சாணக்ய நீதி – த்³விதீயோத்⁴யாய:

அன்ருதம் ஸாஹஸம் மாயா மூர்க²த்வமதிலோபி⁴தா ।
அஶௌசத்வம் நிர்த³யத்வம் ஸ்த்ரீணாம் தோ³ஷா: ஸ்வபா⁴வஜா: ॥ ௦1 ॥

போ⁴ஜ்யம் போ⁴ஜனஶக்திஶ்ச ரதிஶக்திர்வராங்க³னா ।
விப⁴வோ தா³னஶக்திஶ்ச நால்பஸ்ய தபஸ: ப²லம் ॥ ௦2 ॥

யஸ்ய புத்ரோ வஶீபூ⁴தோ பா⁴ர்யா ச²ந்தா³னுகா³மினீ ।
விப⁴வே யஶ்ச ஸந்துஷ்டஸ்தஸ்ய ஸ்வர்க³ இஹைவ ஹி ॥ ௦3 ॥

தே புத்ரா யே பிதுர்ப⁴க்தா: ஸ பிதா யஸ்து போஷக: ।
தன்மித்ரம் யத்ர விஶ்வாஸ: ஸா பா⁴ர்யா யத்ர நிர்வ்ருதி: ॥ ௦4 ॥

பரோக்ஷே கார்யஹந்தாரம் ப்ரத்யக்ஷே ப்ரியவாதி³னம் ।
வர்ஜயேத்தாத்³ருஶம் மித்ரம் விஷகும்ப⁴ம் பயோமுக²ம் ॥ ௦5 ॥

ந விஶ்வஸேத்குமித்ரே ச மித்ரே சாபி ந விஶ்வஸேத் ।
கதா³சித்குபிதம் மித்ரம் ஸர்வம் கு³ஹ்யம் ப்ரகாஶயேத் ॥ ௦6 ॥

மனஸா சிந்திதம் கார்யம் வாசா நைவ ப்ரகாஶயேத் ।
மந்த்ரேண ரக்ஷயேத்³கூ³ட⁴ம் கார்யே சாபி நியோஜயேத் ॥ ௦7 ॥

கஷ்டம் ச க²லு மூர்க²த்வம் கஷ்டம் ச க²லு யௌவனம் ।
கஷ்டாத்கஷ்டதரம் சைவ பரகே³ஹனிவாஸனம் ॥ ௦8 ॥

ஶைலே ஶைலே ச மாணிக்யம் மௌக்திகம் ந கஜ³ே கஜ³ே ।
ஸாத⁴வோ ந ஹி ஸர்வத்ர சந்த³னம் ந வனே வனே ॥ ௦9 ॥

புத்ராஶ்ச விவிதை⁴: ஶீலைர்னியோஜ்யா: ஸததம் பு³தை⁴: ।
நீதிஜ்ஞா: ஶீலஸம்பன்னா ப⁴வந்தி குலபூஜிதா: ॥ 1௦ ॥

மாதா ஶத்ரு: பிதா வைரீ யாப்⁴யாம் பா³லா ந பாடி²தா: ।
ஸபா⁴மத்⁴யே ந ஶோப⁴ந்தே ஹம்ஸமத்⁴யே ப³கோ யதா² ॥ 11 ॥

லாலனாத்³ப³ஹவோ தோ³ஷாஸ்தாட³னே ப³ஹவோ கு³ணா: ।
தஸ்மாத்புத்ரம் ச ஶிஷ்யம் ச தாட³யேன்ன து லாலயேத் ॥ 12 ॥

ஶ்லோகேன வா தத³ர்தே⁴ன தத³ர்தா⁴ர்தா⁴க்ஷரேண வா ।
அப³ந்த்⁴யம் தி³வஸம் குர்யாத்³தா³னாத்⁴யயனகர்மபி⁴: ॥ 13 ॥

காந்தாவியோக:³ ஸ்வஜனாபமானம்
ருணஸ்ய ஶேஷம் குன்ருபஸ்ய ஸேவா ।
தா³ரித்³ர்யபா⁴வாத்³விமுக²ம் ச மித்ரம்
வினாக்³னினா பஞ்ச த³ஹந்தி காயம் ॥ 14 ॥

நதீ³தீரே ச யே வ்ருக்ஷா: பரகே³ஹேஷு காமினீ ।
மந்த்ரஹீனாஶ்ச ராஜான: ஶீக்⁴ரம் நஶ்யந்த்யஸம்ஶயம் ॥ 15 ॥

ப³லம் வித்³யா ச விப்ராணாம் ராஜ்ஞாம் ஸைன்யம் ப³லம் ததா² ।
ப³லம் வித்தம் ச வைஶ்யானாம் ஶூத்³ராணாம் பாரிசர்யகம் ॥ 16 ॥

நிர்த⁴னம் புருஷம் வேஶ்யா ப்ரஜா ப⁴க்³னம் ந்ருபம் த்யஜேத் ।
க²கா³ வீதப²லம் வ்ருக்ஷம் பு⁴க்த்வா சாப்⁴யாக³தோ க்³ருஹம் ॥ 17 ॥

க்³ருஹீத்வா த³க்ஷிணாம் விப்ராஸ்த்யஜந்தி யஜமானகம் ।
ப்ராப்தவித்³யா கு³ரும் ஶிஷ்யா த³க்³தா⁴ரண்யம் ம்ருகா³ஸ்ததா² ॥ 18 ॥

து³ராசாரீ து³ராத்³ருஷ்டிர்து³ராவாஸீ ச து³ர்ஜன: ।
யன்மைத்ரீ க்ரியதே பும்பி⁴ர்னர: ஶீக்⁴ரம் வினஶ்யதி ॥ 19 ॥

ஸமானே ஶோப⁴தே ப்ரீதி: ராஜ்ஞி ஸேவா ச ஶோப⁴தே ।
வாணிஜ்யம் வ்யவஹாரேஷு தி³வ்யா ஸ்த்ரீ ஶோப⁴தே க்³ருஹே ॥ 2௦ ॥