ශ්රී හයග්රීව සහස්ර නාම ස්තෝත්රම්

॥ ශ්රීඃ ॥
ශුක්ලාංබරධරං විෂ්ණුං ශශිවර්ණං චතුර්භුජං
ප්රසන්නවදනං ධ්යායේත්සර්වවිඝ්නෝපශාංතයේ ।
යස්ය ද්විරදවක්රාද්යාඃ පාරිෂද්යාඃ පරශ්ශතං
විඝ්නං නිඝ්නංති සතතං විෂ්වක්සේනං තමාශ්රයේ . ।

ශ්රීකාශ්යපඃ ।
තාත මේ ශ්රීහයග්රීවනාම්නාං සාහස්රමුත්තමම් ।
අධ්යේතුං ජායතේ කාංක්ෂා තත්ප්රසීද මයි ප්රභෝ ॥ 1 ॥
ඉතිපෘෂ්ටස්තතෝවාච බ්රහ්මා ලෝක පිතාමහඃ ।
ශ්රේයසාමපි ච ශ්රේයඃ කාශ්යපේහ විශාංපතේ ॥ 2 ॥
අමත්යා විහිතං පාපං මූලතෝ හි විනශ්යති ।
රහස්යානාං රහස්යං ච පාවනානාං ච පාවනම් ॥ 3 ॥
ප්රායශ්චිත්තේ කෘතේ තස්ය කර්තාන නිරයී භවේත් ।
කාමතස්තු කෘතේ පාපේ ප්රායශ්චිත්තශතේන ච ॥ 4 ॥
තන්න නශ්යති තත්කර්තා ව්යවහාර්යස්තු ජායතේ ।
ඒවං දුරපනෝදානාං බුද්ධිපූර්වමහාංහසාම් ॥ 5 ॥
ආවර්ජනකරාණාමප්යංතේ නිෂ්කෘතිරීරිතා ।
ප්රණම්ය මානවතයා මංත්රරත්නානුකීර්තනම් ॥ 6 ॥
හංසනාමසහස්රස්යපඨනං ශිරසාන්වහම් ।
ප්රණම්ය භගවද්භක්තපාදෝදක නිෂේවණම් ॥ 7 ॥
තදේතත්ත්ත්රිතයං සර්වපාපසංඝාතනාශනම් ।
ඉතීදං පරමං ගුහ්යං හංසෝ හයශිරාහරිඃ ॥ 8 ॥
වේදෝපදේශසමයේ මාං නිබෝධ්යෝපදිෂ්ටවාන ।
අනේන මංත්රරත්නේන මහාශ්වශිරසෝ හරේඃ ॥ 9 ॥
සහස්රනාමභිස්තුල්යා නිෂ්කෘතිර්නේතරාංහසාම් ।
අනන්යභගවද්භක්තපාදෝදකනිෂේවණම් ॥ 10 ॥
ඒතද්ද්වයෝපදේශාංගමාදෞ ස්වීකාර්යමිෂ්යතේ ।
ඉත්යුක්ත්වාऽනංතගරුඩවිෂ්වක්සේනපදෝදකම් ॥ 11 ॥
ආදෞ මාං ප්රාශයන්නංතේ පරිශෝෂ්යේකෘතාංහසි ।
ආත්මනෝ නාමසාහස්රං සර්ෂිච්ඡංදෝऽධිදෛවතම් ॥ 12 ॥
සන්යාසමුද්රිකාභේදං මහ්යං සාංගමුපාදිශත් ।
යථාවත්තදිදං වත්ස දද්යාං තේ ශෘණු තත්ත්වතඃ ॥ 13 ॥
යත්ප්රාප්යාත්යංතිකී වෘත්ත්යා නිවෘත්ත්යා මෝක්ෂමේෂ්යති ।
හයාස්යනාමසාහස්රස්තෝත්රරාජස්ය වෛභවම් ॥ 14 ॥
ඍෂිශ්ශ්රීමාන් හයග්රීවෝ විද්යාමූර්තිස්ස්වයං හරිඃ ।
දේවතා ච ස ඒවාස්ය ඡංදෝනුෂ්ටුබිති ශ්රුතම් ॥ 15 ॥
හංසෝ හංසෝऽහමිත්යේතේ බීජං ශක්තිස්තුකීලකම් ।
හංසීං හංසෝऽහමිත්යේතේ ප්රාජ්ඤප්යා මනවස්ත්රයඃ ॥ 16 ॥
ඒකෛකස්ය දශාවෘත්තිරිතිසංඛ්යාවිධීයතේ ।
ප්රණවත්රයමංත්රං ස්යාත්කවචං ශ්රීශ්ශ්රියෝ භවේත් ॥ 17 ॥
ශ්රීවිභූෂණ ඉත්යේතද්ධෘදයං පරිකීර්තිතම් ।
පරෝරජාඃ පරං බ්රහ්මේත්යපි යෝනිරුදාහෘතා ॥ 18 ॥
විද්යාමූර්තිරිති ධ්යානං විශ්වාත්මේති ච ගද්යතේ ।
විශ්වමංගලනාම්නෝऽස්ය විනියෝගෝ යථාරුචි ॥ 19 ॥
භ්රූනේත්රාශ්රෝත්රනාසාහන්වෝෂ්ඨතාලූරදේ ක්රමාත් ।
ෂෝඩශස්වරවින්යාසෝ දක්ෂිණාරංභමිෂ්යතේ ॥ 20 ॥
ජිහ්වාතලේऽපි තන්මූලේ ස්වරාවංත්යෞ ච වින්යසේත් ।
තදා තාලුද්වයන්යාසසඛායෝස්තු පරිත්යජේත් ॥ 21 ॥
අයං හි විද්යාකාමානාමාද්යස්ත්වන්ය ඵලෛෂිණාම් ।
දෝඃපත්සක්ථ්යංගුලීශීර්ෂේ වර්ගාන්කචටතාන්න්යසේත් ॥ 22 ॥
පාර්ශ්වයෝස්තු වඵෞ පෘෂ්ටෝදරයෝස්තු බභෞ න්යසේත් ।
මකාරං හෘදයේ න්යස්ය ජීවේ වා පංචවිංශකේ ॥ 23 ॥
නාභිපායූදරේ ගුහ්යේ යරලවාන්විනික්ෂිපේත් ।
ශෂෞ කුංඩලයෝශ්ශීර්ෂං හාරේ ච කටිසූත්රකේ ॥ 24 ॥
සහෞ හෘදබ්ජේ හර්දේ ච ලමාපාදශිඛේ න්යසේත් ।
ක්ෂංච ශීර්ෂාදි පාදාංතං මාතෘකාන්යාස ඒෂ තු ॥ 25 ॥

අස්ය ශ්රීහයග්රීවසහස්රනාම ස්තෝත්රමහාමංත්රස්ය ශ්රීහයග්රීව ඍෂිඃ ।
අනුෂ්ටුප් ඡංදඃ . ශ්රීහයග්රීව පරමාත්මා දේවතා . හංස ඉති බීජම් ।
හංසෝහමිති ශක්තිඃ . හංසාං හංසීමිති කීලකම් . ඕං ඕං ඕමිත්යස්ත්රම් ।
ශ්රීඃ ශ්රියඃ ඉති කවචම් . ශ්රීවිභූෂණ ඉති හෘදයම් ।
පරෝරජාඃ පරං බ්රහ්මේති යෝනිඃ . විද්යාමූර්තිර්විශ්වාත්මා ඉති ධ්යානම් ।

