ශ්රීමද්භගවද්ගීතා මූලම් – අෂ්ටමෝऽධ්යායඃ

ඕං ශ්රී පරමාත්මනේ නමඃ
අථ අෂ්ටමෝऽධ්යායඃ ।
අක්ෂරපරබ්රහ්මයෝගඃ

අර්ජුන උවාච
කිං තද්බ්රහ්ම කිමධ්යාත්මං කිං කර්ම පුරුෂෝත්තම ।
අධිභූතං ච කිං ප්රෝක්තමධිදෛවං කිමුච්යතේ ॥ 1 ॥

අධියජ්ඤඃ කථං කෝऽත්ර දේහේऽස්මින්මධුසූදන ।
ප්රයාණකාලේ ච කථං ජ්ඤේයෝऽසි නියතාත්මභිඃ ॥ 2 ॥

ශ්රීභගවානුවාච
අක්ෂරං බ්රහ්ම පරමං ස්වභාවෝऽධ්යාත්මමුච්යතේ ।
භූතභාවෝද්භවකරෝ විසර්ගඃ කර්මසංජ්ඤිතඃ ॥ 3 ॥

අධිභූතං ක්ෂරෝ භාවඃ පුරුෂශ්චාධිදෛවතම් ।
අධියජ්ඤෝऽහමේවාත්ර දේහේ දේහභෘතාං වර ॥ 4 ॥

අංතකාලේ ච මාමේව ස්මරන්මුක්ත්වා කලේවරම් ।
යඃ ප්රයාති ස මද්භාවං යාති නාස්ත්යත්ර සංශයඃ ॥ 5 ॥

යං යං වාපි ස්මරන්භාවං ත්යජත්යංතේ කලේවරම් ।
තං තමේවෛති කෞංතේය සදා තද්භාවභාවිතඃ ॥ 6 ॥

තස්මාත්සර්වේෂු කාලේෂු මාමනුස්මර යුධ්ය ච ।
මය්යර්පිතමනෝබුද්ධිර්මාමේවෛෂ්යස්යසංශයම් ॥ 7 ॥

අභ්යාසයෝගයුක්තේන චේතසා නාන්යගාමිනා ।
පරමං පුරුෂං දිව්යං යාති පාර්ථානුචිංතයන් ॥ 8 ॥

කවිං පුරාණමනුශාසිතාරමණෝරණීයංසමනුස්මරේද්යඃ।
සර්වස්ය ධාතාරමචිංත්යරූපමාදිත්යවර්ණං තමසඃ පරස්තාත් ॥ 9 ॥

ප්රයාණකාලේ මනසාචලේන භක්ත්යා යුක්තෝ යෝගබලේන චෛව।
භ්රුවෝර්මධ්යේ ප්රාණමාවේශ්ය සම්යක්ස තං පරං පුරුෂමුපෛති දිව්යම් ॥ 10 ॥

යදක්ෂරං වේදවිදෝ වදංති විශංති යද්යතයෝ වීතරාගාඃ।
යදිච්ඡංතෝ බ්රහ්මචර්යං චරංති තත්තේ පදං සංග්රහේණ ප්රවක්ෂ්යේ ॥ 11 ॥

සර්වද්වාරාණි සංයම්ය මනෝ හෘදි නිරුධ්ය ච ।
මූර්ධ්න්යාධායාත්මනඃ ප්රාණමාස්ථිතෝ යෝගධාරණාම් ॥ 12 ॥

ඕමිත්යේකාක්ෂරං බ්රහ්ම ව්යාහරන්මාමනුස්මරන් ।
යඃ ප්රයාති ත්යජංදේහං ස යාති පරමාං ගතිම් ॥ 13 ॥

අනන්යචේතාඃ සතතං යෝ මාං ස්මරති නිත්යශඃ ।
තස්යාහං සුලභඃ පාර්ථ නිත්යයුක්තස්ය යෝගිනඃ ॥ 14 ॥

