ශ්රී සූර්ය ශතකම්

॥ සූර්යශතකම් ॥
මහාකවිශ්රීමයූරප්රණීතම්

॥ ශ්රී ගණේශාය නමඃ ॥

ජංභාරාතීභකුංභෝද්භවමිව දධතඃ සාංද්රසිංදූරරේණුං
රක්තාඃ සික්තා ඉවෞඝෛරුදයගිරිතටීධාතුධාරාද්රවස්ය । වර් සක්තෛඃ
ආයාංත්යා තුල්යකාලං කමලවනරුචේවාරුණා වෝ විභූත්යෛ
භූයාසුර්භාසයංතෝ භුවනමභිනවා භානවෝ භානවීයාඃ ॥ 1 ॥

භක්තිප්රහ්වාය දාතුං මුකුලපුටකුටීකෝටරක්රෝඩලීනාං
ලක්ෂ්මීමාක්රෂ්ටුකාමා ඉව කමලවනෝද්ධාටනං කුර්වතේ යේ ।
කාලාකාරාංධකාරානනපතිතජගත්සාධ්වසධ්වංසකල්යාඃ
කල්යාණං වඃ ක්රියාසුඃ කිසලයරුචයස්තේ කරා භාස්කරස්ය ॥ 2 ॥

ගර්භේෂ්වංභෝරුහාණාං ශිඛරිෂු ච ශිතාග්රේෂු තුල්යං පතංතඃ
ප්රාරංභේ වාසරස්ය ව්යුපරතිසමයේ චෛකරූපාස්තථෛව ।
නිෂ්පර්යායං ප්රවෘත්තාස්ත්රිභුවනභවනප්රාංගණේ පාංතු යුෂ්මා-
නූෂ්මාණං සංතතාධ්වශ්රමජමිව භෘශං බිභ්රතෝ බ්රධ්නපාදාඃ ॥ 3 ॥

ප්රභ්රශ්යත්යුත්තරීයත්විෂි තමසි සමුද්දීක්ෂ්ය වීතාවෘතීන්ප්රා-
ග්ජංතූංස්තංතූන්යථා යානතනු විතනුතේ තිග්මරෝචිර්මරීචීන් ।
තේ සාංද්රීභූය සද්යඃ ක්රමවිශදදශාශාදශාලීවිශාලං
ශශ්වත්සංපාදයංතෝऽංබරමමලමලං මංගලං වෝ දිශංතු ॥ 4 ॥

න්යක්කුර්වන්නෝෂධීශේ මුෂිතරුචි ශුචේවෞෂධීඃ ප්රෝෂිතාභා
භාස්වද්ග්රාවෝද්ගතේන ප්රථමමිව කෘතාභ්යුද්ගතිඃ පාවකේන ।
පක්ෂච්ඡේදව්රණාසෘක්ස්රුත ඉව දෘෂදෝ දර්ශයන්ප්රාතරද්රේ-
රාතාම්රස්තීව්රභානෝරනභිමතනුදේ ස්තාද්ගභස්ත්යුද්ගමෝ වඃ ॥ 5 ॥

ශීර්ණඝ්රාණාංඝ්රිපාණීන්ව්රණිභිරපඝනෛර්ඝර්ඝරාව්යක්තඝෝෂාන්
දීර්ඝාඝ්රාතානඝෞඝෛ පුනරපි ඝටයත්යේක උල්ලාඝයන් යඃ ।
ඝර්මාංශෝස්තස්ය වෝऽංතර්ද්විගුණඝනඝෘණානිඝ්නනිර්විඝ්නවෘත්තේ-
ර්දත්තාර්ඝාඃ සිද්ධසංඝෛර්විදධතු ඝෘණයඃ ශීඝ්රමංහෝවිධාතම් ॥ 6 ॥

බිභ්රාණා වාමනත්වං ප්රථමමථ තථෛවාංශවඃ ප්රාංශවෝ වඃ
ක්රාංතාකාශාංතරාලාස්තදනු දශදිශඃ පූරයංතස්තතෝऽපි ।
ධ්වාංතාදාච්ඡිද්ය දේවද්විෂ ඉව බලිතෝ විශ්වමාශ්වශ්නුවානාඃ වර් දේවද්රුහ
කෘච්ඡ්රාණ්යුච්ඡ්රායහේලෝපහසිතහරයෝ හාරිදශ්වා හරංතු ॥ 7 ॥

උද්ගාඪේනාරුණිම්නා විදධති බහුලං යේऽරුණස්යාරුණත්වං
මූර්ධෝද්ධූතෞ ඛලීනක්ෂතරුධිරරුචෝ යේ රථාශ්වානනේෂු ।
ශෛලානාං ශේඛරත්වං ශ්රිතශිඛරිශිඛාස්තන්වතේ යේ දිශංතු වර් ශිඛරශිඛාඃ
ප්රේංඛංතඃ ඛේ ඛරාංශෝඃ ඛචිතදිනමුඛාස්තේ මයූඛාඃ සුඛං වඃ ॥ 8 ॥

දත්තානංදාඃ ප්රජානාං සමුචිතසමයාකෘෂ්ටසෘෂ්ටෛඃ පයෝභිඃ වර් අක්ලිෂ්ටසෘෂ්ටෛඃ
පූර්වාහ්ණේ විප්රකීර්ණා දිශි දිශි විරමත්යහ්නි සංහාරභාජඃ ।
දීප්තාංශෝර්දීර්ඝදුඃඛප්රභවභවභයෝදන්වදුත්තාරනාවෝ
ගාවෝ වඃ පාවනානාං පරමපරිමිතාං ප්රීතිමුත්පාදයංතු ॥ 9 ॥

බංධධ්වංසෛකහේතුං ශිරසි නතිරසාබද්ධසංධ්යාංජලීනාං
ලෝකානාං යේ ප්රබෝධං විදධති විපුලාංභෝජඛංඩාශයේව ।
යුෂ්මාකං තේ ස්වචිත්තප්රථිතපෘථුතරප්රාර්ථනාකල්පවෘක්ෂාඃ වර් ප්රථිම
කල්පංතාං නිර්විකල්පං දිනකරකිරණාඃ කේතවඃ කල්මෂස්ය ॥ 10 ॥

ධාරා රායෝ ධනායාපදි සපදි කරාලංබභූතාඃ ප්රපාතේ
තත්ත්වාලෝකෛකදීපාස්ත්රිදශපතිපුරප්රස්ථිතෞ වීථ්ය ඒව ।
නිර්වාණෝද්යෝගියෝගිප්රගමනිජතනුද්වාරි වේත්රායමාණා-
ස්ත්රායංතාං තීව්රභානෝර්දිවසමුඛසුඛා රශ්මයඃ කල්මෂාද්වඃ ॥ 11 ॥

වර් තීව්රභාසඃ වර් කශ්මලාද්වඃ

ප්රාචි ප්රාගාචරංත්යෝऽනතිචිරමචලේ චාරුචූඩාමණිත්වං
මුංචංත්යෝ රෝචනාංභඃ ප්රචුරමිව දිශාමුච්චකෛශ්චර්චනාය ।
චාටූත්කෛශ්චක්රනාම්නාං චතුරමවිචලෛර්ලෝචනෛරර්ච්යමානා- වර් සුචිරං
ශ්චේෂ්ටංතාං චිංතිතානාමුචිතමචරමාශ්චංඩරෝචීරුචෝ වඃ ॥ 12 ॥

ඒකං ජ්යෝතිර්දෘශෞ ද්වේ ත්රිජගති ගදිතාන්යබ්ජජාස්යෛශ්චතුර්භි-
ර්භූතානාං පංචමං යාන්යලමෘතුෂු තථා ෂට්සු නානාවිධානි ।
යුෂ්මාකං තානි සප්තත්රිදශමුනිනුතාන්යෂ්ටදිග්භාංජි භානෝ-
ර්යාංති ප්රාහ්ණේ නවත්වං දශ දධතු ශිවං දීධිතීනාං ශතානි ॥ 13 ॥ වර් දදතු

