උද්ධවගීතා – අස්ශ්ටමෝऽධ්යායඃ

අථාස්ශ්ටමෝऽධ්යායඃ ।

සුඛං ඓංද්රියකං රාජන් ස්වර්ගේ නරකඃ ඒව ච ।
දේහිනඃ යත් යථා දුඃඛං තස්මාත් න ඉච්ඡේත තත් බුධාඃ ॥ 1॥

ග්රාසං සුමෘෂ්ටං විරසං මහාංතං ස්තෝකං ඒව වා ।
යදෘච්ඡයා ඒව අපතිතං ග්රසේත් ආජගරඃ අක්රියඃ ॥ 2॥

ශයීත අහානි භූරීණි නිරාහාරඃ අනුපක්රමඃ ।
යදි න උපනමේත් ග්රාසඃ මහාහිඃ ඉව දිෂ්ටභුක් ॥ 3॥

ඕජඃ සහෝබලයුතං බිභ්රත් දේහං අකර්මකම් ।
ශයානඃ වීතනිද්රඃ ච නේහේත ඉංද්රියවාන් අපි ॥ 4॥

මුනිඃ ප්රසන්නගංභීරඃ දුර්විගාහ්යඃ දුරත්යයඃ ।
අනංතපාරඃ හි අක්ෂෝභ්යඃ ස්තිමිත උදඃ ඉව අර්ණවඃ ॥ 5॥

සමෘද්ධකාමඃ හීනඃ වා නාරායණපරඃ මුනිඃ ।
න උත්සර්පේත න ශුෂ්යේත සරිද්භිඃ ඉව සාගරඃ ॥ 6॥

දෘෂ්ට්වා ස්ත්රියං දේවමායාං තත් භාවෛඃ අජිතේංද්රියඃ ।
ප්රලෝභිතඃ පතති අංධේ තමසි අග්නෞ පතංගවත් ॥ 7॥

යෝෂිත් හිරණ්ය ආභරණ අංබරාදි
ද්රව්යේෂු මායාරචිතේෂු මූඪඃ ।
ප්රලෝභිතාත්මා හි උපභෝගබුද්ධ්යා
පතංගවත් නශ්යති නෂ්ටදෘෂ්ටිඃ ॥ 8॥

ස්තෝකං ස්තෝකං ග්රසේත් ග්රාසං දේහඃ වර්තේත යාවතා ।
ගෘහාන් අහිංසත් න ආතිෂ්ඨේත් වෘත්තිං මාධුකරීං මුනිඃ ॥ 9॥

අණුභ්යඃ ච මහද්භ්යඃ ච ශාස්ත්රේභ්යඃ කුශලඃ නරඃ ।
සර්වතඃ සාරං ආදද්යාත් පුෂ්පේභ්යඃ ඉව ෂට්පදඃ ॥ 10॥

සායංතනං ශ්වස්තනං වා න සංගෘහ්ණීත භික්ෂිතම් ।
පාණිපාත්ර උදරාමත්රඃ මක්ෂිකා ඉව න සංග්රහී ॥ 11॥

සායංතනං ශ්වස්තනං වා න සංගෘහ්ණීත භික්ෂුකඃ ।
මක්ෂිකාඃ ඉව සංගෘහ්ණන් සහ තේන විනශ්යති ॥ 12॥

පද අපි යුවතීං භික්ෂුඃ න ස්පෘශේත් දාරවීං අපි ।
ස්පෘශන් කරීව බධ්යේත කරිණ්යා අංගසංගතඃ ॥ 13॥

න අධිගච්ඡේත් ස්ත්රියං ප්රාජ්ඤඃ කර්හිචිත් මෘත්යුං ආත්මනඃ ।
බල අධිකෛඃ ස හන්යේත ගජෛඃ අන්යෛඃ ගජඃ යථා ॥ 14॥

