ශ්රී මධ්වාචාර්ය කෘත ද්වාදශ ස්තෝත්ර – සප්තමස්තෝත්රම්

අථ සප්තමස්තෝත්රම්

විශ්වස්ථිතිප්රළයසර්ගමහාවිභූති වෘත්තිප්රකාශනියමාවෘති බංධමෝක්ෂාඃ ।
යස්යා අපාංගලවමාත්රත ඌර්ජිතා සා ශ්රීඃ යත්කටාක්ෂබලවත්යජිතං නමාමි ॥ 1॥

බ්රහ්මේශශක්රරවිධර්මශශාංකපූර්ව ගීර්වාණසංතතිරියං යදපාංගලේශම් ।
ආශ්රිත්ය විශ්වවිජයං විසෘජත්යචිංත්යා ශ්රීඃ යත්කටාක්ෂබලවත්යජිතං නමාමි ॥ 2॥

ධර්මාර්ථකාමසුමතිප්රචයාද්යශේෂසන්මංගලං විදධතේ යදපාංගලේශම් ।
ආශ්රිත්ය තත්ප්රණතසත්ප්රණතා අපීඩ්යා ශ්රීඃ යත්කටාක්ෂබලවති අජිතං නමාමි ॥ 3॥

ෂඩ්වර්ගනිග්රහනිරස්තසමස්තදෝෂා ධ්යායංති විෂ්ණුමෘෂයෝ යදපාංගලේශම් ।
ආශ්රිත්ය යානපි සමේත්ය න යාති දුඃඛං ශ්රීඃ යත්කටාක්ෂබලවති අජිතං නමාමි ॥ 4॥

ශේෂාහිවෛරිශිවශක්රමනුප්රධාන චිත්රෝරුකර්මරචනං යදපාංගලේශම් ।
ආශ්රිත්ය විශ්වමඛිලං විදධාති ධාතා ශ්රීඃ යත්කටාක්ෂබලවති අජිතං නමාමි ॥ 5॥

ශක්රෝග්රදීධිතිහිමාකරසූර්යසූනු පූර්වං නිහත්ය නිඛිලං යදපාංගලේශම් ।
ආශ්රිත්ය නෘත්යති ශිවඃ ප්රකටෝරුශක්තිඃ ශ්රීඃ යත්කටාක්ෂ බලවති අජිතං නමාමි ॥ 6॥

තත්පාදපංකජමහාසනතාමවාප ශර්වාදිවංද්යචරණෝ යදපාංගලේශම් ।
ආශ්රිත්ය නාගපතිඃ අන්යසුරෛර්දුරාපාං ශ්රීඃ යත්කටාක්ෂබලවති අජිතං නමාමි ॥ 7॥

නාගාරිරුග්රබලපෞරුෂ ආප විෂ්ණුවාහත්වමුත්තමජවෝ යදපාංගලේශම් । වර්
විෂ්ණෝර්වාහ
ආශ්රිත්ය ශක්රමුඛදේවගණෛඃ අචිංත්යං ශ්රීඃ යත්කටාක්ෂ බලවති අජිතං නමාමි ॥ 8॥

ආනංදතීර්ථමුනිසන්මුඛපංකජෝත්ථං සාක්ෂාද්රමාහරිමනඃ ප්රියං උත්තමාර්ථම් ।
භක්ත්යා පඨති අජිතමාත්මනි සන්නිධාය යඃ ස්තෝත්රමේතභියාති තයෝරභීෂ්ටම් ॥ 9॥

ඉති ශ්රීමදානංදතීර්ථභගවත්පාදාචාර්ය විරචිතං
ද්වාදශස්තෝත්රේෂු සප්තමස්තෝත්රං සංපූර්ණම්