ශ්රී හනුමත්සහස්ර නාම ස්තෝත්රම් (ආංජනේය සහස්ර නාම ස්තෝත්රම්)

අස්ය ශ්රීහනුමත්සහස්රනාමස්තෝත්රමහාමංත්රස්ය ශ්රීරාමචංද්ර ඍෂිඃ අනුෂ්ටුප්ඡංදඃ ශ්රීහනුමාන්මහාරුද්රෝ දේවතා හ්රීං ශ්රීං හ්රෞං හ්රාං බීජං ශ්රීං ඉති ශක්තිඃ කිලිකිල බුබු කාරේණ ඉති කීලකං ලංකාවිධ්වංසනේති කවචං මම සර්වෝපද්රවශාංත්යර්ථේ මම සර්වකාර්යසිද්ධ්යර්ථේ ජපේ විනියෝගඃ ।

ධ්යානං –
ප්රතප්තස්වර්ණවර්ණාභං සංරක්තාරුණලෝචනම් ।
සුග්රීවාදියුතං ධ්යායේත් පීතාංබරසමාවෘතම් ॥
ගෝෂ්පදීකෘතවාරාශිං පුච්ඡමස්තකමීශ්වරම් ।
ජ්ඤානමුද්රාං ච බිභ්රාණං සර්වාලංකාරභූෂිතම් ॥
වාමහස්තසමාකෘෂ්ටදශාස්යානනමංඩලම් ।
උද්යද්දක්ෂිණදෝර්දංඩං හනූමංතං විචිංතයේත් ॥

ස්තෝත්රං –
හනූමාන් ශ්රීප්රදෝ වායුපුත්රෝ රුද්රෝ නයෝऽජරඃ ।
අමෘත්යුර්වීරවීරශ්ච ග්රාමවාසෝ ජනාශ්රයඃ ॥ 1 ॥

ධනදෝ නිර්ගුණාකාරෝ වීරෝ නිධිපතිර්මුනිඃ ।
පිංගාක්ෂෝ වරදෝ වාග්මී සීතාශෝකවිනාශනඃ ॥ 2 ॥

ශිවඃ ශර්වඃ පරෝऽව්යක්තෝ ව්යක්තාව්යක්තෝ ධරාධරඃ ।
පිංගකේශඃ පිංගරෝමා ශ්රුතිගම්යඃ සනාතනඃ ॥ 3 ॥

අනාදිර්භගවාන් දිව්යෝ විශ්වහේතුර්නරාශ්රයඃ ।
ආරෝග්යකර්තා විශ්වේශෝ විශ්වනාථෝ හරීශ්වරඃ ॥ 4 ॥

භර්ගෝ රාමෝ රාමභක්තඃ කල්යාණප්රකෘතීශ්වරඃ ।
විශ්වංභරෝ විශ්වමූර්තිර්විශ්වාකාරෝऽථ විශ්වපඃ ॥ 5 ॥

විශ්වාත්මා විශ්වසේව්යෝऽථ විශ්වෝ විශ්වධරෝ රවිඃ ।
විශ්වචේෂ්ටෝ විශ්වගම්යෝ විශ්වධ්යේයඃ කලාධරඃ ॥ 6 ॥

ප්ලවංගමඃ කපිශ්රේෂ්ඨෝ ජ්යේෂ්ඨෝ වේද්යෝ වනේචරඃ ।
බාලෝ වෘද්ධෝ යුවා තත්ත්වං තත්ත්වගම්යඃ සඛා හ්යජඃ ॥ 7 ॥

අංජනාසූනුරව්යග්රෝ ග්රාමස්යාංතෝ ධරාධරඃ ।
භූර්භුවඃස්වර්මහර්ලෝකෝ ජනෝලෝකස්තපෝऽව්යයඃ ॥ 8 ॥

සත්යමෝංකාරගම්යශ්ච ප්රණවෝ ව්යාපකෝऽමලඃ ।
ශිවධර්මප්රතිෂ්ඨාතා රාමේෂ්ටඃ ඵල්ගුනප්රියඃ ॥ 9 ॥

