ப⁴ர்த்ருஹரே: ஶதக த்ரிஶதி – நீதி ஶதகம்

தி³க்காலாத்³யனவச்சி²ன்னானந்தசின்மாத்ரமூர்தயே ।
ஸ்வானுபூ⁴த்யேகமானாய நம: ஶாந்தாய தேஜஸே ॥ 1.1 ॥

போ³த்³தா⁴ரோ மத்ஸரக்³ரஸ்தா: ப்ரப⁴வ: ஸ்மயதூ³ஷிதா: ।
அபோ³தோ⁴பஹதா: சான்யே ஜீர்ணமங்கே³ ஸுபா⁴ஷிதம் ॥ 1.2 ॥

அஜ்ஞ: ஸுக²ம் ஆராத்⁴ய:
ஸுக²தரம் ஆராத்⁴யதே விஶேஷஜ்ஞ: ।
ஜ்ஞானலவது³ர்வித³க்³த⁴ம்
ப்³ரஹ்மாபி தம் நரம் ந ரஞ்ஜயதி ॥ 1.3 ॥

ப்ரஸஹ்ய மணிம் உத்³த⁴ரேன்மகரவக்த்ரத³ம்ஷ்ட்ராந்தராத்
ஸமுத்³ரம் அபி ஸந்தரேத்ப்ரசலதூ³ர்மிமாலாகுலம் ।
பு⁴ஜங்க³ம் அபி கோபிதம் ஶிரஸி புஷ்பவத்³தா⁴ரயேத்
ந து ப்ரதினிவிஷ்டமூர்கஜ²னசித்தம் ஆராத⁴யேத் ॥ 1.4 ॥

லபே⁴த ஸிகதாஸு தைலம் அபி யத்னத: பீட³யன்
பிபே³ச்ச ம்ருக³த்ருஷ்ணிகாஸு ஸலிலம் பிபாஸார்தி³த: ।
க்வசித³பி பர்யடன்ஶஶவிஷாணம் ஆஸாத³யேத்
ந து ப்ரதினிவிஷ்டமூர்க²சித்தம் ஆராத⁴யேத் ॥ 1.5 ॥

வ்யாலம் பா³லம்ருணாலதந்துபி⁴ரஸௌ ரோத்³து⁴ம் ஸமுஜ்ஜ்ரும்ப⁴தே
சே²த்தும் வஜ்ரமணிம் ஶிரீஷகுஸுமப்ராந்தேன ஸன்னஹ்யதி ।
மாது⁴ர்யம் மது⁴பி³ந்து³னா ரசயிதும் க்ஷாராம்பு³தே⁴ரீஹதே
நேதும் வாஞ்ச²தி ய: க²லான்பதி² ஸதாம் ஸூக்தை: ஸுதா⁴ஸ்யந்தி³பி⁴: ॥ 1.6 ॥

ஸ்வாயத்தம் ஏகாந்தகு³ணம் விதா⁴த்ரா
வினிர்மிதம் சா²த³னம் அஜ்ஞதாயா: ।
விஶேஷத: ஸர்வவிதா³ம் ஸமாஜே
விபூ⁴ஷணம் மௌனம் அபண்டி³தானாம் ॥ 1.7 ॥

யதா³ கிஞ்சிஜ்ஜ்ஞோஹம் த்³விப இவ மதா³ந்த:⁴ ஸமப⁴வம்
ததா³ ஸர்வஜ்ஞோஸ்மீத்யப⁴வத³வலிப்தம் மம மன:
யதா³ கிஞ்சித்கிஞ்சித்³பு³தஜ⁴னஸகாஶாத³வக³தம்
ததா³ மூர்கோ²ஸ்மீதி ஜ்வர இவ மதோ³ மே வ்யபக³த: ॥ 1.8 ॥

க்ருமிகுலசிதம் லாலாக்லின்னம் விக³ந்தி⁴ஜுகு³ப்ஸிதம்
நிருபமரஸம் ப்ரீத்யா கா²த³ன்னராஸ்தி² நிராமிஷம் ।
ஸுரபதிம் அபி ஶ்வா பார்ஶ்வஸ்த²ம் விலோக்ய ந ஶங்கதே
ந ஹி க³ணயதி க்ஷுத்³ரோ ஜந்து: பரிக்³ரஹப²ல்கு³தாம் ॥ 1.9 ॥

ஶிர: ஶார்வம் ஸ்வர்கா³த்பஶுபதிஶிரஸ்த: க்ஷிதித⁴ரம்
மஹீத்⁴ராது³த்துங்கா³த³வனிம் அவனேஶ்சாபி ஜலதி⁴ம் ।
அதோ⁴தோ⁴ க³ங்கே³யம் பத³ம் உபக³தா ஸ்தோகம்
அத²வாவிவேகப்⁴ரஷ்டானாம் ப⁴வதி வினிபாத: ஶதமுக:² ॥ 1.1௦ ॥

ஶக்யோ வாரயிதும் ஜலேன ஹுதபு⁴க்ச்ச²த்ரேண ஸூர்யாதபோ
நாகே³ந்த்³ரோ நிஶிதாங்குஶேன ஸமதோ³ த³ண்டே³ன கோ³க³ர்த³பௌ⁴ ।
வ்யாதி⁴ர்பே⁴ஷஜஸங்க்³ரஹைஶ்ச விவிதை⁴ர்மந்த்ரப்ரயோகை³ர்விஷம்
ஸர்வஸ்யௌஷத⁴ம் அஸ்தி ஶாஸ்த்ரவிஹிதம் மூர்க²ஸ்ய நாஸ்த்யௌஷத⁴ம் ॥ 1.11 ॥

ஸாஹித்யஸங்கீ³தகலாவிஹீன:
ஸாக்ஷாத்பஶு: புச்ச²விஷாணஹீன: ।
த்ருணம் ந கா²த³ன்னபி ஜீவமானஸ்
தத்³பா⁴க³தே⁴யம் பரமம் பஶூனாம் ॥ 1.12 ॥

யேஷாம் ந வித்³யா ந தபோ ந தா³னம்
ஜ்ஞானம் ந ஶீலம் ந கு³ணோ ந த⁴ர்ம: ।
தே மர்த்யலோகே பு⁴வி பா⁴ரபூ⁴தா
மனுஷ்யரூபேண ம்ருகா³ஶ்சரந்தி ॥ 1.13 ॥

வரம் பர்வதது³ர்கே³ஷு
ப்⁴ராந்தம் வனசரை: ஸஹ
ந மூர்கஜ²னஸம்பர்க:
ஸுரேந்த்³ரப⁴வனேஷ்வபி ॥ 1.14 ॥