හංසාමංගුෂ්ඨාභ්යාං නමඃ . හංසීං තර්ජනීභ්යාං නමඃ ।
හංසූං මධ්යමාභ්යාං නමඃ . හංසෝං අනාමිකාභ්යාං නමඃ ।
හංසෞං කනිෂ්ඨිකාභ්යාං නමඃ . හංසඃ කරතලකරපෘෂ්ඨාභ්යාං නමඃ ।
ඒවං හෘදයාදින්යාසඃ . ।

හංසාං ජ්ඤානාය හෘදයාය නමඃ . හංසීං ඓශ්වර්යාය ශිරසේ ස්වාහා ।
හංසූං ශක්තයෛ ශිඛායෛ වෂට් . හංසෝං බලාය කවචාය හුම් ।
හංසෞං තේජසේ නේත්රාභ්යාං වෞෂට් ।
හංසඃ වීර්යායාස්ත්රාය ඵට් ඕමිති දිග්බංධඃ . ।

අථ මාතෘකාන්යාසඃ ।
ඕං අං ආං භ්රුවෝඃ . ඉං ඊං නේත්රයෝඃ . උං ඌං ශ්රෝත්රයෝඃ . ඍං ॠං නාසිකයෝඃ ।
ලෘං ලॄං කපෝලයෝඃ . ඒං ඓං ඕෂ්ඨයෝඃ . ඕං ඕං දංතපංක්ත්යෝඃ ।
අං ජිහ්වාතලේ . අඃ ජිහ්වාමූලේ ।
කවර්ගං දක්ෂිණේ බාහූමූලේ කූර්පරේ මණිබංධේ කරතලේ හස්තාග්රේ ।
චවර්ගං වාමේ බාහූමූලේ කූර්පරේ මණිබංධේ කරතලේ හස්තාග්රේ ।
ටවර්ගං දක්ෂිණේ පාදමූලේ ජානුනි පාදපාර්ෂ්ණෞ පාදතලේ පාදාග්රේ ।
තවර්ගං වාමේ පාදමූලේ ජානුනි පාදපාර්ෂ්ණෞ පාදතලේ පාදාග්රේ ।
පඵෞ පාර්ශ්වයෝඃ . බභෞ පෘෂ්ඨෝදරයෝඃ . මං හෘදි ।
යං රං ලං වං නාභෞ පායෞ උදරේ ගුහ්යේ . ශෂෞ හස්තයෝඃ ।
සහෞ ශීර්ෂේ කට්යාම් . ලක්ෂෞ හෘදබ්ජේ හාර්දේ උති මාතෘකාන්යාසඃ . ।

අථ ධ්යානම් . ।
විද්යාමූර්තිමඛංඩචංද්රවලයශ්වේතාරවිංදස්ථිතං
හෘද්යාභං ස්ඵටිකාද්රිනිර්මලතනුං විද්යෝතමානංශ්රියා ।
වාමාංකස්ථිතවල්ලභාං ප්රති සදාව්යාඛ්යාංතමාම්නායවා-
ගර්ථානාදිමපූරුෂං හයමුඛං ධ්යායාමි හංසාත්මකම් ॥ 1 ॥
විශ්වාත්මා විශදප්රභාප්රතිලසද්වාග්දේවතාමංඩලෝ
දේවෝ දක්ෂිණපාණියුග්මවිලසද්බෝධාංකචක්රායුධඃ ।
වාමෝදග්රකරේ දරං තදිතරේණාශ්ලිෂ්ය දෝෂ්ණා රමාං
හස්තාග්රේ ධෘතපුස්තකස්ස දයතාං හංසෝ හිරණ්යච්ඡදඃ ॥ 2 ॥

අථ සහස්රනාමස්තෝත්රප්රාරංභඃ ।
ඕං – ශ්රීං හංසෝ හමෛ මෝං ක්ලීං ශ්රීශ්ශ්රියශ්ශ්රීවිභූෂණඃ ।
පරෝරජාඃ පරං බ්රහ්ම භූර්භුවස්සුවරාදිමඃ ॥ 1 ॥
භාස්වාන්භගශ්ච භගවාන්ස්වස්තිස්වාහා නමස්ස්වධා ।
ශ්රෞෂඩ්වෞෂඪලං හුං ඵට් හුං හ්රීං ක්රෝං හ්ලෞං යථා තථා ॥ 2 ॥
කර්කග්රීවඃ කලානාථඃ කාමදඃ කරුණාකරඃ ।
කමලාධ්යුෂිතෝත්සංගඃ ක්ෂයේ කාලීවශානුගඃ ॥ 3 ॥
නිෂච්ඡෝපනිෂච්චාථ නීචෛරුච්චෛස්සමං සහ ।
ශශ්වද්යුගපදහ්වාය ශනෛරේකෝ බහුධ්රුවඃ ॥ 4 ॥
භූතභෘද්භූරිදස්සාක්ෂී භූතාදිඃ පුණ්යකීර්තනඃ ।
භූමා භූමිරධෝන්නද්ධඃ පුරුහූතඃ පුරුෂ්ටුතඃ ॥ 5 ॥
ප්රඵුල්ලපුංඩරීකාක්ෂඃ පරමේෂ්ඨී ප්රභාවනඃ ।
ප්රභුර්භගඃසතාං බංධුර්භයධ්වංසී භවාපනඃ ॥ 6 ॥
උද්යන්නුරුශයාහුං කෘදුරුගාය උරුක්රමඃ ।
උදාරස්ත්රියුගස්ත්ර්යාත්මා නිදානං නලයෝ හරිඃ ॥ 7 ॥
හිරණ්යගර්භෝ හේමාංගෝ හිරණ්යශ්මශ්රුරීශිතා ।
හිරණ්යකේශෝ හිමහා හේමවාසා හිතෛෂණඃ ॥ 8 ॥
ආදිත්යමංඩලාංතස්ථෝ මෝදමානස්සමූහනඃ ।
සර්වාත්මා ජගදාධාරස්සන්නිධිස්සාරවාන්ස්වභූඃ ॥ 9 ॥
ගෝපතිර්ගෝහිතෝ ගෝමී කේශවඃ කින්නරේශ්වරඃ ।
මායී මායාවිකෘතිකෘන්මහේශානෝ මහාමහාඃ ॥ 10 ॥
මමා මිමී මුමූ මෘමॄං ම්ලුම්ලූං මේමෛං තථෛව ච ।
මෝමෞං බිංදුර්විසර්ගශ්ච හ්රස්වෝදීර්ඝඃ ප්ලුතස්ස්වරඃ ॥ 11 ॥
උදාත්තශ්චානුදාත්තශ්ච ස්වරිතඃ ප්රචයස්තථා ।
කං ඛං ගං ඝං ංඅං ච චං ඡං ජං ඣං ඤං ටං ඨමේව ච ॥ 12 ॥
ඩං ඪං ණං තං ථං ච දං ච ධං නං පං ඵං බමේව ච
භං මං යං රං ලං ච වං ච ශං ෂං සං හං ලමේව ච ॥ 13 ॥
ක්ෂං යමෝං ව්යංජනෝ ජිහ්වාමූලීයෝऽර්ධවිසර්ගවාන් ।
උපධ්මානීය ඉති ච සංයුක්තාක්ෂර ඒව ච ॥ 14 ॥
පදං ක්රියා කාරකශ්ච නිපාතෝ ගතිරව්යයඃ ।
සන්නිධිර්යෝග්යතාऽකාංක්ෂා පරස්පරසමන්වයඃ ॥ 15 ॥
වාක්යං පද්යං සංප්රදායෝ භාවශ්ශබ්දාර්ථලාලිතඃ ।