ගෝෂ්පදීකෘතවාරීශඃ පූර්ණකාමෝ ධරාපතිඃ ।
රක්ෂෝඝ්නඃ පුංඩරීකාක්ෂඃ ශරණාගතවත්සලඃ ॥ 10 ॥

ජානකීප්රාණදාතා ච රක්ෂඃප්රාණාපහාරකඃ ।
පූර්ණඃ සත්යඃ පීතවාසා දිවාකරසමප්රභඃ ॥ 11 ॥

ද්රෝණහර්තා ශක්තිනේතා ශක්තිරාක්ෂසමාරකඃ ।
අක්ෂඝ්නෝ රාමදූතශ්ච ශාකිනීජීවිතාහරඃ ॥ 12 ॥

බුභූකාරහතාරාතිර්ගර්වපර්වතමර්දනඃ ।
හේතුස්ත්වහේතුඃ ප්රාංශුශ්ච විශ්වකර්තා ජගද්ගුරුඃ ॥ 13 ॥

ජගන්නාථෝ ජගන්නේතා ජගදීශෝ ජනේශ්වරඃ ।
ජගත්ශ්රිතෝ හරිඃ ශ්රීශෝ ගරුඩස්මයභංජකඃ ॥ 14 ॥

පාර්ථධ්වජෝ වායුපුත්රඃ සිතපුච්ඡෝऽමිතප්රභඃ ।
බ්රහ්මපුච්ඡඃ පරබ්රහ්මපුච්ඡෝ රාමේෂ්ටකාරකඃ ॥ 15 ॥

සුග්රීවාදියුතෝ ජ්ඤානී වානරෝ වානරේශ්වරඃ ।
කල්පස්ථායී චිරංජීවී ප්රසන්නශ්ච සදාශිවඃ ॥ 16 ॥

සන්මතිඃ සද්ගතිර්භුක්තිමුක්තිදඃ කීර්තිදායකඃ ।
කීර්තිඃ කීර්තිප්රදශ්චෛව සමුද්රඃ ශ්රීප්රදඃ ශිවඃ ॥ 17 ॥

උදධික්රමණෝ දේවඃ සංසාරභයනාශනඃ ।
වාලිබංධනකෘද්විශ්වජේතා විශ්වප්රතිෂ්ඨිතඃ ॥ 18 ॥ [වාරි]

ලංකාරිඃ කාලපුරුෂෝ ලංකේශගෘහභංජනඃ ।
භූතාවාසෝ වාසුදේවෝ වසුස්ත්රිභුවනේශ්වරඃ ॥

ශ්රීරාමරූපඃ කෘෂ්ණස්තු ලංකාප්රාසාදභංජනඃ ।
කෘෂ්ණඃ කෘෂ්ණස්තුතඃ ශාංතඃ ශාංතිදෝ විශ්වභාවනඃ ॥ 20 ॥

විශ්වභෝක්තාऽථ මාරඝ්නෝ බ්රහ්මචාරී ජිතේංද්රියඃ ।
ඌර්ධ්වගෝ ලාංගුලී මාලී ලාංගූලාහතරාක්ෂසඃ ॥ 21 ॥

සමීරතනුජෝ වීරෝ වීරමාරෝ ජයප්රදඃ ।
ජගන්මංගළදඃ පුණ්යඃ පුණ්යශ්රවණකීර්තනඃ ॥ 22 ॥

පුණ්යකීර්තිඃ පුණ්යගීතිර්ජගත්පාවනපාවනඃ ।
දේවේශෝऽමිතරෝමාऽථ රාමභක්තවිධායකඃ ॥ 23 ॥

ධ්යාතා ධ්යේයෝ ජගත්සාක්ෂී චේතා චෛතන්යවිග්රහඃ ।
ජ්ඤානදඃ ප්රාණදඃ ප්රාණෝ ජගත්ප්රාණඃ සමීරණඃ ॥ 24 ॥

විභීෂණප්රියඃ ශූරඃ පිප්පලාශ්රයසිද්ධිදඃ ।
සිද්ධඃ සිද්ධාශ්රයඃ කාලඃ කාලභක්ෂකපූජිතඃ ॥ 25 ॥

ලංකේශනිධනස්ථායී ලංකාදාහක ඊශ්වරඃ ।
චංද්රසූර්යාග්නිනේත්රශ්ච කාලාග්නිඃ ප්රලයාංතකඃ ॥ 26 ॥

කපිලඃ කපිශඃ පුණ්යරාතිර්ද්වාදශරාශිගඃ ।
සර්වාශ්රයෝऽප්රමේයාත්මා රේවත්යාදිනිවාරකඃ ॥ 27 ॥