ஶாஸ்த்ரோபஸ்க்ருதஶப்³த³ஸுந்த³ரகி³ர: ஶிஷ்யப்ரதே³யாக³மா
விக்²யாதா: கவயோ வஸந்தி விஷயே யஸ்ய ப்ரபோ⁴ர்னிர்த⁴னா: ।
தஜ்ஜாட்³யம் வஸுதா⁴தி⁴பஸ்ய கவயஸ்த்வர்த²ம் வினாபீஶ்வரா:
குத்ஸ்யா: ஸ்யு: குபரீக்ஷகா ஹி மணயோ யைரர்க⁴த: பாதிதா: ॥ 1.15 ॥

ஹர்துர்யாதி ந கோ³சரம் கிம் அபி ஶம் புஷ்ணாதி யத்ஸர்வதா³ப்ய்
அர்தி²ப்⁴ய: ப்ரதிபாத்³யமானம் அனிஶம் ப்ராப்னோதி வ்ருத்³தி⁴ம் பராம் ।
கல்பாந்தேஷ்வபி ந ப்ரயாதி நித⁴னம் வித்³யாக்²யம் அந்தர்த⁴னம்
யேஷாம் தான்ப்ரதி மானம் உஜ்ஜ²த ந்ருபா: கஸ்தை: ஸஹ ஸ்பர்த⁴தே ॥ 1.16 ॥

அதி⁴க³தபரமார்தா²ன்பண்டி³தான்மாவமம்ஸ்தா²ஸ்
த்ருணம் இவ லகு⁴ லக்ஷ்மீர்னைவ தான்ஸம்ருணத்³தி⁴ ।
அபி⁴னவமத³லேகா²ஶ்யாமக³ண்ட³ஸ்த²லானாம்
ந ப⁴வதி பி³ஸதந்துர்வாரணம் வாரணானாம் ॥ 1.17 ॥

அம்போ⁴ஜினீவனவிஹாரவிலாஸம் ஏவ
ஹம்ஸஸ்ய ஹந்தி நிதராம் குபிதோ விதா⁴தா ।
ந த்வஸ்ய து³க்³தஜ⁴லபே⁴த³விதௌ⁴ ப்ரஸித்³தா⁴ம்
வைத³க்³தீ⁴கீர்திம் அபஹர்தும் அஸௌ ஸமர்த:² ॥ 1.18 ॥

கேயூராணி ந பூ⁴ஷயந்தி புருஷம் ஹாரா ந சந்த்³ரோஜ்ஜ்வலா
ந ஸ்னானம் ந விலேபனம் ந குஸுமம் நாலங்க்ருதா மூர்தஜ⁴ா: ।
வாண்யேகா ஸமலங்கரோதி புருஷம் யா ஸம்ஸ்க்ருதா தா⁴ர்யதே
க்ஷீயந்தே க²லு பூ⁴ஷணானி ஸததம் வாக்³பூ⁴ஷணம் பூ⁴ஷணம் ॥ 1.19 ॥

வித்³யா நாம நரஸ்ய ரூபம் அதி⁴கம் ப்ரச்ச²ன்னகு³ப்தம் த⁴னம்
வித்³யா போ⁴க³கரீ யஶ:ஸுக²கரீ வித்³யா கு³ரூணாம் கு³ரு: ।
வித்³யா ப³ந்து⁴ஜனோ விதே³ஶக³மனே வித்³யா பரா தே³வதா
வித்³யா ராஜஸு பூஜ்யதே ந து த⁴னம் வித்³யாவிஹீன: பஶு: ॥ 1.2௦ ॥

க்ஷாந்திஶ்சேத்கவசேன கிம் கிம் அரிபி⁴: க்ரோதோ⁴ஸ்தி சேத்³தே³ஹினாம்
ஜ்ஞாதிஶ்சேத³னலேன கிம் யதி³ ஸுஹ்ருத்³தி³வ்யௌஷத⁴ம் கிம் ப²லம் ।
கிம் ஸர்பைர்யதி³ து³ர்ஜனா: கிம் உ த⁴னைர்வித்³யானவத்³யா யதி³
வ்ரீடா³ சேத்கிம் உ பூ⁴ஷணை: ஸுகவிதா யத்³யஸ்தி ராஜ்யேன கிம் ॥ 1.21 ॥

தா³க்ஷிண்யம் ஸ்வஜனே த³யா பரிஜனே ஶாட்²யம் ஸதா³ து³ர்ஜனே
ப்ரீதி: ஸாது⁴ஜனே நயோ ந்ருபஜனே வித்³வஜ்ஜனே சார்ஜவம் ।
ஶௌர்யம் ஶத்ருஜனே க்ஷமா கு³ருஜனே காந்தாஜனே த்⁴ருஷ்டதா
யே சைவம் புருஷா: கலாஸு குஶலாஸ்தேஷ்வேவ லோகஸ்தி²தி: ॥ 1.22 ॥

ஜாட்³யம் தி⁴யோ ஹரதி ஸிஞ்சதி வாசி ஸத்யம்
மானோன்னதிம் தி³ஶதி பாபம் அபாகரோதி ।
சேத: ப்ரஸாத³யதி தி³க்ஷு தனோதி கீர்திம்
ஸத்ஸங்க³தி: கத²ய கிம் ந கரோதி பும்ஸாம் ॥ 1.23 ॥

ஜயந்தி தே ஸுக்ருதினோ
ரஸஸித்³தா⁴: கவீஶ்வரா: ।
நாஸ்தி யேஷாம் யஶ:காயே
ஜராமரணஜம் ப⁴யம் ॥ 1.24 ॥

ஸூனு: ஸச்சரித: ஸதீ ப்ரியதமா ஸ்வாமீ ப்ரஸாதோ³ன்முக:²
ஸ்னிக்³த⁴ம் மித்ரம் அவஞ்சக: பரிஜனோ நி:க்லேஶலேஶம் மன: ।
ஆகாரோ ருசிர: ஸ்தி²ரஶ்ச விப⁴வோ வித்³யாவதா³தம் முக²ம்
துஷ்டே விஷ்டபகஷ்டஹாரிணி ஹரௌ ஸம்ப்ராப்யதே தே³ஹினா ॥ 1.25 ॥

ப்ராணாகா⁴தான்னிவ்ருத்தி: பரத⁴னஹரணே ஸம்யம: ஸத்யவாக்யம்
காலே ஶக்த்யா ப்ரதா³னம் யுவதிஜனகதா²மூகபா⁴வ: பரேஷாம் ।
த்ருஷ்ணாஸ்ரோதோ விப⁴ங்கோ³ கு³ருஷு ச வினய: ஸர்வபூ⁴தானுகம்பா
ஸாமான்ய: ஸர்வஶாஸ்த்ரேஷ்வனுபஹதவிதி⁴: ஶ்ரேயஸாம் ஏஷ பந்தா²: ॥ 1.26 ॥