ව්යංජනා ලක්ෂණා ශක්තිඃ පාකෝ රීතිරලංකෘතිඃ ॥ 16 ॥
ශය්යා ඵ්රෞඪධ්වනිස්තද්වත්කාව්යං සර්ගඃ ක්රියා රුචිඃ ।
නානාරූපප්රබංධශ්ච යශඃ පුණ්යං මහද්ධනම් ॥ 17 ॥
ව්යවහාරපරිජ්ඤානං ශිවේතරපරික්ෂයඃ ।
සදඃ පරමනිර්වාණං ප්රියපථ්යෝපදේශකඃ ॥ 18 ॥
සංස්කාරඃ ප්රතිභා ශික්ෂා ග්රහණං ධාරණං ශ්රමඃ ।
ආසුතාස්වාදිමා චිත්රං විස්තාරශ්චිත්රසංවිධිඃ ॥ 19 ॥
පුරාණමිතිහාසශ්ච ස්මෘතිසූත්රං ච සංහිතා ।
ආචාර ආත්මනා තුෂ්ටිරාචාර්යාජ්ඤානතික්රමඃ ॥ 20 ॥
ශ්රීමාන්ශ්රීගීඃශ්රියඃ කාංතශ්ශ්රීනිධිශ්ශ්රීනිකේතනඃ ।
ශ්රේයාන්හයානනශ්රීදශ්ශ්රීමයශ්ශ්රිතවත්සලඃ ॥ 21 ॥
හංසශ්ශුචිෂදාදිත්යෝ වසුශ්චංද්රෝऽංතරික්ෂසත් ।
හෝතා ච වේදිෂද්යෝනිරතිථිර්ද්රෝණසද්ධවිඃ ॥ 22 ॥
නෘෂන්මෘත්යුශ්ච වරසදමෘතං චර්තසද්වෘෂඃ ।
ව්යෝමසද්විවිධස්කෝටශබ්දාර්ථව්යංග්යවෛභවඃ ॥ 23 ॥
අබ්ජා රසස්වාදුතමෝ ගෝජා ගේයෝ මනෝහරඃ ।
ඍතජාස්සකලං භද්රමද්රිජාස්ථෛර්යමුත්තමම් ॥ 24 ॥
ඍතං සමජ්ඤාත්වනෘතං බෘහත්සූක්ෂ්මවශානුගඃ ।
සත්යං ජ්ඤානමනංතං යත්තත්සද්බ්රහ්මමයෝऽච්යුතඃ ॥ 25 ॥
අග්රේභවන්නගෝ නිත්යඃ පරමඃ පුරුෂෝත්තමඃ ।
යෝගනිද්රාපරස්ස්වාමී නිධ්යානවරනිර්වෘනඃ ॥ 26 ॥
රසෝ රස්යෝ රසයිතා රසවාන් රසිකප්රියඃ ।
ආනංදෝ නංදයන්සර්වානානංදී හයකංධරඃ ॥ 27 ॥
කාලඃ කාල්යශ්ච කාලාත්මා කාලාභ්යුත්ථිතජාගරඃ ।
කලාසාචිව්යකෘත්කාංතාකථිතව්යාධිකාර්යකඃ ॥ 28 ॥
දෘංන්යංචනෝදංචනෝද්යල්ලයසර්ගෝ ලඝුක්රියඃ ।
විද්යාසහායෝ වාගීශෝ මාතෘකාමංඩලීකුතඃ ॥ 29 ॥
හිරණ්යං හංසමිථුනමීශානශ්ශක්තිමාන් ජයී ।
ග්රහමේථී ගුණී ශ්රීභූනීලාලීලෛකලාලස ॥ 30 ॥
අංකේනෝදූහ්ය වාග්දේවීමාචාර්යකමුපාශ්රයඃ ।
වේදවේදාංතශාස්ත්රාර්ථතත්ත්වව්යාඛ්යානතත්පරඃ ॥ 31 ॥
ල්හෞං හ්ලං හං හං හයෝ හං සූං හංසාං හංසීං හසූං හසෞම් ।
හසූං හං හරිණෝ හාරී හරිකේශෝ හරේඩිතඃ ॥ 32 ॥
සනාතනෝ නිර්බීජස්සන්නව්යක්තෝ හෘදයේශයඃ ।
අක්ෂරඃ ක්ෂරජීවේශඃ ක්ෂමී ක්ෂයකරෝऽච්යුතඃ ॥ 33 ॥
කර්තාකාරයිතාऽකාර්යං කාරණං ප්රකෘතිඃ කෘතිඃ ।
ක්ෂයක්ෂයමනාමාර්ථෝ විෂ්ණුර්ජිෂ්ණුර්ජගන්මයඃ ॥ 34 ॥
සංකුචන්විකචන්ස්ථාණුනිර්විකාරෝ නිරාමයඃ ।
ශුද්ධෝ බුද්ධඃ ප්රබුද්ධශ්ච ස්නිග්ධෝ මුග්ධස්සමුද්ධතඃ ॥ 35 ॥
සංකල්පදෝ බහුභවත්සර්වාත්මා සර්වනාමභෘත් ।
සහස්රශීර්ෂස්සර්වජ්ඤස්සහස්රාක්ෂස්සහස්රපාත් ॥ 36 ॥
ව්යක්තෝවිරාට්ස්වරාට්සම්රාඩ්විෂ්වග්රූපවපුර්විධුඃ ।
මායාවී පරමානංදෝ මාන්යෝ මායාතිගෝ මහාන් ॥ 37 ॥
වටපත්රශයෝ බාලෝ ලලන්නාම්නායසූචකඃ ।
මුඛන්යස්තකරග්රස්තපාදාග්රපටලඃ ප්රභුඃ ॥ 38 ॥
නෛද්රීහාසාශ්වසංභූතජ්ඤාජ්ඤසාත්විකතාමසඃ ।
මහාර්ණවාංබුපර්යංකඃ පද්මනාභඃ පරාත්පරඃ ॥ 39 ॥
බ්රහ්මභූර්බ්රහ්මභයහෘද්ධරිරෝමුපදේශකෘත් ।
මධුකෛටභනිර්මාතා මත්තබ්රහ්මමදාපහඃ ॥ 40 ॥
වේධෝවිලාසවාගානිර්දයාසාරෝ මෘෂාර්ථදඃ ।
නාරායණාස්ත්රනිර්මාතාමධුකෛටභමර්දනඃ ॥ 41 ॥
වේදකර්තා වේදභර්තා වේදහර්තා විදාංවරඃ ।
පුංඛානුපුංඛහේෂාඪ්යඃ පූර්ණෂාඩ්ගුණ්යවිග්රහඃ ॥ 42 ॥
ලාලාමෘතකණව්යාජවාංතනිර්දෝෂවර්ණකඃ ।
උල්ලෝලස්වානධීරෝද්යදුච්චෛර්හලහලධ්වනිඃ ॥ 43 ॥
කර්ණාදාරභ්ය කල්ක්යාත්මා කවිඃ ක්ෂීරාර්ණවෝපමඃ ।
ශංඛ චක්රගදී ඛඩ්ගී ශාරංගී නිර්භයමුද්රකඃ ॥ 44 ॥
චින්මුද්රාචිහ්නිතෝ හස්තතලවින්යස්තපුස්තකඃ ।
විද්යානාම්නීං ශ්රියං ශිෂ්යාං වේදයන්නිජවෛභවම් ॥ 45 ॥
අෂ්ටාර්ණ්යම්යෝऽෂ්ටභුජෝව්යෂ්ටිසෘෂ්ටිකරඃ පිතා ।
අෂ්ටෛශ්වර්යප්රදෝහෘෂ්යදෂ්ටමූර්තිපිතෘස්තුතඃ ॥ 46 ॥
අනීතවේදපුරුෂෝ විධිවේදෝපදේශකෘත් ।
වේදවේදාංගවේදාංතපුරාණස්මෘතිමූර්තිමාන් ॥ 47 ॥
