சர்சா ஸ்தவ:

பஞ்சஸ்தவி – 2 சர்சாஸ்தவ: >>

ஸௌந்த³ர்யவிப்⁴ரமபு⁴வோ பு⁴வனாதி⁴பத்ய-
-ஸங்கல்பகல்பதரவஸ்த்ரிபுரே ஜயந்தி ।
ஏதே கவித்வகுமத³ப்ரகராவபோ³த-⁴
-பூர்ணேந்த³வஸ்த்வயி ஜகஜ³்ஜனனி ப்ரணாமா: ॥ 1 ॥

தே³வி ஸ்துதிவ்யதிகரே க்ருதபு³த்³த⁴யஸ்தே
வாசஸ்பதி ப்ரப்⁴ருதயோபி ஜடீ³ ப⁴வந்தி ।
தஸ்மான்னிஸர்கஜ³டி³மா கதமோஹமத்ர
ஸ்தோத்ரம் தவ த்ரிபுரதாபனபத்னி கர்தும் ॥ 2 ॥

மாதஸ்ததா²பி ப⁴வதீம் ப⁴வதீவ்ரதாப-
-விச்சி²த்தயே ஸ்துதிமஹார்ணவ கர்ணதா⁴ர: ।
ஸ்தோதும் ப⁴வானி ஸ ப⁴வச்சரணாரவிந்த-³
-ப⁴க்திக்³ரஹ: கிமபி மாம் முக²ரீ கரோதி ॥ 3 ॥

ஸூதே ஜக³ந்தி ப⁴வதீ ப⁴வதீ பி³ப⁴ர்தி
ஜாக³ர்தி தத்க்ஷயக்ருதே ப⁴வதீ ப⁴வானி ।
மோஹம் பி⁴னத்தி ப⁴வதீ ப⁴வதீ ருணத்³தி⁴
லீலாயிதம் ஜயதி சித்ரமித³ம் ப⁴வத்யா: ॥ 4 ॥

யஸ்மின்மனாக³பி நவாம்பு³ஜபத்ரகௌ³ரீம்
கௌ³ரீம் ப்ரஸாத³மது⁴ராம் த்³ருஶமாத³தா⁴ஸி ।
தஸ்மின்னிரந்தரமனங்க³ஶராவகீர்ண-
-ஸீமந்தினீனயனஸந்ததய: பதந்தி ॥ 5 ॥

ப்ருத்²வீபு⁴ஜோப்யுத³யனப்ரப⁴வஸ்ய தஸ்ய
வித்³யாத⁴ர ப்ரணதி சும்பி³த பாத³பீட:² ।
தச்சக்ரவர்திபத³வீப்ரணய: ஸ ஏஷ:
த்வத்பாத³பங்கஜரஜ: கணஜ: ப்ரஸாத:³ ॥ 6 ॥

த்வத்பாத³பங்கஜரஜ ப்ரணிபாதபூர்வை:
புண்யைரனல்பமதிபி⁴: க்ருதிபி⁴: கவீந்த்³ரை: ।
க்ஷீரக்ஷபாகரது³கூலஹிமாவதா³தா
கைரப்யவாபி பு⁴வனத்ரிதயேபி கீர்தி: ॥ 7 ॥

கல்பத்³ருமப்ரஸவகல்பிதசித்ரபூஜாம்
உத்³தீ³பித ப்ரியதமாமத³ரக்தகீ³திம் ।
நித்யம் ப⁴வானி ப⁴வதீமுபவீணயந்தி
வித்³யாத⁴ரா: கனகஶைலகு³ஹாக்³ருஹேஷு ॥ 8 ॥

லக்ஷ்மீவஶீகரணகர்மணி காமினீனாம்
ஆகர்ஷணவ்யதிகரேஷு ச ஸித்³த⁴மந்த்ர: ।
நீரந்த்⁴ரமோஹதிமிரச்சி²து³ரப்ரதீ³போ
தே³வி த்வத³ங்க்⁴ரிஜனிதோ ஜயதி ப்ரஸாத:³ ॥ 9 ॥

தே³வி த்வத³ங்க்⁴ரினக²ரத்னபு⁴வோ மயூகா²:
ப்ரத்யக்³ரமௌக்திகருசோ முத³முத்³வஹந்தி ।
ஸேவானதிவ்யதிகரே ஸுரஸுந்த³ரீணாம்
ஸீமந்தஸீம்னி குஸுமஸ்தப³காயிதம் யை: ॥ 1௦ ॥