ආවෘත්තිභ්රාංතවිශ්වාඃ ශ්රමමිව දධතඃ ශෝෂිණඃ ස්වෝෂ්මණේව
ග්රීෂ්මේ දාවාග්නිතප්තා ඉව රසමසකෘද්යේ ධරිත්ර්යා ධයංති ।
තේ ප්රාවෘෂ්යාත්තපානාතිශයරුජ ඉවෝද්වාංතතෝයා හිමර්තෞ
මාර්තංඩස්යාප්රචංඩාශ්චිරමශුභභිදේऽභීෂවෝ වෝ භවංතු ॥ 14 ॥

තන්වානා දිග්වධූනාං සමධිකමධුරාලෝකරම්යාමවස්ථා-
මාරුඪප්රෞඪිලේශෝත්කලිතකපිලිමාලංකෘතිඃ කේවලෛව ।
උජ්ජෘංභාංභෝජනේත්රද්යුතිනි දිනමුඛේ කිංචිදුද්භිද්යමානා
ශ්මශ්රුශ්රේණීව භාසාං දිශතු දශශතී ශර්ම ඝර්මත්විෂෝ වඃ ॥ 15 ॥

මෞලීංදෝර්මෛෂ මෝෂීද්ද්යුතිමිති වෘෂභාංකේන යඃ ශංකිනේව
ප්රත්යග්රෝද්ඝාටිතාංභෝරුහකුහරගුහාසුස්ථිතේනේව ධාත්රා ।
කෘෂ්ණේන ධ්වාංතකෘෂ්ණස්වතනුපරිභවත්රස්නුනේව ස්තුතෝऽලං
ත්රාණාය ස්තාත්තනීයානපි තිමිරරිපෝඃ ස ත්විෂාමුද්ගමෝ වඃ ॥ 16 ॥

විස්තීර්ණං ව්යෝම දීර්ඝාඃ සපදි දශ දිශෝ ව්යස්තවේලාංභසෝऽබ්ධීන්
කුර්වද්භිර්දෘශ්යනානානගනගරනගාභෝගපෘථ්වීං ච පෘථ්වීම් ।
පද්මින්යුච්ඡ්වාස්යතේ යෛරුෂසි ජගදපි ධ්වංසයිත්වා තමිස්රා-
මුස්රා විස්රංසයංතු ද්රුතමනභිමතං තේ සහස්රත්විෂෝ වඃ ॥ 17 ॥ වර් විස්රාවයංතු

අස්තව්යස්තත්වශූන්යෝ නිජරුචිරනිශානශ්වරඃ කර්තුමීශෝ
විශ්වං වේශ්මේව දීපඃ ප්රතිහතතිමිරං යඃ ප්රදේශස්ථිතෝऽපි ।
දික්කාලාපේක්ෂයාසෞ ත්රිභුවනමටතස්තිග්මභානෝර්නවාඛ්යාං
යාතඃ ශාතක්රතව්යාං දිශි දිශතු ශිවං සෝऽර්චිෂාමුද්ගමෝ වඃ ॥ 18 ॥

මාගාන්ම්ලානිං මෘණාලී මෘදුරිති දයයේවාප්රවිෂ්ටෝऽහිලෝකං
ලෝකාලෝකස්ය පාර්ශ්වං ප්රතපති න පරං යස්තදාඛ්යාර්ථමේව ।
ඌර්ධ්වං බ්රහ්මාංඩඛංඩස්ඵුටනභයපරිත්යක්තදෛර්ඝ්යෝ ද්යුසීම්නි
ස්වේඡාවශ්යාවකාශාවධිරවතු ස වස්තාපනෝ රෝචිරෝඝඃ ॥ 19 ॥

අශ්යාමඃ කාල ඒකෝ න භවති භුවනාංතෝऽපි වීතේऽංධකාරේ වර් වීතාංධකාරඃ
සද්යඃ ප්රාලේයපාදෝ න විලයමචලශ්චංද්රමා අප්යුපෛති ।
බංධඃ සිද්ධාංජලීනාං න හි කුමුදවනස්යාපි යත්රෝජ්ජිහානේ
තත්ප්රාතඃ ප්රේක්ෂණීයං දිශතු දිනපතේර්ධාම කාමාධිකං වඃ ॥ 20 ॥

යත්කාංතිං පංකජානාං න හරති කුරුතේ ප්රත්යුතාධික්යරම්යාං වර් ප්රත්යුතාතීව රම්යාං
නෝ ධත්තේ තාරකාභාං තිරයති නිතරාමාශු යන්නිත්යමේව । වර් නාධත්තේ
කර්තුං නාලං නිමේෂං දිවසමපි පරං යත්තදේකං ත්රිලෝක්යා-
ශ්චක්ෂුඃ සාමාන්යචක්ෂුර්විසදෘශමඝභිද්භාස්වතස්තාන්මහෝ වඃ ॥ 21 ॥

ක්ෂ්මාං ක්ෂේපීයඃ ක්ෂපාංභඃශිශිරතරජලස්පර්ශතර්ෂාදෘතේව
ද්රාගාශා නේතුමාශාද්විරදකරසරඃපුෂ්කරාණීව බෝධම් ।
ප්රාතඃ ප්රෝල්ලංඝ්ය විෂ්ණෝඃ පදමපි ඝෘණයේවාතිවේගාද්දවීය-
ස්යුද්දාම ද්යෝතමානා දහතු දිනපතේර්දුර්නිමිත්තං ද්යුතිර්වඃ ॥ 22 ॥

නෝ කල්පාපායවායෝරදයරයදලත්ක්ෂ්මාධරස්යාපි ගම්යා වර් ශම්යා
ගාඪෝද්ගීර්ණෝජ්ජ්වලශ්රීරහනි න රහිතා නෝ තමඃකජ්ජලේන ।
ප්රාප්තෝත්පත්තිඃ පතංගාන්න පුනරුපගතා මෝෂමුෂ්ණත්විෂෝ වෝ
වර්තිඃ සෛවාන්යරූපා සුඛයතු නිඛිලද්වීපදීපස්ය දීප්තිඃ ॥ 23 ॥

නිඃශේෂාශාවපූරප්රවණගුරුගුණශ්ලාඝනීයස්වරූපා
පර්යාප්තං නෝදයාදෞ දිනගමසමයෝපප්ලවේऽප්යුන්නතෛව ।
අත්යංතං යානභිජ්ඤා ක්ෂණමපි තමසා සාකමේකත්ර වස්තුං
බ්රධ්නස්යේද්ධා රුචිර්වෝ රුචිරිව රුචිතස්යාප්තයේ වස්තුනෝස්තු ॥ 24 ॥ වර් චිරුරස්ය, රුචිරස්ය

විභ්රාණඃ ශක්තිමාශු ප්රශමිතබලවත්තාරකෞර්ජිත්යගුර්වීං
කුර්වාණෝ ලීලයාධඃ ශිඛිනමපි ලසච්චංද්රකාංතාවභාසම් ।
ආදධ්යාදංධකාරේ රතිමතිශයිනීමාවහන්වීක්ෂණානාං වර් ආදේයාදීක්ෂණානාං
බාලෝ ලක්ෂ්මීමපාරාමපර ඉව ගුහෝऽහර්පතේරාතපෝ වඃ ॥ 25 ॥

ජ්යෝත්ස්නාංශාකර්ෂපාංඩුද්යුති තිමිරමෂීශේෂකල්මාෂමීෂ-
ජ්ජෘංභෝද්භූතේන පිංගං සරසිජරජසා සංධ්යයා ශෝණශෝචිඃ ।
ප්රාතඃප්රාරංභකාලේ සකලමපි ජගච්චිත්රමුන්මීලයංතී
කාංතිස්තීක්ෂ්ණත්විෂෝऽක්ෂ්ණාං මුදමුපනයතාත්තූලිකේවාතුලාං වඃ ॥ 26 ॥

