ශ්රී කෘෂ්ණ කවචං (ත්රෛලෝක්ය මංගළ කවචම්)

ශ්රී නාරද උවාච –
භගවන්සර්වධර්මජ්ඤ කවචං යත්ප්රකාශිතම් ।
ත්රෛලෝක්යමංගළං නාම කෘපයා කථය ප්රභෝ ॥ 1 ॥

සනත්කුමාර උවාච –
ශෘණු වක්ෂ්යාමි විප්රේංද්ර කවචං පරමාද්භුතම් ।
නාරායණේන කථිතං කෘපයා බ්රහ්මණේ පුරා ॥ 2 ॥

බ්රහ්මණා කථිතං මහ්යං පරං ස්නේහාද්වදාමි තේ ।
අති ගුහ්යතරං තත්ත්වං බ්රහ්මමංත්රෞඝවිග්රහම් ॥ 3 ॥

යද්ධෘත්වා පඨනාද්බ්රහ්මා සෘෂ්ටිං විතනුතේ ධ්රුවම් ।
යද්ධෘත්වා පඨනාත්පාති මහාලක්ෂ්මීර්ජගත්ත්රයම් ॥ 4 ॥

පඨනාද්ධාරණාච්ඡංභුඃ සංහර්තා සර්වමංත්රවිත් ।
ත්රෛලෝක්යජනනී දුර්ගා මහිෂාදිමහාසුරාන් ॥ 5 ॥

වරතෘප්තාන් ජඝානෛව පඨනාද්ධාරණාද්යතඃ ।
ඒවමිංද්රාදයඃ සර්වේ සර්වෛශ්වර්යමවාප්නුයුඃ ॥ 6 ॥

ඉදං කවචමත්යංතගුප්තං කුත්රාපි නෝ වදේත් ।
ශිෂ්යාය භක්තියුක්තාය සාධකාය ප්රකාශයේත් ॥ 7 ॥

ශඨාය පරශිෂ්යාය දත්වා මෘත්යුමවාප්නුයාත් ।
ත්රෛලෝක්යමංගළස්යාऽස්ය කවචස්ය ප්රජාපතිඃ ॥ 8 ॥

ඍෂිශ්ඡංදශ්ච ගායත්රී දේවෝ නාරායණස්ස්වයම් ।
ධර්මාර්ථකාමමෝක්ෂේෂු විනියෝගඃ ප්රකීර්තිතඃ ॥ 9 ॥

ප්රණවෝ මේ ශිරඃ පාතු නමෝ නාරායණාය ච ।
ඵාලං මේ නේත්රයුගළමෂ්ටාර්ණෝ භුක්තිමුක්තිදඃ ॥ 10 ॥

ක්ලීං පායාච්ඡ්රෝත්රයුග්මං චෛකාක්ෂරඃ සර්වමෝහනඃ ।
ක්ලීං කෘෂ්ණාය සදා ඝ්රාණං ගෝවිංදායේති ජිහ්විකාම් ॥ 11 ॥

ගෝපීජනපදවල්ලභාය ස්වාහාऽනනං මම ।
අෂ්ටාදශාක්ෂරෝ මංත්රඃ කංඨං පාතු දශාක්ෂරඃ ॥ 12 ॥

ගෝපීජනපදවල්ලභාය ස්වාහා භුජද්වයම් ।
ක්ලීං ග්ලෞං ක්ලීං ශ්යාමලාංගාය නමඃ ස්කංධෞ රක්ෂාක්ෂරඃ ॥ 13 ॥

ක්ලීං කෘෂ්ණඃ ක්ලීං කරෞ පායාත් ක්ලීං කෘෂ්ණායාං ගතෝऽවතු ।
හෘදයං භුවනේශානඃ ක්ලීං කෘෂ්ණඃ ක්ලීං ස්තනෞ මම ॥ 14 ॥

ගෝපාලායාග්නිජායාතං කුක්ෂියුග්මං සදාऽවතු ।
ක්ලීං කෘෂ්ණාය සදා පාතු පාර්ශ්වයුග්මමනුත්තමඃ ॥ 15 ॥

කෘෂ්ණ ගෝවිංදකෞ පාතු ස්මරාද්යෞජේයුතෞ මනුඃ ।
අෂ්ටාක්ෂරඃ පාතු නාභිං කෘෂ්ණේති ද්ව්යක්ෂරෝऽවතු ॥ 16 ॥

පෘෂ්ඨං ක්ලීං කෘෂ්ණකං ගල්ල ක්ලීං කෘෂ්ණාය ද්විරාංතකඃ ।
සක්ථිනී සතතං පාතු ශ්රීං හ්රීං ක්ලීං කෘෂ්ණඨද්වයම් ॥ 17 ॥

ඌරූ සප්තාක්ෂරං පායාත් ත්රයෝදශාක්ෂරෝऽවතු ।
ශ්රීං හ්රීං ක්ලීං පදතෝ ගෝපීජනවල්ලභපදං තතඃ ॥ 18 ॥

ශ්රියා ස්වාහේති පායූ වෛ ක්ලීං හ්රීං ශ්රීං සදශාර්ණකඃ ।
ජානුනී ච සදා පාතු ක්ලීං හ්රීං ශ්රීං ච දශාක්ෂරඃ ॥ 19 ॥

ත්රයෝදශාක්ෂරඃ පාතු ජංඝේ චක්රාද්යුදායුධඃ ।
අෂ්ටාදශාක්ෂරෝ හ්රීං ශ්රීං පූර්වකෝ විංශදර්ණකඃ ॥ 20 ॥

