සුදර්ශන අෂ්ටකම් (වේදාංතාචාර්ය කෘතම්)

ප්රතිභටශ්රේණිභීෂණ වරගුණස්තෝමභූෂණ
ජනිභයස්ථානතාරණ ජගදවස්ථානකාරණ ।
නිඛිලදුෂ්කර්මකර්ශන නිගමසද්ධර්මදර්ශන
ජය ජය ශ්රීසුදර්ශන ජය ජය ශ්රීසුදර්ශන ॥ 1 ॥

ශුභජගද්රූපමංඩන සුරජනත්රාසඛංඩන
ශතමඛබ්රහ්මවංදිත ශතපථබ්රහ්මනංදිත ।
ප්රථිතවිද්වත්සපක්ෂිත භජදහිර්බුධ්න්යලක්ෂිත
ජය ජය ශ්රීසුදර්ශන ජය ජය ශ්රීසුදර්ශන ॥ 2 ॥

නිජපදප්රීතසද්ගණ නිරුපථිස්ඵීතෂඩ්ගුණ
නිගමනිර්ව්යූඪවෛභව නිජපරව්යූහවෛභව ।
හරිහයද්වේෂිදාරණ හරපුරප්ලෝෂකාරණ
ජය ජය ශ්රීසුදර්ශන ජය ජය ශ්රීසුදර්ශන ॥ 3 ॥

ස්ඵුටතටිජ්ජාලපිංජර පෘථුතරජ්වාලපංජර
පරිගතප්රත්නවිග්රහ පරිමිතප්රජ්ඤදුර්ග්රහ ।
ප්රහරණග්රාමමංඩිත පරිජනත්රාණපංඩිත
ජය ජය ශ්රීසුදර්ශන ජය ජය ශ්රීසුදර්ශන ॥ 4 ॥

භුවනනේතස්ත්රයීමය සවනතේජස්ත්රයීමය
නිරවධිස්වාදුචින්මය නිඛිලශක්තේජගන්මය ।
අමිතවිශ්වක්රියාමය ශමිතවිශ්වග්භයාමය
ජය ජය ශ්රීසුදර්ශන ජය ජය ශ්රීසුදර්ශන ॥ 5 ॥

මහිතසංපත්සදක්ෂර විහිතසංපත්ෂඩක්ෂර
ෂඩරචක්රප්රතිෂ්ඨිත සකලතත්ත්වප්රතිෂ්ඨිත ।
විවිධසංකල්පකල්පක විබුධසංකල්පකල්පක
ජය ජය ශ්රීසුදර්ශන ජය ජය ශ්රීසුදර්ශන ॥ 6 ॥

ප්රතිමුඛාලීඪබංධුර පෘථුමහාහේතිදංතුර
විකටමාලාපරිෂ්කෘත විවිධමායාබහිෂ්කෘත ।
ස්ථිරමහායංත්රයංත්රිත දෘඪදයාතංත්රයංත්රිත
ජය ජය ශ්රීසුදර්ශන ජය ජය ශ්රීසුදර්ශන ॥ 7 ॥

දනුජවිස්තාරකර්තන දනුජවිද්යාවිකර්තන
ජනිතමිස්රාවිකර්තන භජදවිද්යානිකර්තන ।
අමරදෘෂ්ටස්වවික්රම සමරජුෂ්ටභ්රමික්රම
ජය ජය ශ්රීසුදර්ශන ජය ජය ශ්රීසුදර්ශන ॥ 8 ॥

ද්විචතුෂ්කමිදං ප්රභූතසාරං
පඨතාං වේංකටනායකප්රණීතම් ।
විෂමේऽපි මනෝරථඃ ප්රධාවන්
න විහන්යේත රථාංගධුර්යගුප්තඃ ॥ 9 ॥

ඉති ශ්රී වේදාංතාචාර්යස්ය කෘතිෂු සුදර්ශනාෂ්ටකම් ।