ආයාංතී කිං සුමේරෝඃ සරණිරරුණිතා පාද්මරාගෛඃ පරාගෛ-
රාහෝස්විත්ස්වස්ය මාහාරජනවිරචිතා වෛජයංතී රථස්ය ।
මාංජිෂ්ඨී ප්රෂ්ඨවාහාවලිවිධුතශිරශ්චාමරාලී නු ලෝකෛ- වර් චාමරාලීව
රාශංක්යාලෝකිතෛවං සවිතුරඝනුදේ ස්තාත්ප්රභාතප්රභා වඃ ॥ 27 ॥

ධ්වාංතධ්වංසං විධත්තේ න තපති රුචිමන්නාතිරූපං ව්යනක්ති
න්යක්ත්වං නීත්වාපි නක්තං න විතරතිතරාං තාවදහ්නස්ත්විෂං යඃ । වර් න්යක්තාමහ්නි
ස ප්රාතර්මා විරංසීදසකලපටිමා පූරයන්යුෂ්මදාශා-
මාශාකාශාවකාශාවතරණතරුණප්රක්රමෝऽර්කප්රකාශඃ ॥ 28 ॥

තීව්රං නිර්වාණහේතුර්යදපි ච විපුලං යත්ප්රකර්ෂේණ චාණු
ප්රත්යක්ෂං යත්පරෝක්ෂං යදිහ යදපරං නශ්වරං ශාශ්වතං ච ।
යත්සර්වස්ය ප්රසිද්ධං ජගති කතිපයේ යෝගිනෝ යද්විදංති
ජ්යෝතිස්තද්ද්විප්රකාරං සවිතුරවතු වෝ බාහ්යමාභ්යංතරං ච ॥ 29 ॥

රත්නානාං මංඩනාය ප්රභවති නියතෝද්දේශලබ්ධාවකාශං
වහ්නේර්දාර්වාදි දග්ධුං නිජජඩිමතයා කර්තුමානංදමිංදෝඃ ।
යච්ච ත්රෛලෝක්යභූෂාවිධිරඝදහනං හ්ලාදි වෘෂ්ට්යාශු තද්වෝ වර් යත්තු
බාහුල්යෝත්පාද්යකාර්යාධිකතරමවතාදේකමේවාර්කතේජඃ ॥ 30 ॥

මීලච්චක්ෂුර්විජිහ්මශ්රුති ජඩරසනං නිඝ්නිතඝ්රාණවෘත්ති
ස්වව්යාපාරාක්ෂමත්වක්පරිමුෂිතමනඃ ශ්වාසමාත්රාවශේෂම් ।
විස්රස්තාංගං පතිත්වා ස්වපදපහරතාදශ්රියං වෝऽර්කජන්මා වර් අප්රියං
කාලව්යාලාවලීඪං ජගදගද ඉවෝත්ථාපයන්ප්රාක්ප්රතාපඃ ॥ 31 ॥

නිඃශේෂං නෛශමංභඃ ප්රසභමපනුදන්නශ්රුලේශානුකාරි
ස්තෝකස්තෝකාපනීතාරුණරුචිරචිරාදස්තදෝෂානුෂංගඃ ।
දාතා දෘෂ්ටිං ප්රසන්නාං ත්රිභුවනනයනස්යාශු යුෂ්මද්විරුද්ධං
වධ්යාද්බ්රධ්නස්ය සිද්ධාංජනවිධිරපරඃ ප්රාක්තනෝऽර්චිඃප්රචාරඃ ॥ 32 ॥

භූත්වා ජංභස්ය භේත්තුඃ කකුභි පරිභවාරංභභූඃ ශුභ්රභානෝ- වර් ස්ථිත්වා
ර්බිභ්රාණා බභ්රුභාවං ප්රසභමභිනවාංභෝජජෘංභාප්රගල්භා ।
භූෂා භූයිෂ්ඨශෝභා ත්රිභුවනභවනස්යාස්ය වෛභාකරී ප්රාග්-
විභ්රාංතා භ්රාජමානා විභවතු විභවෝද්භූතයේ සා විභා වඃ ॥ 33 ॥ වර් නිර්භාංති, විභ්රාංති

සංසක්තං සික්තමූලාදභිනවභුවනෝද්යානකෞතූහලින්යා
යාමින්යා කන්යයේවාමෘතකරකලශාවර්ජිතේනාමෘතේන ।
අර්කාලෝකඃ ක්රියාද්වෝ මුදමුදයශිරශ්චක්රවාලාලවාලා-
දුද්යන්බාලප්රවාලප්රතිමරුචිරහඃපාදපප්රාක්ප්රරෝහඃ ॥ 34 ॥

භින්නං භාසාරුණස්ය ක්වචිදභිනවයා විද්රුමාණාං ත්විෂේව
ත්වඞ්න්නක්ෂත්රරත්නද්යුතිනිකරකරාලාංතරාලං ක්වචිච්ච ।
නාංතර්නිඃශේෂකෘෂ්ණශ්රියමුදධිමිව ධ්වාංතරාශිං පිබන්ස්තා-
දෞර්වඃ පූර්වෝऽප්යපූර්වෝऽග්නිරිව භවදඝප්ලුෂ්ටයේऽර්කාවභාසඃ ॥ 35 ॥

ගංධර්වෛර්ගද්යපද්යව්යතිකරිතවචෝහෘද්යමාතෝද්යවාද්යෛ-
රාද්යෛර්යෝ නාරදාද්යෛර්මුනිභිරභිනුතෝ වේදවේද්යෛර්විභිද්ය ।
වර් වීතවේද්යෛර්විවිද්ය, වේදවිද්භිර්විභිද්ය
ආසාද්යාපද්යතේ යං පුනරපි ච ජගද්යෞවනං සද්ය උද්ය-
න්නුද්ද්යෝතෝ ද්යෝතිතද්යෞර්ද්යතු දිවසකෘතෝऽසාවවද්යානි වෝऽද්ය ॥ 36 ॥

ආවානෛශ්චංද්රකාංතෛශ්ච්යුතතිමිරතයා තානවාත්තාරකාණා- වර් ආවාංතෛඃ
මේණාංකාලෝකලෝපාදුපහතමහසාමෝෂධීනාං ලයේන ।
ආරාදුත්ප්රේක්ෂ්යමාණා ක්ෂණමුදයතටාංතර්හිතස්යාහිමාංශෝ-
රාභා ප්රාභාතිකී වෝऽවතු න තු නිතරාං තාවදාවිර්භවංතී ॥ 37 ॥

සානෞ සා නෞදයේ නාරුණිතදලපුනර්යෞවනානාං වනානා- වර් ලසද්යෞවනානාං
මාලීමාලීඪපූර්වා පරිහෘතකුහරෝපාංතනිම්නා තනිම්නා ।
භා වෝऽභාවෝපශාංතිං දිශතු දිනපතේර්භාසමානා සමානා-
රාජී රාජීවරේණෝඃ සමසමයමුදේතීව යස්යා වයස්යා ॥ 38 ॥

උජ්ජෘංභාංභෝරුහාණාං ප්රභවති පයසාං යා ශ්රියේ නෝෂ්ණතායෛ
පුෂ්ණාත්යාලෝකමාත්රං න තු දිශති දෘශාං දෘශ්යමානා විධාතම් ।
පූර්වාද්රේරේව පූර්වං දිවමනු ච පුනඃ පාවනී දිඞ්මුඛානා- වර් තතඃ
මේනාංස්යෛනී විභාසෞ නුදතු නුතිපදෛකාස්පදං ප්රාක්තනී වඃ ॥ 39 ॥