සර්වකර්මසමාරාධ්යස්සර්වවේදමයෝ විභුඃ ।
සර්වාර්ථතත්ත්වව්යාඛ්යාතා චතුෂ්ෂෂ්ටිකලාධිපඃ ॥ 48 ॥
ශුභයුක්සුමුඛශ්ශුද්ධස්සුරූපස්සුගතස්සුධීඃ ।
සුව්රතිස්සංහෘතිශ්ශූරස්සුතපාඃ සුෂ්ටුතිස්සුහෘත් ॥ 49 ॥
සුංදරස්සුභගස්සෞම්යස්සුඛදස්සුහෘදාං ප්රියඃ ।
සුචරිත්රස්සුඛතරශ්ශුද්ධසත්වප්රදායකඃ ॥ 50 ॥
රජස්තමෝහරෝ වීරෝවිශ්වරක්ෂාධුරංධරඃ ।
නරනාරායණාකෘත්යා ගුරුශිෂ්යත්වමාස්ථිතඃ ॥ 51 ॥
පරාවරාත්මා ප්රබලඃ පාවනඃ පාපනාශනඃ ।
දයාඝනඃ ක්ෂමාසාරෝ වාත්සල්යෛකවිභූෂණඃ ॥ 52 ॥
ආදිකූර්මෝ ජගද්භර්තා මහාපෝත්රී මහීධරඃ ।
ස්තද්භිත්ස්වාමී හරිර්යක්ෂෝ හිරණ්යරිපුරෛච්ඡිකඃ ॥ 53 ॥
ප්රහ්ලාදපාලකස්සර්වභයහර්තා ප්රියංවදඃ ।
ශ්රීමුඛාලෝකනස්රංසත්ක්රෞංචකඃ කුහකාංචනඃ ॥ 54 ॥
ඡත්රී කමංඩලුධරෝ වාමනෝ වදතාං වරඃ ।
පිශුනාත්මා ශනෝදෘෂ්ටිලෝපනෝ බලිමර්දනඃ ॥ 55 ॥
උරුක්තමෝ බලිශිරෝන්යස්තාංඝ්රිර්බලිමර්දනඃ ।
ජාමදග්න්යඃ පරශුභෘත්කෘත්තක්ෂත්ත්රකුලෝත්තමඃ ॥ 56 ॥
රාමෝऽභිරාමශ්ශාංතාත්මා හරකෝදංඩඛංඩනඃ ।
ශරණාගතසංත්රාතා සර්වායෝධ්යකමුක්තිදඃ ॥ 57 ॥
සංකර්ෂණෝමදෝදග්රෝ බලවාන්මුසලායුධඃ ।
කෘෂ්ණාක්ලේශහරඃ කෘෂ්ණෝ මහාව්යසනශාංතිදඃ ॥ 58 ॥
අංගාරිතෝත්තරාගර්භප්රාණදඃ පාර්ථසාරථිඃ ।
ගීතාචාර්යෝ ධරාභාරහාරී ෂට්පුරමර්දනඃ ॥ 59 ॥
කල්කී විෂ්ණුයශස්සූනුඃ කලිකාලුෂ්යනාශනඃ ।
සාධුදුෂ්කෘත්පරිත්රාණවිනාශවිහිතෝදයඃ ॥ 60 ॥
වෛකුංඨේ පරමේ තිෂ්ඨන් සුකුමාරයුවාකෘතිඃ ।
විශ්වෝදයස්ථිතිධ්වංසසංකල්පේන ස්වයං ප්රභුඃ ॥ 61 ॥
මදනානාං ච මදනෝ මණිකෝටීරමානිතඃ ।
මංදාරමාලිකාපීඩෝ මණිකුංඩලමංඩිතඃ ॥ 62 ॥
සුස්නිග්ධනීලකුටිලකුංතලඃ කෝමලාකෘතිඃ ।
සුලලාටස්ස්තුතිලකස්සුභ්රූකස්සුකපෝලකඃ ॥ 63 ॥
සිද්ධාසදසදාලෝකසුධාස්යංදීරදච්ඡදඃ ।
තාරකාකෝරකාකාරවිනිර්මිතරදච්ඡදඃ ॥ 64 ॥
සුධාවර්තිපරිස්ඵූර්තිශෝභමානරදච්ඡදඃ ।
විෂ්ටබ්ධෝවිපුලග්රීවෝනිභෘතෝච්චෛශ්ශ්රවස්ථිතිඃ ॥ 65 ॥
සමාවෘත්තාවදාතෝරුමුක්තාප්රාලංබභූෂණඃ ।
රත්නාංගදී වජ්රනිෂ්කී නීලරත්නාංකකංකණඃ ॥ 66 ॥
හරින්මණිගණාබද්ධශෘංඛලාකංකණෝර්මිකඃ ।
සිතෝපවීතසංශ්ලිෂ්යත්පද්මාක්ෂමණිමාලිකඃ ॥ 67 ॥
ශ්රීචූර්ණවද්ද්වාදශෝර්ධ්වපුංඩ්රරේඛාපරිෂ්කෘතඃ ।
පට්ටතංතුග්රථනවත්පවිත්රනරශෝභිතඃ ॥ 68 ॥
පීනවක්ෂාමහාස්කංධෝ විපුලෝරුකටීතටඃ ।
කෞස්තුභී වනමාලී ච කාංත්යාචංද්රායුතෝපමඃ ॥ 69 ॥
මංදාරමාලිකාමෝදී මංජුවාගමලච්ඡවිඃ ।
දිව්යගංධෝ දිව්යරසෝ දිව්යතේජා දිවස්පතිඃ ॥ 70 ॥
වාචාලෝ වාක්පතිර්වක්තා ව්යාඛ්යාතා වාදිනාං ප්රියඃ ।
භක්තහෘන්මධුරෝ වාදිජිහ්වාභද්රානනස්ථිතිඃ ॥ 71 ॥
ස්මෘතිසන්නිහිතස්ස්නිග්ධස්සිද්ධිදසිද්ධිසන්නුතඃ ।
මූලකංදෝමුකුංදෝග්ලෞස්ස්වයංභූශංභුරෛංදවඃ ॥ 72 ॥
ඉෂ්ටෝ මනුර්යමඃ කාලකාල්යඃ කංබුකලානිධිඃ ।
කල්යඃ කාමයිතා භීමඃ කාතර්යහරණඃ කෘතිඃ ॥ 73 ॥
සංප්රියඃ පක්කණස්තර්කචර්චානිර්ධාරණාදයඃ ।
ව්යතිරේකෝ විවේකශ්ච ප්රවේකඃ ප්රක්රමඃ ක්රමඃ ॥ 74 ॥
ප්රමාණ ප්රතිභූඃ ප්රාජ්ඤඃ ප්රජ්ඤාපත්ථ්යාචධාරණඃ ।
විධිර්විධාතා ව්යවධිරුද්භවඃ ප්රභවස්ථිතිඃ ॥ 75 ॥
විෂයස්සංශයඃ පූර්වඃ පක්ෂඃ කක්ෂ්යෝපපාදකඃ ।
රාද්ධාංතෝ විහිතෝ න්යායඵලනිෂ්පත්තිරුද්භවඃ ॥ 76 ॥
නානාරූපාණි තංත්රාණි ව්යවහාර්යෝ ව්යවස්ථිතිඃ ।
සර්වසාධාරණෝ දේවස්සාධ්වසාධුහිතේ රතඃ ॥ 77 ॥
සංධා සනාතනෝ ධර්මෝ ධර්මෛරර්ච්යා මහාත්මභිඃ ।
ඡංදෝමයස්ත්රිධාමාත්මා ස්වච්ඡංදශ්ඡාංදසේඩිතඃ ॥ 78 ॥
යජ්ඤෝ යජ්ඤාත්මකෝ යෂ්ටා යජ්ඤාංගෝऽපඝනෝහවිඃ ।
සමිදාජ්යං පුරෝඩාශශ්ශාලා ස්ථාලී ස්රුවස්ස්රුචා ॥ 79 ॥
ප්රාග්වංශෝ දේවයජනඃ පරිධිශ්ච පරිස්තරඃ ।
