විදුර නීති – උද්යෝග පර්වම්, අධ්යායඃ 35
॥ ඉති ශ්රීමහාභාරතේ උද්යෝගපර්වණි ප්රජාගරපර්වණි
විදුරහිතවාක්යේ පංචත්රිංශෝऽධ්යායඃ ॥
ධෘතරාෂ්ට්ර උවාච ।
බ්රූහි භූයෝ මහාබුද්ධේ ධර්මාර්ථසහිතං වචඃ ।
ශෘණ්වතෝ නාස්ති මේ තෘප්තිර්විචිත්රාණීහ භාෂසේ ॥ 1॥
විදුර උවාච ।
සර්වතීර්ථේෂු වා ස්නානං සර්වභූතේෂු චාර්ජවම් ।
උභේ ඒතේ සමේ ස්යාතාමාර්ජවං වා විශිෂ්යතේ ॥ 2॥
ආර්ජවං ප්රතිපද්යස්ව පුත්රේෂු සතතං විභෝ ।
ඉහ කීර්තිං පරාං ප්රාප්ය ප්රේත්ය ස්වර්ගමවාප්ස්යසි ॥ 3॥
යාවත්කීර්තිර්මනුෂ්යස්ය පුණ්යා ලෝකේෂු ගීයතේ ।
තාවත්ස පුරුෂව්යාඝ්ර ස්වර්ගලෝකේ මහීයතේ ॥ 4॥
අත්රාප්යුදාහරංතීමමිතිහාසං පුරාතනම් ।
විරෝචනස්ය සංවාදං කේශින්යර්ථේ සුධන්වනා ॥ 5॥
කේශින්යුවාච ।
කිං බ්රාහ්මණාඃ ස්විච්ඡ්රේයාංසෝ දිතිජාඃ ස්විද්විරෝචන ।
අථ කේන ස්ම පර්යංකං සුධන්වා නාධිරෝහති ॥ 6॥
විරෝචන උවාච ।
ප්රාජාපත්යා හි වෛ ශ්රේෂ්ඨා වයං කේශිනි සත්තමාඃ ।
අස්මාකං ඛල්විමේ ලෝකාඃ කේ දේවාඃ කේ ද්විජාතයඃ ॥ 7॥
කේශින්යුවාච ।
ඉහෛවාස්ස්ව ප්රතීක්ෂාව උපස්ථානේ විරෝචන ।
සුධන්වා ප්රාතරාගංතා පශ්යේයං වාං සමාගතෞ ॥ 8॥
විරෝචන උවාච ।
තථා භද්රේ කරිෂ්යාමි යථා ත්වං භීරු භාෂසේ ।
සුධන්වානං ච මාං චෛව ප්රාතර්ද්රෂ්ටාසි සංගතෞ ॥ 9॥
විදුර උවාච ।
අන්වාලභේ හිරණ්මයං ප්රාහ්රාදේऽහං තවාසනම් ।
ඒකත්වමුපසංපන්නෝ න ත්වාසේයං ත්වයා සහ ॥ 10॥
විරෝචන උවාච ।
අන්වාහරංතු ඵලකං කූර්චං වාප්යථ වා බෘසීම් ।
සුධන්වන්න ත්වමර්හෝऽසි මයා සහ සමාසනම් ॥ 11॥
සුධන්වෝවාච ।
පිතාපි තේ සමාසීනමුපාසීතෛව මාමධඃ ।
බාලඃ සුඛෛධිතෝ ගේහේ න ත්වං කිං චන බුධ්යසේ ॥ 12॥
විරෝචන උවාච ।
හිරණ්යං ච ගවාශ්වං ච යද්විත්තමසුරේෂු නඃ ।
සුධන්වන්විපණේ තේන ප්රශ්නං පෘච්ඡාව යේ විදුඃ ॥ 13॥
සුධන්වෝවාච ।
හිරණ්යං ච ගවාශ්වං ච තවෛවාස්තු විරෝචන ।
