ශ්රී ශිව ආරතී

සර්වේශං පරමේශං ශ්රීපාර්වතීශං වංදේऽහං විශ්වේශං ශ්රීපන්නගේශම් ।
ශ්රීසාංබං ශංභුං ශිවං ත්රෛලෝක්යපූජ්යං වංදේऽහං ත්රෛනේත්රං ශ්රීකංඨමීශම් ॥ 1॥

භස්මාංබරධරමීශං සුරපාරිජාතං බිල්වාර්චිතපදයුගලං සෝමං සෝමේශම් ।
ජගදාලයපරිශෝභිතදේවං පරමාත්මං වංදේऽහං ශිවශංකරමීශං දේවේශම් ॥ 2॥

කෛලාසප්රියවාසං කරුණාකරමීශං කාත්යායනීවිලසිතප්රියවාමභාගම් ।
ප්රණවාර්චිතමාත්මාර්චිතං සංසේවිතරූපං වංදේऽහං ශිවශංකරමීශං දේවේශම් ॥ 3॥

මන්මථනිජමදදහනං දාක්ෂායනීශං නිර්ගුණගුණසංභරිතං කෛවල්යපුරුෂම් ।
භක්තානුග්රහවිග්රහමානංදජෛකං වංදේऽහං ශිවශංකරමීශං දේවේශම් ॥ 4॥

සුරගංගාසංප්ලාවිතපාවනනිජශිඛරං සමභූෂිතශශිබිංබං ජටාධරං දේවම් ।
නිරතෝජ්ජ්වලදාවානලනයනඵාලභාගං වංදේऽහං ශිවශංකරමීශං දේවේශම් ॥ 5॥

ශශිසූර්යනේත්රද්වයමාරාධ්යපුරුෂං සුරකින්නරපන්නගමයමීශං සංකාශම් ।
ශරවණභවසංපූජිතනිජපාදපද්මං වංදේऽහං ශිවශංකරමීශං දේවේශම් ॥ 6॥

ශ්රීශෛලපුරවාසං ඊශං මල්ලීශං ශ්රීකාලහස්තීශං ස්වර්ණමුඛීවාසම් ।
කාංචීපුරමීශං ශ්රීකාමාක්ෂීතේජං වංදේऽහං ශිවශංකරමීශං දේවේශම් ॥ 7॥

ත්රිපුරාංතකමීශං අරුණාචලේශං දක්ෂිණාමූර්තිං ගුරුං ලෝකපූජ්යම් ।
චිදංබරපුරවාසං පංචලිංගමූර්තිං වංදේऽහං ශිවශංකරමීශං දේවේශම් ॥ 8॥

ජ්යෝතිර්මයශුභලිංගං සංඛ්යාත්රයනාට්යං ත්රයීවේද්යමාද්යං පංචානනමීශම් ।
වේදාද්භුතගාත්රං වේදාර්ණවජනිතං වේදාග්රං විශ්වාග්රං ශ්රීවිශ්වනාථම් ॥ 9॥