ශ්රීමද්භගවද්ගීතා මූලම් – සප්තමෝऽධ්යායඃ

ඕං ශ්රී පරමාත්මනේ නමඃ
අථ සප්තමෝऽධ්යායඃ ।
ජ්ඤානවිජ්ඤානයෝගඃ

ශ්රීභගවානුවාච
මය්යාසක්තමනාඃ පාර්ථ යෝගං යුංජන්මදාශ්රයඃ ।
අසංශයං සමග්රං මාං යථා ජ්ඤාස්යසි තච්ඡෘණු ॥ 1 ॥

ජ්ඤානං තේऽහං සවිජ්ඤානමිදං වක්ෂ්යාම්යශේෂතඃ ।
යජ්ජ්ඤාත්වා නේහ භූයෝऽන්යජ්ජ්ඤාතව්යමවශිෂ්යතේ ॥ 2 ॥

මනුෂ්යාණාං සහස්රේෂු කශ්චිද්යතති සිද්ධයේ ।
යතතාමපි සිද්ධානාං කශ්චින්මාං වේත්ති තත්ත්වතඃ ॥ 3 ॥

භූමිරාපෝऽනලෝ වායුඃ ඛං මනෝ බුද්ධිරේව ච ।
අහංකාර ඉතීයං මේ භින්නා ප්රකෘතිරෂ්ටධා ॥ 4 ॥

අපරේයමිතස්ත්වන්යාං ප්රකෘතිං විද්ධි මේ පරාම් ।
ජීවභූතාං මහාබාහෝ යයේදං ධාර්යතේ ජගත් ॥ 5 ॥

ඒතද්යෝනීනි භූතානි සර්වාණීත්යුපධාරය ।
අහං කෘත්ස්නස්ය ජගතඃ ප්රභවඃ ප්රලයස්තථා ॥ 6 ॥

මත්තඃ පරතරං නාන්යත්කිංචිදස්ති ධනංජය ।
මයි සර්වමිදං ප්රෝතං සූත්රේ මණිගණා ඉව ॥ 7 ॥

රසෝऽහමප්සු කෞංතේය ප්රභාස්මි ශශිසූර්යයෝඃ ।
ප්රණවඃ සර්වවේදේෂු ශබ්දඃ ඛේ පෞරුෂං නෘෂු ॥ 8 ॥

පුණ්යෝ ගංධඃ පෘථිව්යාං ච තේජශ්චාස්මි විභාවසෞ ।
ජීවනං සර්වභූතේෂු තපශ්චාස්මි තපස්විෂු ॥ 9 ॥

බීජං මාං සර්වභූතානාං විද්ධි පාර්ථ සනාතනම් ।
බුද්ධිර්බුද්ධිමතාමස්මි තේජස්තේජස්විනාමහම් ॥ 10 ॥

බලං බලවතාං චාහං කාමරාගවිවර්ජිතම් ।
ධර්මාවිරුද්ධෝ භූතේෂු කාමෝऽස්මි භරතර්ෂභ ॥ 11 ॥

යේ චෛව සාත්ත්විකා භාවා රාජසාස්තාමසාශ්ච යේ ।
මත්ත ඒවේති තාන්විද්ධි න ත්වහං තේෂු තේ මයි ॥ 12 ॥

ත්රිභිර්ගුණමයෛර්භාවෛරේභිඃ සර්වමිදං ජගත් ।
මෝහිතං නාභිජානාති මාමේභ්යඃ පරමව්යයම් ॥ 13 ॥

දෛවී හ්යේෂා ගුණමයී මම මායා දුරත්යයා ।
මාමේව යේ ප්රපද්යංතේ මායාමේතාං තරංති තේ ॥ 14 ॥

න මාං දුෂ්කෘතිනෝ මූඪාඃ ප්රපද්යංතේ නරාධමාඃ ।
මායයාපහෘතජ්ඤානා ආසුරං භාවමාශ්රිතාඃ ॥ 15 ॥