ප්රාණයෝස්තු පණං කෘත්වා ප්රශ්නං පෘච්ඡාව යේ විදුඃ ॥ 14॥
විරෝචන උවාච ।
ආවාං කුත්ර ගමිෂ්යාවඃ ප්රාණයෝර්විපණේ කෘතේ ।
න හි දේවේෂ්වහං ස්ථාතා න මනුෂ්යේෂු කර්හි චිත් ॥ 15॥
සුධන්වෝවාච ।
පිතරං තේ ගමිෂ්යාවඃ ප්රාණයෝර්විපණේ කෘතේ ।
පුත්රස්යාපි ස හේතෝර්හි ප්රහ්රාදෝ නානෘතං වදේත් ॥ 16॥
ප්රහ්ලාද උවාච ।
ඉමෞ තෞ සංප්රදෘශ්යේතේ යාභ්යාං න චරිතං සහ ।
ආශීවිෂාවිව ක්රුද්ධාවේකමාර්ගමිහාගතෞ ॥ 17॥
කිං වෛ සහෛව චරතෝ න පුරා චරතඃ සහ ।
විරෝචනෛතත්පෘච්ඡාමි කිං තේ සඛ්යං සුධන්වනා ॥ 18॥
විරෝචන උවාච ।
න මේ සුධන්වනා සඛ්යං ප්රාණයෝර්විපණාවහේ ।
ප්රහ්රාද තත්ත්වාමෘප්ච්ඡාමි මා ප්රශ්නමනෘතං වදීඃ ॥ 19॥
ප්රහ්ලාද උවාච ।
උදකං මධුපර්කං චාප්යානයංතු සුධන්වනේ ।
බ්රහ්මන්නභ්යර්චනීයෝऽසි ශ්වේතා ගෞඃ පීවරී කෘතා ॥ 20॥
සුධන්වෝවාච ।
උදකං මධුපර්කං ච පථ ඒවාර්පිතං මම ।
ප්රහ්රාද ත්වං තු නෞ ප්රශ්නං තථ්යං ප්රබ්රූහි පෘච්ඡතෝඃ ॥ 21॥
ප්රහ්ලාද උවාච ।
පුර්තෝ වාන්යෝ භවාන්බ්රහ්මන්සාක්ෂ්යේ චෛව භවේත්ස්ථිතඃ ।
තයෝර්විවදතෝඃ ප්රශ්නං කථමස්මද්විභෝ වදේත් ॥ 22॥
අථ යෝ නෛව ප්රබ්රූයාත්සත්යං වා යදි වානෘතම් ।
ඒතත්සුධන්වන්පෘච්ඡාමි දුර්විවක්තා ස්ම කිං වසේත් ॥ 23॥
සුධන්වෝවාච ।
යාං රාත්රිමධිවින්නා ස්ත්රී යාං චෛවාක්ෂ පරාජිතඃ ।
යාං ච භාරාභිතප්තාංගෝ දුර්විවක්තා ස්ම තාං වසේත් ॥ 24॥
නගරේ ප්රතිරුද්ධඃ සන්බහිර්ද්වාරේ බුභුක්ෂිතඃ ।
අමිත්රාන්භූයසඃ පශ්යංදුර්විවක්තා ස්ම තාං වසේත් ॥ 25॥
පංච පශ්වනෘතේ හංති දශ හංති ගවානෘතේ ।
ශතමශ්වානෘතේ හංති සහස්රං පුරුෂානෘතේ ॥ 26॥
හංති ජාතානජාතාංශ්ච හිරණ්යාර්ථෝऽනෘතං වදන් ।
සර්වං භූම්යනෘතේ හංති මා ස්ම භූම්යනෘතං වදීඃ ॥ 27॥
ප්රහ්ලාද උවාච ।
මත්තඃ ශ්රේයානංගිරා වෛ සුධන්වා ත්වද්විරෝචන ।
මාතාස්ය ශ්රේයසී මාතුස්තස්මාත්ත්වං තේන වෛ ජිතඃ ॥ 28॥
විරෝචන සුධන්වායං ප්රාණානාමීශ්වරස්තව ।
