சாணக்ய நீதி – பஞ்சத³ஶோத்⁴யாய:

யஸ்ய சித்தம் த்³ரவீபூ⁴தம் க்ருபயா ஸர்வஜந்துஷு ।
தஸ்ய ஜ்ஞானேன மோக்ஷேண கிம் ஜடாப⁴ஸ்மலேபனை: ॥ ௦1 ॥

ஏகமப்யக்ஷரம் யஸ்து கு³ரு: ஶிஷ்யம் ப்ரபோ³த⁴யேத் ।
ப்ருதி²வ்யாம் நாஸ்தி தத்³த்³ரவ்யம் யத்³த³த்த்வா ஸோன்ருணீ ப⁴வேத் ॥ ௦2 ॥

க²லானாம் கண்டகானாம் ச த்³விவிதை⁴வ ப்ரதிக்ரியா ।
உபானன்முக²ப⁴ங்கோ³ வா தூ³ரதோ வா விஸர்ஜனம் ॥ ௦2 ॥

குசைலினம் த³ந்தமலோபதா⁴ரிணம்
ப³ஹ்வாஶினம் நிஷ்டு²ரபா⁴ஷிணம் ச ।
ஸூர்யோத³யே சாஸ்தமிதே ஶயானம்
விமுஞ்சதி ஶ்ரீர்யதி³ சக்ரபாணி: ॥ ௦4 ॥

த்யஜந்தி மித்ராணி த⁴னைர்விஹீனம்
புத்ராஶ்ச தா³ராஶ்ச ஸுஹ்ருஜ்ஜனாஶ்ச ।
தமர்த²வந்தம் புனராஶ்ரயந்தி
அர்தோ² ஹி லோகே மனுஷ்யஸ்ய ப³ந்து⁴: ॥ ௦5 ॥

அன்யாயோபார்ஜிதம் த்³ரவ்யம் த³ஶ வர்ஷாணி திஷ்ட²தி ।
ப்ராப்தே சைகாத³ஶே வர்ஷே ஸமூலம் தத்³வினஶ்யதி ॥ ௦6 ॥

அயுக்தம் ஸ்வாமினோ யுக்தம் யுக்தம் நீசஸ்ய தூ³ஷணம் ।
அம்ருதம் ராஹவே ம்ருத்யுர்விஷம் ஶங்கரபூ⁴ஷணம் ॥ ௦7 ॥

தத்³போ⁴ஜனம் யத்³த்³விஜபு⁴க்தஶேஷம்
தத்ஸௌஹ்ருத³ம் யத்க்ரியதே பரஸ்மின் ।
ஸா ப்ராஜ்ஞதா யா ந கரோதி பாபம்
த³ம்ப⁴ம் வினா ய: க்ரியதே ஸ த⁴ர்ம: ॥ ௦8 ॥

மணிர்லுண்ட²தி பாதா³க்³ரே காச: ஶிரஸி தா⁴ர்யதே ।
க்ரயவிக்ரயவேலாயாம் காச: காசோ மணிர்மணி: ॥ ௦9 ॥

அனந்தஶாஸ்த்ரம் ப³ஹுலாஶ்ச வித்³யா:
ஸ்வல்பஶ்ச காலோ ப³ஹுவிக்⁴னதா ச ।
யத்ஸாரபூ⁴தம் தது³பாஸனீயாம்
ஹம்ஸோ யதா² க்ஷீரமிவாம்பு³மத்⁴யாத் ॥ 1௦ ॥

தூ³ராக³தம் பதி² ஶ்ராந்தம் வ்ருதா² ச க்³ருஹமாக³தம் ।
அனர்சயித்வா யோ பு⁴ங்க்தே ஸ வை சாண்டா³ல உச்யதே ॥ 11 ॥

பட²ந்தி சதுரோ வேதா³ந்த⁴ர்மஶாஸ்த்ராண்யனேகஶ: ।
ஆத்மானம் நைவ ஜானந்தி த³ர்வீ பாகரஸம் யதா² ॥ 12 ॥

த⁴ன்யா த்³விஜமயீ நௌகா விபரீதா ப⁴வார்ணவே ।
தரந்த்யதோ⁴க³தா: ஸர்வே உபரிஷ்டா²: பதந்த்யத:⁴ ॥ 13 ॥

அயமம்ருதனிதா⁴னம் நாயகோப்யோஷதீ⁴னாம்
அம்ருதமயஶரீர: காந்தியுக்தோபி சந்த்³ர: ।
ப⁴வதிவிக³தரஶ்மிர்மண்ட³லம் ப்ராப்ய பா⁴னோ:
பரஸத³னனிவிஷ்ட: கோ லகு⁴த்வம் ந யாதி ॥ 14 ॥

அலிரயம் நலினீத³லமத்⁴யக:³
கமலினீமகரந்த³மதா³லஸ: ।
விதி⁴வஶாத்பரதே³ஶமுபாக³த:
குடஜபுஷ்பரஸம் ப³ஹு மன்யதே ॥ 15 ॥

பீத: க்ருத்³தே⁴ன தாதஶ்சரணதலஹதோ வல்லபோ⁴ யேன ரோஷா
தா³பா³ல்யாத்³விப்ரவர்யை: ஸ்வவத³னவிவரே தா⁴ர்யதே வைரிணீ மே ।
கே³ஹம் மே சே²த³யந்தி ப்ரதிதி³வஸமுமாகாந்தபூஜானிமித்தம்
தஸ்மாத்கி²ன்னா ஸதா³ஹம் த்³விஜகுலனிலயம் நாத² யுக்தம் த்யஜாமி ॥ 16 ॥

ப³ந்த⁴னானி க²லு ஸந்தி ப³ஹூனி
ப்ரேமரஜ்ஜுக்ருதப³ந்த⁴னமன்யத் ।
தா³ருபே⁴த³னிபுணோபி ஷட³ங்க்⁴ரி-
ர்னிஷ்க்ரியோ ப⁴வதி பங்கஜகோஶே: ॥ 17 ॥

சி²ன்னோபி சந்த³ன தருர்ன ஜஹாதி க³ந்த⁴ம்
வ்ருத்³தோ⁴பி வாரணபதி-ர்னஜஹாதி லீலாம் ।
ஹந்த்ரார்பிதோ மது⁴ரதாம் ந ஜஹாதி சேக்ஷு:
க்ஷீணோபி ந த்யஜதி ஶிலகு³ணான் குலீன: ॥ 18 ॥