වේදිර්විහරණං ත්රේතා පශුඃ පාශශ්ච සංස්කෘතිඃ ॥ 80 ॥
විධිර්මංත්රෝऽර්ථවාදශ්ච ද්රව්යමංගං ච දෛවතම් ।
ස්තෝත්රං ශස්ත්රං සාම ගීතිරුද්ගීථස්සර්වසාධනම් ॥ 81 ॥
යාජ්යා පුරෝනුකාව්යා ච සාමිධේනී සමූහනම් ।
ප්රයෝක්තාරඃ ප්රයෝගශ්ච ප්රපංචඃ ප්රාශුභා ශ්රමඃ ॥ 82 ॥
ශ්රද්ධා ප්රධ්වංසනා තුෂ්ටිඃ පුෂ්ටිඃ පුණ්යං ප්රතිර්භවඃ ।
සදස්සදස්යසංපාතඃ ප්රශ්නඃ ප්රතිවචස්ථිතිඃ ॥ 83 ॥
ප්රායශ්චිත්තං පරිෂ්කාරෝ ධෘතිර්නිර්වහණං ඵලම් ।
නියෝගෝ භාවනා භාව්යං හිරණ්යං දක්ෂිණා නුතිඃ ॥ 84 ॥
ආශීරභ්යුපපත්තිශ්ච තෘප්තිස්ස්වං ශර්ම කේවලම ।
පුණ්යක්ෂයඃ පුනඃ පාතභයං ශික්ෂාශුගර්දනඃ ॥ 85 ॥
කාර්පණ්යං යාතනාං චිංතා නිර්වේදශ්ච විහස්තතා ।
දේහභෘත්කර්මසංපාතඃ කිංචිත්කර්මානුකූලකඃ ॥ 86 ॥
අහේතුකතයා ප්රේම සාම්මුඛ්යං චාප්යනුග්රහඃ ।
ශුචිශ්ශ්රීමත්කුලජනෝ නේතා සත්ත්වාභිමානවාන් ॥ 87 ॥
අංතරායහරඃ පිත්රෝරදුෂ්ටාහාරදායකඃ ।
ශුද්ධාහාරානුරූපාංගපරිණාමවිධායකඃ ॥ 88 ॥
ස්රාවපාතාදිවිපදාං පරිහර්තා පරායණඃ ।
ශිරඃපාණ්යාදිසංධාතා ක්ෂේමකෘත්ප්රාණදඃ ප්රභු ॥ 89 ॥
අනිර්ඝෘණශ්චාවිෂමශ්ශක්තිත්රිතයදායකඃ ।
ස්වේච්ඡාප්රසංගසංපත්තිව්යාජහර්ෂවිශේෂවාන් ॥ 90 ॥
සංවිත්සංධායකස්සර්වජන්මක්ලේශස්මෘතිප්රදඃ ।
විවකේශෝකවෛරාග්යභවභීතිවිධායකඃ ॥ 91 ॥
ගර්භස්යාප්යනුකූලාදිනාසාංතාධ්යවසායදඃ ।
ශුභවෛජනනෝපේතසදනේහෝජනිප්රදඃ ॥ 92 ॥
උත්තමායුඃප්රදෝ බ්රහ්මනිෂ්ඨානුග්රහකාරකඃ ।
ස්වදාසජනනිස්තීර්ණතද්වංශජපරංපරඃ ॥ 93 ॥
ශ්රීවෛෂ්ණවෝත්පාදකෘතස්වස්තිකාවනිමංඩලඃ ।
අධර්වණෝක්තෛකශතමෘත්යුදූරක්රියාපරඃ ॥ 94 ॥
දයාද්යෂ්ටගුණාධාතා තත්තත්සංස්කෘතිසාධකඃ ।
මේධාවිධාතා ශ්රද්ධාකෘත් සෞස්ථ්යදෝ ජාමිතාහරඃ ॥ 95 ॥
විඝ්නනුද්විජයී ධාතා දේශකාලානුකූල්යකෘත් ।
විනේතා සත්පථානේතා දෝෂහෘච්ඡුභදස්සඛා ॥ 96 ॥
හ්රීදෝ භීදෝ රුචිකරෝ විශ්වෝ විශ්වහිතේ රතඃ ।
ප්රමාදහෘත්ප්රාප්තකාරී ප්රද්යුම්නෝ බලවත්තරඃ ॥ 97 ॥
සාංගවේදසමායෝක්තා සර්වශාස්ත්රාර්ථවිත්තිදඃ ।
බ්රහ්මචර්යාංතරායඝ්නඃ ප්රියකෘද්ධිතකෘත්පරඃ ॥ 98 ॥
චිත්තශුද්ධිප්රදශ්ඡින්නාක්ෂචාපල්යඃ ක්ෂමාවහඃ ।
ඉංද්රියාර්ථාරතිච්ඡේත්තා විද්යෛකව්යසනාවහඃ ॥ 99 ॥
ආත්මානුකූල්යරුචිකෘදඛිලාර්තිවිනාශකඃ ।
තිතීර්ෂුහෘත්ත්වරාවේදී ගුරුසද්භක්තිතේජසඃ ॥ 100 ॥
ගුරුසංබංධඝටකෝ ගුරුවිශ්වාසවර්ධනඃ ।
ගුරූපාසනසංධාතා ගුරුප්රේමප්රවර්ධනඃ ॥ 101 ॥
ආචාර්යාභිමතෛර්යෝක්තා පංචසංස්කෘතිභාවනඃ ।
ගුරූක්තවෘත්තිනෛශ්චල්යසංධාතාऽවහිතස්ථිතිඃ ॥ 102 ॥
ආපන්නාඛිලරක්ෂාර්ථමාචාර්යකමුපාශ්රිතඃ ।
ශාස්ත්රපාණිප්රදානේන භවමග්නාන්සමුද්ධරන් ॥ 103 ॥
පාංචකාලිකධර්මේෂු නෛශ්චල්යං ප්රතිපාදයන් ।
ස්වදාසාරාධනාද්යර්ථශුද්ධද්රව්යප්රදායකඃ ॥ 104 ॥
න්යාසවිද්යාවිනිර්වෝඪා න්යස්තාත්මභරරක්ෂකඃ ।
ස්වකෛංකර්යෛකරුචිදස්ස්වදාස්යප්රේමවර්ධනඃ ॥ 105 ॥
ආචාර්යාර්ථාඛිලද්රව්යසංභෘත්යර්පණරෝචකඃ ।
ආචාර්යස්ය ස්වසච්ඡිෂ්යෝජ්ජීවනෛකරුචිප්රදඃ ॥ 106 ॥
ආගත්යයෝජයනාසහිතෛකකෘතිජාගරඃ ।
බ්රහ්මවිද්යාසමාස්වාදසුහිතඃ කෘතිසංස්කෘතිඃ ॥ 107 ॥
සත්කාරේ විෂධීදාතා තරුණ්යාං ශවබුද්ධිදඃ ।
සභාංප්රත්යායයන්ව්යාලීං සර්වත්ර සමබුද්ධිදඃ ॥ 108 ॥
සංභාවිතාශේෂදෝෂහෘත්පුනර්න්යාසරෝචකඃ ।
මහාවිශ්වාසසංධාතා ස්ථෛර්යදාතා මදාපහඃ ॥ 109 ॥
නාදව්යාඛ්යාස්වසිද්ධාංතරක්ෂාහේතුස්වමංත්රදඃ ।
ස්වමංත්රජපසංසිද්ධිජංඝාලකවිතෝදයඃ ॥ 110 ॥
අදුෂ්ටගුණවත්කාව්යබංධව්යාමුග්ධචේතනඃ ।
ව්යංග්යප්රධානරසවද්ගද්යපද්යාදිනිර්මිතිඃ ॥ 111 ॥
