ශ්රී රාම සහස්රනාම ස්තෝත්රම්

අස්ය ශ්රීරාමසහස්රනාමස්තෝත්ර මහාමංත්රස්ය, භගවාන් ඊශ්වර ඍෂිඃ, අනුෂ්ටුප්ඡංදඃ, ශ්රීරාමඃ පරමාත්මා දේවතා, ශ්රීමාන්මහාවිෂ්ණුරිති බීජං, ගුණභෘන්නිර්ගුණෝ මහානිති ශක්තිඃ, සංසාරතාරකෝ රාම ඉති මංත්රඃ, සච්චිදානංදවිග්රහ ඉති කීලකං, අක්ෂයඃ පුරුෂඃ සාක්ෂීති කවචං, අජේයඃ සර්වභූතානාං ඉත්යස්ත්රං, රාජීවලෝචනඃ ශ්රීමානිති ධ්යානං ශ්රීරාමප්රීත්යර්ථේ දිව්යසහස්රනාමජපේ විනියෝගඃ ।

ධ්යානං
ශ්රීරාඝවං දශරථාත්මජමප්රමේයං
සීතාපතිං රඝුකුලාන්වයරත්නදීපම් ।
ආජානුබාහුමරවිංදදලායතාක්ෂං
රාමං නිශාචරවිනාශකරං නමාමි ॥

නීලාං භුජශ්යාමල කෝමලාංගං
සීතා සමාරෝපිත වාමභාගම් ।
පාණෞ මහාසායක චාරු චාපං
නමාමි රාමං රඝුවංශනාථම් ॥

ලෝකාභිරාමං රණරංගධීරං
රාජීවනේත්රං රඝුවංශනාථම් ।
කාරුණ්යරූපං කරුණාකරං තං
ශ්රී රාමචංද්රං ශරණං ප්රපද්යේ ॥

ධ්යායේදාජානුබාහුං ධෘතශරධනුෂං බද්ධපද්මාසනස්ථං
පීතං වාසෝ වසානං නවකලදළස්පර්ධිනේත්රං ප්රසන්නම් ।
වාමාංකාරූඪසීතාමුඛකමලමිලලෝචනං නීරදාභං
නානාලංකාරදීප්තං දධතමුරුජටාමංඩලං රාමචංද්රම් ॥

නීලාංභෝදරකාංති කාංතමනුෂං වීරාසනාධ්යාසිනං
මුද්රාං ජ්ඤානමයීං දධානමපරං හස්තාංබුජං ජානුනි ।
සීතාං පාර්ශ්වගතාං සරෝරුහකරාං විද්යුන්නිභාං රාඝවං
පශ්යංතීං මුකුටාංගදාදි විවිධ කල්පෝජ්ජ්වලාංගං භජේ ॥

ස්තෝත්රං
රාජීවලෝචනඃ ශ්රීමාන් ශ්රීරාමෝ රඝුපුංගවඃ ।
රාමභද්රඃ සදාචාරෝ රාජේංද්රෝ ජානකීපතිඃ ॥ 1 ॥

අග්රගණ්යෝ වරේණ්යශ්ච වරදඃ පරමේශ්වරඃ ।
ජනාර්දනෝ ජිතාමිත්රඃ පරාර්ථෛකප්රයෝජනඃ ॥ 2 ॥

විශ්වාමිත්රප්රියෝ දාංතඃ ශත්රුජිච්ඡත්රුතාපනඃ ।
සර්වජ්ඤඃ සර්වදේවාදිඃ ශරණ්යෝ වාලිමර්දනඃ ॥ 3 ॥

ජ්ඤානභාව්යෝऽපරිච්ඡේද්යෝ වාග්මී සත්යව්රතඃ ශුචිඃ ।
ජ්ඤානගම්යෝ දෘඪප්රජ්ඤඃ ඛරධ්වංසී ප්රතාපවාන් ॥ 4 ॥

ද්යුතිමානාත්මවාන්වීරෝ ජිතක්රෝධෝऽරිමර්දනඃ ।
විශ්වරූපෝ විශාලාක්ෂඃ ප්රභුඃ පරිවෘඪෝ දෘඪඃ ॥ 5 ॥