සුධන්වන්පුනරිච්ඡාමි ත්වයා දත්තං විරෝචනම් ॥ 29॥
සුධන්වෝවාච ।
යද්ධර්මමවෘණීථාස්ත්වං න කාමාදනෘතං වදීඃ ।
පුනර්දදාමි තේ තස්මාත්පුත්රං ප්රහ්රාද දුර්ලභම් ॥ 30॥
ඒෂ ප්රහ්රාද පුත්රස්තේ මයා දත්තෝ විරෝචනඃ ।
පාදප්රක්ෂාලනං කුර්යාත්කුමාර්යාඃ සන්නිධෞ මම ॥ 31॥
විදුර උවාච ।
තස්මාද්රාජේංද්ර භූම්යර්ථේ නානෘතං වක්තුමර්හසි ।
මා ගමඃ ස සුතාමාත්යෝऽත්යයං පුත්රානනුභ්රමන් ॥ 32॥
න දේවා යෂ්ටිමාදාය රක්ෂංති පශුපාලවත් ।
යං තු රක්ෂිතුමිච්ඡංති බුද්ධ්යා සංවිභජංති තම් ॥ 33॥
යථා යථා හි පුරුෂඃ කල්යාණේ කුරුතේ මනඃ ।
තථා තථාස්ය සර්වාර්ථාඃ සිධ්යංතේ නාත්ර සංශයඃ ॥ 34॥
න ඡංදාංසි වෘජිනාත්තාරයංති
ආයාවිනං මායයා වර්තමානම් ।
නීඩං ශකුංතා ඉව ජාතපක්ෂාශ්
ඡංදාංස්යේනං ප්රජහත්යංතකාලේ ॥ 35॥
මත්තාපානං කලහං පූගවෛරං
භාර්යාපත්යෝරංතරං ජ්ඤාතිභේදම් ।
රාජද්විෂ්ටං ස්ත්රීපුමාංසෝර්විවාදං
වර්ජ්යාන්යාහුර්යශ්ච පංථාඃ ප්රදුෂ්ඨඃ ॥ 36॥
සාමුද්රිකං වණිජං චෝරපූර්වං
ශලාක ධූර්තං ච චිකිත්සකං ච ।
අරිං ච මිත්රං ච කුශීලවං ච
නෛතාන්සාඛ්යේෂ්වධිකුර්වීත සප්ත ॥ 37॥
මානාග්නිහෝත්රමුත මානමෞනං
මානේනාධීතමුත මානයජ්ඤඃ ।
ඒතානි චත්වාර්යභයංකරාණි
භයං ප්රයච්ඡංත්යයථා කෘතානි ॥ 38॥
අගාර දාහී ගරදඃ කුංඩාශී සෝමවික්රයී ।
පර්ව කාරශ්ච සූචී ච මිත්ර ධ්රුක්පාරදාරිකඃ ॥ 39॥
භ්රූණහා ගුරු තල්පී ච යශ්ච ස්යාත්පානපෝ ද්විජඃ ।
අතිතීක්ෂ්ණශ්ච කාකශ්ච නාස්තිකෝ වේද නිංදකඃ ॥ 40॥
ස්රුව ප්රග්රහණෝ ව්රාත්යඃ කීනාශශ්චාර්ථවානපි ।
රක්ෂේත්යුක්තශ්ච යෝ හිංස්යාත්සර්වේ බ්රහ්මණ්හණෛඃ සමාඃ ॥ 41॥
තෘණෝක්ලයා ජ්ඤායතේ ජාතරූපං
යුගේ භද්රෝ ව්යවහාරේණ සාධුඃ ।
ශූරෝ භයේෂ්වර්ථකෘච්ඡ්රේෂු ධීරඃ
කෘච්ඡ්රාස්වාපත්සු සුහෘදශ්චාරයශ් ච ॥ 42॥
ජරා රූපං හරති හි ධෛර්යමාශා
මෘත්යුඃ ප්රාණාංධර්මචර්යාමසූයා ।
ක්රෝධඃ ශ්රියං ශීලමනාර්ය සේවා