ලක්ෂ්මණප්රාණදාතා ච සීතාජීවනහේතුකඃ ।
රාමධ්යායී හෘෂීකේශෝ විෂ්ණුභක්තෝ ජටී බලී ॥ 28 ॥

දේවාරිදර්පහා හෝතා ධාතා කර්තා ජගත්ප්රභුඃ ।
නගරග්රාමපාලශ්ච ශුද්ධෝ බුද්ධෝ නිරංතරඃ ॥ 29 ॥

නිරංජනෝ නිර්විකල්පෝ ගුණාතීතෝ භයංකරඃ ।
හනුමාංශ්ච දුරාරාධ්යස්තපඃසාධ්යෝ මහේශ්වරඃ ॥ 30 ॥

ජානකීඝනශෝකෝත්ථතාපහර්තා පරාශරඃ ।
වාඞ්මයඃ සදසද්රූපඃ කාරණං ප්රකෘතේඃ පරඃ ॥ 31 ॥

භාග්යදෝ නිර්මලෝ නේතා පුච්ඡලංකාවිදාහකඃ ।
පුච්ඡබද්ධෝ යාතුධානෝ යාතුධානරිපුප්රියඃ ॥ 32 ॥

ඡායාපහාරී භූතේශෝ ලෝකේශඃ සද්ගතිප්රදඃ ।
ප්ලවංගමේශ්වරඃ ක්රෝධඃ ක්රෝධසංරක්තලෝචනඃ ॥ 33 ॥

ක්රෝධහර්තා තාපහර්තා භක්තාභයවරප්රදඃ ।
භක්තානුකංපී විශ්වේශඃ පුරුහූතඃ පුරංදරඃ ॥ 34 ॥

අග්නිර්විභාවසුර්භාස්වාන් යමෝ නිරෘතිරේව ච ।
වරුණෝ වායුගතිමාන් වායුඃ කුබේර ඊශ්වරඃ ॥ 35 ॥

රවිශ්චංද්රඃ කුජඃ සෞම්යෝ ගුරුඃ කාව්යඃ ශනෛශ්චරඃ ।
රාහුඃ කේතුර්මරුද්දාතා ධාතා හර්තා සමීරජඃ ॥ 36 ॥

මශකීකෘතදේවාරිර්දෛත්යාරිර්මධුසූදනඃ ।
කාමඃ කපිඃ කාමපාලඃ කපිලෝ විශ්වජීවනඃ ॥ 37 ॥

භාගීරථීපදාංභෝජඃ සේතුබංධවිශාරදඃ ।
ස්වාහා ස්වධා හවිඃ කව්යං හව්යවාහඃ ප්රකාශකඃ ॥ 38 ॥

ස්වප්රකාශෝ මහාවීරෝ මධුරෝऽමිතවික්රමඃ ।
උඩ්ඩීනෝඩ්ඩීනගතිමාන් සද්ගතිඃ පුරුෂෝත්තමඃ ॥ 39 ॥

ජගදාත්මා ජගද්යෝනිර්ජගදංතෝ හ්යනංතරඃ ।
විපාප්මා නිෂ්කලංකෝऽථ මහාන් මහදහංකෘතිඃ ॥ 40 ॥

ඛං වායුඃ පෘථිවී චාපෝ වහ්නිර්දික් කාල ඒකලඃ ।
ක්ෂේත්රජ්ඤඃ ක්ෂේත්රපාලශ්ච පල්වලීකෘතසාගරඃ ॥ 41 ॥

හිරණ්මයඃ පුරාණශ්ච ඛේචරෝ භූචරෝ මනුඃ ।
හිරණ්යගර්භඃ සූත්රාත්මා රාජරාජෝ විශාං පතිඃ ॥ 42 ॥

වේදාංතවේද්ය උද්ගීථෝ වේදාංගෝ වේදපාරගඃ ।
ප්රතිග්රාමස්ථිතඃ සද්යඃ ස්ඵූර්තිදාතා ගුණාකරඃ ॥ 43 ॥

නක්ෂත්රමාලී භූතාත්මා සුරභිඃ කල්පපාදපඃ ।
චිංතාමණිර්ගුණනිධිඃ ප්රජාද්වාරමනුත්තමඃ ॥ 44 ॥

පුණ්යශ්ලෝකඃ පුරාරාතිඃ මතිමාන් ශර්වරීපතිඃ ।
කිල්කිලාරාවසංත්රස්තභූතප්රේතපිශාචකඃ ॥ 45 ॥