ப்ராரப்⁴யதே ந க²லு விக்⁴னப⁴யேன நீசை:
ப்ராரப்⁴ய விக்⁴னவிஹதா விரமந்தி மத்⁴யா: ।
விக்⁴னை: புன: புனரபி ப்ரதிஹன்யமானா:
ப்ராரப்³த⁴ம் உத்தமஜனா ந பரித்யஜந்தி ॥ 1.27 ॥

அஸந்தோ நாப்⁴யர்த்²யா: ஸுஹ்ருத³பி ந யாச்ய: க்ருஶத⁴ன:
ப்ரியா ந்யாய்யா வ்ருத்திர்மலினம் அஸுப⁴ங்கே³ப்யஸுகரம் ।
விபத்³யுச்சை: ஸ்தே²யம் பத³ம் அனுவிதே⁴யம் ச மஹதாம்
ஸதாம் கேனோத்³தி³ஷ்டம் விஷமம் அஸிதா⁴ராவ்ரதம் இத³ம் ॥ 1.28 ॥

க்ஷுத்க்ஷாமோபி ஜராக்ருஶோபி ஶிதி²லப்ராணோபி கஷ்டாம் த³ஶாம்
ஆபன்னோபி விபன்னதீ³தி⁴திரிதி ப்ராணேஷு நஶ்யத்ஸ்வபி ।
மத்தேபே⁴ந்த்³ரவிபி⁴ன்னகும்ப⁴பிஶிதக்³ராஸைகப³த்³த⁴ஸ்ப்ருஹ:
கிம் ஜீர்ணம் த்ருணம் அத்தி மானமஹதாம் அக்³ரேஸர: கேஸரீ ॥ 1.29 ॥

ஸ்வல்பஸ்னாயுவஸாவஶேஷமலினம் நிர்மாம்ஸம் அப்யஸ்தி² கோ³:
ஶ்வா லப்³த்⁴வா பரிதோஷம் ஏதி ந து தத்தஸ்ய க்ஷுதா⁴ஶாந்தயே ।
ஸிம்ஹோ ஜம்பு³கம் அங்கம் ஆக³தம் அபி த்யக்த்வா நிஹந்தி த்³விபம்
ஸர்வ: க்ருச்ச்²ரக³தோபி வாஞ்ச²தி ஜன: ஸத்த்வானுரூபம் ப²லம் ॥ 1.3௦ ॥

லாங்கூ³லசாலனம் அத⁴ஶ்சரணாவபாதம்
பூ⁴மௌ நிபத்ய வத³னோத³ரத³ர்ஶனம் ச ।
ஶ்வா பிண்ட³த³ஸ்ய குருதே கஜ³புங்க³வஸ்து
தீ⁴ரம் விலோகயதி சாடுஶதைஶ்ச பு⁴ங்க்தே ॥ 1.31 ॥

பரிவர்தினி ஸம்ஸாரே
ம்ருத: கோ வா ந ஜாயதே ।
ஸ ஜாதோ யேன ஜாதேன
யாதி வம்ஶ: ஸமுன்னதிம் ॥ 1.32 ॥

குஸுமஸ்தவகஸ்யேவ
த்³வயீ வ்ருத்திர்மனஸ்வின: ।
மூர்த்⁴னி வா ஸர்வலோகஸ்ய
ஶீர்யதே வன ஏவ வா ॥ 1.33 ॥

ஸந்த்யன்யேபி ப்³ருஹஸ்பதிப்ரப்⁴ருதய: ஸம்பா⁴விதா: பஞ்சஷாஸ்
தான்ப்ரத்யேஷ விஶேஷவிக்ரமருசீ ராஹுர்ன வைராயதே ।
த்³வாவேவ க்³ரஸதே தி³வாகரனிஶாப்ராணேஶ்வரௌ பா⁴ஸ்கரௌ
ப்⁴ராத: பர்வணி பஶ்ய தா³னவபதி: ஶீர்ஷாவஶேஷாக்ருதி: ॥ 1.34 ॥

வஹதி பு⁴வனஶ்ரேணிம் ஶேஷ: ப²ணாப²லகஸ்தி²தாம்
கமட²பதினா மத்⁴யேப்ருஷ்ட²ம் ஸதா³ ஸ ச தா⁴ர்யதே ।
தம் அபி குருதே க்ரோடா³தீ⁴னம் பயோதி⁴ரனாத³ராத்³
அஹஹ மஹதாம் நி:ஸீமானஶ்சரித்ரவிபூ⁴தய: ॥ 1.35 ॥

வரம் பக்ஷச்சே²த:³ ஸமத³மக⁴வன்முக்தகுலிஶப்ரஹாரைர்
உத்³க³ச்ச²த்³ப³ஹுலத³ஹனோத்³கா³ரகு³ருபி⁴: ।
துஷாராத்³ரே: ஸூனோரஹஹ பிதரி க்லேஶவிவஶே
ந சாஸௌ ஸம்பாத: பயஸி பயஸாம் பத்யுருசித: ॥ 1.36 ॥

ஸிம்ஹ: ஶிஶுரபி நிபததி
மத³மலினகபோலபி⁴த்திஷு கஜ³ேஷு ।
ப்ரக்ருதிரியம் ஸத்த்வவதாம்
ந க²லு வயஸ்தேஜஸோ ஹேது: ॥ 1.37 ॥

ஜாதிர்யாது ரஸாதலம் கு³ணக³ணைஸ்தத்ராப்யதோ⁴ க³ம்யதாம்
ஶீலம் ஶைலதடாத்பதத்வபி⁴ஜன: ஸந்த³ஹ்யதாம் வஹ்னினா ।
ஶௌர்யே வைரிணி வஜ்ரம் ஆஶு நிபதத்வர்தோ²ஸ்து ந: கேவலம்
யேனைகேன வினா கு³ணாஸ்த்ருணலவப்ராயா: ஸமஸ்தா இமே ॥ 1.38 ॥

த⁴னம் அர்ஜய காகுத்ஸ்த²
த⁴னமூலம் இத³ம் ஜக³த் ।
அந்தரம் நாபி⁴ஜானாமி
நிர்த⁴னஸ்ய ம்ருதஸ்ய ச ॥ 1.39 ॥

தானீந்த்³ரியாண்யவிகலானி ததே³வ நாம
ஸா பு³த்³தி⁴ரப்ரதிஹதா வசனம் ததே³வ ।
அர்தோ²ஷ்மணா விரஹித: புருஷ: க்ஷணேன
ஸோப்யன்ய ஏவ ப⁴வதீதி விசித்ரம் ஏதத் ॥ 1.4௦ ॥

