சித்ரகெது ஸ்துதி: (அனந்த ஸ்தோத்ரம் பா⁴க³வத புராண)

(ஶ்ரீமத்³பா⁴க³வதம் 6.16.34-48)

சித்ரகேதுருவாச ।
அஜித ஜித: ஸமமதிபி⁴: ஸாது⁴பி⁴-
ர்ப⁴வான் ஜிதாத்மபி⁴ர்ப⁴வதா ।
விஜிதாஸ்தேபி ச பஜ⁴தாமகாமாத்மனாம்
ய ஆத்மதோ³திகருண: ॥ 34 ॥

தவ விப⁴வ: க²லு ப⁴க³வன்
ஜக³து³த³யஸ்தி²திலயாதீ³னி ।
விஶ்வஸ்ருஜஸ்தேம்ஶாம்ஶாஸ்தத்ர
ம்ருஷா ஸ்பர்த⁴ந்தே ப்ருத²க³பி⁴மத்யா ॥ 35 ॥

பரமாணுபரமமஹதோஸ்த்வ-
மாத்³யந்தாந்தரவர்தீ த்ரயவிது⁴ர: ।
ஆதா³வந்தேபி ச ஸத்த்வானாம்
யத்³த்⁴ருவம் ததே³வாந்தராலேபி ॥ 36 ॥

க்ஷித்யாதி³பி⁴ரேஷ கிலாவ்ருத:
ஸப்தபி⁴ர்த³ஶகு³ணோத்தரைரண்ட³கோஶ: ।
யத்ர பதத்யணுகல்ப:
ஸஹாண்ட³கோடிகோடிபி⁴ஸ்தத³னந்த: ॥ 37 ॥

விஷயத்ருஷோ நரபஶவோ
ய உபாஸதே விபூ⁴தீர்ன பரம் த்வாம் ।
தேஷாமாஶிஷ ஈஶ தத³னு
வினஶ்யந்தி யதா² ராஜகுலம் ॥ 38 ॥

காமதி⁴யஸ்த்வயி ரசிதா
ந பரம ரோஹந்தி யதா² கரம்ப⁴பீ³ஜானி ।
ஜ்ஞானாத்மன்யகு³ணமயே
கு³ணக³ணதோஸ்ய த்³வந்த்³வஜாலானி ॥ 39 ॥

ஜிதமஜித ததா³ ப⁴வதா
யதா³ஹ பா⁴க³வதம் த⁴ர்மமனவத்³யம் ।
நிஷ்கிஞ்சனா யே முனய ஆத்மாராமா
யமுபாஸதேபவர்கா³ய ॥ 4௦ ॥

விஷமமதிர்ன யத்ர ந்ருணாம்
த்வமஹமிதி மம தவேதி ச யத³ன்யத்ர ।
விஷமதி⁴யா ரசிதோ ய:
ஸ ஹ்யவிஶுத்³த:⁴ க்ஷயிஷ்ணுரத⁴ர்மப³ஹுல: ॥ 41 ॥

க: க்ஷேமோ நிஜபரயோ:
கியானர்த:² ஸ்வபரத்³ருஹா த⁴ர்மேண ।
ஸ்வத்³ரோஹாத்தவ கோப:
பரஸம்பீட³யா ச ததா²த⁴ர்ம: ॥ 42 ॥

ந வ்யபி⁴சரதி தவேக்ஷா யயா
ஹ்யபி⁴ஹிதோ பா⁴க³வதோ த⁴ர்ம: ।
ஸ்தி²ரசரஸத்த்வகத³ம்பே³ஷ்வப்ருத²க்³தி⁴யோ
யமுபாஸதே த்வார்யா: ॥ 43 ॥

ந ஹி ப⁴க³வன்னக⁴டிதமித³ம்
த்வத்³த³ர்ஶனான்ன்ருணாமகி²லபாபக்ஷய: ।
யன்னாம ஸக்ருச்ச்²ரவணாத்புல்கஸகோபி
விமுச்யதே ஸம்ஸாராத் ॥ 44 ॥

அத² ப⁴க³வன் வயமது⁴னா
த்வத³வலோகபரிம்ருஷ்டாஶயமலா: ।
ஸுரருஷிணா யது³தி³தம் தாவகேன
கத²மன்யதா² ப⁴வதி ॥ 45 ॥

விதி³தமனந்த ஸமஸ்தம் தவ
ஜக³தா³த்மனோ ஜனைரிஹாசரிதம் ।
விஜ்ஞாப்யம் பரமகு³ரோ: கியதி³வ
ஸவிதுரிவ க²த்³யோதை: ॥ 46 ॥

நமஸ்துப்⁴யம் ப⁴க³வதே ஸகலஜக-³
த்ஸ்தி²திலயோத³யேஶாய ।
து³ரவஸிதாத்மக³தயே
குயோகி³னாம் பி⁴தா³ பரமஹம்ஸாய ॥ 47 ॥

யம் வை ஶ்வஸந்தமனு விஶ்வஸ்ருஜ: ஶ்வஸந்தி
யம் சேகிதானமனு சித்தய உச்சகந்தி ।
பூ⁴மண்ட³லம் ஸர்ஷபாயதி யஸ்ய மூர்த்⁴னி
தஸ்மை நமோ ப⁴க³வதேஸ்து ஸஹஸ்ரமூர்த்⁴னே ॥ 48 ॥

॥ இதி ஶ்ரீமத்³பா⁴க³வதமஹாபுராணே ஷஷ்ட²ஸ்கந்தே⁴ ஷோட³ஶாத்⁴யாயாந்தர்க³தம் சித்ரகேதுக்ருதம் அனந்தஸ்தோத்ரம் ॥