ඍණත්රයහරඃ සූක්ෂ්මඃ ස්ථූලඃ සර්වගතිඃ පුමාන් ।
අපස්මාරහරඃ ස්මර්තා ශ්රුතිර්ගාථා ස්මෘතිර්මනුඃ ॥ 46 ॥

ස්වර්ගද්වාරං ප්රජාද්වාරං මෝක්ෂද්වාරං යතීශ්වරඃ ।
නාදරූපං පරං බ්රහ්ම බ්රහ්ම බ්රහ්මපුරාතනඃ ॥ 47 ॥

ඒකෝऽනේකෝ ජනඃ ශුක්ලඃ ස්වයංජ්යෝතිරනාකුලඃ ।
ජ්යෝතිර්ජ්යෝතිරනාදිශ්ච සාත්ත්විකෝ රාජසස්තමඃ ॥ 48 ॥

තමෝහර්තා නිරාලංබෝ නිරාකාරෝ ගුණාකරඃ ।
ගුණාශ්රයෝ ගුණමයෝ බෘහත්කායෝ බෘහද්යශාඃ ॥

බෘහද්ධනුර්බෘහත්පාදෝ බෘහන්මූර්ධා බෘහත්ස්වනඃ ।
බෘහත්කර්ණෝ බෘහන්නාසෝ බෘහද්බාහුර්බෘහත්තනුඃ ॥ 50 ॥

බෘහද්ගලෝ බෘහත්කායෝ බෘහත්පුච්ඡෝ බෘහත්කරඃ ।
බෘහද්ගතිර්බෘහත්සේවෝ බෘහල්ලෝකඵලප්රදඃ ॥ 51 ॥

බෘහද්භක්තිර්බෘහද්වාංඡාඵලදෝ බෘහදීශ්වරඃ ।
බෘහල්ලෝකනුතෝ ද්රෂ්ටා විද්යාදාතා ජගද්ගුරුඃ ॥ 52 ॥

දේවාචාර්යඃ සත්යවාදී බ්රහ්මවාදී කලාධරඃ ।
සප්තපාතාලගාමී ච මලයාචලසංශ්රයඃ ॥ 53 ॥

උත්තරාශාස්ථිතඃ ශ්රීශෝ දිව්යෞෂධිවශඃ ඛගඃ ।
ශාඛාමෘගඃ කපීංද්රෝऽථ පුරාණඃ ප්රාණචංචුරඃ ॥ 54 ॥

චතුරෝ බ්රාහ්මණෝ යෝගී යෝගිගම්යඃ පරෝऽවරඃ ।
අනාදිනිධනෝ ව්යාසෝ වෛකුංඨඃ පෘථිවීපතිඃ ॥ 55 ॥

අපරාජිතෝ ජිතාරාතිඃ සදානංදද ඊශිතා ।
ගෝපාලෝ ගෝපතිර්යෝද්ධා කලිඃ ස්ඵාලඃ පරාත්පරඃ ॥ 56 ॥

මනෝවේගී සදායෝගී සංසාරභයනාශනඃ ।
තත්ත්වදාතාऽථ තත්ත්වජ්ඤස්තත්ත්වං තත්ත්වප්රකාශකඃ ॥ 57 ॥

ශුද්ධෝ බුද්ධෝ නිත්යයුක්තෝ භක්තාකාරෝ ජගද්රථඃ ।
ප්රලයෝऽමිතමායශ්ච මායාතීතෝ විමත්සරඃ ॥ 58 ॥

මායානිර්ජිතරක්ෂාශ්ච මායානිර්මිතවිෂ්ටපඃ ।
මායාශ්රයශ්ච නිර්ලේපෝ මායානිර්වර්තකඃ සුඛී ॥

සුඛං සුඛප්රදෝ නාගෝ මහේශකෘතසංස්තවඃ ।
මහේශ්වරඃ සත්යසංධඃ ශරභඃ කලිපාවනඃ ॥ 60 ॥

රසෝ රසජ්ඤඃ සන්මානෝ රූපං චක්ෂුඃ ශ්රුතී රවඃ ।
ඝ්රාණං ගංධඃ ස්පර්ශනං ච ස්පර්ශෝ හිංකාරමානගඃ ॥ 61 ॥