யஸ்யாஸ்தி வித்தம் ஸ நர: குலீன:
ஸ பண்டி³த: ஸ ஶ்ருதவான்கு³ணஜ்ஞ: ।
ஸ ஏவ வக்தா ஸ ச த³ர்ஶனீய:
ஸர்வே கு³ணா: காஞ்சனம் ஆஶ்ரயந்தி ॥ 1.41 ॥

தௌ³ர்மந்த்ர்யான்ன்ருபதிர்வினஶ்யதி யதி: ஸங்கா³த்ஸுதோ லாலனாத்
விப்ரோனத்⁴யயனாத்குலம் குதனயாச்சீ²லம் க²லோபாஸனாத் ।
ஹ்ரீர்மத்³யாத³னவேக்ஷணாத³பி க்ருஷி: ஸ்னேஹ: ப்ரவாஸாஶ்ரயான்
மைத்ரீ சாப்ரணயாத்ஸம்ருத்³தி⁴ரனயாத்த்யாக³ப்ரமாதா³த்³த⁴னம் ॥ 1.42 ॥

தா³னம் போ⁴கோ³ நாஶஸ்திஸ்ரோ
க³தயோ ப⁴வந்தி வித்தஸ்ய ।
யோ ந த³தா³தி ந பு⁴ங்க்தே
தஸ்ய த்ருதீயா க³திர்ப⁴வதி ॥ 1.43 ॥

மணி: ஶாணோல்லீட:⁴ ஸமரவிஜயீ ஹேதித³லிதோ
மத³க்ஷீணோ நாக:³ ஶரதி³ ஸரித: ஶ்யானபுலினா: ।
கலாஶேஷஶ்சந்த்³ர: ஸுரதம்ருதி³தா பா³லவனிதா
தன்னிம்னா ஶோப⁴ந்தே க³லிதவிப⁴வாஶ்சார்தி²ஷு நரா: ॥ 1.44 ॥

பரிக்ஷீண: கஶ்சித்ஸ்ப்ருஹயதி யவானாம் ப்ரஸ்ருதயே
ஸ பஶ்சாத்ஸம்பூர்ண: கலயதி த⁴ரித்ரீம் த்ருணஸமாம் ।
அதஶ்சானைகாந்த்யாத்³கு³ருலகு⁴தயார்தே²ஷு த⁴னினாம்
அவஸ்தா² வஸ்தூனி ப்ரத²யதி ச ஸங்கோசயதி ச ॥ 1.45 ॥

ராஜந்து³து⁴க்ஷஸி யதி³ க்ஷிதிதே⁴னும் ஏதாம்
தேனாத்³ய வத்ஸம் இவ லோகம் அமும் புஷாண
தஸ்மிம்ஶ்ச ஸம்யக³னிஶம் பரிபோஷ்யமாணே
நானாப²லை: ப²லதி கல்பலதேவ பூ⁴மி: ॥ 1.46 ॥

ஸத்யான்ருதா ச பருஷா ப்ரியவாதி³னீ ச
ஹிம்ஸ்ரா த³யாலுரபி சார்த²பரா வதா³ன்யா ।
நித்யவ்யயா ப்ரசுரனித்யத⁴னாக³மா ச
வாராங்க³னேவ ந்ருபனீதிரனேகரூபா ॥ 1.47 ॥

ஆஜ்ஞா கீர்தி: பாலனம் ப்³ராஹ்மணானாம்
தா³னம் போ⁴கோ³ மித்ரஸம்ரக்ஷணம் ச
யேஷாம் ஏதே ஷட்³கு³ணா ந ப்ரவ்ருத்தா:
கோர்த²ஸ்தேஷாம் பார்தி²வோபாஶ்ரயேண ॥ 1.48 ॥

யத்³தா⁴த்ரா நிஜபா⁴லபட்டலிகி²தம் ஸ்தோகம் மஹத்³வா த⁴னம்
தத்ப்ராப்னோதி மருஸ்த²லேபி நிதராம் மேரௌ ததோ நாதி⁴கம் ।
தத்³தீ⁴ரோ ப⁴வ வித்தவத்ஸு க்ருபணாம் வ்ருத்திம் வ்ருதா² மா க்ருதா²:
கூபே பஶ்ய பயோனிதா⁴வபி க⁴டோ க்³ருஹ்ணாதி துல்யம் ஜலம் ॥ 1.49 ॥

த்வம் ஏவ சாதகாதா⁴ரோ
ஸீதி கேஷாம் ந கோ³சர: ।
கிம் அம்போ⁴த³வராஸ்மாகம்
கார்பண்யோக்தம் ப்ரதீக்ஷஸே ॥ 1.5௦ ॥

ரே ரே சாதக ஸாவதா⁴னமனஸா மித்ர க்ஷணம் ஶ்ரூயதாம்
அம்போ⁴தா³ ப³ஹவோ வஸந்தி க³க³னே ஸர்வேபி நைதாத்³ருஶா: ।
கேசித்³வ்ருஷ்டிபி⁴ரார்த்³ரயந்தி வஸுதா⁴ம் க³ர்ஜந்தி கேசித்³வ்ருதா²
யம் யம் பஶ்யஸி தஸ்ய தஸ்ய புரதோ மா ப்³ரூஹி தீ³னம் வச: ॥ 1.51 ॥

அகருணத்வம் அகாரணவிக்³ரஹ:
பரத⁴னே பரயோஷிதி ச ஸ்ப்ருஹா ।
ஸுஜனப³ந்து⁴ஜனேஷ்வஸஹிஷ்ணுதா
ப்ரக்ருதிஸித்³த⁴ம் இத³ம் ஹி து³ராத்மனாம் ॥ 1.52 ॥

து³ர்ஜன: பரிஹர்தவ்யோ
வித்³யயாலக்ருதோபி ஸன் ।
மணினா பூ⁴ஷித: ஸர்ப:
கிம் அஸௌ ந ப⁴யங்கர: ॥ 1.53 ॥

ஜாட்³யம் ஹ்ரீமதி க³ண்யதே வ்ரதருசௌ த³ம்ப:⁴ ஶுசௌ கைதவம்
ஶூரே நிர்க்⁴ருணதா முனௌ விமதிதா தை³ன்யம் ப்ரியாலாபினி ।
தேஜஸ்வின்யவலிப்ததா முக²ரதா வக்தர்யஶக்தி: ஸ்தி²ரே
தத்கோ நாம கு³ணோ ப⁴வேத்ஸ கு³ணினாம் யோ து³ர்ஜனைர்னாங்கித: ॥ 1.54 ॥