වාචාං වාචස්පතේරප්යචලභිදුචිතාචාර්යකාණාං ප්රපංචෛ-
ර්වෛරංචානාං තථෝච්චාරිතචතුරෘචාං චානනානාං චතුර්ණාම් । වර් රුචිර
උච්යේතාර්චාසු වාච්යච්යුතිශුචිචරිතං යස්ය නෝච්චෛර්විවිච්ය වර් අර්චාස්වවාච්ය
ප්රාච්යං වර්චශ්චකාසච්චිරමුපචිනුතාත්තස්ය චංඩාර්චිෂෝ වඃ ॥ 40 ॥ වර් ශ්රියං

මූර්ධ්න්යද්රේර්ධාතුරාගස්තරුෂු කිසලයෝ විද්රුමෞඝඃ සමුද්රේ
වර් – කිසලයාද්විද්රුමෞඝාත්සමුද්රේ
දිඞ්මාතංගෝත්තමාංගේෂ්වභිනවනිහිතඃ සාංද්රසිංදූරරේණුඃ ।
වර් විහිතඃ, නිහිතාත්සංද්රසිංදූරරේණෝඃ
සීම්නි ව්යෝම්නශ්ච හේම්නඃ සුරශිඛරිභුවෝ ජායතේ යඃ ප්රකාශඃ
ශෝණිම්නාසෞ ඛරාංශෝරුෂසි දිශතු වඃ ශර්ම ශෝභෛකදේශඃ ॥ 41 ॥

අස්තාද්රීශෝත්තමාංගේ ශ්රිතශශිනි තමඃකාලකූටේ නිපීතේ
යාති ව්යක්තිං පුරස්තාදරුණකිසලයේ ප්රත්යුෂඃපාරිජාතේ ।
උද්යංත්යාරක්තපීතාංබරවිශදතරෝද්වීක්ෂිතා තීක්ෂ්ණභානෝ-
වර් රුචිරතරෝද්වීක්ෂිතා වර් තීව්රභාසඃ
ර්ලක්ෂ්මීර්ලක්ෂ්මීරිවාස්තු ස්ඵුටකමලපුටාපාශ්රයා ශ්රේයසේ වඃ ॥ 42 ॥ වර් පුටෝපාශ්රය

නෝදන්වාංජන්මභූමිර්න තදුදරභුවෝ බාංධවාඃ කෞස්තුභාද්යා
යස්යාඃ පද්මං න පාණෞ න ච නරකරිපූරඃස්ථලී වාසවේශ්ම ।
තේජෝරූපාපරෛව ත්රිෂු භුවනතලේෂ්වාදධානා ව්යවස්ථාං වර් ත්රිභුවනභවනේ
සා ශ්රීඃ ශ්රේයාංසි දිශ්යාදශිශිරමහසෝ මංඩලාග්රෝද්ගතා වඃ ॥ 43 ॥

॥ ඉති ද්යුතිවර්ණනම් ॥ වර් තේජෝවර්ණනම්

॥ අථ අශ්වවර්ණනම් ॥

රක්ෂංත්වක්ෂුණ්ණහේමෝපලපටලමලං ලාඝවාදුත්පතංතඃ
පාතංගාඃ පංග්වවජ්ඤාජිතපවනජවා වාජිනස්තේ ජගංති ।
යේෂාං වීතාන්යචිහ්නෝන්නයමපි වහතාං මාර්ගමාඛ්යාති මේරා-
වුද්යන්නුද්දාමදීප්තිර්ද්යුමණිමණිශිලාවේදිකාජාතවේදාඃ ॥ 44 ॥

ප්ලුෂ්ටාඃ පෘෂ්ඨේංऽශුපාතෛරතිනිකටතයා දත්තදාහාතිරේකෛ-
රේකාහාක්රාංතකෘත්ස්නත්රිදිවපථපෘථුශ්වාසශෝෂාඃ ශ්රමේණ ।
තීව්රෝදන්යාස්ත්වරංතාමහිතවිහතයේ සප්තයඃ සප්තසප්තේ-
රභ්යාශාකාශගංගාජලසරලගලාවාඞ්නතාග්රානනා වඃ ॥ 45 ॥ වර් ගලවර්ජිතාග්රානනාඃ

මත්වාන්යාන්පාර්ශ්වතෝऽශ්වාන් ස්ඵටිකතටදෘෂද්දෘෂ්ටදේහා ද්රවංතී
ව්යස්තේऽහන්යස්තසංධ්යේයමිති මෘදුපදා පද්මරාගෝපලේෂු ।
සාදෘශ්යාදෘශ්යමූර්තිර්මරකතකටකේ ක්ලිෂ්ටසූතා සුමේරෝ-
ර්මූර්ධන්යාවෘත්තිලබ්ධධ්රුවගතිරවතු බ්රධ්නවාහාවලිර්වඃ ॥ 46 ॥ වර් ද්රුත

හේලාලෝලං වහංතී විෂධරදමනස්යාග්රජේනාවකෘෂ්ටා
ස්වර්වාහින්යාඃ සුදූරං ජනිතජවජයා ස්යංදනස්ය ස්යදේන ।
නිර්ව්යාජං තායමානේ හරිතිමනි නිජේ ස්ඵීතඵේනාහිතශ්රී- වර් ස්ඵීතඵේනාස්මිතශ්රීඃ
රශ්රේයාංස්යශ්වපංක්තිඃ ශමයතු යමුනේවාපරා තාපනී වඃ ॥ 47 ॥

මාර්ගෝපාංතේ සුමේරෝර්නුවති කෘතනතෞ නාකධාම්නාං නිකායේ
වීක්ෂ්ය ව්රීඩානතානාං ප්රතිකුහරමුඛං කිංනරීණාං මුඛානි ।
සූතේऽසූයත්යපීෂජ්ජඩගති වහතාං කංධරාර්ධෛර්වලද්භි- වර් කංධරාග්රෛඃ
ර්වාහානාං ව්යස්යතාද්වඃ සමමසමහරේර්හේෂිතං කල්මෂාණි ॥ 48 ॥

ධුන්වංතෝ නීරදාලීර්නිජරුචිහරිතාඃ පාර්ශ්වයෝඃ පක්ෂතුල්යා-
ස්තාලූත්තානෛඃ ඛලීනෛඃ ඛචිතමුඛරුචශ්ච්යෝතතා ලෝහිතේන ।
උඩ්ඩීයේව ව්රජංතෝ වියති ගතිවශාදර්කවාහාඃ ක්රියාසුඃ
ක්ෂේමං හේමාද්රිහෘද්යද්රුමශිඛරශිරඃශ්රේණිශාඛාශුකා වඃ ॥ 49 ॥

॥ ඉත්යශ්වවර්ණනම් ॥

॥ අථ අරුණවර්ණනම් ॥

ප්රාතඃ ශෛලාග්රරංගේ රජනිජවනිකාපායසංලක්ෂ්යලක්ෂ්මී-
ර්වික්ෂිප්තාපූර්වපුෂ්පාංජලිමුඩුනිකරං සූත්රධාරායමාණඃ ।
යාමේෂ්වංකේෂ්විවාහ්නඃ කෘතරුචිෂු චතුර්ෂ්වේව ජාතප්රතිෂ්ඨා- වර් යාතඃ ප්රතිෂ්ඨාං
මව්යාත්ප්රස්තාවයන්වෝ ජගදටනමහානාටිකාං සූර්යසූතඃ ॥ 50 ॥

ආක්රාංත්යා වාහ්යමානං පශුමිව හරිණා වාහකෝऽග්ර්යෝ හරීණාං
භ්රාම්යංතං පක්ෂපාතාජ්ජගති සමරුචිඃ සර්වකර්මෛකසාක්ෂී ।
ශත්රුං නේත්රශ්රුතීනාමවජයති වයෝජ්යේෂ්ඨභාවේ සමේऽපි
ස්ථාම්නාං ධාම්නාං නිධිර්යඃ ස භවදඝනුදේ නූතනඃ ස්තාදනූරුඃ ॥ 51 ॥