ස්වභක්තස්තුතිසංතුෂ්ටෝ භූයෝභක්තිප්රදායකඃ ।
සාත්විකත්යාගසංපන්නසත්කර්මකෘදතිප්රියඃ ॥ 112 ॥
නිරංතරානුස්මරණනිජදාසෛවාදාස්යකෘත් ।
නිෂ්කාමවත්සලෝ නෛච්යභාවනේෂු විනිර්විශන් ॥ 113 ॥
සර්වභූතභවද්භාවං සංපශ්යත්සුසදාස්ථිතඃ ।
කරණත්රයසාරූප්යකල්යාණපතිසාදරඃ ॥ 114 ॥
කදා කදේති කෛංකර්යකාමිනාං ශේෂිතාංභජන ।
පරව්යූහාදිනිර්දෝෂශුභාශ්රයපරිග්රහඃ ॥ 115 ॥
චංද්රමංඩලමධ්යස්ය ශ්වේතාංභෝරුහවිෂ්ටරඃ ।
ජ්යෝත්ස්නායමානාංගරුචිනිර්ධූතාංතර්බහිස්තමාඃ ॥ 116 ॥
භාව්යෝ භාවයිතා භද්රං පාරිජාතවනාලයඃ ।
ක්ෂීරාබ්ධිමධ්යමද්වීපපාලකඃ ප්රපිතාමහඃ ॥ 117 ॥
නිරංතරනමෝවාකශුද්ධයාජිහදාශ්රයඃ ।
මුක්තිදශ්වේතමෘද්රූපශ්වේතද්වීපවිභාවනඃ ॥ 118 ॥
ගරුඩාහාරිතශ්වේතමෘත්පූතයදුභූධරඃ ।
භද්රාශ්වවර්ෂනිලයෝ භයහාරී ශුභාශ්රයඃ ॥ 119 ॥
භද්රශ්රීවත්සහාරාඪ්යඃ පංචරාත්රප්රවර්තකඃ ।
භක්තාත්මභාවභවනෝ හාර්දෝऽංගුෂ්ඨප්රමාණවාන් ॥ 120 ॥
ස්වදාසසත්කෘතාකෘත්යේ තන්මිත්රාරිෂු යෝජයන් ।
ප්රාණානුත්ක්රාමයන්නූරීකෘතප්රාරබ්ධලෝපනඃ ॥ 121 ॥
ලධ්ව්යෛව ශික්ෂයාපාපමශේෂමපි නිර්ණුදන් ।
ත්රිස්ථූණක්ෂෝභතෝ භූතසූක්ෂ්ම්යෛස්සූක්ෂ්මවපුස්සෘජන් ॥ 122 ॥
නිරංකුශකෘපාපූරෝ නිත්යකල්යාණකාරකඃ ।
මූර්ධන්යනාඩ්යා ස්වාංදාසාන්බ්රහ්මරංධ්රාදුදංචයන් ॥ 123 ॥
උපාසනපරාන්සර්වාන් ප්රාරබ්ධමනුභාවයන් ।
සර්වප්රාරබ්ධදේහාංතේऽප්යංතිමස්මරණං දිශන් ॥ 124 ॥
ප්රපේයුෂාං භේජුෂාං ච යමදෘෂ්ටිමභාවයන් ।
දිව්යදේහප්රදස්සූර්යං ද්වාරයන්මෝක්ෂමේයුෂාම් ॥ 125 ॥
ආතිවාහිකසත්කාරානධ්වන්යාපාද්ය මානයන් ।
සාර්වාන්ක්රතුභුජශ්ශශ්වත්ප්රාභෘතානි ප්රදාපයන් ॥ 126 ॥
දුරංතමායාකාංතාරං ද්රුතං යෝගේන් ලංඝයන් ।
ස්ඵායත්සුදර්ශවිවිධවීථ්යංතේනාධ්වනා නයන් ॥ 127 ॥
සීමාංතසිංධුවිරජාං යෝගේනෝත්තාරයන්වශී ।
අමානවස්ය දේවස්ය කරං ශිරසි ධාරයන් ॥ 128 ॥
අනාදිවාසනාං ධූන්වන් වෛකුංඨාප්ත්යා සලෝකයන් ।
අහේයමංගලෝදාරතනුදානාත්සරූපයන ॥ 129 ॥
සූරිජුෂ්ටං සුඛෛකාංතං පරමං පදමාපයන් ।
අරාරණ්යාමෘතාංභෝධී දර්ශයන් ශ්රමනාශනඃ ॥ 130 ॥
දිව්යෝද්යානසරෝවාපීසරින්මණිනගාන්නයන ।
ඓරම්මදාමෘතසරෝගමයන්සූපබෘංහණඃ ॥ 131 ॥
අශ්වත්ථං සෝමසවනං ප්රාපයන්විෂ්ටරශ්රවාඃ ।
දිව්යාප්සරස්සමානීතබ්රහ්මාලංකාරදායකඃ ॥ 132 ॥
දිව්යවාසෝऽංජනක්ෂෞමමාල්යෛස්ස්වාන්බහුමානයන් ।
ස්වීයාමයෝධ්යාං නගරීං සාදරං සංප්රවේශයන් ॥ 133 ॥
දාසාංදිව්යරසාලෝකගංධාංසලශරීරයන් ।
ස්වදාසාන්සූරිවර්ගේණ සස්නේහං බහුමානයන් ॥ 134 ॥
සූරිසේවෝදිතානංදනෛච්යාන්ස්වානතිශායයන් ।
වාචයන්ස්වාං නමෝවීප්සාං කුර්වන්ප්රහ්වාන්කෘතාංජලීන් ॥ 135 ॥
ප්රාකාරගෝපුරාරාමප්රාසාදේභ්යඃ ප්රණාමයන් ।
ඉංද්රප්රජාපතිද්වාරපාලසම්මානමාපයන් ॥ 136 ॥
මාලිකාංචන්මහාරාජවීථීමධ්යං නිවාසයන් ।
ශ්රීවෛකුංඨපුරංධ්රීභිර්නානාසත්කාරකාරකඃ ॥ 137 ॥
දිව්යං විමානං ගමයන් බ්රහ්මකාංත්යාභිපූරයන් ।
මහානංදාත්මකශ්රීමන්මණිමංඩපමාපයන් ॥ 138 ॥
හෘෂ්යත්කුමුදචංඩාද්යෛර්විෂ්වක්සේනාංතිකං නයන් ।
සේනේශචෝදිතාස්ථානනායකෝ හේතිනායකඃ ॥ 139 ॥
ප්රාපයංදිව්යමාස්ථානං වෛනතේයං ප්රණාමයන් ।
ශ්රීමත්සුංදරසූරීංද්රදිව්යපංක්තිං ප්රණාමයන් ॥ 140 ॥
භාස්වරාසනපර්යංකප්රාපණේන කෘතාර්ථයන් ।
පර්යංකවිද්යාසංසිද්ධසර්වවෛභවසංගතඃ ॥ 141 ॥
ස්වාත්මානමේව ශ්රීකාංතං සාදරං භූරි දර්ශයන් ।
ශේෂතෛකරතිං ශේෂං ශය්යාත්මානං ප්රණාමයන් ॥ 142 ॥
අනංතාක්ෂිද්විසාහස්රසාදරාලෝකපාත්රයන් ।
අකුමාරයුවාකාරං ශ්රීකාංතං සංප්රණාමයන් ॥ 143 ॥
