தே³வீ மாஹாத்ம்யம் து³ர்கா³ ஸப்தஶதி த³ஶமோத்⁴யாய:

ஶும்போ⁴வதோ⁴ நாம த³ஶமோத்⁴யாய: ॥

ருஷிருவாச॥1॥

நிஶும்ப⁴ம் நிஹதம் த்³ருஷ்ட்வா ப்⁴ராதரம்ப்ராணஸம்மிதம்।
ஹன்யமானம் ப³லம் சைவ ஶும்ப:³ க்ருத்³தோ⁴ப்³ரவீத்³வச: ॥ 2 ॥

ப³லாவலேபது³ஷ்டே த்வம் மா து³ர்கே³ க³ர்வ மாவஹ।
அன்யாஸாம் ப³லமாஶ்ரித்ய யுத்³த்³யஸே சாதிமானினீ ॥3॥

தே³வ்யுவாச ॥4॥

ஏகைவாஹம் ஜக³த்யத்ர த்³விதீயா கா மமாபரா।
பஶ்யைதா து³ஷ்ட மய்யேவ விஶந்த்யோ மத்³விபூ⁴தய: ॥5॥

தத: ஸமஸ்தாஸ்தா தே³வ்யோ ப்³ரஹ்மாணீ ப்ரமுகா²லயம்।
தஸ்யா தே³வ்யாஸ்தனௌ ஜக்³முரேகைவாஸீத்ததா³ம்பி³கா ॥6॥

தே³வ்யுவாச ॥6॥

அஹம் விபூ⁴த்யா ப³ஹுபி⁴ரிஹ ரூபைர்யதா³ஸ்தி²தா।
தத்ஸம்ஹ்ருதம் மயைகைவ திஷ்டாம்யாஜௌ ஸ்தி²ரோ ப⁴வ ॥8॥

ருஷிருவாச ॥9॥

தத: ப்ரவவ்ருதே யுத்³த⁴ம் தே³வ்யா: ஶும்ப⁴ஸ்ய சோப⁴யோ:।
பஶ்யதாம் ஸர்வதே³வானாம் அஸுராணாம் ச தா³ருணம் ॥1௦॥

ஶர வர்ஷை: ஶிதை: ஶஸ்த்ரைஸ்ததா² சாஸ்த்ரை: ஸுதா³ருணை:।
தயோர்யுத்³த³மபூ⁴த்³பூ⁴ய: ஸர்வலோகப⁴யஜ்ஞ்கரம் ॥11॥

தி³வ்யான்யஶ்த்ராணி ஶதஶோ முமுசே யான்யதா²ம்பி³கா।
ப³பஜ⁴்ஞ தானி தை³த்யேந்த்³ரஸ்தத்ப்ரதீகா⁴தகர்த்ருபி⁴: ॥12॥

முக்தானி தேன சாஸ்த்ராணி தி³வ்யானி பரமேஶ்வரீ।
ப³ப⁴ஞ்ஜ லீலயைவோக்³ர ஹூஜ்காரோச்சாரணாதி³பி⁴:॥13॥

தத: ஶரஶதைர்தே³வீம் ஆச்சாத³யத ஸோஸுர:।
ஸாபி தத்குபிதா தே³வீ த⁴னுஶ்சிச்²சேத³ சேஷுபி⁴:॥14॥

சின்னே த⁴னுஷி தை³த்யேந்த்³ரஸ்ததா² ஶக்திமதா²த³தே³।
சிச்²சேத³ தே³வீ சக்ரேண தாமப்யஸ்ய கரேஸ்தி²தாம்॥15॥

தத: க²ட்³க³ முபாதா³ய ஶத சந்த்³ரம் ச பா⁴னுமத்।
அப்⁴யதா⁴வத்ததா³ தே³வீம் தை³த்யானாமதி⁴பேஶ்வர:॥16॥

தஸ்யாபதத ஏவாஶு க²ட்³க³ம் சிச்சே²த³ சண்டி³கா।
த⁴னுர்முக்தை: ஶிதைர்பா³ணைஶ்சர்ம சார்ககராமலம்॥17॥

ஹதாஶ்வ: பதத ஏவாஶு க²ட்³க³ம் சிச்²சேத³ சண்டி³கா।
ஜக்³ராஹ முத்³க³ரம் கோ⁴ரம் அம்பி³கானித⁴னோத்³யத:॥18॥