දත්තාර්ඝෛර්දූරනම්රෛර්වියති විනයතෝ වීක්ෂිතඃ සිද්ධසාර්ථෛඃ වර් සිද්ධසාධ්යෛඃ
සානාථ්යං සාරථිර්වඃ ස දශශතරුචේඃ සාතිරේකං කරෝතු ।
ආපීය ප්රාතරේව ප්රතතහිමපයඃස්යංදිනීරිංදුභාසෝ
යඃ කාෂ්ඨාදීපනෝऽග්රේ ජඩිත ඉව භෘශං සේවතේ පෘෂ්ඨතෝऽර්කම් ॥ 52 ॥

මුංචන්රශ්මීංදිනාදෞ දිනගමසමයේ සංහරංශ්ච ස්වතංත්ර-
ස්තෝත්රප්රඛ්යාතවීර්යෝऽවිරතහරිපදාක්රාංතිබද්ධාභියෝගඃ । වර් විතත
කාලෝත්කර්ෂාල්ලඝුත්වං ප්රසභමධිපතෞ යෝජයන්යෝ ද්විජානාං
සේවාප්රීතේන පූෂ්ණාත්මසම ඉව කෘතස්ත්රායතාං සෝऽරුණෝ වඃ ॥ 53 ॥ වර් ස්වසම

ශාතඃ ශ්යාමාලතායාඃ පරශුරිව තමෝऽරණ්යවහ්නේරිවාර්චිඃ වර් දාහේ දවාභඃ
ප්රාච්යේවාග්රේ ග්රහීතුං ග්රහකුමුදවනං ප්රාගුදස්තෝऽග්රහස්තඃ ।
වර් ප්රාචීවාග්රේ, ග්රහකුමුදරුචිං
ඓක්යං භිංදංද්යුභූම්යෝරවධිරිව විධාතේව විශ්වප්රබෝධේ
වාහානාං වෝ විනේතා ව්යපනයතු විපන්නාම ධාමාධිපස්ය ॥ 54 ॥

පෞරස්ත්යස්තෝයදර්තෝඃ පවන ඉව පතත්පාවකස්යේව ධූමෝ වර් පතන්
විශ්වස්යේවාදිසර්ගඃ ප්රණව ඉව පරං පාවනෝ වේදරාශේඃ
සංධ්යානෘත්යෝත්සවේච්ඡෝරිව මදනරිපෝර්නංදිනාංදීනිනාදඃ
සෞරස්යාග්රේ සුඛං වෝ විතරතු විනතානංදනඃ ස්යංදනස්ය ॥ 55 ॥ වර් ස්යංදනෝ වඃ

පර්යාප්තං තප්තචාමීකරකටකතටේ ශ්ලිෂ්ටශීතේතරාංශා-
වාසීදත්ස්යංදනාශ්වානුකෘතිමරකතේ පද්මරාගායමාණඃ । වර් අශ්වානුකෘතමරකතේ
යඃ සෝත්කර්ෂාං විභූෂාං කුරුත ඉව කුලක්ෂ්මාභෘදීශස්ය මේරෝ-
රේනාංස්යහ්නාය දූරං ගමයතු ස ගුරුඃ කාද්රවේයද්විෂෝ වඃ ॥ 56 ॥

නීත්වාශ්වාන්සප්ත කක්ෂා ඉව නියමවශං වේත්රකල්පප්රතෝද- වර් කක්ෂ්යා
ස්තූර්ණං ධ්වාංතස්ය රාශාවිතරජන ඉවෝත්සාරිතේ දූරභාජි ।
පූර්වං ප්රෂ්ඨෝ රථස්ය ක්ෂිතිභෘදධිපතීංදර්ශයංස්ත්රායතාං ව-
ස්ත්රෛලෝක්යාස්ථානදානෝද්යතදිවසපතේඃ ප්රාක්ප්රතීහාරපාලඃ ॥ 57 ॥

වජ්රිංජාතං විකාසීක්ෂණකමලවනං භාසි නාභාසි වහ්නේ! වර් නෝ භාසි
තාතං නත්වාශ්වපාර්ශ්වාන්නය යම! මහිෂං රාක්ෂසා වීක්ෂිතාඃ ස්ථ ।
සප්තීන්සිංච ප්රචේතඃ! පවන! භජ ජවං විත්තපාවේදිතස්ත්වං
වංදේ ශර්වේති ජල්පන්ප්රතිදිශමධිපාන්පාතු පූෂ්ණෝऽග්රණීර්වඃ ॥ 58 ॥

පාශානාශාංතපාලාදරුණ වරුණතෝ මා ග්රහීඃ ප්රග්රහාර්ථං
තෘෂ්ණාං කෘෂ්ණස්ය චක්රේ ජහිහි නහි රථෝ යාති මේ නෛකචක්රඃ ।
යෝක්තුං යුග්යං කිමුච්චෛඃශ්රවසමභිලෂස්යෂ්ටමං වෘත්රශත්රෝ- වර් ත්වාෂ්ට්රශත්රෝඃ
ස්ත්යක්තාන්යාපේක්ෂවිශ්වෝපකෘතිරිව රවිඃ ශාස්ති යං සෝऽවතාද්වඃ ॥ 59 ॥

නෝ මූර්ච්ඡාච්ඡින්නවාංඡඃ ශ්රමවිවශවපුර්නෛව නාප්යාස්යශෝෂී
පාංථඃ පථ්යේතරාණි ක්ෂපයතු භවතාං භාස්වතෝऽග්රේසරඃ සඃ ।
යඃ සංශ්රිත්ය ත්රිලෝකීමටති පටුතරෛස්තාප්යමානෝ මයූඛෛ-
රාරාදාරාමලේඛාමිව හරිතමණිශ්යාමලාමශ්වපංක්තිම් ॥ 60 ॥ වර් හරිතතෘණ

සීදංතෝऽංතර්නිමජ්ජජ්ජඩඛුරමුසලාඃ සෛකතේ නාකනද්යාඃ
ස්කංදංතඃ කංදරාලීඃ කනකශිඛරිණෝ මේඛලාසු ස්ඛලංතඃ ।
දූරං දූර්වාස්ථලෝත්කා මරකතදෘෂදි ස්ථාස්නවෝ යන්න යාතාඃ
පූෂ්ණෝऽශ්වාඃ පූරයංස්තෛස්තදවතු ජවනෛර්හුංකෘතේනාග්රගෝ වඃ ॥ 61 ॥ වර් ප්රේරයන් හුංකෘතෛරග්රණීඃ

॥ ඉත්යරුණවර්ණනම් ॥ වර් සූතවර්ණනම්

॥ අථ රථවර්ණනම් ॥

පීනෝරඃප්රේරිතාභ්රෛශ්චරමඛුරපුටාග්රස්ථිතෛඃ ප්රාතරද්රා-
වාදීර්ඝාංගෛරුදස්තෝ හරිභිරපගතාසංගනිඃශබ්දචක්රඃ ।
උත්තානානූරුමූර්ධාවනතිහඨභවද්විප්රතීපප්රණාමඃ
ප්රාහ්ණේ ශ්රේයෝ විධත්තාං සවිතුරවතරන්ව්යෝමවීථීං රථෝ වඃ ॥ 62 ॥ වර් ප්රේයෝ

ධ්වාංතෞඝධ්වංසදීක්ෂාවිධිපටු වහතා ප්රාක්සහස්රං කරාණා- වර් විධිගුරු ද්රාක්සහස්රං
මර්යම්ණා යෝ ගරිම්ණඃ පදමතුලමුපානීයතාධ්යාසනේන ।
ස ශ්රාංතානාං නිතාංතං භරමිව මරුතාමක්ෂමාණාං විසෝඪුං
ස්කංධාත්ස්කංධං ව්රජන්වෝ වෘජිනවිජිතයේ භාස්වතඃ ස්යංදනෝऽස්තු ॥ 63 ॥