චතුර්විධා භජංතේ මාං ජනාඃ සුකෘතිනෝऽර්ජුන ।
ආර්තෝ ජිජ්ඤාසුරර්ථාර්ථී ජ්ඤානී ච භරතර්ෂභ ॥ 16 ॥

තේෂාං ජ්ඤානී නිත්යයුක්ත ඒකභක්තිර්විශිෂ්යතේ ।
ප්රියෝ හි ජ්ඤානිනෝऽත්යර්ථමහං ස ච මම ප්රියඃ ॥ 17 ॥

උදාරාඃ සර්ව ඒවෛතේ ජ්ඤානී ත්වාත්මෛව මේ මතම් ।
ආස්ථිතඃ ස හි යුක්තාත්මා මාමේවානුත්තමාං ගතිම් ॥ 18 ॥

බහූනාං ජන්මනාමංතේ ජ්ඤානවාන්මාං ප්රපද්යතේ ।
වාසුදේවඃ සර්වමිති ස මහාත්මා සුදුර්ලභඃ ॥ 19 ॥

කාමෛස්තෛස්තෛර්හෘතජ්ඤානාඃ ප්රපද්යංතේऽන්යදේවතාඃ ।
තං තං නියමමාස්ථාය ප්රකෘත්යා නියතාඃ ස්වයා ॥ 20 ॥

යෝ යෝ යාං යාං තනුං භක්තඃ ශ්රද්ධයාර්චිතුමිච්ඡති ।
තස්ය තස්යාචලාං ශ්රද්ධාං තාමේව විදධාම්යහම් ॥ 21 ॥

ස තයා ශ්රද්ධයා යුක්තස්තස්යාරාධනමීහතේ ।
ලභතේ ච තතඃ කාමාන්මයෛව විහිතාන්හි තාන් ॥ 22 ॥

අංතවත්තු ඵලං තේෂාං තද්භවත්යල්පමේධසාම් ।
දේවාංදේවයජෝ යාංති මද්භක්තා යාංති මාමපි ॥ 23 ॥

අව්යක්තං ව්යක්තිමාපන්නං මන්යංතේ මාමබුද්ධයඃ ।
පරං භාවමජානංතෝ මමාව්යයමනුත්තමම් ॥ 24 ॥

නාහං ප්රකාශඃ සර්වස්ය යෝගමායාසමාවෘතඃ ।
මූඪෝऽයං නාභිජානාති ලෝකෝ මාමජමව්යයම් ॥ 25 ॥

වේදාහං සමතීතානි වර්තමානානි චාර්ජුන ।
භවිෂ්යාණි ච භූතානි මාං තු වේද න කශ්චන ॥ 26 ॥

ඉච්ඡාද්වේෂසමුත්ථේන ද්වංද්වමෝහේන භාරත ।
සර්වභූතානි සංමෝහං සර්ගේ යාංති පරංතප ॥ 27 ॥

යේෂාං ත්වංතගතං පාපං ජනානාං පුණ්යකර්මණාම් ।
තේ ද්වංද්වමෝහනිර්මුක්තා භජංතේ මාං දෘඪව්රතාඃ ॥ 28 ॥

ජරාමරණමෝක්ෂාය මාමාශ්රිත්ය යතංති යේ ।
තේ බ්රහ්ම තද්විදුඃ කෘත්ස්නමධ්යාත්මං කර්ම චාඛිලම් ॥ 29 ॥

සාධිභූතාධිදෛවං මාං සාධියජ්ඤං ච යේ විදුඃ ।
ප්රයාණකාලේऽපි ච මාං තේ විදුර්යුක්තචේතසඃ ॥ 30 ॥

ඕං තත්සදිති ශ්රීමද්භගවද්ගීතාසූපනිෂත්සු බ්රහ්මවිද්යායාං යෝගශාස්ත්රේ
ශ්රීකෘෂ්ණාර්ජුනසංවාදේජ්ඤානවිජ්ඤානයෝගෝ නාම සප්තමෝऽධ්යායඃ ॥7 ॥