හ්රියං කාමඃ සර්වමේවාභිමානඃ ॥ 43॥
ශ්රීර්මංගලාත්ප්රභවති ප්රාගල්භ්යාත්සංප්රවර්ධතේ ।
දාක්ෂ්යාත්තු කුරුතේ මූලං සංයමාත්ප්රතිතිෂ්ඨති ॥ 44॥
අෂ්ටෞ ගුණාඃ පුරුෂං දීපයංති
ප්රජ්ඤා ච කෞල්යං ච දමඃ ශ්රුතං ච ।
පරාක්රමශ්චාබහු භාෂිතා ච
දානං යථාශක්ති කෘතජ්ඤතා ච ॥ 45॥
ඒතාන්ගුණාංස්තාත මහානුභාවාන්
ඒකෝ ගුණඃ සංශ්රයතේ ප්රසහ්ය ।
රාජා යදා සත්කුරුතේ මනුෂ්යං
සර්වාන්ගුණානේෂ ගුණෝऽතිභාති ॥ 46॥
අෂ්ටෞ නෘපේමානි මනුෂ්යලෝකේ
ස්වර්ගස්ය ලෝකස්ය නිදර්ශනානි ।
චත්වාර්යේෂාමන්වවේතානි සද්භිශ්
චත්වාර්යේෂාමන්වවයංති සංතඃ ॥ 47॥
යජ්ඤෝ දානමධ්යයනං තපශ් ච
චත්වාර්යේතාන්යන්වවේතානි සද්භිඃ ।
දමඃ සත්යමාර්ජවමානෘශංස්යං
චත්වාර්යේතාන්යන්වවයංති සංතඃ ॥ 48॥
න සා සභා යත්ර න සංති වෘද්ධා
න තේ වෘද්ධා යේ න වදංති ධර්මම් ।
නාසෞ හර්මෝ යතන සත්යමස්ති
න තත්සත්යං යච්ඡලේනානුවිද්ධම් ॥ 49॥
සත්යං රූපං ශ්රුතං විද්යා කෞල්යං ශීලං බලං ධනම් ।
ශෞර්යං ච චිරභාෂ්යං ච දශඃ සංසර්ගයෝනයඃ ॥ 50॥
පාපං කුර්වන්පාපකීර්තිඃ පාපමේවාශ්නුතේ ඵලම් ।
පුණ්යං කුර්වන්පුණ්යකීර්තිඃ පුණ්යමේවාශ්නුතේ ඵලම් ॥ 51॥
පාපං ප්රජ්ඤාං නාශයති ක්රියමාණං පුනඃ පුනඃ ।
නෂ්ටප්රජ්ඤඃ පාපමේව නිත්යමාරභතේ නරඃ ॥ 52॥
පුණ්යං ප්රජ්ඤාං වර්ධයති ක්රියමාණං පුනඃ පුනඃ ।
වෘද්ධප්රජ්ඤඃ පුණ්යමේව නිත්යමාරභතේ නරඃ ॥ 53॥
අසූයකෝ දංද ශූකෝ නිෂ්ඨුරෝ වෛරකෘන්නරඃ ।
ස කෘච්ඡ්රං මහදාප්නෝතෝ නචිරාත්පාපමාචරන් ॥ 54॥
අනසූයඃ කෘතප්රජ්ඤඃ ශෝභනාන්යාචරන්සදා ।
අකෘච්ඡ්රාත්සුඛමාප්නෝති සර්වත්ර ච විරාජතේ ॥ 55॥
ප්රජ්ඤාමේවාගමයති යඃ ප්රාජ්ඤේභ්යඃ ස පංඩිතඃ ।
ප්රාජ්ඤෝ හ්යවාප්ය ධර්මාර්ථෞ ශක්නෝති සුඛමේධිතුම් ॥ 56॥
දිවසේනෛව තත්කුර්යාද්යේන රාතෞ සුඛං වසේත් ।
අෂ්ට මාසේන තත්කුර්යාද්යේන වර්ෂාඃ සුඛං වසේත් ॥ 57॥
පූර්වේ වයසි තත්කුර්යාද්යේන වෘද්ධසුඛං වසේත් ।