යෝක්ත්රීභූතාන්යුගස්ය ග්රසිතුමිව පුරෝ දංදශූකාංදධානෝ
ද්වේධාව්යස්තාංබුවාහාවලිවිහිතබෘහත්පක්ෂවික්ෂේපශෝභඃ ।
සාවිත්රඃ ස්යංදනෝऽසෞ නිරතිශයරයප්රීණිතානූරුරේනඃ-
ක්ෂේපීයෝ වෝ ගරුත්මානිව හරතු හරීච්ඡාවිධේයප්රචාරඃ ॥ 64 ॥

ඒකාහේනෛව දීර්ඝාං ත්රිභුවනපදවීං ලංඝයන් යෝ ලඝිෂ්ඨඃ වර් කෘස්ත්නාං
පෘෂ්ඨේ මේරෝර්ගරීයාන් දලිතමණිදෘෂත්ත්විංෂි පිංෂඤ්ශිරාංසි ।
සර්වස්යෛවෝපරිෂ්ටාදථ ච පුනරධස්තාදිවාස්තාද්රිමූරංධි
බ්රධ්නස්යාව්යාත්ස ඒවං දුරධිගමපරිස්පංදනඃ ස්යංදනෝ වඃ ॥ 65 ॥

ධූර්ධ්වස්තාග්ර්යග්රහාණි ධ්වජපටපවනාංදෝලිතේංදූනි දූරං වර් දූරාත්
රාහෞ ග්රාසාභිලාෂාදනුසරති පුනර්දත්තචක්රව්යථානි ।
ශ්රාංතාශ්වශ්වාසහේලාධුතවිබුධධුනීනිර්ඣරාංභාංසි භද්රං
දේයාසුර්වෝ දවීයෝ දිවි දිවසපතේඃ ස්යංදනප්රස්ථිතානි ॥ 66 ॥

අක්ෂේ රක්ෂාං නිබධ්ය ප්රතිසරවලයෛර්යෝජයංත්යෝ යුගාග්රං
ධූඃස්තංභේ දග්ධධූපාඃ ප්රහිතසුමනසෝ ගෝචරේ කූබරස්ය ।
චර්චාශ්චක්රේ චරංත්යෝ මලයජපයසා සිද්ධවධ්වස්ත්රිසංධ්යං වර් චර්චාං
වංදංතේ යං ද්යුමාර්ගේ ස නුදතු දුරිතාන්යංශුමත්ස්යංදනෝ වඃ ॥ 67 ॥

උත්කීර්ණස්වර්ණරේණුද්රුතඛුරදලිතා පාර්ශ්වයෝඃ ශශ්වදශ්වෛ- වර් රේණුර්ද්රුත
රශ්රාංතභ්රාංතචක්රක්රමනිඛිලමිලන්නේමිනිම්නා භරේණ ।
මේරෝර්මූර්ධන්යඝං වෝ විඝටයතු රවේරේකවීථී රථස්ය
ස්වෝෂ්මෝදක්තාංබුරික්තප්රකටිතපුලිනෝද්ධූසරා ස්වර්ධුනීව ॥ 68 ॥ වර් ස්වෝෂ්මෝදස්තාංබු

නංතුං නාකාලයානාමනිශමනුයතාං පද්ධතිඃ පංක්තිරේව වර් උපයතාං
ක්ෂෝදෝ නක්ෂත්රරාශේරදයරයමිලච්චක්රපිෂ්ටස්ය ධූලිඃ ।
හේෂහ්ලාදෝ හරීණාං සුරශිඛරිදරීඃ පූරයන්නේමිනාදෝ වර් නාදෝ
යස්යාව්යාත්තීව්රභානෝඃ ස දිවි භුවි යථා ව්යක්තචිහ්නෝ රථෝ වඃ ॥ 69 ॥

නිඃස්පංදානාං විමානාවලිවිතතදිවාං දේවවෘංදාරකාණාං වර් වලිතදිශා
වෘංදෛරානංදසාංද්රෝද්යමමපි වහතාං විංදතාං වංදිතුං නෝ ।
මංදාකින්යාමමංදඃ පුලිනභෘති මෘදුර්මංදරේ මංදිරාභේ වර් මංදරාභේ
මංදාරෛර්මංඩිතාරං දධදරි දිනකෘත්ස්යංදනඃ ස්තාන්මුදේ වඃ ॥ 70 ॥

චක්රී චක්රාරපංක්තිං හරිරපි ච හරීන් ධූර්ජටිර්ධූර්ධ්වජාංතා-
නක්ෂං නක්ෂත්රනාථෝऽරුණමපි වරුණඃ කූබරාග්රං කුබේරඃ ।
රංහඃ සංඝඃ සුරාණාං ජගදුපකෘතයේ නිත්යයුක්තස්ය යස්ය
ස්තෞති ප්රීතිප්රසන්නෝऽන්වහමහිමරුචේඃ සෝऽවතාත්ස්යංදනෝ වඃ ॥ 71 ॥ වර් රුච

නේත්රාහීනේන මූලේ විහිතපරිකරඃ සිද්ධසාධ්යෛර්මරුද්භිඃ
පාදෝපාංතේ ස්තුතෝऽලං බලිහරිරභසාකර්ෂණාබද්ධවේගඃ ।
භ්රාම්යන්ව්යෝමාංබුරාශාවශිශිරකිරණස්යංදනඃ සංතතං වෝ
දිශ්යාල්ලක්ෂ්මීමපාරාමතුලිතමහිමේවාපරෝ මංදරාද්රිඃ ॥ 72 ॥ වර් අතුල්යාං

॥ ඉති රථවර්ණනම් ॥

॥ අථ මංඩලවර්ණනම් ॥

යජ්ජ්යායෝ බීජමහ්නාමපහතතිමිරං චක්ෂුෂාමංජනං ය- වර් ජ්යායෝ යද්බීජමහ්නාමපහෘත
ද්ද්වාරං යන්මුක්තිභාජාං යදඛිලභුවනජ්යෝතිෂාමේකමෝකඃ ।
යද්වෘෂ්ට්යංභෝනිධානං ධරණිරසසුධාපානපාත්රං මහද්ය-
ද්දිශ්යාදීශස්ය භාසාං තදධීකලමලං මංගලං මංඩලං වඃ ॥ 73 ॥ වර් දේවස්ය
භානෝඃ තදධිකමමලං මංඩලං මංගලං

වේලාවර්ධිෂ්ණු සිංධෝඃ පය ඉව ඛමිවාර්ධෝද්ගතාග්ය්රග්රහෝඩු
ස්තෝකෝද්භින්නස්වචිහ්නප්රසවමිව මධෝරාස්යමස්යන්මනාංසි । වර් මහාංසි
ප්රාතඃ පූෂ්ණෝऽශුභානි ප්රශමයතු ශිරඃශේඛරීභූතමද්රේඃ
පෞරස්ත්යස්යෝද්ගභස්තිස්තිමිතතමතමඃඛංඩනං මංඩලං වඃ ॥ 74 ॥

ප්රත්යුප්තස්තප්තහේමෝජ්ජ්වලරුචිරචලඃ පද්මරාගේණ යේන
ජ්යායඃ කිංජල්කපුංජෝ යදලිකුලශිතේරංබරේංදීවරස්ය ।
කාලව්යාලස්ය චිහ්නං මහිතතමමහෝමූරංධි රත්නං මහද්ය-
ද්දීප්තාංශෝඃ ප්රාතරව්යාත්තදවිකලජගන්මංඩනං මංඩලං වඃ ॥ 75 ॥

කස්ත්රාතා තාරකාණාං පතති තනුරවශ්යායබිංදුර්යථේංදු-
ර්විද්රාණා දෘක්ස්මරාරේරුරසි මුරරිපෝඃ කෞස්තුභෝ නෝද්ගභස්තිඃ ।
වහ්නේඃ සාපහ්නවේව ද්යුතිරුදයගතේ යත්ර තන්මංඩලං වෝ
මාර්තංඩීයං පුනීතාද්දිවි භුවි ච තමාංසීව මෘෂ්ණන්මහාංසි ॥ 76 ॥