නේතිනේතීතිගම්යශ්ච වෛකුංඨභජනප්රියඃ ।
ගිරිශෝ ගිරිජාකාංතෝ දුර්වාසාඃ කවිරංගිරාඃ ॥ 62 ॥

භෘගුර්වසිෂ්ඨශ්ච්යවනෝ නාරදස්තුංබුරුර්හරඃ ।
විශ්වක්ෂේත්රං විශ්වබීජං විශ්වනේත්රං ච විශ්වපඃ ॥ 63 ॥

යාජකෝ යජමානශ්ච පාවකඃ පිතරස්තථා ।
ශ්රද්ධා බුද්ධිඃ ක්ෂමා තංද්රා මංත්රෝ මංත්රයිතා සුරඃ ॥ 64 ॥

රාජේංද්රෝ භූපතී රූඪෝ මාලී සංසාරසාරථිඃ ।
නිත්යඃ සංපූර්ණකාමශ්ච භක්තකාමධුගුත්තමඃ ॥ 65 ॥

ගණපඃ කේශවෝ භ්රාතා පිතා මාතාऽථ මාරුතිඃ ।
සහස්රමූර්ධා සහස්රාස්යඃ සහස්රාක්ෂඃ සහස්රපාත් ॥ 66 ॥

කාමජිත් කාමදහනඃ කාමඃ කාම්යඵලප්රදඃ ।
මුද්රෝපහාරී රක්ෂෝඝ්නඃ ක්ෂිතිභාරහරෝ බලඃ ॥ 67 ॥

නඛදංෂ්ට්රායුධෝ විෂ්ණුභක්තෝ භක්තාභයප්රදඃ ।
දර්පහා දර්පදෝ දංෂ්ට්රාශතමූර්තිරමූර්තිමාන් ॥ 68 ॥

මහානිධිර්මහාභාගෝ මහාභර්ගෝ මහර්ධිදඃ ।
මහාකාරෝ මහායෝගී මහාතේජා මහාද්යුතිඃ ॥

මහාකර්මා මහානාදෝ මහාමංත්රෝ මහාමතිඃ ।
මහාශමෝ මහෝදාරෝ මහාදේවාත්මකෝ විභුඃ ॥ 70 ॥

රුද්රකර්මා ක්රූරකර්මා රත්නනාභඃ කෘතාගමඃ ।
අංභෝධිලංඝනඃ සිද්ධඃ සත්යධර්මා ප්රමෝදනඃ ॥ 71 ॥

ජිතාමිත්රෝ ජයඃ සෝමෝ විජයෝ වායුවාහනඃ ।
ජීවෝ ධාතා සහස්රාංශුර්මුකුංදෝ භූරිදක්ෂිණඃ ॥ 72 ॥

සිද්ධාර්ථඃ සිද්ධිදඃ සිද්ධඃ සංකල්පඃ සිද්ධිහේතුකඃ ।
සප්තපාතාලචරණඃ සප්තර්ෂිගණවංදිතඃ ॥ 73 ॥

සප්තාබ්ධිලංඝනෝ වීරඃ සප්තද්වීපෝරුමංඩලඃ ।
සප්තාංගරාජ්යසුඛදඃ සප්තමාතෘනිෂේවිතඃ ॥ 74 ॥

සප්තලෝකෛකමකුටඃ සප්තහෝත්රඃ ස්වරාශ්රයඃ ।
සප්තසාමෝපගීතශ්ච සප්තපාතාලසංශ්රයඃ ॥ 75 ॥

සප්තච්ඡංදෝනිධිඃ සප්තච්ඡංදඃ සප්තජනාශ්රයඃ ।
මේධාදඃ කීර්තිදඃ ශෝකහාරී දෞර්භාග්යනාශනඃ ॥ 76 ॥

සර්වවශ්යකරෝ ගර්භදෝෂහා පුත්රපෞත්රදඃ ।
ප්රතිවාදිමුඛස්තංභෝ රුෂ්ටචිත්තප්රසාදනඃ ॥ 77 ॥

පරාභිචාරශමනෝ දුඃඛහා බංධමෝක්ෂදඃ ।
නවද්වාරපුරාධාරෝ නවද්වාරනිකේතනඃ ॥ 78 ॥

නරනාරායණස්තුත්යෝ නවනාථමහේශ්වරඃ ।
මේඛලී කවචී ඛඩ්ගී භ්රාජිෂ්ණුර්ජිෂ්ණුසාරථිඃ ॥ 79 ॥