ඊශඃ ඛඩ්ගධරඃ ශ්රීමාන් කෞසලේයෝऽනසූයකඃ ।
විපුලාංසෝ මහෝරස්කඃ පරමේෂ්ඨී පරායණඃ ॥ 6 ॥

සත්යව්රතඃ සත්යසංධෝ ගුරුඃ පරමධාර්මිකඃ ।
ලෝකජ්ඤෝ ලෝකවංද්යශ්ච ලෝකාත්මා ලෝකකෘත්පරඃ ॥ 7 ॥

අනාදිර්භගවාන් සේව්යෝ ජිතමායෝ රඝූද්වහඃ ।
රාමෝ දයාකරෝ දක්ෂඃ සර්වජ්ඤඃ සර්වපාවනඃ ॥ 8 ॥

බ්රහ්මණ්යෝ නීතිමාන් ගෝප්තා සර්වදේවමයෝ හරිඃ ।
සුංදරඃ පීතවාසාශ්ච සූත්රකාරඃ පුරාතනඃ ॥ 9 ॥

සෞම්යෝ මහර්ෂිඃ කෝදංඩී සර්වජ්ඤඃ සර්වකෝවිදඃ ।
කවිඃ සුග්රීවවරදඃ සර්වපුණ්යාධිකප්රදඃ ॥ 10 ॥

භව්යෝ ජිතාරිෂඩ්වර්ගෝ මහෝදාරෝऽඝනාශනඃ ।
සුකීර්තිරාදිපුරුෂඃ කාංතඃ පුණ්යකෘතාගමඃ ॥ 11 ॥

අකල්මෂශ්චතුර්බාහුඃ සර්වාවාසෝ දුරාසදඃ ।
ස්මිතභාෂී නිවෘත්තාත්මා ස්මෘතිමාන් වීර්යවාන් ප්රභුඃ ॥ 12 ॥

ධීරෝ දාංතෝ ඝනශ්යාමඃ සර්වායුධවිශාරදඃ ।
අධ්යාත්මයෝගනිලයඃ සුමනා ලක්ෂ්මණාග්රජඃ ॥ 13 ॥

සර්වතීර්ථමයඃ ශූරඃ සර්වයජ්ඤඵලප්රදඃ ।
යජ්ඤස්වරූපී යජ්ඤේශෝ ජරාමරණවර්ජිතඃ ॥ 14 ॥

වර්ණාශ්රමකරෝ වර්ණී ශත්රුජිත් පුරුෂෝත්තමඃ ।
විභීෂණප්රතිෂ්ඨාතා පරමාත්මා පරාත්පරඃ ॥ 15 ॥

ප්රමාණභූතෝ දුර්ජ්ඤේයඃ පූර්ණඃ පරපුරංජයඃ ।
අනංතදෘෂ්ටිරානංදෝ ධනුර්වේදෝ ධනුර්ධරඃ ॥ 16 ॥

ගුණාකරෝ ගුණශ්රේෂ්ඨඃ සච්චිදානංදවිග්රහඃ ।
අභිවංද්යෝ මහාකායෝ විශ්වකර්මා විශාරදඃ ॥ 17 ॥

විනීතාත්මා වීතරාගඃ තපස්වීශෝ ජනේශ්වරඃ ।
කළ්යාණප්රකෘතිඃ කල්පඃ සර්වේශඃ සර්වකාමදඃ ॥ 18 ॥

අක්ෂයඃ පුරුෂඃ සාක්ෂී කේශවඃ පුරුෂෝත්තමඃ ।
ලෝකාධ්යක්ෂෝ මහාමායෝ විභීෂණවරප්රදඃ ॥ 19 ॥

ආනංදවිග්රහෝ ජ්යෝතිර්හනුමත්ප්රභුරව්යයඃ ।
භ්රාජිෂ්ණුඃ සහනෝ භෝක්තා සත්යවාදී බහුශ්රුතඃ ॥ 20 ॥

සුඛදඃ කාරණං කර්තා භවබංධවිමෝචනඃ ।
දේවචූඩාමණිර්නේතා බ්රහ්මණ්යෝ බ්රහ්මවර්ධනඃ ॥ 21 ॥

සංසාරෝත්තාරකෝ රාමඃ සර්වදුඃඛවිමෝක්ෂකෘත් ।
විද්වත්තමෝ විශ්වකර්තා විශ්වහර්තා ච විශ්වධෘත් ॥ 22 ॥