සර්වාංගං මේ සදා පාතු ද්වාරකානායකෝ බලී ।
නමෝ භගවතේ පශ්චාද්වාසුදේවාය තත්පරම් ॥ 21 ॥

තාරාද්යෝ ද්වාදශාර්ණෝऽයං ප්රාච්යාං මාං සර්වදාऽවතු ।
ශ්රීං හ්රීං ක්ලීං ච දශාර්ණස්තු ක්ලීං හ්රීං ශ්රීං ෂෝඩශාර්ණකඃ ॥ 22 ॥

ගදාද්යුදායුධෝ විෂ්ණුර්මාමග්නේර්දිශි රක්ෂතු ।
හ්රීං ශ්රීං දශාක්ෂරෝ මංත්රෝ දක්ෂිණේ මාං සදාऽවතු ॥ 23 ॥

තාරෝ නමෝ භගවතේ රුක්මිණීවල්ලභාය ච ।
ස්වාහේති ෂෝඩශාර්ණෝऽයං නෛරෘත්යාං දිශි රක්ෂතු ॥ 24 ॥

ක්ලීං හෘෂීකේශ වංශාය නමෝ මාං වාරුණෝऽවතු ।
අෂ්ටාදශාර්ණඃ කාමාංතෝ වායව්යේ මාං සදාऽවතු ॥ 25 ॥

ශ්රීං මායාකාමතෘෂ්ණාය ගෝවිංදාය ද්විකෝ මනුඃ ।
ද්වාදශාර්ණාත්මකෝ විෂ්ණුරුත්තරේ මාං සදාऽවතු ॥ 26 ॥

වාග්භවං කාමකෘෂ්ණාය හ්රීං ගෝවිංදාය තත්පරම් ।
ශ්රීං ගෝපීජනවල්ලභාය ස්වාහා හස්තෞ තතඃ පරම් ॥ 27 ॥

ද්වාවිංශත්යක්ෂරෝ මංත්රෝ මාමෛශාන්යේ සදාऽවතු ।
කාළීයස්ය ඵණාමධ්යේ දිව්යං නෘත්යං කරෝති තම් ॥ 28 ॥

නමාමි දේවකීපුත්රං නෘත්යරාජානමච්යුතම් ।
ද්වාත්රිංශදක්ෂරෝ මංත්රෝऽප්යධෝ මාං සර්වදාऽවතු ॥ 29 ॥

කාමදේවාය විද්මහේ පුෂ්පබාණාය ධීමහි ।
තන්නෝऽනංගඃ ප්රචෝදයාදේෂා මාං පාතුචෝර්ධ්වතඃ ॥ 30 ॥

ඉති තේ කථිතං විප්ර බ්රහ්මමංත්රෞඝවිග්රහම් ।
ත්රෛලෝක්යමංගළං නාම කවචං බ්රහ්මරූපකම් ॥ 31 ॥

බ්රහ්මණා කථිතං පූර්වං නාරායණමුඛාච්ඡ්රුතම් ।
තව ස්නේහාන්මයාऽඛ්යාතං ප්රවක්තව්යං න කස්යචිත් ॥ 32 ॥

ගුරුං ප්රණම්ය විධිවත්කවචං ප්රපඨේත්තතඃ ।
සකෘද්ද්විස්ත්රිර්යථාජ්ඤානං ස හි සර්වතපෝමයඃ ॥ 33 ॥

මංත්රේෂු සකලේෂ්වේව දේශිකෝ නාත්ර සංශයඃ ।
ශතමෂ්ටෝත්තරං චාස්ය පුරශ්චර්යා විධිස්ස්මෘතඃ ॥ 34 ॥

හවනාදීංදශාංශේන කෘත්වා තත්සාධයේද්ධ්රුවම් ।
යදි ස්යාත්සිද්ධකවචෝ විෂ්ණුරේව භවේත්ස්වයම් ॥ 35 ॥

මංත්රසිද්ධිර්භවේත්තස්ය පුරශ්චර්යා විධානතඃ ।
ස්පර්ධාමුද්ධූය සතතං ලක්ෂ්මීර්වාණී වසේත්තතඃ ॥ 36 ॥

පුෂ්පාංජල්යෂ්ටකං දත්වා මූලේනෛව පඨේත්සකෘත් ।
දශවර්ෂසහස්රාණි පූජායාඃ ඵලමාප්නුයාත් ॥ 37 ॥

භූර්ජේ විලිඛ්ය ගුළිකාං ස්වර්ණස්ථාං ධාරයේද්යදි ।
කංඨේ වා දක්ෂිණේ බාහෞ සෝऽපි විෂ්ණුර්න සංශයඃ ॥ 38 ॥

අශ්වමේධසහස්රාණි වාජපේයශතානි ච ।
මහාදානානි යාන්යේව ප්රාදක්ෂිණ්යං භුවස්තථා ॥ 39 ॥

කළාං නාර්හංති තාන්යේව සකෘදුච්චාරණාත්තතඃ ।
කවචස්ය ප්රසාදේන ජීවන්මුක්තෝ භවේන්නරඃ ॥ 40 ॥

ත්රෛලෝක්යං ක්ෂෝභයත්යේව ත්රෛලෝක්යවිජයී ස හි ।
ඉදං කවචමජ්ඤාත්වා යජේද්යඃ පුරුෂෝත්තමම් ।
ශතලක්ෂප්රජප්තෝऽපි න මංත්රස්තස්ය සිද්ධ්යති ॥ 41 ॥

ඉති ශ්රී නාරදපාංචරාත්රේ ජ්ඤානාමෘතසාරේ ත්රෛලෝක්යමංගළකවචම් ।