අතටානංදතෝ හේතෝ රංචයන්කිලිකිංචිතම් ।
දාසානත්යුත්ථිතමුහුඃකෘතිසෘෂ්ටිප්රසන්නහෘත් ॥ 144 ॥
ශ්රීයාං ප්රාපස්වයං තාතං ජීවං පුත්රං ප්රහර්ෂයන් ।
මජ්ජයන් ස්වමුඛාංභෝධෞ ස්වකාං කීර්තිරුචිං දිශන් ॥ 145 ॥
දයාර්ද්රගංගාවලනාකෘතහ්ලාදෛඃ කෘතාර්ථයන් ।
පර්යංකාරෝහණප්රහ්වං සමං ලක්ෂ්ම්යෝපපාදයන් ॥ 146 ॥
කස්ත්වමිත්යනුයුංජානෝ දාසෝऽස්මීත්යුක්තිවිස්මිතඃ ।
අපෘථක්ත්වප්රකාරෝऽස්මි වාචාස්වාශ්රිතවද්භවන් ॥ 147 ॥
විදුෂාං තත්ක්රතුනයාද්ධයාස්යවපුෂාභවන් ।
වාසුදේවාත්මනා භූයෝ භවන්වෛකුංඨනායකඃ ॥ 148 ॥
යථා තථෛව ස්වං රූපං ජගන්මෝහනමූර්තිමාන් ।
ද්විමූර්තී බහුමූර්තීශ්ච ආත්මනශ්ච ප්රකාශයන් ॥ 149 ॥
යුගපත්සකලං සාක්ෂාත්ස්වතඃ කර්තුං සමර්ථයන් ।
කවීනාමාදිශන්නිත්යං මුක්තානාමාදිමඃ කවිඃ ॥ 150 ॥
ෂඩර්ණමනුනිෂ්ඨානාං ශ්වේතද්වීපස්ථිතිං දිශන් ।
ද්වාදශාක්ෂරනිෂ්ඨානාං ලෝකං සාංතානිකං දිශන් ॥ 151 ॥
අෂ්ටාක්ෂරෛකනිෂ්ඨානාං කාර්යං වෛකුංඨමර්පයන් ।
ශරණාගතිනිෂ්ඨානාං සාක්ෂාද්වෛකුංඨමර්පයන් ॥ 152 ॥
ස්වමංත්රරාජනිෂ්ඨානාං ස්වස්මාර්දාතේශයං දිශන් ।
ශ්රියා ගාඪෝපගූඪාත්මා භූතධාත්රීරුචිං දිශන් ॥ 153 ॥
නීලාවිභූතිව්යාමුග්ධෝ මහාශ්වේතාශ්වමස්තකඃ ।
ත්ර්යක්ෂස්ත්රිපුරසංහාරී රුද්රස්ස්කංදෝ විනායකඃ ॥ 154 ॥
අජෝ විරිංචෝ ද්රුහිණෝ ව්යාප්තමූර්තිරමූර්තිකඃ ।
අසංගෝऽනන්යධීසංගවිහංගෝවෛරිභංගදඃ ॥ 155 ॥
ස්වාමී ස්වං ස්වේන සංතුප්යන් ශක්රස්සර්වාධිකස්යදඃ ।
ස්වයංජ්යෝතිස්ස්වයංවෛද්යශ්ශූරශ්ශූරකුලෝද්භවඃ ॥ 156 ॥
වාසවෝ වසුරණ්යෝග්නිර්වාසුදේවස්සුහෘද්වසුඃ ।
භූතෝ භාවී භවන්භව්යෝ විෂ්ණුස්ථානස්සනාතනඃ ॥ 157 ॥
නිත්යානුභාවෝ නේදීයාංදවීයාංදුර්විභාවනඃ ।
සනත්කුමාරස්සංධාතා සුගංධිස්සුඛදර්ශනඃ ॥ 158 ॥
තීර්ථං තිතික්ෂුස්තීර්ථාංඝ්රිස්තීර්ථස්වාදුශුභශ්ශුචිඃ ।
තීර්ථවද්දීධිතිස්තිග්මතේජාස්තීව්රමනාමයඃ ॥ 159 ॥
ඊශාද්යුපනිෂද්වේද්යඃ පංචෝපනිෂදාත්මකඃ ।
ඊඩංතඃස්ථෝऽපි දූරස්ථඃ කල්යාණතමරූපවාන් ॥ 160 ॥
ප්රාණානාං ප්රාණනඃ පූර්ණජ්ඤානෛරපි සුදුර්ග්රහඃ ।
නාචිකේතෝපාසනාර්ච්යස්ත්රිමාත්රප්රණවෝදිතඃ ॥ 161 ॥
භූතයෝනිශ්ච සර්වජ්ඤෝऽක්ෂරෝऽක්ෂරපරාත්පරඃ ।
අකාරාදිපදජ්ඤේයව්යූහතාරාර්ථපූරුෂඃ ॥ 162 ॥
මනෝමයාමෘතෝ නංදමයෝ දහරරූපදෘත් ।
න්යාසවිද්යාවේද්යරූපඃ ආදිත්යාංතර්හිරණ්මයඃ ॥ 163 ॥
ඉදංද්ර ආත්මෝද්ගීථාදි ප්රතීකෝ පාසනාන්වයී ।
මධුවිද්යෝපාසනීයෝ ගායත්රීධ්යානගෝචරඃ ॥ 164 ॥
දිව්යකෞක්ෂේයසජ්ජ්යෝතිඃ ශාංඩිල්යෝපාස්තිවීක්ෂිතඃ ।
සංවර්ගවිද්යාවේද්යාත්මා තත් ෂෝඩශකලං පරම් ॥ 165 ॥
උපකෝසලවිද්යේක්ෂ්යඃ පංචාග්න්යාත්මශරීරකඃ ।
වෛශ්වානරඃ සදඛේභූමා ච ජගත්කර්මාऽදිපූරුෂඃ ॥ 166 ॥
මූර්තාමූර්තබ්රහ්ම සර්වප්රේෂ්ඨෝऽන්යප්රියතාකරඃ ।
සර්වාංතරශ්චාපරෝක්ෂශ්චාංතර්යාම්යමෘතෝऽනඝඃ ॥ 167 ॥
අහර්නාමාදිත්යරූපශ්චාහන්නාමාක්ෂිසංශ්රිතඃ ।
සතුර්යගායත්ර්යර්ථශ්ච යථෝපාස්ත්යාප්යසද්වපුඃ ॥ 168 ॥
චංද්රාදිසායුජ්යපූර්වමෝක්ෂදන්යාසගෝචරඃ ।
න්යාසනාශ්යානභ්යුපේතප්රාරබ්ධාංශෝ මහාදයඃ ॥ 169 ॥
අවතාරරහස්යාදිජ්ඤානිප්රාරබ්ධනාශනඃ ।
ස්වේන ස්වාර්ථං පරේණාපි කෘතේ න්යාසේ ඵලප්රදඃ ॥ 170 ॥
අසාහසෝऽනපායශ්රීස්සහායස්ස ශ්රියෛ වසන් ।
ශ්රීමාන්නාරායණෝ වාසුදේවෝऽව්යාද්විෂ්ණුරුත්තමඃ ॥ 171 ॥

॥ ඕම් ॥
ඉතීදං පරමං ගුහ්යං සර්වපාපප්රණාශනම් ।
වාගීශනාමසාහස්රං වත්ස තේऽභිහිතං මයා ॥ 1 ॥
ය ඉදං ශෘණුයාද්භක්ත්යා ශ්රාවයේද්වා ස්වයං පඨත් ।
නාසෞ ප්රාප්නෝති දුරිතමිහාමුත්ර ච කිංචන ॥ 2 ॥
තදිදං ප්රජපන් ස්වාමී විද්යාධීශෝ හයානනඃ ।