නිත්යෝ නියතකල්යාණඃ සීතාශෝකවිනාශකෘත් ।
කාකුත්ස්ථඃ පුංඩරීකාක්ෂෝ විශ්වාමිත්රභයාපහඃ ॥ 23 ॥

මාරීචමථනෝ රාමෝ විරාධවධපංඩිතඃ ।
දුස්ස්වප්නනාශනෝ රම්යඃ කිරීටී ත්රිදශාධිපඃ ॥ 24 ॥

මහාධනුර්මහාකායෝ භීමෝ භීමපරාක්රමඃ ।
තත්ත්වස්වරූපී තත්ත්වජ්ඤඃ තත්ත්වවාදී සුවික්රමඃ ॥ 25 ॥

භූතාත්මා භූතකෘත්ස්වාමී කාලජ්ඤානී මහාපටුඃ ।
අනිර්විණ්ණෝ ගුණග්රාහී නිෂ්කලංකඃ කලංකහා ॥ 26 ॥

ස්වභාවභද්රඃ ශත්රුඝ්නඃ කේශවඃ ස්ථාණුරීශ්වරඃ ।
භූතාදිඃ ශංභුරාදිත්යඃ ස්ථවිෂ්ඨඃ ශාශ්වතෝ ධ්රුවඃ ॥ 27 ॥

කවචී කුංඩලී චක්රී ඛඩ්ගී භක්තජනප්රියඃ ।
අමෘත්යුර්ජන්මරහිතඃ සර්වජිත්සර්වගෝචරඃ ॥ 28 ॥

අනුත්තමෝऽප්රමේයාත්මා සර්වාදිර්ගුණසාගරඃ ।
සමඃ සමාත්මා සමගෝ ජටාමුකුටමංඩිතඃ ॥ 29 ॥

අජේයඃ සර්වභූතාත්මා විෂ්වක්සේනෝ මහාතපඃ ।
ලෝකාධ්යක්ෂෝ මහාබාහුරමෘතෝ වේදවිත්තමඃ ॥ 30 ॥

සහිෂ්ණුඃ සද්ගතිඃ ශාස්තා විශ්වයෝනිර්මහාද්යුතිඃ ।
අතීංද්ර ඌර්ජිතඃ ප්රාංශුරුපේංද්රෝ වාමනෝ බලී ॥ 31 ॥

ධනුර්වේදෝ විධාතා ච බ්රහ්මා විෂ්ණුශ්ච ශංකරඃ ।
හංසෝ මරීචිර්ගෝවිංදෝ රත්නගර්භෝ මහාමතිඃ ॥ 32 ॥

ව්යාසෝ වාචස්පතිඃ සර්වදර්පිතාऽසුරමර්දනඃ ।
ජානකීවල්ලභඃ පූජ්යඃ ප්රකටඃ ප්රීතිවර්ධනඃ ॥ 33 ॥

සංභවෝऽතීංද්රියෝ වේද්යෝऽනිර්දේශෝ ජාංබවත්ප්රභුඃ ।
මදනෝ මථනෝ ව්යාපී විශ්වරූපෝ නිරංජනඃ ॥ 34 ॥

නාරායණෝऽග්රණීඃ සාධුර්ජටායුප්රීතිවර්ධනඃ ।
නෛකරූපෝ ජගන්නාථඃ සුරකාර්යහිතඃ ස්වභූඃ ॥ 35 ॥

ජිතක්රෝධෝ ජිතාරාතිඃ ප්ලවගාධිපරාජ්යදඃ ।
වසුදඃ සුභුජෝ නෛකමායෝ භව්යප්රමෝදනඃ ॥ 36 ॥

චංඩාංශුඃ සිද්ධිදඃ කල්පඃ ශරණාගතවත්සලඃ ।
අගදෝ රෝගහර්තා ච මංත්රජ්ඤෝ මංත්රභාවනඃ ॥ 37 ॥

සෞමිත්රිවත්සලෝ ධුර්යෝ ව්යක්තාව්යක්තස්වරූපධෘක් ।
වසිෂ්ඨෝ ග්රාමණීඃ ශ්රීමානනුකූලඃ ප්රියංවදඃ ॥ 38 ॥

අතුලඃ සාත්ත්විකෝ ධීරඃ ශරාසනවිශාරදඃ ।
ජ්යේෂ්ඨඃ සර්වගුණෝපේතඃ ශක්තිමාංස්තාටකාංතකඃ ॥ 39 ॥