න දේයං න උපභෝග්යං ච ලුබ්ධෛඃ යත් දුඃඛ සංචිතම් ।
භුංක්තේ තත් අපි තත් ච අන්යඃ මධුහේව අර්ථවිත් මධු ॥ 15॥

සුඛ දුඃඛ උපාර්ජිතෛඃ විත්තෛඃ ආශාසානාං ගෘහ ආශිෂඃ ।
මධුහේව අග්රතඃ භුංක්තේ යතිඃ වෛ ගෘහමේධිනාම් ॥ 16॥

ග්රාම්යගීතං න ශ්රුණුයාත් යතිඃ වනචරඃ ක්වචිත් ।
ශිඛේත හරිණාත් වද්ධාත් මෘගයෝඃ ගීතමෝහිතාත් ॥ 17॥

නෘත්යවාදිත්රගීතානි ජුෂන් ග්රාම්යාණි යෝෂිතාම් ।
ආසාං ක්රීඩනකඃ වශ්යඃ ඍෂ්යශ‍ඍංගඃ මෘගීසුතඃ ॥ 18॥

ජිහ්වයා අතිප්රමාථින්යා ජනඃ රසවිමෝහිතඃ ।
මෘත්යුං ඍච්ඡති අසත් බුද්ධිඃ මීනඃ තු බඩිශෛඃ යථා ॥ 19॥

ඉංද්රියාණි ජයංති ආශුඃ නිරාහාරාඃ මනීෂිණඃ ।
වර්ජයිත්වා තු රසනං තත් නිරන්නස්ය වර්ධතේ ॥ 20॥

තාවත් ජිතේංද්රියඃ න ස්යාත් විජිතානි ඉංද්රියඃ පුමාන් ।
න ජයේත් රසනං යාවත් ජිතං සර්වං ජිතේ රසේ ॥ 21॥

පිංගලා නාම වේශ්යා ආසීත් විදේහනගරේ පුරා ।
තස්යා මේ ශික්ෂිතං කිංචිත් නිබෝධ නෘපනංදන ॥ 22॥

සා ස්වෛරිණ්යේකදා කාංතං සංකේත උපනේෂ්යතී ।
අභූත්කාලේ බහිර්ද්වාරි බිභ්රතී රූපමුත්තමම් ॥ 23॥

මාර්ග ආගච්ඡතෝ වීක්ෂ්ය පුරුෂාන්පුරුෂර්ෂභ ।
තාන් ශුල්කදාන්විත්තවතඃ කාංතාන්මේනේऽර්ථකාමුකා ॥ 24॥

ආගතේෂ්වපයාතේෂු සා සංකේතෝපජීවනී ।
අප්යන්යෝ විත්තවාන්කෝऽපි මාමුපෛෂ්යති භූරිදඃ ॥ 25॥

ඒඅවං දුරාශයා ධ්වස්තනිද්රා ද්වාර්යවලංබතී ।
නිර්ගච්ඡංතී ප්රවිශතී නිශීථං සමපද්යත ॥ 26॥

තස්යා විත්තාශයා ශුෂ්යද්වක්ත්රායා දීනචේතසඃ ।
නිර්වේදඃ පරමෝ ජජ්ඤේ චිංතාහේතුඃ සුඛාවහඃ ॥ 27॥

තස්යා නිර්විණ්ණචිත්තායා ගීතං ශ්රුණු යථා මම ।
නිර්වේද ආශාපාශානාං පුරුෂස්ය යථා හ්යසිඃ ॥ 28॥

න හි අංගාජාතනිර්වේදඃ දේහබංධං ජිහාසති ।
යථා විජ්ඤානරහිතඃ මනුජඃ මමතාං නෘප ॥ 29॥

පිංගලා උවාච ।
අහෝ මේ මෝහවිතතිං පශ්යත අවිජිත ආත්මනඃ ।
යා කාංතාත් අසතඃ කාමං කාමයේ යේන බාලිශා ॥ 30॥