යත්ප්රාච්යාං ප්රාක්චකාස්ති ප්රභවති ච යතඃ ප්රාච්යසාවුජ්ජිහානා-
දිද්ධං මධ්යේ යදහ්නෝ භවති තතරුචා යේන චෝත්පාද්යතේऽහඃ ।
යත්පර්යායේණ ලෝකානවති ච ජගතාං ජීවිතං යච්ච තද්වෝ
විශ්වානුග්රාහි විශ්වං සෘජදපි ච රවේර්මංඩලං මුක්තයේऽස්තු ॥ 77 ॥

ශුෂ්යංත්යූඪානුකාරා මකරවසතයෝ මාරවීණාං ස්ථලීනාං
යේනෝත්තප්තාඃ ස්ඵුටංතස්තඩිති තිලතුලාං යාංත්යගේංද්රා යුගාංතේ । වර් චටිති
තච්චංඩාංශෝරකාංඩත්රිභුවනදහනාශංකයා ධාම කෘච්ඡාත් වර් කෘත්ස්නං
සංහෘත්යාලෝකමාත්රං ප්රලඝු විදධතඃ ස්තාන්මුදේ මංඩලං වඃ ॥ 78 ॥ වර් ආහෘත්යාලෝකමාත්රං ප්රතනු

උද්යද්ද්යූද්යානවාප්යාං බහුලතමතමඃපංකපූරං විදාර්ය වර් බහල
ප්රෝද්භින්නං පත්රපාර්ශ්වේෂ්වවිරලමරුණච්ඡායයා විස්ඵුරංත්යා ।
කල්යාණානි ක්රියාද්වඃ කමලමිව මහන්මංඩලං චංඩභානෝ- වර් චංඩරශ්මේඃ
රන්වීතං තෘප්තිහේතෝරසකෘදලිකුලාකාරිණා රාහුණා යත් ॥ 79 ॥

චක්ෂුර්දක්ෂද්විෂෝ යන්න තු දහති පුරඃ පූරයත්යේව කාමං වර් න දහති නිතරාං පුනඃ
නාස්තං ජුෂ්ටං මරුද්භිර්යදිහ නියමිනාං යානපාත්රං භවාබ්ධෞ ।
යද්වීතශ්රාංති ශශ්වද්භ්රමදපි ජගතාං භ්රාංතිමභ්රාංති හංති
බ්රධ්නස්යාඛ්යාද්විරුද්ධක්රියමථ ච හිතාධායි තන්මංඩලං වඃ ॥ 80 ॥

॥ ඉති මංඩලවර්ණනම් ॥

॥ අථ සූර්යවර්ණනම් ।

සිද්ධෛඃ සිද්ධාංතමිශ්රං ශ්රිතවිධි විබුධෛශ්චාරණෛශ්චාටුගර්භං
ගීත්යා ගංධර්වමුඛ්යෛර්මුහුරහිපතිභිර්යාතුධානෛර්යතාත්ම ।
සාර්ධං සාධ්යෛර්මුනීංද්රෛර්මුදිතමතමනෝ මෝක්ෂිභිඃ පක්ෂපාතා- වර් මෝක්ෂුභිඃ
ත්ප්රාතඃ ප්රාරභ්යමාණස්තුතිරවතු රවිර්විශ්වවංද්යෝදයෝ වඃ ॥ 81 ॥

භාසාමාසන්නභාවාදධිකතරපටෝශ්චක්රවාලස්ය තාපා-
ච්ඡේදාදච්ඡින්නගච්ඡත්තුරගඛුරපුටන්යාසනිඃශංකටංකෛඃ । වර් න්යස්ත
නිඃසංගස්යංදනාංගභ්රමණනිකෂණාත්පාතු වස්ත්රිප්රකාරං වර් ත්රිප්රකාරෛඃ
තප්තාංශුස්තත්පරීක්ෂාපර ඉව පරිතඃ පර්යටන්හාටකාද්රිම් ॥ 82 ॥

නෝ ශුෂ්කං නාකනද්යා විකසිතකනකාංභෝජයා භ්රාජිතං තු වර් කනකාංභෝරුහා
ප්ලුෂ්ටා නෛවෝපභෝග්යා භවති භෘශතරං නංදනෝද්යානලක්ෂ්මීඃ ।
නෝ ශෘංගාණි ද්රුතානි ද්රුතමමරගිරේඃ කාලධෞතානි ධෞතා-
නීද්ධං ධාම ද්යුමාර්ගේ ම්රදයති දයයා යත්ර සෝऽර්කෝऽවතාද්වඃ ॥ 83 ॥

ධ්වාංතස්යෛවාංතහේතුර්න භවති මලිනෛකාත්මනඃ පාප්මනෝऽපි
ප්රාක්පාදෝපාංතභාජාං ජනයති න පරං පංකජානාං ප්රබෝධම් ।
කර්තා නිඃශ්රේයසානාමපි න තු ඛලු යඃ කේවලං වාසරාණාං
සෝऽව්යාදේකෝද්යමේච්ඡාවිහිතබහුබෘහද්විශ්වකාර්යෝऽර්යමා වඃ ॥ 84 ॥

ලෝටංල්ලෝෂ්ටාවිචේෂ්ටඃ ශ්රිතශයනතලෝ නිඃසහීභූතදේහඃ
සංදේහී ප්රාණිතව්යේ සපදි දශ දිශඃ ප්රේක්ෂමාණෝऽංධකාරාඃ ।
නිඃශ්වාසායාසනිෂ්ඨඃ පරමපරවශෝ ජායතේ ජීවලෝකඃ වර් චිරතරවශෝ
ශෝකේනේවාන්යලෝකානුදයකෘති ගතේ යත්ර සෝऽර්කෝऽවතාද්වඃ ॥ 85 ॥ වර් ලෝකාභ්යුදය

ක්රාමංල්ලෝලෝऽපි ලෝකාංස්තදුපකෘතිකෘතාවාශ්රිතඃ ස්ථෛර්යකෝටිං
නॄණාං දෘෂ්ටිං විජිහ්මාං විදධදපි කරෝත්යංතරත්යංතභද්රාම් ।
යස්තාපස්යාපි හේතුර්භවති නියමිනාමේකනිර්වාණදායී
භූයාත්ස ප්රාගවස්ථාධිකතරපරිණාමෝදයෝऽර්කඃ ශ්රියේ වඃ ॥ 86 ॥

ව්යාපන්නර්තුර්න කාලෝ ව්යභිචරති ඵලං නෞෂධීර්වෘෂ්ටිරිෂ්ටා
නෛෂ්ටෛස්තෘප්යංති දේවා න හි වහති මරුන්නිර්මලාභානි භානි ।
ආශාඃ ශාංතා න භිංදංත්යවධිමුදධයෝ බිභ්රති ක්ෂ්මාභෘතඃ ක්ෂ්මාං
යස්මිංස්ත්රෛලෝක්යමේවං න චලති තපති ස්තාත්ස සූර්යඃ ශ්රියේ වඃ ॥ 87 ॥

කෛලාසේ කෘත්තිවාසා විහරති විරහත්රාසදේහෝඪකාංතඃ
ශ්රාංතඃ ශේතේ මහාහාවධිජලධි විනා ඡද්මනා පද්මනාභඃ ।
යෝගෝද්යෝගෛකතානෝ ගමයති සකලං වාසරං ස්වං ස්වයංභූ-
ර්භූරිත්රෛලෝක්යාචිංතාභෘති භුවනවිභෞ යත්ර භාස්වාන්ස වෝऽව්යාත් ॥ 88 ॥