වෛකුංඨඃ ප්රාණිනාං ප්රාණඃ කමඨඃ කමලාපතිඃ ।
ගෝවර්ධනධරෝ මත්ස්යරූපඃ කාරුණ්යසාගරඃ ॥ 40 ॥

කුංභකර්ණප්රභේත්තා ච ගෝපීගෝපාලසංවෘතඃ ।
මායාවී ස්වාපනෝ ව්යාපී රෛණුකේයබලාපහඃ ॥ 41 ॥

පිනාකමථනෝ වංද්යඃ සමර්ථෝ ගරුඩධ්වජඃ ।
ලෝකත්රයාශ්රයෝ ලෝකභරිතෝ භරතාග්රජඃ ॥ 42 ॥

ශ්රීධරඃ සද්ගතිර්ලෝකසාක්ෂී නාරායණෝ බුධඃ ।
මනෝවේගී මනෝරූපී පූර්ණඃ පුරුෂපුංගවඃ ॥ 43 ॥

යදුශ්රේෂ්ඨෝ යදුපතිර්භූතාවාසඃ සුවික්රමඃ ।
තේජෝධරෝ ධරාධාරශ්චතුර්මූර්තිර්මහානිධිඃ ॥ 44 ॥

චාණූරමර්දනෝ දිව්යඃ ශාංතෝ භරතවංදිතඃ ।
ශබ්දාතිගෝ ගභීරාත්මා කෝමලාංගඃ ප්රජාගරඃ ॥ 45 ॥

ලෝකගර්භඃ ශේෂශායී ක්ෂීරාබ්ධිනිලයෝऽමලඃ ।
ආත්මයෝනිරදීනාත්මා සහස්රාක්ෂඃ සහස්රපාත් ॥ 46 ॥

අමෘතාංශුර්මහාගර්භෝ නිවෘත්තවිෂයස්පෘහඃ ।
ත්රිකාලජ්ඤෝ මුනිඃ සාක්ෂී විහායසගතිඃ කෘතී ॥ 47 ॥

පර්ජන්යඃ කුමුදෝ භූතාවාසඃ කමලලෝචනඃ ।
ශ්රීවත්සවක්ෂාඃ ශ්රීවාසෝ වීරහා ලක්ෂ්මණාග්රජඃ ॥ 48 ॥

ලෝකාභිරාමෝ ලෝකාරිමර්දනඃ සේවකප්රියඃ ।
සනාතනතමෝ මේඝශ්යාමලෝ රාක්ෂසාංතකෘත් ॥ 49 ॥

දිව්යායුධධරඃ ශ්රීමානප්රමේයෝ ජිතේංද්රියඃ ।
භූදේවවංද්යෝ ජනකප්රියකෘත්ප්රපිතාමහඃ ॥ 50 ॥

උත්තමඃ සාත්විකඃ සත්යඃ සත්යසංධස්ත්රිවික්රමඃ ।
සුව්රතඃ සුලභඃ සූක්ෂ්මඃ සුඝෝෂඃ සුඛදඃ සුධීඃ ॥ 51 ॥

දාමෝදරෝऽච්යුතඃ ශාරංගී වාමනෝ මධුරාධිපඃ ।
දේවකීනංදනඃ ශෞරිඃ ශූරඃ කෛටභමර්දනඃ ॥ 52 ॥

සප්තතාලප්රභේත්තා ච මිත්රවංශප්රවර්ධනඃ ।
කාලස්වරූපී කාලාත්මා කාලඃ කල්යාණදඃ කවිඃ ।
සංවත්සර ඍතුඃ පක්ෂෝ හ්යයනං දිවසෝ යුගඃ ॥ 53 ॥

ස්තව්යෝ විවික්තෝ නිර්ලේපඃ සර්වව්යාපී නිරාකුලඃ ।
අනාදිනිධනඃ සර්වලෝකපූජ්යෝ නිරාමයඃ ॥ 54 ॥

රසෝ රසජ්ඤඃ සාරජ්ඤෝ ලෝකසාරෝ රසාත්මකඃ ।
සර්වදුඃඛාතිගෝ විද්යාරාශිඃ පරමගෝචරඃ ॥ 55 ॥

ශේෂෝ විශේෂෝ විගතකල්මෂෝ රඝුනායකඃ ।
වර්ණශ්රේෂ්ඨෝ වර්ණවාහ්යෝ වර්ණ්යෝ වර්ණ්යගුණෝජ්ජ්වලඃ ॥ 56 ॥

