ශ්රී කාශී විශ්වනාථ සුප්රාභාතම්

විශ්වේශං මාධවං ඪුංඪිං දංඩපාණිං ච භෛරවම් ।
වංදේ කාශීං ගුහාං ගංගාං භවානීං මණිකර්ණිකාම් ॥ 1 ॥

උත්තිෂ්ඨ කාශි භගවාන් ප්රභුවිශ්වනාථෝ
ගංගෝර්මි-සංගති-ශුභෛඃ පරිභූෂිතෝऽබ්ජෛඃ ।
ශ්රීඪුංඪි-භෛරව-මුඛෛඃ සහිතාऽऽන්නපූර්ණා
මාතා ච වාංඡති මුදා තව සුප්රභාතම් ॥ 2 ॥

බ්රහ්මා මුරාරිස්ත්රිපුරාංතකාරිඃ
භානුඃ ශශී භූමිසුතෝ බුධශ්ච ।
ගුරුශ්ච ශුක්රඃ ශනි-රාහු-කේතවඃ
කුර්වංතු සර්වේ භුවි සුප්රභාතම් ॥ 3 ॥

වාරාණසී-ස්ථිත-ගජානන-ඪුංඪිරාජ
තාපත්රයාපහරණේ ප්රථිත-ප්රභාව ।
ආනංද-කංදලකුල-ප්රසවෛකභූමේ
නිත්යං සමස්ත-ජගතඃ කුරු සුප්රභාතම් ॥ 4 ॥

බ්රහ්මද්රවෝපමිත-ගාංග-පයඃ-ප්රවාහෛඃ
පුණ්යෛඃ සදෛව පරිචුංබිත-පාදපද්මේ ।
මධ්යේ-ऽඛිලාමරගණෛඃ පරිසේව්යමානේ
ශ්රීකාශිකේ කුරු සදා භුවි සුප්රභාතම් ॥ 5 ॥

ප්රත්නෛරසංඛ්ය-මඨ-මංදිර-තීර්ථ-කුංඩ-
ප්රාසාද-ඝට්ට-නිවහෛඃ විදුෂාං වරෛශ්ච
ආවර්ජයස්යඛිල-විශ්ව-මනාංසි නිත්යං
ශ්රීකාශිකේ කුරු සදා භුවි සුප්රභාතම් ॥ 6 ॥

කේ වා නරා නු සුධියඃ කුධියෝऽධියෝ වා
වාංඡංති නාංතසමයේ ශරණං භවත්යාඃ ।
හේ කෝටි-කෝටි-ජන-මුක්ති-විධාන-දක්ෂේ
ශ්රීකාශිකේ කුරු සදා භුවි සුප්රභාතම් ॥ 7 ॥

යා දේවෛරසුරෛර්මුනීංද්රතනයෛර්ගංධර්ව-යක්ෂෝරගෛඃ
නාගෛර්භූතලවාසිභිර්ද්විජවරෛස්සංසේවිතා සිද්ධයේ ।
යා ගංගෝත්තරවාහිනී-පරිසරේ තීර්ථෛරසංඛ්යෛර්වෘතා
සා කාශී ත්රිපුරාරිරාජ-නගරී දේයාත් සදා මංගලම් ॥ 8 ॥

තීර්ථානාං ප්රවරා මනෝරථකරී සංසාර-පාරාපරා
නංදා-නංදි-ගණේශ්වරෛරුපහිතා දේවෛරශේෂෛඃ-ස්තුතා ।
යා ශංභෝර්මණි-කුංඩලෛක-කණිකා විෂ්ණෝස්තපෝ-දීර්ඝිකා
සේයං ශ්රීමණිකර්ණිකා භගවතී දේයාත් සදා මංගලම් ॥ 9 ॥

අභිනව-බිස-වල්ලී පාද-පද්මස්ය විෂ්ණෝඃ
මදන-මථන-මෞලේර්මාලතී පුෂ්පමාලා ।
ජයති ජය-පතාකා කාප්යසෞ මෝක්ෂලක්ෂ්ම්යාඃ
ක්ෂපිත-කලි-කලංකා ජාහ්නවී නඃ පුනාතු ॥ 10 ॥

ගාංගං වාරි මනෝහාරි මුරාරි-චරණච්යුතම් ।
ත්රිපුරාරි-ශිරශ්චාරි පාපහාරි පුනාතු මාම් ॥ 11 ॥

විඝ්නාවාස-නිවාසකාරණ-මහාගංඩස්ථලාලංබිතඃ
සිංදූරාරුණ-පුංජ-චංද්රකිරණ-ප්රච්ඡාදි-නාගච්ඡවිඃ ।
ශ්රීවිඝ්නේශ්වර-වල්ලභෝ ගිරිජයා සානංදමානංදිතඃ (පාඨභේද විශ්වේශ්වර)
ස්මේරාස්යස්තව ඪුංඪිරාජ-මුදිතෝ දේයාත් සදා මංගලම් ॥ 12 ॥