சிச்சே²தா³பததஸ்தஸ்ய முத்³க³ரம் நிஶிதை: ஶரை:।
ததா²பி ஸோப்⁴யதா⁴வத்தம் முஷ்டிமுத்³யம்யவேக³வான்॥19॥

ஸ முஷ்டிம் பாதயாமாஸ ஹ்ருத³யே தை³த்ய புங்க³வ:।
தே³வ்யாஸ்தம் சாபி ஸா தே³வீ தலே நோ ரஸ்ய தாட³யத்॥2௦॥

தலப்ரஹாராபி⁴ஹதோ நிபபாத மஹீதலே।
ஸ தை³த்யராஜ: ஸஹஸா புனரேவ ததோ²த்தி²த:॥21॥

உத்பத்ய ச ப்ரக்³ருஹ்யோச்சைர் தே³வீம் க³க³னமாஸ்தி²த:।
தத்ராபி ஸா நிராதா⁴ரா யுயுதே⁴ தேன சண்டி³கா॥22॥

நியுத்³த⁴ம் கே² ததா³ தை³த்ய ஶ்சண்டி³கா ச பரஸ்பரம்।
சக்ரது: ப்ரத⁴மம் ஸித்³த⁴ முனிவிஸ்மயகாரகம்॥23॥

ததோ நியுத்³த⁴ம் ஸுசிரம் க்ருத்வா தேனாம்பி³கா ஸஹ।
உத்பாட்ய ப்⁴ராமயாமாஸ சிக்ஷேப த⁴ரணீதலே॥24॥

ஸக்ஷிப்தோத⁴ரணீம் ப்ராப்ய முஷ்டிமுத்³யம்ய வேக³வான்।
அப்⁴யதா⁴வத து³ஷ்டாத்மா சண்டி³கானித⁴னேச்ச²யா॥25॥

தமாயந்தம் ததோ தே³வீ ஸர்வதை³த்யஜனேஶர்வம்।
ஜக³த்யாம் பாதயாமாஸ பி⁴த்வா ஶூலேன வக்ஷஸி॥26॥

ஸ க³தாஸு: பபாதோர்வ்யாம் தே³வீஶூலாக்³ரவிக்ஷத:।
சாலயன் ஸகலாம் ப்ருத்²வீம் ஸாப்³தி³த்³வீபாம் ஸபர்வதாம் ॥27॥

தத: ப்ரஸன்ன மகி²லம் ஹதே தஸ்மின் து³ராத்மனி।
ஜக³த்ஸ்வாஸ்த்²யமதீவாப நிர்மலம் சாப⁴வன்னப:⁴ ॥28॥

உத்பாதமேகா⁴: ஸோல்கா யேப்ராகா³ஸம்ஸ்தே ஶமம் யயு:।
ஸரிதோ மார்க³வாஹின்யஸ்ததா²ஸம்ஸ்தத்ர பாதிதே ॥29॥

ததோ தே³வ க³ணா: ஸர்வே ஹர்ஷ நிர்ப⁴ரமானஸா:।
ப³பூ⁴வுர்னிஹதே தஸ்மின் க³ந்த³ர்வா லலிதம் ஜகு³:॥3௦॥

அவாத³யம் ஸ்ததை²வான்யே நன்ருதுஶ்சாப்ஸரோக³ணா:।
வவு: புண்யாஸ்ததா² வாதா: ஸுப்ரபோ⁴ பூ⁴த்³தி⁴வாகர:॥31॥

ஜஜ்வலுஶ்சாக்³னய: ஶாந்தா: ஶாந்ததி³க்³ஜனிதஸ்வனா:॥32॥

॥ ஸ்வஸ்தி ஶ்ரீ மார்கண்டே³ய புராணே ஸாவர்னிகேமன்வந்தரே தே³வி மஹத்ம்யே ஶும்போ⁴வதோ⁴ நாம த³ஶமோ த்⁴யாய: ஸமாப்தம் ॥

ஆஹுதி
ஓம் க்லீம் ஜயந்தீ ஸாங்கா³யை ஸஶக்திகாயை ஸபரிவாராயை ஸவாஹனாயை காமேஶ்வர்யை மஹாஹுதிம் ஸமர்பயாமி நம: ஸ்வாஹா ॥