සංතං සමීපේ රමණං රතිප්රදං
විත්තප්රදං නිත්යං ඉමං විහාය ।
අකාමදං දුඃඛභය ආදි ශෝක
මෝහප්රදං තුච්ඡං අහං භජේ අජ්ඤා ॥ 31॥

අහෝ මයාත්මා පරිතාපිතෝ වෘථා
සාංකේත්යවෘත්ත්යාऽතිවිගර්හ්යවාර්තයා ।
ස්ත්රෛණාන්නරාද්යාऽර්ථතෘෂෝऽනුශෝච්යා
ත්ක්රීතේන විත්තං රතිමාත්මනේච්ඡතී ॥ 32॥

යදස්ථිභිර්නිර්මිතවංශවංශ්ය
ස්ථූණං ත්වචා රෝමනඛෛඃ පිනද්ධම් ।
ක්ෂරන්නවද්වාරමගාරමේතද්
විණ්මූත්රපූර්ණං මදුපෛති කාන්යා ॥ 33॥

විදේහානාං පුරේ හ්යස්මින්නහමේකෛව මූඪධීඃ ।
යාऽන්යස්මිච්ඡංත්යසත්යස්මාදාත්මදාත්කාමමච්යුතාත් ॥ 34॥

සුහෘත්ප්රේෂ්ඨතමෝ නාථ ආත්මා චායං ශරීරිණාම් ।
තං වික්රීයාත්මනෛවාහං රමේऽනේන යථා රමා ॥ 35॥

කියත්ප්රියං තේ ව්යභජන්කාමා යේ කාමදා නරාඃ ।
ආද්යංතවංතෝ භාර්යායා දේවා වා කාලවිද්රුතාඃ ॥ 36॥

නූනං මේ භගවාන් ප්රීතඃ විෂ්ණුඃ කේන අපි කර්මණා ।
නිර්වේදඃ අයං දුරාශායා යත් මේ ජාතඃ සුඛාවහඃ ॥ 37॥

මෛවං ස්යුර්මංදභග්යායාඃ ක්ලේශා නිර්වේදහේතවඃ ।
යේනානුබංධං නිහෘත්ය පුරුෂඃ ශමමෘච්ඡති ॥ 38॥

තේන උපකෘතං ආදාය ශිරසා ග්රාම්යසංගතාඃ ।
ත්යක්ත්වා දුරාශාඃ ශරණං ව්රජාමි තං අධීශ්වරම් ॥ 39॥

සංතුෂ්ටා ශ්රද්දධත්යේතද්යථාලාභේන ජීවතී ।
විහරාම්යමුනෛවාහමාත්මනා රමණේන වෛ ॥ 40॥

සංසාරකූපේ පතිතං විෂයෛර්මුෂිතේක්ෂණම් ।
ග්රස්තං කාලාහිනාऽऽත්මානං කෝऽන්යස්ත්රාතුමධීශ්වරඃ ॥ 41॥

ආත්මා ඒව හි ආත්මනඃ ගෝප්තා නිර්විද්යේත යදාඛිලාත් ।
අප්රමත්තඃ ඉදං පශ්යත් ග්රස්තං කාලාහිනා ජගත් ॥ 42॥

බ්රාහ්මණ උවාච ।
ඒඅවං ව්යවසිතමතිර්දුරාශාං කාංතතර්ෂජාම් ।
ඡිත්වෝපශමමාස්ථාය ශය්යාමුපවිවේශ සා ॥ 43॥

ආශා හි පරමං දුඃඛං නෛරාශ්යං පරමං සුඛම් ।
යථා සංඡිද්ය කාංතාශාං සුඛං සුෂ්වාප පිංගලා ॥ 44॥

ඉති ශ්රීමද්භාගවතේ මහාපුරාණේ පාරමහංස්යාං
සංහිතායාමේකාදශස්කංධේ පිංගලෝපාඛ්යාऽනේෂ්ටමෝऽධ්යායඃ ॥