மூர்த்⁴னி ஸ்பு²ரத்துஹினதீ³தி⁴திதீ³ப்திதீ³ப்தம்
மத்⁴யே லலாடமமராயுத⁴ரஶ்மிசித்ரம் ।
ஹ்ருச்சக்ரசும்பி³ ஹுதபு⁴க்கணிகானுகாரி
ஜ்யோதிர்யதே³ததி³த³மம்ப³ தவ ஸ்வரூபம் ॥ 11 ॥

ரூபம் தவ ஸ்பு²ரிதசந்த்³ரமரீசிகௌ³ரம்
ஆலோகதே ஶிரஸி வாக³தி⁴தை³வதம் ய: ।
நி:ஸீமஸூக்திரசனாம்ருதனிர்ஜ²ரஸ்ய
தஸ்ய ப்ரஸாத³மது⁴ரா: ப்ரஸரந்தி வாச: ॥ 12 ॥

ஸிந்தூ³ரபாம்ஸுபடலச்சு²ரிதாமிவ த்³யாம்
த்வத்தேஜஸா ஜதுரஸஸ்னபிதாமிவோர்வீம் ।
ய: பஶ்யதி க்ஷணமபி த்ரிபுரே விஹாய
வ்ரீடா³ம் ம்ருடா³னி ஸுத்³ருஶஸ்தமனுத்³ரவந்தி ॥ 13 ॥

மாதர்முஹூர்தமபி ய: ஸ்மரதி ஸ்வரூபம்
லாக்ஷாரஸப்ரஸரதந்துனிப⁴ம் ப⁴வத்யா: ।
த்⁴யாயந்த்யனன்யமனஸஸ்தமனங்க³தப்தா:
ப்ரத்³யும்னஸீம்னி ஸுப⁴க³த்வகு³ணம் தருண்ய: ॥ 14 ॥

யோயம் சகாஸ்தி க³க³னார்ணவரத்னமிந்து³:
யோயம் ஸுராஸுரகு³ரு: புருஷ: புராண: ।
யத்³வாமமர்த⁴மித³மந்த⁴கஸூத³னஸ்ய
தே³வி த்வமேவ ததி³தி ப்ரதிபாத³யந்தி ॥ 15 ॥

இச்சா²னுரூபமனுரூபகு³ணப்ரகர்ஷ
ஸங்கர்ஷிணி த்வமபி⁴ம்ருஶ்ய யதா³ பி³ப⁴ர்ஷி ।
ஜாயேத ஸ த்ரிபு⁴வனைக கு³ருஸ்ததா³னீம்
தே³வ: ஶிவோபி பு⁴வனத்ரயஸூத்ரதா⁴ர: ॥ 16 ॥

த்⁴யாதாஸி ஹைமவதி யேன ஹிமாம்ஶுரஶ்மி-
-மாலாமலத்³யுதிரகல்மஷமானஸேன ।
தஸ்யாவிலம்ப³மனவத்³யமனந்தகல்பம்
அல்பைர்தி³னை: ஸ்ருஜஸி ஸுந்த³ரி வாக்³விலாஸம் ॥ 17 ॥

ஆதா⁴ரமாருதனிரோத⁴வஶேன யேஷாம்
ஸிந்தூ³ரரஞ்ஜிதஸரோஜகு³ணானுகாரி ।
தீ³ப்தம் ஹ்ருதி³ ஸ்பு²ரதி தே³வி வபுஸ்த்வதீ³யம்
த்⁴யாயந்தி தானிஹ ஸமீஹிதஸித்³தி⁴ஸார்தா²: ॥ 18 ॥

யே சிந்தயந்த்யருணமண்ட³லமத்⁴யவர்தி
ரூபம் தவாம்ப³ நவயாவகபங்கபிங்க³ம் ।
தேஷாம் ஸதை³வ குஸுமாயுத⁴பா³ணபி⁴ன்ன-
-வக்ஷ:ஸ்த²லா ம்ருக³த்³ருஶோ வஶகா³ ப⁴வந்தி ॥ 19 ॥

த்வாமைந்த³வீமிவ கலாமனுபா²லதே³ஶம்
உத்³பா⁴ஸிதாம்ப³ரதலாமவலோகயந்த: ।
ஸத்³யோ ப⁴வானி ஸுதி⁴ய: கவயோ ப⁴வந்தி
த்வம் பா⁴வனாஹிததி⁴யாம் குலகாமதே⁴னு: ॥ 2௦ ॥