කර්මසාක්ෂ්යමරශ්රේෂ්ඨෝ දේවදේවඃ සුඛප්රදඃ ।
දේවාධිදේවෝ දේවර්ෂිර්දේවාසුරනමස්කෘතඃ ॥ 57 ॥

සර්වදේවමයශ්චක්රී ශාර්ඞ්ගපාණිරනුත්තමඃ ।
මනෝ බුද්ධිරහංකාරඃ ප්රකෘතිඃ පුරුෂෝऽව්යයඃ ॥ 58 ॥

අහල්යාපාවනඃ ස්වාමී පිතෘභක්තෝ වරප්රදඃ ।
න්යායෝ න්යායී නයී ශ්රීමාන්නයෝ නගධරෝ ධ්රුවඃ ॥ 59 ॥

ලක්ෂ්මීවිශ්වංභරාභර්තා දේවේංද්රෝ බලිමර්දනඃ ।
වාණාරිමර්දනෝ යජ්වානුත්තමෝ මුනිසේවිතඃ ॥ 60 ॥

දේවාග්රණීඃ ශිවධ්යානතත්පරඃ පරමඃ පරඃ ।
සාමගානප්රියෝऽක්රූරඃ පුණ්යකීර්තිඃ සුලෝචනඃ ॥ 61 ॥

පුණ්යඃ පුණ්යාධිකඃ පූර්වඃ පූර්ණඃ පූරයිතා රවිඃ ।
ජටිලඃ කල්මෂධ්වාංතප්රභංජනවිභාවසුඃ ॥ 62 ॥

අව්යක්තලක්ෂණෝऽව්යක්තෝ දශාස්යද්වීපකේසරී ।
කලානිධිඃ කලාරූපෝ කමලානංදවර්ධනඃ ॥ 63 ॥

ජයෝ ජිතාරිඃ සර්වාදිඃ ශමනෝ භවභංජනඃ ।
අලංකරිෂ්ණුරචලෝ රෝචිෂ්ණුර්වික්රමෝත්තමඃ ॥ 64 ॥

අංශුඃ ශබ්දපතිඃ ශබ්දගෝචරෝ රංජනෝ රඝුඃ ।
නිශ්ශබ්දඃ ප්රණවෝ මාලී ස්ථූලඃ සූක්ෂ්මෝ විලක්ෂණඃ ॥ 65 ॥

ආත්මයෝනිරයෝනිශ්ච සප්තජිහ්වඃ සහස්රපාත් ।
සනාතනතමඃ ස්රග්වී පේශලෝ ජවිනාං වරඃ ॥ 66 ॥

ශක්තිමාන් ශංඛභෘන්නාථඃ ගදාපද්මරථාංගභෘත් ।
නිරීහෝ නිර්විකල්පශ්ච චිද්රූපෝ වීතසාධ්වසඃ ॥ 67 ॥

ශතානනඃ සහස්රාක්ෂඃ ශතමූර්තිර්ඝනප්රභඃ ।
හෘත්පුංඩරීකශයනඃ කඨිනෝ ද්රව ඒව ච ॥ 68 ॥

උග්රෝ ග්රහපතිඃ කෘෂ්ණෝ සමර්ථෝऽනර්ථනාශනඃ ।
අධර්මශත්රුඃ රක්ෂෝඝ්නඃ පුරුහූතඃ පුරුෂ්ටුතඃ ॥ 69 ॥

බ්රහ්මගර්භෝ බෘහද්ගර්භෝ ධර්මධේනුර්ධනාගමඃ ।
හිරණ්යගර්භෝ ජ්යෝතිෂ්මාන් සුලලාටඃ සුවික්රමඃ ॥ 70 ॥

ශිවපූජාරතඃ ශ්රීමාන් භවානීප්රියකෘද්වශී ।
නරෝ නාරායණඃ ශ්යාමඃ කපර්දී නීලලෝහිතඃ ॥ 71 ॥

රුද්රඃ පශුපතිඃ ස්ථාණුර්විශ්වාමිත්රෝ ද්විජේශ්වරඃ ।
මාතාමහෝ මාතරිශ්වා විරිංචෝ විෂ්ටරශ්රවාඃ ॥ 72 ॥