යාවජ්ජීවේන තත්කුර්යාද්යේන ප්රේත්ය සුඛං වසේත් ॥ 58॥
ජීර්ණමන්නං ප්රශංසංති භාර්යං ච ගතයෞවනාම් ।
ශූරං විගතසංග්රාමං ගතපාරං තපස්විනම් ॥ 59॥
ධනේනාධර්මලබ්ධේන යච්ඡිද්රමපිධීයතේ ।
අසංවෘතං තද්භවති තතෝऽන්යදවදීර්යතේ ॥ 60॥
ගුරුරාත්මවතාං ශාස්තා ශාසා රාජා දුරාත්මනාම් ।
අථ ප්රච්ඡන්නපාපානාං ශාස්තා වෛවස්වතෝ යමඃ ॥ 61॥
ඍෂීණාං ච නදීනාං ච කුලානාං ච මහාමනාම් ।
ප්රභවෝ නාධිගංතව්යඃ ස්ත්රීණාං දුශ්චරිතස්ය ච ॥ 62॥
ද්විජාතිපූජාභිරතෝ දාතා ජ්ඤාතිෂු චාර්ජවී ।
ක්ෂත්රියඃ ස්වර්ගභාග්රාජංශ්චිරං පාලයතේ මහීම් ॥ 63॥
සුවර්ණපුෂ්පාං පෘථිවීං චින්වංති පුරුෂාස්ත්රයඃ ।
ශූරශ්ච කෘතවිද්යශ්ච යශ්ච ජානාති සේවිතුම් ॥ 64॥
බුද්ධිශ්රේෂ්ඨානි කර්මාණි බාහුමධ්යානි භාරත ।
තානි ජංඝා ජඝන්යානි භාරප්රත්යවරාණි ච ॥ 65॥
දුර්යෝධනේ ච ශකුනෞ මූඪේ දුඃශාසනේ තථා ।
කර්ණේ චෛශ්වර්යමාධාය කථං ත්වං භූතිමිච්ඡසි ॥ 66॥
සර්වෛර්ගුණෛරුපේතාශ්ච පාංඩවා භරතර්ෂභ ।
පිතෘවත්ත්වයි වර්තංතේ තේෂු වර්තස්ව පුත්රවත් ॥ 67॥
॥ ඉති ශ්රීමහාභාරතේ උද්යෝගපර්වණි ප්රජාගරපර්වණි
විදුරහිතවාක්යේ පංචත්රිංශෝऽධ්යායඃ ॥ 35॥
නිතර අසන ප්රශ්න
What is විදුර නීති - උද්යෝග පර්වම්, අධ්යායඃ 35?
විදුර නීති - උද්යෝග පර්වම්, අධ්යායඃ 35 is a devotional text available on Bhakti Granth in the selected language or script.
Which language or script is this version in?
This edition is published in Sinhala. Use the language selector to view another available edition.
Can I read විදුර නීති - උද්යෝග පර්වම්, අධ්යායඃ 35 online?
Yes. The imported text is available directly on this page for online reading and recitation.
Can I download විදුර නීති - උද්යෝග පර්වම්, අධ්යායඃ 35 as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.