කංඨේ යස්ය ලසත්කරාල-ගරලං ගංගාජලං මස්තකේ
වාමාංගේ ගිරිරාජරාජ-තනයා ජායා භවානී සතී ।
නංදි-ස්කංද-ගණාධිරාජ-සහිතඃ ශ්රීවිශ්වනාථප්රභුඃ
කාශී-මංදිර-සංස්ථිතෝऽඛිලගුරුඃ දේයාත් සදා මංගලම් ॥ 13 ॥

ශ්රීවිශ්වනාථ කරුණාමෘත-පූර්ණ-සිංධෝ
ශීතාංශු-ඛංඩ-සමලංකෘත-භව්යචූඩ ।
උත්තිෂ්ඨ විශ්වජන-මංගල-සාධනාය
නිත්යං සර්වජගතඃ කුරු සුප්රභාතම් ॥ 14 ॥

ශ්රීවිශ්වනාථ වෘෂභ-ධ්වජ විශ්වවංද්ය
සෘෂ්ටි-ස්ථිති-ප්රලය-කාරක දේවදේව ।
වාචාමගෝචර මහර්ෂි-නුතාංඝ්රි-පද්ම
වාරාණසීපුරපතේ කුරු සුප්රභාතම් ॥ 15 ॥

ශ්රීවිශ්වනාථ භවභංජන දිව්යභාව
ගංගාධර ප්රමථ-වංදිත සුංදරාංග ।
නාගේංද්ර-හාර නත-භක්ත-භයාපහාර
වාරාණසීපුරපතේ කුරු සුප්රභාතම් ॥ 16 ॥

ශ්රීවිශ්වනාථ තව පාදයුගං නමාමි
නිත්යං තවෛව ශිව නාම හෘදා ස්මරාමි ।
වාචං තවෛව යශසාऽනඝ භූෂයාමි
වාරාණසීපුරපතේ කුරු සුප්රභාතම් ॥ 17 ॥

කාශී-නිවාස-මුනි-සේවිත-පාද-පද්ම
ගංගා-ජලෞඝ-පරිෂික්ත-ජටාකලාප ।
අස්යාඛිලස්ය ජගතඃ සචරාචරස්ය
වාරාණසීපුරපතේ කුරු සුප්රභාතම් ॥ 18 ॥

ගංගාධරාද්රිතනයා-ප්රිය ශාංතමූර්තේ
වේදාංත-වේද්ය සකලේශ්වර විශ්වමූර්තේ ।
කූටස්ථ නිත්ය නිඛිලාගම-ගීත-කීර්තේ
වාරාණසීපුරපතේ කුරු සුප්රභාතම් ॥ 19 ॥

විශ්වං සමස්තමිදමද්ය ඝනාංධකාරේ
මෝහාත්මකේ නිපතිතං ජඩතාමුපේතම් ।
භාසා විභාස්ය පරයා තදමෝඝ-ශක්තේ
වාරාණසීපුරපතේ කුරු සුප්රභාතම් ॥ 20 ॥

සූනුඃ සමස්ත-ජන-විඝ්න-විනාශ-දක්ෂෝ
භාර්යාऽන්නදාන-නිරතා-ऽවිරතං ජනේභ්යඃ ।
ඛ්යාතඃ ස්වයං ච ශිවකෘත් සකලාර්ථි-භාජාං
වාරාණසීපුරපතේ කුරු සුප්රභාතම් ॥ 21 ॥

යේ නෝ නමංති න ජපංති න චාමනංති
නෝ වා ලපංති විලපංති නිවේදයංති ।
තේෂාමබෝධ-ශිශු-තුල්ය-ධියාං නරාණාං
වාරාණසීපුරපතේ කුරු සුප්රභාතම් ॥ 22 ॥

ශ්රීකංඨ කංඨ-ධෘත-පන්නග නීලකංඨ
සෝත්කංඨ-භක්ත-නිවහෝපහිතෝප-කංඨ ।
භස්මාංගරාග-පරිශෝභිත-සර්වදේහ
වාරාණසීපුරපතේ කුරු සුප්රභාතම් ॥ 23 ॥

ශ්රීපාර්වතී-හෘදය-වල්ලභ පංච-වක්ත්ර
ශ්රීනීල-කංඨ නෘ-කපාල-කලාප-මාල ।
ශ්රීවිශ්වනාථ මෘදු-පංකජ-මංජු-පාද
වාරාණසීපුරපතේ කුරු සුප්රභාතම් ॥ 24 ॥

දුග්ධ-ප්රවාහ-කමනීය-තරංග-භංගේ
පුණ්ය-ප්රවාහ-පරිපාවිත-භක්ත-සංගේ ।
නිත්යං තපස්වි-ජන-සේවිත-පාද-පද්මේ
ගංගේ ශරණ්ය-ශිවදේ කුරු සුප්රභාතම් ॥ 25 ॥

සානංදමානංද-වනේ වසංතං ආනංද-කංදං හත-පාප-වෘංදම් ।
වාරාණසී-නාථමනාථ-නාථං ශ්රීවිශ්වනාථං ශරණං ප්රපද්යේ ॥ 26 ॥

ඉති ශ්රීකාශීවිශ්වනාථසුප්රභාතං සංපූර්ණම් ।