ரேவ ச ।
பூ⁴தாதி³ராதி³ப்ரக்ருதிர்யஸ்ய ரூபம் நதோஸ்மி தம் ॥ 51 ॥

ஶுத்³த:⁴ ஸூக்ஷ்மோகி²லவ்யாபீ ப்ரதா⁴னாத்பரத: புமான் ।
யஸ்ய ரூபம் நமஸ்தஸ்மை புருஷாய கு³ணாஶினே ॥ 52 ॥

பூ⁴ராதீ³னாம் ஸமஸ்தானாம் க³ந்தா⁴தீ³னாம் ச ஶாஶ்வத: ।
பு³த்³த்⁴யாதீ³னாம் ப்ரதா⁴னஸ்ய புருஷஸ்ய ச ய: பர: ॥ 53 ॥

தம் ப்³ரஹ்மபூ⁴தமாத்மானமஶேஷஜக³த: பதிம் ।
ப்ரபத்³யே ஶரணம் ஶுத்³த⁴ம் த்வத்³ரூபம் பரமேஶ்வர ॥ 54 ॥

ப்³ருஹத்த்வாத்³ப்³ரும்ஹணத்வாச்ச யத்³ரூபம் ப்³ரஹ்மஸஞ்ஜ்ஞிதம் ।
தஸ்மை நமஸ்தே ஸர்வாத்மன்யோகி³சிந்த்யாவிகாரிணே ॥ 55 ॥

ஸஹஸ்ரஶீர்ஷா புருஷ: ஸஹஸ்ராக்ஷ: ஸஹஸ்ரபாத் ।
ஸர்வவ்யாபீ பு⁴வ: ஸ்பர்ஶாத³த்யதிஷ்ட²த்³த³ஶாங்கு³லம் ॥ 56 ॥

யத்³பூ⁴தம் யச்ச வை ப⁴வ்யம் புருஷோத்தம தத்³ப⁴வான் ।
த்வத்தோ விராட் ஸ்வராட் ஸம்ராட் த்வத்தஶ்சாப்யதி⁴பூருஷ: ॥ 57 ॥

அத்யரிச்யத ஸோத⁴ஶ்ச திர்யகூ³ர்த்⁴வம் ச வை பு⁴வ: ।
த்வத்தோ விஶ்வமித³ம் ஜாதம் த்வத்தோ பூ⁴தப⁴விஷ்யதீ ॥ 58 ॥

த்வத்³ரூபதா⁴ரிணஶ்சாந்த: ஸர்வபூ⁴தமித³ம் ஜக³த் ।
த்வத்தோ யஜ்ஞ: ஸர்வஹுத: ப்ருஷதா³ஜ்யம் பஶுர்த்³விதா⁴ ॥ 59 ॥

த்வத்த ருசோத² ஸாமானி த்வத்தஶ்ச²ந்தா³ம்ஸி ஜஜ்ஞிரே ।
த்வத்தோ யஜூம்ஷ்யஜாயந்த த்வத்தோஶ்வாஶ்சைகதோ த³த: ॥ 6௦ ॥

கா³வஸ்த்வத்த: ஸமுத்³பூ⁴தாஸ்த்வத்தோஜா அவயோ ம்ருகா³: ।
த்வன்முகா²த்³ப்³ராஹ்மணாஸ்த்வத்தோ பா³ஹோ: க்ஷத்ரமஜாயத ॥ 61 ॥

வைஶ்யாஸ்தவோருஜா: ஶூத்³ராஸ்தவ பத்³ப்⁴யாம் ஸமுத்³க³தா: ।
அக்ஷ்ணோ: ஸூர்யோனில: ப்ராணாச்சந்த்³ரமா மனஸஸ்தவ ॥ 62 ॥

ப்ராணோந்த:ஸுஷிராஜ்ஜாதோ முகா²த³க்³னிரஜாயத ।
நாபி⁴தோ க³க³னம் த்³யௌஶ்ச ஶிரஸ: ஸமவர்தத ॥ 63 ॥

தி³ஶ: ஶ்ரோத்ராத்க்ஷிதி: பத்³ப்⁴யாம் த்வத்த: ஸர்வமபூ⁴தி³த³ம் ॥ 64 ॥

ந்யக்³ரோத:⁴ ஸுமஹானல்பே யதா² பீ³ஜே வ்யவஸ்தி²த: ।
ஸம்யமே விஶ்வமகி²லம் பீ³ஜபூ⁴தே ததா² த்வயி ॥ 65 ॥

பீ³ஜாத³ங்குரஸம்பூ⁴தோ ந்யக்³ரோத:⁴ ஸ ஸமுச்ச்²ரித: ।
விஸ்தாரம் ச யதா² யாதி த்வத்த: ஸ்ருஷ்டௌ ததா² ஜக³த் ॥ 66 ॥

யதா² ஹி கத³லீ நான்யா த்வக்பத்ராத³பி த்³ருஶ்யதே ।
ஏவம் விஶ்வஸ்ய நான்யஸ்த்வம் த்வத்ஸ்தா²யீஶ்வர த்³ருஶ்யதே ॥ 67 ॥

ஹ்லாதி³னீ ஸந்தி⁴னீ ஸம்வித்த்வய்யேகா ஸர்வஸம்ஸ்தி²தௌ ।
ஹ்லாத³தாபகரீ மிஶ்ரா த்வயி நோ கு³ணவர்ஜிதே ॥ 68 ॥

ப்ருத²க்³பூ⁴தைகபூ⁴தாய பூ⁴தபூ⁴தாய தே நம: ।
ப்ரபூ⁴தபூ⁴தபூ⁴தாய துப்⁴யம் பூ⁴தாத்மனே நம: ॥ 69 ॥

வ்யக்தம் ப்ரதா⁴னபுருஷௌ விராட் ஸம்ராட் ஸ்வராட் ததா² ।
விபா⁴வ்யதேந்த:கரணே புருஷேஷ்வக்ஷயோ ப⁴வான் ॥ 7௦ ॥

ஸர்வஸ்மின் ஸர்வபூ⁴தஸ்த்வம் ஸர்வ: ஸர்வஸ்வரூபத்⁴ருக் ।
ஸர்வம் த்வத்தஸ்ததஶ்ச த்வம் நம: ஸர்வாத்மனேஸ்து தே ॥ 71 ॥

ஸர்வாத்மகோஸி ஸர்வேஶ ஸர்வபூ⁴தஸ்தி²தோ யத: ।
கத²யாமி தத: கிம் தே ஸர்வம் வேத்ஸி ஹ்ருதி³ ஸ்தி²தம் ॥ 72 ॥

ஸர்வாத்மன்ஸர்வபூ⁴தேஶ ஸர்வஸத்த்வஸமுத்³ப⁴வ ।
ஸர்வபூ⁴தோ ப⁴வான்வேத்தி ஸர்வஸத்த்வமனோரத²ம் ॥ 73 ॥

யோ மே மனோரதோ² நாத² ஸப²ல: ஸ த்வயா க்ருத: ।
தபஶ்ச தப்தம் ஸப²லம் யத்³த்³ருஷ்டோஸி ஜக³த்பதே ॥ 74 ॥