මාමුපේත්ය පුනර්ජන්ම දුඃඛාලයමශාශ්වතම් ।
නාප්නුවංති මහාත්මානඃ සංසිද්ධිං පරමාං ගතාඃ ॥ 15 ॥

ආබ්රහ්මභුවනාල්ලෝකාඃ පුනරාවර්තිනෝऽර්ජුන ।
මාමුපේත්ය තු කෞංතේය පුනර්ජන්ම න විද්යතේ ॥ 16 ॥

සහස්රයුගපර්යංතමහර්යද්බ්රහ්මණෝ විදුඃ ।
රාත්රිං යුගසහස්රාංතාං තේऽහෝරාත්රවිදෝ ජනාඃ ॥ 17 ॥

අව්යක්තාද්ව්යක්තයඃ සර්වාඃ ප්රභවංත්යහරාගමේ ।
රාත්ර්යාගමේ ප්රලීයංතේ තත්රෛවාව්යක්තසංජ්ඤකේ ॥ 18 ॥

භූතග්රාමඃ ස ඒවායං භූත්වා භූත්වා ප්රලීයතේ ।
රාත්ර්යාගමේऽවශඃ පාර්ථ ප්රභවත්යහරාගමේ ॥ 19 ॥

පරස්තස්මාත්තු භාවෝऽන්යෝऽව්යක්තෝऽව්යක්තාත්සනාතනඃ ।
යඃ ස සර්වේෂු භූතේෂු නශ්යත්සු න විනශ්යති ॥ 20 ॥

අව්යක්තෝऽක්ෂර ඉත්යුක්තස්තමාහුඃ පරමාං ගතිම් ।
යං ප්රාප්ය න නිවර්තංතේ තද්ධාම පරමං මම ॥ 21 ॥

පුරුෂඃ ස පරඃ පාර්ථ භක්ත්යා ලභ්යස්ත්වනන්යයා ।
යස්යාංතඃස්ථානි භූතානි යේන සර්වමිදං තතම් ॥ 22 ॥

යත්ර කාලේ ත්වනාවෘත්තිමාවෘත්තිං චෛව යෝගිනඃ ।
ප්රයාතා යාංති තං කාලං වක්ෂ්යාමි භරතර්ෂභ ॥ 23 ॥

අග්නිර්ජෝතිරහඃ ශුක්ලඃ ෂණ්මාසා උත්තරායණම් ।
තත්ර ප්රයාතා ගච්ඡංති බ්රහ්ම බ්රහ්මවිදෝ ජනාඃ ॥ 24 ॥

ධූමෝ රාත්රිස්තථා කෘෂ්ණඃ ෂණ්මාසා දක්ෂිණායනම් ।
තත්ර චාංද්රමසං ජ්යෝතිර්යෝගී ප්රාප්ය නිවර්තතේ ॥ 25 ॥

ශුක්ලකෘෂ්ණේ ගතී හ්යේතේ ජගතඃ ශාශ්වතේ මතේ ।
ඒකයා යාත්යනාවෘත්තිමන්යයාවර්තතේ පුනඃ ॥ 26 ॥

නෛතේ සෘතී පාර්ථ ජානන්යෝගී මුහ්යති කශ්චන ।
තස්මාත්සර්වේෂු කාලේෂු යෝගයුක්තෝ භවාර්ජුන ॥ 27 ॥

වේදේෂු යජ්ඤේෂු තපඃසු චෛව දානේෂු යත්පුණ්යඵලං ප්රදිෂ්ටම්।
අත්යේති තත්සර්වමිදං විදිත්වායෝගී පරං ස්ථානමුපෛති චාද්යම් ॥ 28 ॥

ඕං තත්සදිති ශ්රීමද්භගවද්ගීතාසූපනිෂත්සු බ්රහ්මවිද්යායාං යෝගශාස්ත්රේ
ශ්රීකෘෂ්ණාර්ජුනසංවාදේ අක්ෂරබ්රහ්මයෝගෝ නාමාෂ්ටමෝऽධ්යායඃ ॥8 ॥