லோப⁴ஶ்சேத³கு³ணேன கிம் பிஶுனதா யத்³யஸ்தி கிம் பாதகை:
ஸத்யம் சேத்தபஸா ச கிம் ஶுசி மனோ யத்³யஸ்தி தீர்தே²ன கிம் ।
ஸௌஜன்யம் யதி³ கிம் கு³ணை: ஸுமஹிமா யத்³யஸ்தி கிம் மண்ட³னை:
ஸத்³வித்³யா யதி³ கிம் த⁴னைரபயஶோ யத்³யஸ்தி கிம் ம்ருத்யுனா ॥ 1.55 ॥

ஶஶீ தி³வஸதூ⁴ஸரோ க³லிதயௌவனா காமினீ
ஸரோ விக³தவாரிஜம் முக²ம் அனக்ஷரம் ஸ்வாக்ருதே: ।
ப்ரபு⁴ர்த⁴னபராயண: ஸததது³ர்க³த: ஸஜ்ஜனோ
ந்ருபாங்க³ணக³த: க²லோ மனஸி ஸப்த ஶல்யானி மே ॥ 1.56 ॥

ந கஶ்சிச்சண்ட³கோபானாம்
ஆத்மீயோ நாம பூ⁴பு⁴ஜாம் ।
ஹோதாரம் அபி ஜுஹ்வானம்
ஸ்ப்ருஷ்டோ த³ஹதி பாவக: ॥ 1.57 ॥

மௌனான்மூக: ப்ரவசனபடுர்வாதுலோ ஜல்பகோ வா
த்⁴ருஷ்ட: பார்ஶ்வே வஸதி ச ஸதா³ தூ³ரதஶ்சாப்ரக³ல்ப:⁴ ।
க்ஷாந்த்யா பீ⁴ருர்யதி³ ந ஸஹதே ப்ராயஶோ நாபி⁴ஜாத:
ஸேவாத⁴ர்ம: பரமக³ஹனோ யோகி³னாம் அப்யக³ம்ய: ॥ 1.58 ॥

உத்³பா⁴ஸிதாகி²லக²லஸ்ய விஶ்ருங்க²லஸ்ய
ப்ராக்³ஜாதவிஸ்த்ருதனிஜாத⁴மகர்மவ்ருத்தே: ।
தை³வாத³வாப்தவிப⁴வஸ்ய கு³ணத்³விஷோஸ்ய
நீசஸ்ய கோ³சரக³தை: ஸுக²ம் ஆப்யதே கை: ॥ 1.59 ॥

ஆரம்ப⁴கு³ர்வீ க்ஷயிணீ க்ரமேண
லக்⁴வீ புரா வ்ருத்³தி⁴மதீ ச பஶ்சாத் ।
தி³னஸ்ய பூர்வார்த⁴பரார்த⁴பி⁴ன்னா
சா²யேவ மைத்ரீ க²லஸஜ்ஜனானாம் ॥ 1.6௦ ॥

ம்ருக³மீனஸஜ்ஜனானாம் த்ருணஜலஸந்தோஷவிஹிதவ்ருத்தீனாம் ।
லுப்³த⁴கதீ⁴வரபிஶுனா நிஷ்காரணவைரிணோ ஜக³தி ॥ 1.61 ॥

வாஞ்சா² ஸஜ்ஜனஸங்க³மே பரகு³ணே ப்ரீதிர்கு³ரௌ நம்ரதா
வித்³யாயாம் வ்யஸனம் ஸ்வயோஷிதி ரதிர்லோகாபவாதா³த்³ப⁴யம் ।
ப⁴க்தி: ஶூலினி ஶக்திராத்மத³மனே ஸம்ஸர்க³முக்தி: க²லே
யேஷ்வேதே நிவஸந்தி நிர்மலகு³ணாஸ்தேப்⁴யோ நரேப்⁴யோ நம: ॥ 1.62 ॥

விபதி³ தை⁴ர்யம் அதா²ப்⁴யுத³யே க்ஷமா
ஸத³ஸி வாக்படுதா யுதி⁴ விக்ரம: ।
யஶஸி சாபி⁴ருசிர்வ்யஸனம் ஶ்ருதௌ
ப்ரக்ருதிஸித்³த⁴ம் இத³ம் ஹி மஹாத்மனாம் ॥ 1.63 ॥

ப்ரதா³னம் ப்ரச்ச²ன்னம் க்³ருஹம் உபக³தே ஸம்ப்⁴ரமவிதி⁴:
ப்ரியம் க்ருத்வா மௌனம் ஸத³ஸி கத²னம் சாப்யுபக்ருதே: ।
அனுத்ஸேகோ லக்ஷ்ம்யாம் அனபி⁴ப⁴வக³ந்தா⁴: பரகதா²:
ஸதாம் கேனோத்³தி³ஷ்டம் விஷமம் அஸிதா⁴ராவ்ரதம் இத³ம் ॥ 1.64 ॥

கரே ஶ்லாக்⁴யஸ்த்யாக:³ ஶிரஸி கு³ருபாத³ப்ரணயிதா
முகே² ஸத்யா வாணீ விஜயி பு⁴ஜயோர்வீர்யம் அதுலம் ।
ஹ்ருதி³ ஸ்வச்சா² வ்ருத்தி: ஶ்ருதம் அதி⁴க³தம் ச ஶ்ரவணயோர்
வினாப்யைஶ்வர்யேண ப்ரக்ருதிமஹதாம் மண்ட³னம் இத³ம் ॥ 1.65 ॥

ஸம்பத்ஸு மஹதாம் சித்தம் ப⁴வத்யுத்பலகோமலம் ।
ஆபத்ஸு ச மஹாஶைலஶிலா ஸங்கா⁴தகர்கஶம் ॥ 1.66 ॥

ஸந்தப்தாயஸி ஸம்ஸ்தி²தஸ்ய பயஸோ நாமாபி ந ஜ்ஞாயதே
முக்தாகாரதயா ததே³வ நலினீபத்ரஸ்தி²தம் ராஜதே ।
ஸ்வாத்யாம் ஸாக³ரஶுக்திமத்⁴யபதிதம் தன்மௌக்திகம் ஜாயதே
ப்ராயேணாத⁴மமத்⁴யமோத்தமகு³ண: ஸம்ஸர்க³தோ ஜாயதே ॥ 1.67 ॥

ப்ரீணாதி ய: ஸுசரிதை: பிதரம் ஸ புத்ரோ
யத்³ப⁴ர்துரேவ ஹிதம் இச்ச²தி தத்கலத்ரம் ।
தன்மித்ரம் ஆபதி³ ஸுகே² ச ஸமக்ரியம் யத்³
ஏதத்த்ரயம் ஜக³தி புண்யக்ருதோ லப⁴ந்தே ॥ 1.68 ॥

