தே³வீ மாஹாத்ம்யம் து³ர்கா³ ஸப்தஶதி ஸப்தமோத்⁴யாய:

சண்ட³முண்ட³ வதோ⁴ நாம ஸப்தமோத்⁴யாய: ॥

த்⁴யானம்
த்⁴யாயேம் ரத்ன பீடே² ஶுககல படி²தம் ஶ்ருண்வதீம் ஶ்யாமலாங்கீ³ம்।
ந்யஸ்தைகாங்க்⁴ரிம் ஸரோஜே ஶஶி ஶகல த⁴ராம் வல்லகீம் வாத³ யந்தீம்
கஹலாராப³த்³த⁴ மாலாம் நியமித விலஸச்சோலிகாம் ரக்த வஸ்த்ராம்।
மாதங்கீ³ம் ஶங்க³ பாத்ராம் மது⁴ர மது⁴மதா³ம் சித்ரகோத்³பா⁴ஸி பா⁴லாம்।

ருஷிருவாச।

ஆஜ்ஞப்தாஸ்தே ததோதை³த்யா-ஶ்சண்ட³முண்ட³புரோக³மா:।
சதுரங்க³ப³லோபேதா யயுரப்⁴யுத்³யதாயுதா⁴:॥1॥

த³த்³ருஶுஸ்தே ததோ தே³வீ-மீஷத்³தா⁴ஸாம் வ்யவஸ்தி²தாம்।
ஸிம்ஹஸ்யோபரி ஶைலேந்த்³ர-ஶ்ருங்கே³ மஹதிகாஞ்சனே॥2॥

தேத்³ருஷ்ட்வாதாம்ஸமாதா³து-முத்³யமம்ஞ்சக்ருருத்³யதா:
ஆக்ருஷ்டசாபாஸித⁴ரா-ஸ்ததா²ன்யே தத்ஸமீபகா³:॥3॥

தத: கோபம் சகாரோச்சை-ரம்பி³கா தானரீன்ப்ரதி।
கோபேன சாஸ்யா வத³னம் மஷீவர்ணமபூ⁴த்ததா³॥4॥

ப்⁴ருகுடீகுடிலாத்தஸ்யா லலாடப²லகாத்³த்³ருதம்।
காளீ கராள வத³னா வினிஷ்க்ராந்தாஸிபாஶினீ ॥5॥

விசித்ரக²ட்வாங்க³த⁴ரா நரமாலாவிபூ⁴ஷணா।
த்³வீபிசர்மபரீதா⁴னா ஶுஷ்கமாம்ஸாதிபை⁴ரவா॥6॥

அதிவிஸ்தாரவத³னா ஜிஹ்வாலலனபீ⁴ஷணா।
நிமக்³னாரக்தனயனா நாதா³பூரிததி³ங்முகா² ॥6॥

ஸா வேகே³னாபி⁴பதிதா கூ⁴தயந்தீ மஹாஸுரான்।
ஸைன்யே தத்ர ஸுராரீணா-மப⁴க்ஷயத தத்³ப³லம் ॥8॥

பார்ஷ்ணிக்³ராஹாங்குஶக்³ராஹி-யோத⁴க⁴ண்டாஸமன்விதான்।
ஸமாதா³யைகஹஸ்தேன முகே² சிக்ஷேப வாரணான் ॥9॥

ததை²வ யோத⁴ம் துரகை³ ரத²ம் ஸாரதி²னா ஸஹ।
நிக்ஷிப்ய வக்த்ரே த³ஶனைஶ்சர்வயத்யதிபை⁴ரவம் ॥1௦॥

ஏகம் ஜக்³ராஹ கேஶேஷு க்³ரீவாயாமத² சாபரம்।
பாதே³னாக்ரம்யசைவான்யமுரஸான்யமபோத²யத் ॥11॥

தைர்முக்தானிச ஶஸ்த்ராணி மஹாஸ்த்ராணி ததா²ஸுரை:।
முகே²ன ஜக்³ராஹ ருஷா த³ஶனைர்மதி²தான்யபி ॥12॥

ப³லினாம் தத்³ப³லம் ஸர்வமஸுராணாம் து³ராத்மனாம்
மமர்தா³ப⁴க்ஷயச்சான்யானன்யாம்ஶ்சாதாட³யத்ததா² ॥13॥

