சாணக்ய நீதி – ஸப்தத³ஶோத்⁴யாய:

புஸ்தகப்ரத்யயாதீ⁴தம் நாதீ⁴தம் கு³ருஸன்னிதௌ⁴ ।
ஸபா⁴மத்⁴யே ந ஶோப⁴ந்தே ஜாரக³ர்பா⁴ இவ ஸ்த்ரிய: ॥ ௦1 ॥

க்ருதே ப்ரதிக்ருதிம் குர்யாத்³தி⁴ம்ஸனே ப்ரதிஹிம்ஸனம் ।
தத்ர தோ³ஷோ ந பததி து³ஷ்டே து³ஷ்டம் ஸமாசரேத் ॥ ௦2 ॥

யத்³தூ³ரம் யத்³து³ராராத்⁴யம் யச்ச தூ³ரே வ்யவஸ்தி²தம் ।
தத்ஸர்வம் தபஸா ஸாத்⁴யம் தபோ ஹி து³ரதிக்ரமம் ॥ ௦3 ॥

லோப⁴ஶ்சேத³கு³ணேன கிம் பிஶுனதா யத்³யஸ்தி கிம் பாதகை:
ஸத்யம் சேத்தபஸா ச கிம் ஶுசி மனோ யத்³யஸ்தி தீர்தே²ன கிம் ।
ஸௌஜன்யம் யதி³ கிம் கு³ணை: ஸுமஹிமா யத்³யஸ்தி கிம் மண்ட³னை:
ஸத்³வித்³யா யதி³ கிம் த⁴னைரபயஶோ யத்³யஸ்தி கிம் ம்ருத்யுனா ॥ ௦4 ॥

பிதா ரத்னாகரோ யஸ்ய லக்ஷ்மீர்யஸ்ய ஸஹோத³ரா ।
ஶங்கோ² பி⁴க்ஷாடனம் குர்யான்ன த³த்தமுபதிஷ்ட²தே ॥ ௦5 ॥

அஶக்தஸ்து ப⁴வேத்ஸாது⁴-ர்ப்³ரஹ்மசாரீ வா நிர்த⁴ன: ।
வ்யாதி⁴தோ தே³வப⁴க்தஶ்ச வ்ருத்³தா⁴ நாரீ பதிவ்ரதா ॥ ௦6 ॥

நான்னோத³கஸமம் தா³னம் ந திதி²ர்த்³வாத³ஶீ ஸமா ।
ந கா³யத்ர்யா: பரோ மந்த்ரோ ந மாதுர்தை³வதம் பரம் ॥ ௦7 ॥

தக்ஷகஸ்ய விஷம் த³ந்தே மக்ஷிகாயாஸ்து மஸ்தகே ।
வ்ருஶ்சிகஸ்ய விஷம் புச்சே² ஸர்வாங்கே³ து³ர்ஜனே விஷம் ॥ ௦8 ॥

பத்யுராஜ்ஞாம் வினா நாரீ ஹ்யுபோஷ்ய வ்ரதசாரிணீ ।
ஆயுஷ்யம் ஹரதே ப⁴ர்து: ஸா நாரீ நரகம் வ்ரஜேத் ॥ ௦9 ॥

ந தா³னை: ஶுத்⁴யதே நாரீ நோபவாஸஶதைரபி ।
ந தீர்த²ஸேவயா தத்³வத்³ப⁴ர்து: பதோ³த³கைர்யதா² ॥ 1௦ ॥

பாத³ஶேஷம் பீதஶேஷம் ஸந்த்⁴யாஶேஷம் ததை²வ ச ।
ஶ்வானமூத்ரஸமம் தோயம் பீத்வா சாந்த்³ராயணம் சரேத் ॥ 11 ॥

தா³னேன பாணிர்ன து கங்கணேன
ஸ்னானேன ஶுத்³தி⁴ர்ன து சந்த³னேன ।
மானேன த்ருப்திர்ன து போ⁴ஜனேன
ஜ்ஞானேன முக்திர்ன து முண்ட³னேன ॥ 12 ॥

நாபிதஸ்ய க்³ருஹே க்ஷௌரம் பாஷாணே க³ந்த⁴லேபனம் ।
ஆத்மரூபம் ஜலே பஶ்யன் ஶக்ரஸ்யாபி ஶ்ரியம் ஹரேத் ॥ 13 ॥

ஸத்³ய: ப்ரஜ்ஞாஹரா துண்டீ³ ஸத்³ய: ப்ரஜ்ஞாகரீ வசா ।
ஸத்³ய: ஶக்திஹரா நாரீ ஸத்³ய: ஶக்திகரம் பய: ॥ 14 ॥

பரோபகரணம் யேஷாம் ஜாக³ர்தி ஹ்ருத³யே ஸதாம் ।
நஶ்யந்தி விபத³ஸ்தேஷாம் ஸம்பத:³ ஸ்யு: பதே³ பதே³ ॥ 15 ॥

யதி³ ராமா யதி³ ச ரமா யதி³ தனயோ வினயகு³ணோபேத: ।
தனயே தனயோத்பத்தி: ஸுரவரனக³ரே கிமாதி⁴க்யம் ॥ 16 ॥

ஆஹாரனித்³ராப⁴யமைது²னானி
ஸமானி சைதானி ந்ருணாம் பஶூனாம் ।
ஜ்ஞானம் நராணாமதி⁴கோ விஶேஷோ
ஜ்ஞானேன ஹீனா: பஶுபி⁴: ஸமானா: ॥ 17 ॥

தா³னார்தி²னோ மது⁴கரா யதி³ கர்ணதாலைர்தூ³ரீக்ருதா:
தூ³ரீக்ருதா: கரிவரேண மதா³ந்த⁴பு³த்³த்⁴யா ।
தஸ்யைவ க³ண்ட³யுக்³மமண்ட³னஹானிரேஷா
ப்⁴ருங்கா³: புனர்விகசபத்³மவனே வஸந்தி ॥ 18 ॥

ராஜா வேஶ்யா யமஶ்சாக்³னிஸ்தஸ்கரோ பா³லயாசகௌ ।
பரது³:க²ம் ந ஜானந்தி அஷ்டமோ க்³ராமகண்டக: ॥ 19 ॥

அத:⁴ பஶ்யஸி கிம் பா³லே பதிதம் தவ கிம் பு⁴வி ।
ரே ரே மூர்க² ந ஜானாஸி க³தம் தாருண்யமௌக்திகம் ॥ 2௦ ॥

வ்யாலாஶ்ரயாபி விகலாபி ஸகண்டகாபி
வக்ராபி பங்கிலப⁴வாபி து³ராஸதா³பி ।
க³ந்தே⁴ன ப³ந்து⁴ரஸி கேதகி ஸர்வஜந்தா
ரேகோ கு³ண: க²லு நிஹந்தி ஸமஸ்ததோ³ஷான் ॥ 21 ॥