ஏகோ தே³வ: கேஶவோ வா ஶிவோ வா
ஹ்யேகம் மித்ரம் பூ⁴பதிர்வா யதிர்வா ।
ஏகோ வாஸ: பத்தனே வா வனே வா
ஹ்யேகா பா⁴ர்யா ஸுந்த³ரீ வா த³ரீ வா ॥ 1.69 ॥

நம்ரத்வேனோன்னமந்த: பரகு³ணகத²னை: ஸ்வான்கு³ணான்க்²யாபயந்த:
ஸ்வார்தா²ன்ஸம்பாத³யந்தோ விததப்ருது²தராரம்ப⁴யத்னா: பரார்தே² ।
க்ஷாந்த்யைவாக்ஷேபருக்ஷாக்ஷரமுக²ரமுகா²ந்து³ர்ஜனாந்தூ³ஷயந்த:
ஸந்த: ஸாஶ்சர்யசர்யா ஜக³தி ப³ஹுமதா: கஸ்ய நாப்⁴யர்சனீயா: ॥ 1.7௦ ॥

ப⁴வந்தி நம்ராஸ்தரவ: ப²லோத்³க³மைர்
நவாம்பு³பி⁴ர்தூ³ராவலம்பி³னோ க⁴னா: ।
அனுத்³த⁴தா: ஸத்புருஷா: ஸம்ருத்³தி⁴பி⁴:
ஸ்வபா⁴வ ஏஷ பரோபகாரிணாம் ॥ 1.71 ॥

ஶ்ரோத்ரம் ஶ்ருதேனைவ ந குண்ட³லேன
தா³னேன பாணிர்ன து கங்கணேன ।
விபா⁴தி காய: கருணபராணாம்
பரோபகாரைர்ன து சந்த³னேன ॥ 1.72 ॥

பாபான்னிவாரயதி யோஜயதே ஹிதாய
கு³ஹ்யம் நிகூ³ஹதி கு³ணான்ப்ரகடீகரோதி ।
ஆபத்³க³தம் ச ந ஜஹாதி த³தா³தி காலே
ஸன்மித்ரலக்ஷணம் இத³ம் ப்ரவத³ந்தி ஸந்த: ॥ 1.73 ॥

பத்³மாகரம் தி³னகரோ விகசீகரோதி
சந்த்³ரப்ரபோ⁴ல்லாஸயதி கைரவசக்ரவாலம் ।
நாப்⁴யர்தி²தோ ஜலத⁴ரோபி ஜலம் த³தா³தி
ஸந்த: ஸ்வயம் பரஹிதே விஹிதாபி⁴யோகா³: ॥ 1.74 ॥

ஏகே ஸத்புருஷா: பரார்த²க⁴டகா: ஸ்வார்த²ம் பரித்யஜந்தி யே
ஸாமான்யாஸ்து பரார்த²ம் உத்³யமப்⁴ருத: ஸ்வார்தா²விரோதே⁴ன யே ।
தேமீ மானுஷராக்ஷஸா: பரஹிதம் ஸ்வார்தா²ய நிக்⁴னந்தி யே
யே து க்⁴னந்தி நிரர்த²கம் பரஹிதம் தே கே ந ஜானீமஹே ॥ 1.75 ॥

க்ஷீரேணாத்மக³தோத³காய ஹி கு³ணா த³த்தா புரா தேகி²லா
க்ஷீரோத்தாபம் அவேக்ஷ்ய தேன பயஸா ஸ்வாத்மா க்ருஶானௌ ஹுத: ।
க³ந்தும் பாவகம் உன்மனஸ்தத³ப⁴வத்³த்³ருஷ்ட்வா து மித்ராபத³ம்
யுக்தம் தேன ஜலேன ஶாம்யதி ஸதாம் மைத்ரீ புனஸ்த்வீத்³ருஶீ ॥ 1.76 ॥

இத: ஸ்வபிதி கேஶவ: குலம் இதஸ்ததீ³யத்³விஷாம்
இதஶ்ச ஶரணார்தி²னாம் ஶிக²ரிணாம் க³ணா: ஶேரதே ।
இதோபி ப³ட³வானல: ஸஹ ஸமஸ்தஸம்வர்தகை:
அஹோ விததம் ஊர்ஜிதம் ப⁴ரஸஹம் ஸிந்தோ⁴ர்வபு: ॥ 1.77 ॥

த்ருஷ்ணாம் சி²ந்தி⁴ பஜ⁴ க்ஷமாம் ஜஹி மத³ம் பாபே ரதிம் மா க்ருதா²:
ஸத்யம் ப்³ரூஹ்யனுயாஹி ஸாது⁴பத³வீம் ஸேவஸ்வ வித்³வஜ்ஜனம் ।
மான்யான்மானய வித்³விஷோப்யனுனய ப்ரக்²யாபய ப்ரஶ்ரயம்
கீர்திம் பாலய து³:கி²தே குரு த³யாம் ஏதத்ஸதாம் சேஷ்டிதம் ॥ 1.78 ॥

மனஸி வசஸி காயே புண்யபீயூஷபூர்ணாஸ்
த்ரிபு⁴வனம் உபகாரஶ்ரேணிபி⁴: ப்ரீணயந்த: ।
பரகு³ணபரமாணூன்பர்வதீக்ருத்ய நித்யம்
நிஜஹ்ருதி³ விகஸந்த: ஸந்தி ஸந்த: கியந்த: ॥ 1.79 ॥

கிம் தேன ஹேமகி³ரிணா ரஜதாத்³ரிணா வா
யத்ராஶ்ரிதாஶ்ச தரவஸ்தரவஸ்த ஏவ ।
மன்யாமஹே மலயம் ஏவ யதா³ஶ்ரயேண
கங்கோலனிம்ப³குடஜா அபி சந்த³னா: ஸ்யு: ॥ 1.8௦ ॥

ரத்னைர்மஹார்ஹைஸ்துதுஷுர்ன தே³வா
ந பே⁴ஜிரே பீ⁴மவிஷேண பீ⁴திம் ।
ஸுதா⁴ம் வினா ந ப்ரயயுர்விராமம்
ந நிஶ்சிதார்தா²த்³விரமந்தி தீ⁴ரா: ॥ 1.81 ॥

க்வசித்ப்ருத்²வீஶய்ய: க்வசித³பி ச பர்யங்கஶயன:
க்வசிச்சா²காஹார: க்வசித³பி ச ஶால்யோத³னருசி: ।
க்வசித்கந்தா²தா⁴ரீ க்வசித³பி ச தி³வ்யாம்ப³ரத⁴ரோ
மனஸ்வீ கார்யார்தீ² ந க³ணயதி து³:க²ம் ந ச ஸுக²ம் ॥ 1.82 ॥