ඒතද්යන්මංඩලං ඛේ තපති දිනකෘතස්තා ඍචෝऽර්චීංෂි යානි
ද්යෝතංතේ තානි සාමාන්යයමපි පුරුෂෝ මංඩලේऽණුර්යජූංෂි ।
ඒවං යං වේද වේදත්රිතයමයමයං වේදවේදී සමග්රෝ
වර්ගඃ ස්වර්ගාපවර්ගප්රකෘතිරවිකෘතිඃ සෝऽස්තු සූර්යඃ ශ්රියේ වඃ ॥ 89 ॥

නාකෞකඃප්රත්යනීකක්ෂතිපටුමහසාං වාසවාග්රේසරාණාං
සර්වේෂාං සාධු පාතාං ජගදිදමදිතේරාත්මජත්වේ සමේऽපි ।
යේනාදිත්යාභිධානං නිරතිශයගුණෛරාත්මනි න්යස්තමස්තු වර් ගුණේනාත්මනි
ස්තුත්යස්ත්රෛලෝක්යවංද්යෛස්ත්රිදශමුනිගණෛඃ සෝංऽශුමාන් ශ්රේයසේ වඃ ॥ 90 ॥

භූමිං ධාම්නෝऽභිවෘෂ්ට්යා ජගති ජලමයීං පාවනීං සංස්මෘතාව- වර් ධාම්නෝऽථ
ප්යාග්නේයීං දාහශක්ත්යා මුහුරපි යජමානාං යථාප්රාර්ථිතාර්ථෛඃ । වර් යජමානාත්මිකාං
ලීනාමාකාශ ඒවාමෘතකරඝටිතාං ධ්වාංතපක්ෂස්ය පර්ව-
ණ්වේවං සූර්යෝऽෂ්ටභේදාං භව ඉව භවතඃ පාතු බිභ්රත්ස්වමූර්තිම් ॥ 91 ॥

ප්රාක්කාලෝන්නිද්රපද්මාකරපරිමලනාවිර්භවත්පාදශෝභෝ
භක්ත්යා ත්යක්තෝරුඛේදෝද්ගති දිවි විනතාසූනුනා නීයමානඃ ।
සප්තාශ්වාප්තාපරාංතාන්යධිකමධරයන්යෝ ජගංති ස්තුතෝऽලං
දේවෛර්දේවඃ ස පායාදපර ඉව මුරාරාතිරහ්නාං පතිර්වඃ ॥ 92 ॥

යඃ ස්රෂ්ටාऽපාං පුරස්තාදචලවරසමභ්යුන්නතේර්හේතුරේකෝ
ලෝකානාං යස්ත්රයාණාං ස්ථිත උපරි පරං දුර්විලංඝ්යේන ධාම්නා । වර් ච ත්රයාණාං
සද්යඃ සිද්ධ්යෛ ප්රසන්නද්යුතිශුභචතුරාශාමුඛඃ ස්තාද්විභක්තෝ වර් ශුචි
ද්වේධා වේධා ඉවාවිෂ්කෘතකමලරුචිඃ සෝऽර්චිෂාමාකරෝ වඃ ॥ 93 ॥

සාද්රිද්යූර්වීනදීශා දිශති දශ දිශෝ දර්ශයන්ප්රාග්දෘශෝ යඃ වර් ද්රාක් දෘශෝ
සාදෘශ්යං දෘශ්යතේ නෝ සදශශතදෘශි ත්රෛදශේ යස්ය දේශේ ।
දීප්තාංශුර්වඃ ස දිශ්යාදශිවයුගදශාදර්ශිතද්වාදශාත්මා
ශං ශාස්ත්යශ්වාංශ්ච යස්යාශයවිදතිශයාද්දංදශූකාශනාද්යඃ ॥ 94 ॥

තීර්ථානි ව්යර්ථකානි හෘදනදසරසීනිර්ඣරාංභෝජිනීනාං
නෝදන්වංතෝ නුදංති ප්රතිභයමශුභශ්වභ්රපාතානුබංධි ।
ආපෝ නාකාපගායා අපි කලුෂමුෂෝ මජ්ජතාං නෛව යත්ර වර් ස්වර්ගාපගායාඃ
ත්රාතුං යාතේऽන්යලෝකාන් ස දිශතු දිවසස්යෛකහේතුර්හිතං වඃ ॥ 95 ॥ වර් ලෝකං

ඒතත්පාතාලපංකප්ලුතමිව තමසෛවෛකමුද්ගාඪමාසී-
දප්රජ්ඤාතාප්රතර්ක්යං නිරවගති තථාලක්ෂණං සුප්තමංතඃ ।
යාදෘක්සෘෂ්ටේඃ පුරස්තාන්නිශි නිශි සකලං ජායතේ තාදෘගේව
ත්රෛලෝක්යං යද්වියෝගාදවතු රවිරසෞ සර්ගතුල්යෝදයෝ වඃ ॥ 96 ॥

ද්වීපේ යෝऽස්තාචලෝऽස්මින්භවති ඛලු ස ඒවාපරත්රෝදයාද්රි-
ර්යා යාමින්යුජ්ජ්වලේංදුද්යුතිරිහ දිවසෝऽන්යත්ර තීව්රාතපඃ සා ।
යද්වශ්යෞ දේශකාලාවිති නියමයතෝ නෝ තු යං දේශකාලා- වර් නු
වව්යාත්ස ස්වප්රභුත්වාහිතභුවනහිතෝ හේතුරහ්නාමිනෝ වඃ ॥ 97 ॥

ව්යග්රෛරග්ර්යග්රහේංදුග්රසනගුරු භරෛර්නෝ සමග්රෛරුදග්රෛඃ වර් ගුරුතරෛඃ
ප්රත්යග්රෛරීෂදුග්රෛරුදයගිරිගතෝ ගෝගණෛර්ගෞරයන් ගාම් ।
උද්ගාඪාර්චිර්විලීනාමරනගරනගග්රාවගර්භාමිවාහ්නා-
මග්රේ ශ්රේයෝ විධත්තේ ග්ලපයතු ගහනං ස ග්රහග්රාමණීර්වඃ ॥ 98 ॥

යෝනිඃ සාම්නාං විධාතා මධුරිපුරජිතෝ ධූර්ජටිඃ ශංකරෝऽසෞ
මෘත්යුඃ කාලෝऽලකායාඃ පතිරපි ධනදඃ පාවකෝ ජාතවේදාඃ ।
ඉත්ථං සංජ්ඤා ඩවිත්ථාදිවදමෘතභුජාං යා යදෘච්ඡාප්රවෘත්තා-
ස්තාසාමේකෝऽභිධේයස්තදනුගුණගුණෛර්යඃ ස සූර්යෝऽවතාද්වඃ ॥ 99 ॥ වර් ගණෛඃ

දේවඃ කිං බාංධවඃ ස්යාත්ප්රියසුහෘදථවාऽऽචාර්ය ආහෝස්විදර්යෝ වර් ආර්යඃ
රක්ෂා චක්ෂුර්නු දීපෝ ගුරුරුත ජනකෝ ජීවිතං බීජමෝජඃ ।
ඒවං නිර්ණීයතේ යඃ ක ඉව න ජගතාං සර්වථා සර්වදාऽසෞ වර් සර්වදාඃ
සර්වාකාරෝපකාරී දිශතු දශශතාභීෂුරභ්යර්ථිතං වඃ ॥ 100 ॥

ශ්ලෝකා ලෝකස්ය භූත්යෛ ශතමිති රචිතාඃ ශ්රීමයූරේණ භක්ත්යා
යුක්තශ්චෛතාන්පඨේද්යඃ සකෘදපි පුරුෂඃ සර්වපාපෛර්විමුක්තඃ ।
ආරෝග්යං සත්කවිත්වං මතිමතුලබලං කාංතිමායුඃප්රකර්ෂං
විද්යාමෛශ්වර්යමර්ථං සුතමපි ලභතේ සෝऽත්ර සූර්යප්රසාදාත් ॥ 101 ॥

ඉති ශ්රීමයූරකවිප්රණීතං සූර්යශතකං සමාප්තම් ।