அஸினா நிஹதா: கேசித்கேசித்க²ட்வாங்க³தாடி³தா:।
ஜக்³முர்வினாஶமஸுரா த³ந்தாக்³ராபி⁴ஹதாஸ்ததா² ॥14॥

க்ஷணேன தத்³ப⁴லம் ஸர்வ மஸுராணாம் நிபாதிதம்।
த்³ருஷ்ட்வா சண்டோ³பி⁴து³த்³ராவ தாம் காளீமதிபீ⁴ஷணாம் ॥15॥

ஶரவர்ஷைர்மஹாபீ⁴மைர்பீ⁴மாக்ஷீம் தாம் மஹாஸுர:।
சா²த³யாமாஸ சக்ரைஶ்ச முண்ட:³ க்ஷிப்தை: ஸஹஸ்ரஶ: ॥16॥

தானிசக்ராண்யனேகானி விஶமானானி தன்முக²ம்।
ப³பு⁴ர்யதா²ர்கபி³ம்பா³னி ஸுப³ஹூனி க⁴னோத³ரம் ॥17॥

ததோ ஜஹாஸாதிருஷா பீ⁴மம் பை⁴ரவனாதி³னீ।
காளீ கராளவத³னா து³ர்த³ர்ஶஶனோஜ்ஜ்வலா ॥18॥

உத்தா²ய ச மஹாஸிம்ஹம் தே³வீ சண்ட³மதா⁴வத।
க்³ருஹீத்வா சாஸ்ய கேஶேஷு ஶிரஸ்தேனாஸினாச்சி²னத் ॥19॥

அத² முண்டோ³ப்⁴யதா⁴வத்தாம் த்³ருஷ்ட்வா சண்ட³ம் நிபாதிதம்।
தமப்யபாத யத்³ப⁴மௌ ஸா க²ட்³கா³பி⁴ஹதம்ருஷா ॥2௦॥

ஹதஶேஷம் தத: ஸைன்யம் த்³ருஷ்ட்வா சண்ட³ம் நிபாதிதம்।
முண்ட³ஞ்ச ஸுமஹாவீர்யம் தி³ஶோ பே⁴ஜே ப⁴யாதுரம் ॥21॥

ஶிரஶ்சண்ட³ஸ்ய காளீ ச க்³ருஹீத்வா முண்ட³ மேவ ச।
ப்ராஹ ப்ரசண்டா³ட்டஹாஸமிஶ்ரமப்⁴யேத்ய சண்டி³காம் ॥22॥

மயா தவா த்ரோபஹ்ருதௌ சண்ட³முண்டௌ³ மஹாபஶூ।
யுத்³த⁴யஜ்ஞே ஸ்வயம் ஶும்ப⁴ம் நிஶும்ப⁴ம் சஹனிஷ்யஸி ॥23॥

ருஷிருவாச॥

தாவானீதௌ ததோ த்³ருஷ்ட்வா சண்ட³ முண்டௌ³ மஹாஸுரௌ।
உவாச காளீம் கள்யாணீ லலிதம் சண்டி³கா வச: ॥24॥

யஸ்மாச்சண்ட³ம் ச முண்ட³ம் ச க்³ருஹீத்வா த்வமுபாக³தா।
சாமுண்டே³தி ததோ லொகே க்²யாதா தே³வீ ப⁴விஷ்யஸி ॥25॥

॥ ஜய ஜய ஶ்ரீ மார்கண்டே³ய புராணே ஸாவர்னிகே மன்வந்தரே தே³வி மஹத்ம்யே சண்ட³முண்ட³ வதோ⁴ நாம ஸப்தமோத்⁴யாய ஸமாப்தம் ॥

ஆஹுதி
ஓம் க்லீம் ஜயந்தீ ஸாங்கா³யை ஸஶக்திகாயை ஸபரிவாராயை ஸவாஹனாயை காளீ சாமுண்டா³ தே³வ்யை கர்பூர பீ³ஜாதி⁴ஷ்டா²யை மஹாஹுதிம் ஸமர்பயாமி நம: ஸ்வாஹா ॥