ஐஶ்வர்யஸ்ய விபூ⁴ஷணம் ஸுஜனதா ஶௌர்யஸ்ய வாக்ஸம்யமோ
ஜ்ஞானஸ்யோபஶம: ஶ்ருதஸ்ய வினயோ வித்தஸ்ய பாத்ரே வ்யய: ।
அக்ரோத⁴ஸ்தபஸ: க்ஷமா ப்ரப⁴விதுர்த⁴ர்மஸ்ய நிர்வ்யாஜதா
ஸர்வேஷாம் அபி ஸர்வகாரணம் இத³ம் ஶீலம் பரம் பூ⁴ஷணம் ॥ 1.83 ॥

நிந்த³ந்து நீதினிபுணா யதி³ வா ஸ்துவந்து
லக்ஷ்மீ: ஸமாவிஶது க³ச்ச²து வா யதே²ஷ்ட²ம் ।
அத்³யைவ வா மரணம் அஸ்து யுகா³ந்தரே வா
ந்யாய்யாத்பத:² ப்ரவிசலந்தி பத³ம் ந தீ⁴ரா: ॥ 1.84 ॥

ப⁴க்³னாஶஸ்ய கரண்ட³பிண்டி³ததனோர்ம்லானேந்த்³ரியஸ்ய க்ஷுதா⁴
க்ருத்வாகு²ர்விவரம் ஸ்வயம் நிபதிதோ நக்தம் முகே² போ⁴கி³ன: ।
த்ருப்தஸ்தத்பிஶிதேன ஸத்வரம் அஸௌ தேனைவ யாத: பதா²
லோகா: பஶ்யத தை³வம் ஏவ ஹி ந்ருணாம் வ்ருத்³தௌ⁴ க்ஷயே காரணம் ॥ 1.85 ॥

ஆலஸ்யம் ஹி மனுஷ்யாணாம்
ஶரீரஸ்தோ² மஹான்ரிபு: ।
நாஸ்த்யுத்³யமஸமோ ப³ந்து⁴:
குர்வாணோ நாவஸீத³தி ॥ 1.86 ॥

சி²ன்னோபி ரோஹதி தரு: க்ஷீணோப்யுபசீயதே புனஶ்சந்த்³ர: ।
இதி விம்ருஶந்த: ஸந்த: ஸந்தப்யந்தே ந து³:கே²ஷு ॥ 1.87 ॥

நேதா யஸ்ய ப்³ருஹஸ்பதி: ப்ரஹரணம் வஜ்ரம் ஸுரா: ஸைனிகா:
ஸ்வர்கோ³ து³ர்க³ம் அனுக்³ரஹ: கில ஹரேரைராவதோ வாரண: ।
இத்யைஶ்வர்யப³லான்விதோபி ப³லபி⁴த்³ப⁴க்³ன: பரை: ஸங்க³ரே
தத்³வ்யக்தம் நனு தை³வம் ஏவ ஶரணம் தி⁴க்³தி⁴க்³வ்ருதா² பௌருஷம் ॥ 1.88 ॥

கர்மாயத்தம் ப²லம் பும்ஸாம்
பு³த்³தி⁴: கர்மானுஸாரிணீ ।
ததா²பி ஸுதி⁴யா பா⁴வ்யம்
ஸுவிசார்யைவ குர்வதா ॥ 1.89 ॥

க²ல்வாடோ தி³வஸேஶ்வரஸ்ய கிரணை: ஸந்தாடி³தோ மஸ்தகே
வாஞ்ச²ந்தே³ஶம் அனாதபம் விதி⁴வஶாத்தாலஸ்ய மூலம் க³த: ।
தத்ராப்யஸ்ய மஹாப²லேன பததா ப⁴க்³னம் ஸஶப்³த³ம் ஶிர:
ப்ராயோ க³ச்ச²தி யத்ர பா⁴க்³யரஹிதஸ்தத்ரைவ யாந்த்யாபத:³ ॥ 1.9௦ ॥

ரவினிஶாகரயோர்க்³ரஹபீட³னம்
கஜ³பு⁴ஜங்க³மயோரபி ப³ந்த⁴னம் ।
மதிமதாம் ச விலோக்ய த³ரித்³ரதாம்
விதி⁴ரஹோ ப³லவானிதி மே மதி: ॥ 1.91 ॥

ஸ்ருஜதி தாவத³ஶேஷகு³ணாகரம்
புருஷரத்னம் அலங்கரணம் பு⁴வ: ।
தத³பி தத்க்ஷணப⁴ங்கி³ கரோதி
சேத³ஹஹ கஷ்டம் அபண்டி³ததா விதே⁴: ॥ 1.92 ॥

பத்ரம் நைவ யதா³ கரீரவிடபே தோ³ஷோ வஸந்தஸ்ய கிம்
நோலூகோப்யவலோகதே யதி³ தி³வா ஸூர்யஸ்ய கிம் தூ³ஷணம் ।
தா⁴ரா நைவ பதந்தி சாதகமுகே² மேக⁴ஸ்ய கிம் தூ³ஷணம்
யத்பூர்வம் விதி⁴னா லலாடலிகி²தம் தன்மார்ஜிதும் க: க்ஷம: ॥ 1.93 ॥

நமஸ்யாமோ தே³வான்னனு ஹதவிதே⁴ஸ்தேபி வஶகா³
விதி⁴ர்வந்த்³ய: ஸோபி ப்ரதினியதகர்மைகப²லத:³ ।
ப²லம் கர்மாயத்தம் யதி³ கிம் அமரை: கிம் ச விதி⁴னா
நமஸ்தத்கர்மப்⁴யோ விதி⁴ரபி ந யேப்⁴ய: ப்ரப⁴வதி ॥ 1.94 ॥

ப்³ரஹ்மா யேன குலாலவன்னியமிதோ ப்³ரஹ்மாண்ட³பா⁴ண்டோ³த³ரே
விஷ்ணுர்யேன த³ஶாவதாரக³ஹனே க்ஷிப்தோ மஹாஸங்கடே ।
ருத்³ரோ யேன கபாலபாணிபுடகே பி⁴க்ஷாடனம் காரித:
ஸூர்யோ ப்⁴ராம்யதி நித்யம் ஏவ க³க³னே தஸ்மை நம: கர்மணே ॥ 1.95 ॥

நைவாக்ருதி: ப²லதி நைவ குலம் ந ஶீலம்
வித்³யாபி நைவ ந ச யத்னக்ருதாபி ஸேவா ।
பா⁴க்³யானி பூர்வதபஸா க²லு ஸஞ்சிதானி
காலே ப²லந்தி புருஷஸ்ய யதை²வ வ்ருக்ஷா: ॥ 1.96 ॥