අක්ෂෝභ්යඃ සර්වභූතානාං චංඩඃ සත්යපරාක්රමඃ ।
වාලඛිල්යෝ මහාකල්පඃ කල්පවෘක්ෂඃ කලාධරඃ ॥ 73 ॥

නිදාඝස්තපනෝऽමෝඝඃ ශ්ලක්ෂ්ණඃ පරබලාපහෘත් ।
කබංධමථනෝ දිව්යඃ කංබුග්රීවඃ ශිවප්රියඃ ॥ 74 ॥

ශංඛෝऽනිලඃ සුනිෂ්පන්නඃ සුලභඃ ශිශිරාත්මකඃ ।
අසංසෘෂ්ටෝऽතිථිඃ ශූරඃ ප්රමාථී පාපනාශකෘත් ॥ 75 ॥

වසුශ්රවාඃ කව්යවාහඃ ප්රතප්තෝ විශ්වභෝජනඃ ।
රාමෝ නීලෝත්පලශ්යාමෝ ජ්ඤානස්කංධෝ මහාද්යුතිඃ ॥ 76 ॥

පවිත්රපාදඃ පාපාරිර්මණිපූරෝ නභෝගතිඃ ।
උත්තාරණෝ දුෂ්කෘතිහා දුර්ධර්ෂෝ දුස්සහෝऽභයඃ ॥ 77 ॥

අමෘතේශෝऽමෘතවපුර්ධර්මී ධර්මඃ කෘපාකරඃ ।
භර්ගෝ විවස්වානාදිත්යෝ යෝගාචාර්යෝ දිවස්පතිඃ ॥ 78 ॥

උදාරකීර්තිරුද්යෝගී වාඞ්මයඃ සදසන්මයඃ ।
නක්ෂත්රමාලී නාකේශඃ ස්වාධිෂ්ඨානෂඩාශ්රයඃ ॥ 79 ॥

චතුර්වර්ගඵලෝ වර්ණී ශක්තිත්රයඵලං නිධිඃ ।
නිධානගර්භෝ නිර්ව්යාජෝ ගිරීශෝ ව්යාලමර්දනඃ ॥ 80 ॥

ශ්රීවල්ලභඃ ශිවාරංභඃ ශාංතිර්භද්රඃ සමංජසඃ ।
භූශයෝ භූතිකෘද්භූතිර්භූෂණෝ භූතවාහනඃ ॥ 81 ॥

අකායෝ භක්තකායස්ථඃ කාලජ්ඤානී මහාවටුඃ ।
පරාර්ථවෘත්තිරචලෝ විවික්තඃ ශ්රුතිසාගරඃ ॥ 82 ॥

ස්වභාවභද්රෝ මධ්යස්ථඃ සංසාරභයනාශනඃ ।
වේද්යෝ වෛද්යෝ වියද්ගෝප්තා සර්වාමරමුනීශ්වරඃ ॥ 83 ॥

සුරේංද්රඃ කරණං කර්ම කර්මකෘත්කර්ම්යධෝක්ෂජඃ ।
ධ්යේයෝ ධුර්යෝ ධරාධීශඃ සංකල්පඃ ශර්වරීපතිඃ ॥ 84 ॥

පරමාර්ථගුරුර්වෘද්ධඃ ශුචිරාශ්රිතවත්සලඃ ।
විෂ්ණුර්ජිෂ්ණුර්විභුර්යජ්ඤෝ යජ්ඤේශෝ යජ්ඤපාලකඃ ॥ 85 ॥

ප්රභවිෂ්ණුර්ග්රසිෂ්ණුශ්ච ලෝකාත්මා ලෝකභාවනඃ ।
කේශවඃ කේශිහා කාව්යඃ කවිඃ කාරණකාරණම් ॥ 86 ॥

කාලකර්තා කාලශේෂෝ වාසුදේවඃ පුරුෂ්ටුතඃ ।
ආදිකර්තා වරාහශ්ච මාධවෝ මධුසූදනඃ ॥ 87 ॥

නාරායණෝ නරෝ හංසෝ විෂ්වක්සේනෝ ජනාර්දනඃ ।
විශ්වකර්තා මහායජ්ඤෝ ජ්යෝතිෂ්මාන් පුරුෂෝත්තමඃ ॥ 88 ॥