ஶர்வாணி ஸர்வஜனவந்தி³தபாத³பத்³மே
பத்³மச்ச²த³த்³யுதிவிட³ம்பி³தனேத்ரலக்ஷ்மி ।
நிஷ்பாபமூர்திஜனமானஸராஜஹம்ஸி
ஹம்ஸி த்வமாபத³மனேகவிதா⁴ம் ஜனஸ்ய ॥ 21 ॥

உத்தப்தஹேமருசிரே த்ரிபுரே புனீஹி
சேதஶ்சிரந்தனமகௌ⁴க⁴வனம் லுனீஹி ।
காராக்³ருஹே நிக³லப³ந்த⁴னயந்த்ரிதஸ்ய
த்வத்ஸம்ஸ்ம்ருதௌ ஜ²டிதி மே நிக³லாஸ்த்ருடந்தி ॥ 22 ॥

த்வாம் வ்யாபினீதி ஸுமனா இதி குண்ட³லீதி
த்வாம் காமினீதி கமலேதி கலாவதீதி ।
த்வாம் மாலினீதி லலிதேத்யபராஜிதேதி
தே³வி ஸ்துவந்தி விஜயேதி ஜயேத்யுமேதி ॥ 23 ॥

உத்³தா³மகாமபரமார்த²ஸரோஜக²ண்ட-³
சண்ட³த்³யுதித்³யுதிமபாஸிதஷட்³விகாராம் ।
மோஹத்³விபேந்த்³ரகத³னோத்³யதபோ³த⁴ஸிம்ஹ-
-லீலாகு³ஹாம் ப⁴க³வதீம் த்ரிபுராம் நமாமி ॥ 24 ॥

க³ணேஶவடுகஸ்துதா ரதிஸஹாயகாமான்விதா
ஸ்மராரிவரவிஷ்டரா குஸுமபா³ணபா³ணைர்யுதா ।
அனங்க³குஸுமாதி³பி⁴: பரிவ்ருதா ச ஸித்³தை⁴ஸ்த்ரிபி⁴:
கத³ம்ப³வனமத்⁴யகா³ த்ரிபுரஸுந்த³ரீ பாது ந: ॥ 25 ॥

ருத்³ராணி வித்³ருமமயீம் ப்ரதிமாமிவ த்வாம்
யே சிந்தயந்த்யருணகாந்திமனன்யரூபாம் ।
தானேத்ய பக்ஷ்மலத்³ருஶ: ப்ரஸப⁴ம் பஜ⁴ந்தே
கண்டா²வஸக்தம்ருது³பா³ஹுலதாஸ்தருண்ய: ॥ 26 ॥

த்வத்³ரூபைகனிரூபணப்ரணயிதாப³ந்தோ⁴ த்³ருஶோஸ்த்வத்³கு³ண-
-க்³ராமாகர்ணனராகி³தா ஶ்ரவணயோஸ்த்வத்ஸம்ஸ்ம்ருதிஶ்சேதஸி ।
த்வத்பாதா³ர்சனசாதுரீ கரயுகே³ த்வத்கீர்திதம் வாசி மே
குத்ராபி த்வது³பாஸனவ்யஸனிதா மே தே³வி மா ஶாம்யது ॥ 27 ॥

த்வத்³ரூபமுல்லஸிததா³டி³மபுஷ்பரக்தம்
உத்³பா⁴வயேன்மத³னதை³வதமக்ஷரம் ய: ।
தம் ரூபஹீனமபி மன்மத²னிர்விஶேஷம்
ஆலோகயந்த்யுருனிதம்ப³தடாஸ்தருண்ய: ॥ 28 ॥

ப்³ரஹ்மேந்த்³ரருத்³ரஹரிசந்த்³ரஸஹஸ்ரரஶ்மி-
-ஸ்கந்த³த்³விபானனஹுதாஶனவந்தி³தாயை ।
வாகீ³ஶ்வரி த்ரிபு⁴வனேஶ்வரி விஶ்வமாத:
அந்தர்ப³ஹிஶ்ச க்ருதஸம்ஸ்தி²தயே நமஸ்தே ॥ 29 ॥

கஸ்தோத்ரமேதத³னுவாஸரமீஶ்வராயா:
ஶ்ரேயஸ்கரம் பட²தி வா யதி³ வா ஶ்ருணோதி ।
தஸ்யேப்ஸிதம் ப²லதி ராஜபி⁴ரீட்³யதேஸௌ
ஜாயேத ஸ ப்ரியதமோ மதி³ரேக்ஷணானாம் ॥ 3௦ ॥

இதி ஶ்ரீகாளிதா³ஸ விரசித பஞ்சஸ்தவ்யாம் த்³விதீய: சர்சாஸ்தவ: ।