வனே ரணே ஶத்ருஜலாக்³னிமத்⁴யே
மஹார்ணவே பர்வதமஸ்தகே வா ।
ஸுப்தம் ப்ரமத்தம் விஷமஸ்தி²தம் வா
ரக்ஷந்தி புண்யானி புராக்ருதானி ॥ 1.97 ॥

யா ஸாதூ⁴ம்ஶ்ச க²லான்கரோதி விது³ஷோ மூர்கா²ன்ஹிதாந்த்³வேஷிண:
ப்ரத்யக்ஷம் குருதே பரோக்ஷம் அம்ருதம் ஹாலாஹலம் தத்க்ஷணாத் ।
தாம் ஆராத⁴ய ஸத்க்ரியாம் ப⁴க³வதீம் போ⁴க்தும் ப²லம் வாஞ்சி²தம்
ஹே ஸாதோ⁴ வ்யஸனைர்கு³ணேஷு விபுலேஷ்வாஸ்தா²ம் வ்ருதா² மா க்ருதா²: ॥ 1.98 ॥

கு³ணவத³கு³ணவத்³வா குர்வதா கார்யஜாதம்
பரிணதிரவதா⁴ர்யா யத்னத: பண்டி³தேன ।
அதிரப⁴ஸக்ருதானாம் கர்மணாம் ஆவிபத்தேர்
ப⁴வதி ஹ்ருத³யதா³ஹீ ஶல்யதுல்யோ விபாக: ॥ 1.99 ॥

ஸ்தா²ல்யாம் வைதூ³ர்யமய்யாம் பசதி திலகணாம்ஶ்சந்த³னைரிந்த⁴னௌகை⁴:
ஸௌவர்ணைர்லாங்க³லாக்³ரைர்விலிக²தி வஸுதா⁴ம் அர்கமூலஸ்ய ஹேதோ: ।
க்ருத்வா கர்பூரக²ண்டா³ன்வ்ருதிம் இஹ குருதே கோத்³ரவாணாம் ஸமந்தாத்
ப்ராப்யேமாம் கர்மபூ⁴மிம் ந சரதி மனுஜோ யஸ்தபோ மந்த³பா⁴க்³ய: ॥ 1.1௦௦ ॥

மஜ்ஜத்வம்ப⁴ஸி யாது மேருஶிக²ரம் ஶத்ரும் ஜயத்வாஹவே
வாணிஜ்யம் க்ருஷிஸேவனே ச ஸகலா வித்³யா: கலா: ஶிக்ஷதாம் ।
ஆகாஶம் விபுலம் ப்ரயாது க²க³வத்க்ருத்வா ப்ரயத்னம் பரம்
நாபா⁴வ்யம் ப⁴வதீஹ கர்மவஶதோ பா⁴வ்யஸ்ய நாஶ: குத: ॥ 1.1௦1 ॥

பீ⁴மம் வனம் ப⁴வதி தஸ்ய புரம் ப்ரதா⁴னம்
ஸர்வோ ஜன: ஸ்வஜனதாம் உபயாதி தஸ்ய ।
க்ருத்ஸ்னா ச பூ⁴ர்ப⁴வதி ஸன்னிதி⁴ரத்னபூர்ணா
யஸ்யாஸ்தி பூர்வஸுக்ருதம் விபுலம் நரஸ்ய ॥ 1.1௦2 ॥

கோ லாபோ⁴ கு³ணிஸங்க³ம: கிம் அஸுக²ம் ப்ராஜ்ஞேதரை: ஸங்க³தி:
கா ஹானி: ஸமயச்யுதிர்னிபுணதா கா த⁴ர்மதத்த்வே ரதி: ।
க: ஶூரோ விஜிதேந்த்³ரிய: ப்ரியதமா கானுவ்ரதா கிம் த⁴னம்
வித்³யா கிம் ஸுக²ம் அப்ரவாஸக³மனம் ராஜ்யம் கிம் ஆஜ்ஞாப²லம் ॥ 1.1௦3 ॥

அப்ரியவசனத³ரித்³ரை: ப்ரியவசனத⁴னாட்⁴யை: ஸ்வதா³ரபரிதுஷ்டை: ।
பரபரிவாத³னிவ்ருத்தை: க்வசித்க்வசின்மண்டி³தா வஸுதா⁴ ॥ 1.1௦4 ॥

கத³ர்தி²தஸ்யாபி ஹி தை⁴ர்யவ்ருத்தேர்
ந ஶக்யதே தை⁴ர்யகு³ண: ப்ரமார்ஷ்டும் ।
அதோ⁴முக²ஸ்யாபி க்ருதஸ்ய வஹ்னேர்
நாத:⁴ ஶிகா² யாதி கதா³சிதே³வ ॥ 1.1௦5 ॥

காந்தாகடாக்ஷவிஶிகா² ந லுனந்தி யஸ்ய
சித்தம் ந நிர்த³ஹதி கோபக்ருஶானுதாப: ।
கர்ஷந்தி பூ⁴ரிவிஷயாஶ்ச ந லோப⁴பாஶைர்
லோகத்ரயம் ஜயதி க்ருத்ஸ்னம் இத³ம் ஸ தீ⁴ர: ॥ 1.1௦6 ॥

ஏகேனாபி ஹி ஶூரேண
பாதா³க்ராந்தம் மஹீதலம் ।
க்ரியதே பா⁴ஸ்கரேணைவ
ஸ்பா²ரஸ்பு²ரிததேஜஸா ॥ 1.1௦7 ॥

வஹ்னிஸ்தஸ்ய ஜலாயதே ஜலனிதி⁴: குல்யாயதே தத்க்ஷணான்
மேரு: ஸ்வல்பஶிலாயதே ம்ருக³பதி: ஸத்³ய: குரங்கா³யதே ।
வ்யாலோ மால்யகு³ணாயதே விஷரஸ: பீயூஷவர்ஷாயதே
யஸ்யாங்கே³கி²லலோகவல்லப⁴தமம் ஶீலம் ஸமுன்மீலதி ॥ 1.1௦8 ॥

லஜ்ஜாகு³ணௌகஜ⁴னனீம் ஜனனீம் இவ ஸ்வாம்
அத்யந்தஶுத்³த⁴ஹ்ருத³யாம் அனுவர்தமானாம் ।
தேஜஸ்வின: ஸுக²ம் அஸூனபி ஸந்த்யஜந்தி
ஸத்யவ்ரதவ்யஸனினோ ந புன: ப்ரதிஜ்ஞாம் ॥ 1.1௦9 ॥