වෛකුංඨඃ පුංඩරීකාක්ෂඃ කෘෂ්ණඃ සූර්යඃ සුරාර්චිතඃ ।
නාරසිංහෝ මහාභීමෝ වක්රදංෂ්ට්රෝ නඛායුධඃ ॥ 89 ॥

ආදිදේවෝ ජගත්කර්තා යෝගීශෝ ගරුඩධ්වජඃ ।
ගෝවිංදෝ ගෝපතිර්ගෝප්තා භූපතිර්භුවනේශ්වරඃ ॥ 90 ॥

පද්මනාභෝ හෘෂීකේශෝ ධාතා දාමෝදරඃ ප්රභුඃ ।
ත්රිවික්රමස්ත්රිලෝකේශෝ බ්රහ්මේශඃ ප්රීතිවර්ධනඃ ॥ 91 ॥

වාමනෝ දුෂ්ටදමනෝ ගෝවිංදෝ ගෝපවල්ලභඃ ।
භක්තප්රියෝऽච්යුතඃ සත්යඃ සත්යකීර්තිර්ධෘතිඃ ස්මෘතිඃ ॥ 92 ॥

කාරුණ්යං කරුණෝ ව්යාසඃ පාපහා ශාංතිවර්ධනඃ ।
සංන්යාසී ශාස්ත්රතත්ත්වජ්ඤෝ මංදරාද්රිනිකේතනඃ ॥ 93 ॥

බදරීනිලයඃ ශාංතස්තපස්වී වෛද්යුතප්රභඃ ।
භූතාවාසෝ ගුහාවාසඃ ශ්රීනිවාසඃ ශ්රියඃ පතිඃ ॥ 94 ॥

තපෝවාසෝ මුදාවාසඃ සත්යවාසඃ සනාතනඃ ।
පුරුෂඃ පුෂ්කරඃ පුණ්යඃ පුෂ්කරාක්ෂෝ මහේශ්වරඃ ॥ 95 ॥

පූර්ණමූර්තිඃ පුරාණජ්ඤඃ පුණ්යදඃ පුණ්යවර්ධනඃ ।
ශංඛී චක්රී ගදී ශාරංගී ලාංගලී මුසලී හලී ॥ 96 ॥

කිරීටී කුංඩලී හාරී මේඛලී කවචී ධ්වජී ।
යෝද්ධා ජේතා මහාවීර්යඃ ශත්රුජිච්ඡත්රුතාපනඃ ॥ 97 ॥

ශාස්තා ශාස්ත්රකරඃ ශාස්ත්රං ශංකර ශංකරස්තුතඃ ।
සාරථිඃ සාත්ත්විකඃ ස්වාමී සාමවේදප්රියඃ සමඃ ॥ 98 ॥

පවනඃ සාහසඃ ශක්තිඃ සංපූර්ණාංගඃ සමෘද්ධිමාන් ।
ස්වර්ගදඃ කාමදඃ ශ්රීදඃ කීර්තිදෝऽකීර්තිනාශනඃ ॥ 99 ॥

මෝක්ෂදඃ පුංඩරීකාක්ෂඃ ක්ෂීරාබ්ධිකෘතකේතනඃ ।
සර්වාත්මා සර්වලෝකේශඃ ප්රේරකඃ පාපනාශනඃ ॥ 100 ॥

සර්වදේවෝ ජගන්නාථඃ සර්වලෝකමහේශ්වරඃ ।
සර්ගස්ථිත්යංතකෘද්දේවඃ සර්වලෝකසුඛාවහඃ ॥ 101 ॥

අක්ෂය්යඃ ශාශ්වතෝऽනංතඃ ක්ෂයවෘද්ධිවිවර්ජිතඃ ।
නිර්ලේපෝ නිර්ගුණඃ සූක්ෂ්මෝ නිර්විකාරෝ නිරංජනඃ ॥ 102 ॥

සර්වෝපාධිවිනිර්මුක්තඃ සත්තාමාත්රව්යවස්ථිතඃ ।
අධිකාරී විභුර්නිත්යඃ පරමාත්මා සනාතනඃ ॥ 103 ॥

අචලෝ නිර්මලෝ ව්යාපී නිත්යතෘප්තෝ නිරාශ්රයඃ ।
ශ්යාමෝ යුවා ලෝහිතාක්ෂෝ දීප්තාස්යෝ මිතභාෂණඃ ॥ 104 ॥