ක්ෂත්රියශ්චේන්මහාරුද්රෝ වික්රමාක්රාංතසර්වභූඃ ॥ 3 ॥
මහෝදාරෝ මහාකීර්තිර්මහිතෝ විජයී භවේත් ।
ඌරුජශ්චේදුරුයශෝධනධාන්යසමෘද්ධිමාන් ॥ 4 ॥
අශේෂභෝගසංභූතෝ ධනාධිපසමෝ භවේත් ।
ශෘණුයාදේව වෘෂලස්ස්වයං විප්රාත්සුපූජිතාත් ॥ 5 ॥
මහිමානමවාප්නෝති මහිතෛශ්වර්යභාජනම් ।
ශ්රීමතෝ හයශීර්ෂස්ය නාම්නාං සාහස්රමුත්තමම් ॥ 6 ॥
ශෘණ්වන්පඨන්නපි නරස්සර්වාන්කාමානවාප්නුයාත් ।
ධර්මාර්ථකාමසංතානභාග්යාරෝග්යෝත්තමායුෂාම් ॥ 7 ॥
ප්රාපණේ පරමෝ හේතුඃ ස්තවරාජෝऽයමද්භුතඃ ।
හයග්රීවේ පරා භක්තිමුද්වහන් ය ඉමං පඨේත් ॥ 8 ॥
ත්රිසංධ්යං නියතශ්ශුද්ධස්සෝऽපවර්ගාය කල්පතේ ।
ත්රිඃ පඨන්නාමසාහස්රං ප්රත්යහං වාගධීශිතුඃ ॥ 9 ॥
මහතීං කීර්තිමාප්නෝති නිස්සීමාං ප්රේයසීං ප්රියාම් ।
වීර්යං බලං පතිත්වං ච මේධාශ්රද්ධාවලෝන්නතීඃ ॥ 10 ॥
සාරස්වතසමෘද්ධිං ච භව්යාන්භෝග්යාන්නතාන්සුතාන් ।
අභිරූපාං වධූං සාධ්වීං සුහෘදශ්ච හිතෛෂිණඃ ॥ 11 ॥
බ්රහ්මවිද්යාප්රවචනෛඃ කාලක්ෂේපං ච සංතතම් ।
හයග්රීවපදාංභෝජ සලිලස්යානුකූලතඃ ॥ 12 ॥
ලභේත නිර්මලං ශාංතෝ හංසෝපාසනතත්පරඃ ।
ශ්රීමත්පරමහංසස්ය චිත්තෝල්ලාසනසද්විධෞ ॥ 13 ॥
ඉදං තු නාම්නාං සාහස්රමිෂ්ටසාධනමුත්තමම් ।
පාපී පාපාද්විමුක්තස්ස්යාද්රෝගී රෝගාද්විමුච්යතේ ॥ 14 ॥
බද්ධෝ බංධාද්විමුච්යේත භීතේ භීතිර්විමුච්යතේ ।
මුක්තෝ දරිද්රෝ දාරිද්ර්යාද්භවේත්පූර්ණමනෝරථඃ ॥ 15 ॥
ආපන්න ආපදා මුක්තෝ භවත්යේව න සංශයඃ ।
හංසාර්චනපරෝ නිත්යං හංසාර්චනපරායණඃ ॥ 16 ॥
නිර්ධූතකල්මෂෝ නිත්යං බ්රහ්මසායුජ්යමාප්නුයාත් ।
යේ භක්ත්යා පරමේ හංසේ ශ්රියා මිථුනිතාංගිතේ ॥ 17 ॥
ජන්මව්යාධිජරානාශභයභාජෝ න තේ ජනාඃ ।
ආචාර්යාත්තදිදං ස්තෝත්රමධිගත්ය පඨේන්නරඃ ॥ 18 ॥
තස්යේදං කල්පතේ සිද්ධ්යෛ නාන්යථා වත්ස කාශ්යප ।
ආචාර්යං ලක්ෂණෛර්යුක්තමන්යං වාऽත්මවිදුත්තමම් ॥ 19 ॥
වෘත්වාචාර්යං සදා භක්ත්යා සිද්ධ්යෛ තදිදමශ්නුයාත් ।
ස යාති පරමාං විද්යාං ශකුනිබ්රහ්මහර්ෂණීම් ॥ 20 ॥
හයාස්යනාමසාහස්රස්තුතිරංහෝවිනාශිනී ।
පරමෝ හංස ඒවාදෞ ප්රණවං බ්රහ්මණේ දිශත් ॥ 21 ॥
උපාදිශත්තතෝ වේදාන් ශ්රීමාන හයශිරෝ හරිඃ ।
තේනාසෞ ස්තවරාජෝ හි හංසාඛ්යහයගෝචරඃ ॥ 22 ॥
විද්යාසාම්රාජ්යසංපත්තිමෝක්ෂෛකඵලසාධනම් ।
සර්වවිත්ස්වාත්මභාවේන පරමං පදමාප්නුයාත් ॥ 23 ॥
න තත්ර සංශයඃ කශ්චින්නිපුණං පරිපශ්යති ।
තථාපි ස්වාත්මනි ප්රේමසිංධුසංධුක්ෂණක්ෂමඃ. ॥ 24 ॥
ඉතීදං නාමසාහස්රං සංගෘහීතං තථෝත්තරම් ।
ඒවං සංගෘහ්ය දේවේන හයග්රීවේණ පාලනම් ॥ 25 ॥
ස්තෝත්රරත්නමිදං දත්තං මහ්යං තත් කථිතං තව ।
හංසනාමසහස්රස්ය වෛභවං පරමාද්භුතම් ॥ 26 ॥
වක්තුං යථාවත්කශ්ශක්තෝ වර්ෂකෝටිශතෛරපි ।
හයාස්යඃ පරමෝ හංසෝ හරිර්නාරායණෝऽව්යයඃ ॥ 27 ॥
කාරණං ශරණං මෘත්යුරමෘතං චාඛිලාත්මනාම් ।
සත්යං සත්යං පුනස්සත්යං ධ්යේයෝ නාරායණෝ හරිඃ ॥ 28 ॥
සමානමධිකං වේදාන්න දෛවං කේශවාත්පරම් ।
තත්ත්වං විජ්ඤාතුකාමානාං ප්රමාණෛස්සර්වතෝමුඛෛඃ ॥ 29 ॥
තත්ත්වං ස පරමෝ හංස ඒක ඒව ජනාර්දනඃ ।
ඉදං රහස්යං පරමං මහාපාතකනාශනම් ॥ 30 ॥
න චාශුශ්රූෂවේ වාච්යං නාභක්තාය කදාචන ।
නාප්යන්යදේවතායාපි න වාච්යං නාස්තිකාය ච ॥ 31 ॥
අධීත්යෛතද්ගුරුමුඛාදන්වහං යඃ පඨේන්නරඃ ।
තද්වංශ්යා අපි සර්වේ ස්යුස්සංපත්සාරස්වතෝන්නතාඃ ॥ 32 ॥
ඉති හයවදනානනාරවිංදාන්මධුලහරීව නිරර්ගලා ගලංතී ।
ජගති දශශතීතදීයනාම්නාං ජයති ජඩානපි ගීර්ෂු යෝජයංතී ॥ 33 ॥

॥ ඉති ශ්රීහයග්රීවසහස්රනාමස්තෝත්රං සංපූර්ණම් ॥