சாணக்ய நீதி – ஸப்தமோத்⁴யாய:

அர்த²னாஶம் மனஸ்தாபம் க்³ருஹே து³ஶ்சரிதானி ச ।
வஞ்சனம் சாபமானம் ச மதிமான்ன ப்ரகாஶயேத் ॥ ௦1 ॥

த⁴னதா⁴ன்யப்ரயோகே³ஷு வித்³யாஸங்க்³ரஹணே ததா² ।
ஆஹாரே வ்யவஹாரே ச த்யக்தலஜ்ஜ: ஸுகீ² ப⁴வேத் ॥ ௦2 ॥

ஸந்தோஷாம்ருதத்ருப்தானாம் யத்ஸுக²ம் ஶாந்திரேவ ச ।
ந ச தத்³த⁴னலுப்³தா⁴னாமிதஶ்சேதஶ்ச தா⁴வதாம் ॥ ௦3 ॥

ஸந்தோஷஸ்த்ரிஷு கர்தவ்ய: ஸ்வதா³ரே போ⁴ஜனே த⁴னே ।
த்ரிஷு சைவ ந கர்தவ்யோத்⁴யயனே ஜபதா³னயோ: ॥ ௦4 ॥

விப்ரயோர்விப்ரவஹ்ன்யோஶ்ச த³ம்பத்யோ: ஸ்வாமிப்⁴ருத்யயோ: ।
அந்தரேண ந க³ந்தவ்யம் ஹலஸ்ய வ்ருஷப⁴ஸ்ய ச ॥ ௦5 ॥

பாதா³ப்⁴யாம் ந ஸ்ப்ருஶேத³க்³னிம் கு³ரும் ப்³ராஹ்மணமேவ ச ।
நைவ கா³ம் ந குமாரீம் ச ந வ்ருத்³த⁴ம் ந ஶிஶும் ததா² ॥ ௦6 ॥

ஶகடம் பஞ்சஹஸ்தேன த³ஶஹஸ்தேன வாஜினம் ।
கஜ³ம் ஹஸ்தஸஹஸ்ரேண தே³ஶத்யாகே³ன து³ர்ஜனம் ॥ ௦7 ॥

ஹஸ்தீ அங்குஶமாத்ரேண வாஜீ ஹஸ்தேன தாட்³யதே ।
ஶ்ருங்கீ³ லகு³ட³ஹஸ்தேன க²ட்³க³ஹஸ்தேன து³ர்ஜன: ॥ ௦8 ॥

துஷ்யந்தி போ⁴ஜனே விப்ரா மயூரா க⁴னக³ர்ஜிதே ।
ஸாத⁴வ: பரஸம்பத்தௌ க²லா: பரவிபத்திஷு ॥ ௦9 ॥

அனுலோமேன ப³லினம் ப்ரதிலோமேன து³ர்ஜனம் ।
ஆத்மதுல்யப³லம் ஶத்ரும் வினயேன ப³லேன வா ॥ 1௦ ॥

பா³ஹுவீர்யம் ப³லம் ராஜ்ஞாம் ப்³ரஹ்மணோ ப்³ரஹ்மவித்³ப³லீ ।
ரூபயௌவனமாது⁴ர்யம் ஸ்த்ரீணாம் ப³லமனுத்தமம் ॥ 11 ॥

நாத்யந்தம் ஸரலைர்பா⁴வ்யம் க³த்வா பஶ்ய வனஸ்த²லீம் ।
சி²த்³யந்தே ஸரலாஸ்தத்ர குப்³ஜாஸ்திஷ்ட²ந்தி பாத³பா: ॥ 12 ॥

யத்ரோத³கம் தத்ர வஸந்தி ஹம்ஸா-
ஸ்ததை²வ ஶுஷ்கம் பரிவர்ஜயந்தி ।
ந ஹம்ஸதுல்யேன நரேண பா⁴வ்யம்
புனஸ்த்யஜந்த: புனராஶ்ரயந்தே ॥ 13 ॥

உபார்ஜிதானாம் வித்தானாம் த்யாக³ ஏவ ஹி ரக்ஷணம் ।
தடா³கோ³த³ரஸம்ஸ்தா²னாம் பரீவாஹ இவாம்ப⁴ஸாம் ॥ 14 ॥

யஸ்யார்தா²ஸ்தஸ்ய மித்ராணி யஸ்யார்தா²ஸ்தஸ்ய பா³ந்த⁴வா: ।
யஸ்யார்தா²: ஸ புமாம்ல்லோகே யஸ்யார்தா²: ஸ ச பண்டி³த: ॥ 15 ॥

ஸ்வர்க³ஸ்தி²தானாமிஹ ஜீவலோகே
சத்வாரி சிஹ்னானி வஸந்தி தே³ஹே ।
தா³னப்ரஸங்கோ³ மது⁴ரா ச வாணீ
தே³வார்சனம் ப்³ராஹ்மணதர்பணம் ச ॥ 16 ॥

அத்யந்தகோப: கடுகா ச வாணீ
த³ரித்³ரதா ச ஸ்வஜனேஷு வைரம் ।
நீசப்ரஸங்க:³ குலஹீனஸேவா
சிஹ்னானி தே³ஹே நரகஸ்தி²தானாம் ॥ 17 ॥

க³ம்யதே யதி³ ம்ருகே³ந்த்³ரமந்தி³ரம்
லப்⁴யதே கரிகபாலமௌக்திகம் ।
ஜம்பு³காலயக³தே ச ப்ராப்யதே
வத்ஸபுச்ச²க²ரசர்மக²ண்ட³னம் ॥ 18 ॥

ஶுன: புச்ச²மிவ வ்யர்த²ம் ஜீவிதம் வித்³யயா வினா ।
ந கு³ஹ்யகோ³பனே ஶக்தம் ந ச த³ம்ஶனிவாரணே ॥ 19 ॥

வாசாம் ஶௌசம் ச மனஸ: ஶௌசமிந்த்³ரியனிக்³ரஹ: ।
ஸர்வபூ⁴தத³யாஶௌசமேதச்சௌ²சம் பரார்தி²னாம் ॥ 2௦ ॥

புஷ்பே க³ந்த⁴ம் திலே தைலம் காஷ்டே²க்³னிம் பயஸி க்⁴ருதம் ।
இக்ஷௌ கு³ட³ம் ததா² தே³ஹே பஶ்யாத்மானம் விவேகத: ॥ 21 ॥