ආජානුබාහුඃ සුමුඛඃ සිංහස්කංධෝ මහාභුජඃ ।
සත්යවාන් ගුණසංපන්නඃ ස්වයංතේජාඃ සුදීප්තිමාන් ॥ 105 ॥

කාලාත්මා භගවාන් කාලඃ කාලචක්රප්රවර්තකඃ ।
නාරායණඃ පරංජ්යෝතිඃ පරමාත්මා සනාතනඃ ॥ 106 ॥

විශ්වසෘඩ්විශ්වගෝප්තා ච විශ්වභෝක්තා ච ශාශ්වතඃ ।
විශ්වේශ්වරෝ විශ්වමූර්තිර්විශ්වාත්මා විශ්වභාවනඃ ॥ 107 ॥

සර්වභූතසුහෘච්ඡාංතඃ සර්වභූතානුකංපනඃ ।
සර්වේශ්වරේශ්වරඃ සර්වඃ ශ්රීමානාශ්රිතවත්සලඃ ॥ 108 ॥

සර්වගඃ සර්වභූතේශඃ සර්වභූතාශයස්ථිතඃ ।
අභ්යංතරස්ථස්තමසශ්ඡේත්තා නාරායණඃ පරඃ ॥ 109 ॥

අනාදිනිධනඃ ස්රෂ්ටා ප්රජාපතිපතිර්හරිඃ ।
නරසිංහෝ හෘෂීකේශඃ සර්වාත්මා සර්වදෘග්වශී ॥ 110 ॥

ජගතස්තස්ථුෂශ්චෛව ප්රභුර්නේතා සනාතනඃ ।
කර්තා ධාතා විධාතා ච සර්වේෂාං ප්රභුරීශ්වරඃ ॥ 111 ॥

සහස්රමූර්ධා විශ්වාත්මා විෂ්ණුර්විශ්වදෘගව්යයඃ ।
පුරාණපුරුෂඃ ස්රෂ්ටා සහස්රාක්ෂඃ සහස්රපාත් ॥ 112 ॥

තත්ත්වං නාරායණෝ විෂ්ණුර්වාසුදේවඃ සනාතනඃ ।
පරමාත්මා පරං බ්රහ්ම සච්චිදානංදවිග්රහඃ ॥ 113 ॥

පරංජ්යෝතිඃ පරංධාමඃ පරාකාශඃ පරාත්පරඃ ।
අච්යුතඃ පුරුෂඃ කෘෂ්ණඃ ශාශ්වතඃ ශිව ඊශ්වරඃ ॥ 114 ॥

නිත්යඃ සර්වගතඃ ස්ථාණුරුග්රඃ සාක්ෂී ප්රජාපතිඃ ।
හිරණ්යගර්භඃ සවිතා ලෝකකෘල්ලෝකභෘද්විභුඃ ॥ 115 ॥

රාමඃ ශ්රීමාන් මහාවිෂ්ණුර්ජිෂ්ණුර්දේවහිතාවහඃ ।
තත්ත්වාත්මා තාරකං බ්රහ්ම ශාශ්වතඃ සර්වසිද්ධිදඃ ॥ 116 ॥

අකාරවාච්යෝ භගවාන් ශ්රීර්භූනීලාපතිඃ පුමාන් ।
සර්වලෝකේශ්වරඃ ශ්රීමාන් සර්වජ්ඤඃ සර්වතෝමුඛඃ ॥ 117 ॥

ස්වාමී සුශීලඃ සුලභඃ සර්වජ්ඤඃ සර්වශක්තිමාන් ।
නිත්යඃ සංපූර්ණකාමශ්ච නෛසර්ගිකසුහෘත්සුඛී ॥ 118 ॥

කෘපාපීයූෂජලධිඃ ශරණ්යඃ සර්වදේහිනාම් ।
ශ්රීමාන්නාරායණඃ ස්වාමී ජගතාං පතිරීශ්වරඃ ॥ 119 ॥

ශ්රීශඃ ශරණ්යෝ භූතානාං සංශ්රිතාභීෂ්ටදායකඃ ।
අනංතඃ ශ්රීපතී රාමෝ ගුණභෘන්නිර්ගුණෝ මහාන් ॥ 120 ॥

॥ ඉති ආනංදරාමායණේ වාල්මීකීයේ ශ්රීරාමසහස්රනාමස්තෝත්රම් ॥