බහුයෝජනවිස්තීර්ණපුච්ඡඃ පුච්ඡහතාසුරඃ ।
දුෂ්ටහංතා නියමිතා පිශාචග්රහශාතනඃ ॥ 80 ॥

බාලග්රහවිනාශී ච ධර්මනේතා කෘපාකරඃ ।
උග්රකෘත්යශ්චෝග්රවේග උග්රනේත්රඃ ශතක්රතුඃ ॥ 81 ॥

ශතමන්යුස්තුතඃ ස්තුත්යඃ ස්තුතිඃ ස්තෝතා මහාබලඃ ।
සමග්රගුණශාලී ච ව්යග්රෝ රක්ෂෝවිනාශනඃ ॥ 82 ॥

රක්ෂෝऽග්නිදාවෝ බ්රහ්මේශඃ ශ්රීධරෝ භක්තවත්සලඃ ।
මේඝනාදෝ මේඝරූපෝ මේඝවෘෂ්ටිනිවාරණඃ ॥ 83 ॥

මේඝජීවනහේතුශ්ච මේඝශ්යාමඃ පරාත්මකඃ ।
සමීරතනයෝ ධාතා තත්ත්වවිද්යාවිශාරදඃ ॥ 84 ॥

අමෝඝෝऽමෝඝවෘෂ්ටිශ්චාභීෂ්ටදෝऽනිෂ්ටනාශනඃ ।
අර්ථෝऽනර්ථාපහාරී ච සමර්ථෝ රාමසේවකඃ ॥ 85 ॥

අර්ථී ධන්යෝऽසුරාරාතිඃ පුංඩරීකාක්ෂ ආත්මභූඃ ।
සංකර්ෂණෝ විශුද්ධාත්මා විද්යාරාශිඃ සුරේශ්වරඃ ॥ 86 ॥

අචලෝද්ධාරකෝ නිත්යඃ සේතුකෘද්රාමසාරථිඃ ।
ආනංදඃ පරමානංදෝ මත්ස්යඃ කූර්මෝ නිධිඃ ශයඃ ॥ 87 ॥

වරාහෝ නාරසිංහශ්ච වාමනෝ ජමදග්නිජඃ ।
රාමඃ කෘෂ්ණඃ ශිවෝ බුද්ධඃ කල්කී රාමාශ්රයෝ හරිඃ ॥ 88 ॥

නංදී භෘංගී ච චංඩී ච ගණේශෝ ගණසේවිතඃ ।
කර්මාධ්යක්ෂඃ සුරාරාමෝ විශ්රාමෝ ජගතීපතිඃ ॥

ජගන්නාථඃ කපීශශ්ච සර්වාවාසඃ සදාශ්රයඃ ।
සුග්රීවාදිස්තුතෝ දාංතඃ සර්වකර්මා ප්ලවංගමඃ ॥ 90 ॥

නඛදාරිතරක්ෂශ්ච නඛයුද්ධවිශාරදඃ ।
කුශලඃ සුධනඃ ශේෂෝ වාසුකිස්තක්ෂකස්තථා ॥ 91 ॥

ස්වර්ණවර්ණෝ බලාඪ්යශ්ච පුරුජේතාऽඝනාශනඃ ।
කෛවල්යදීපඃ කෛවල්යෝ ගරුඩඃ පන්නගෝ ගුරුඃ ॥ 92 ॥

ක්ලීක්ලීරාවහතාරාතිගර්වඃ පර්වතභේදනඃ ।
වජ්රාංගෝ වජ්රවක්ත්රශ්ච භක්තවජ්රනිවාරකඃ ॥ 93 ॥

නඛායුධෝ මණිග්රීවෝ ජ්වාලාමාලී ච භාස්කරඃ ।
ප්රෞඪප්රතාපස්තපනෝ භක්තතාපනිවාරකඃ ॥ 94 ॥

ශරණං ජීවනං භෝක්තා නානාචේෂ්ටෝऽථ චංචලඃ ।
ස්වස්ථස්ත්වස්වාස්ථ්යහා දුඃඛශාතනඃ පවනාත්මජඃ ॥ 95 ॥

පවනඃ පාවනඃ කාංතෝ භක්තාංගඃ සහනෝ බලඃ ।
මේඝනාදරිපුර්මේඝනාදසංහෘතරාක්ෂසඃ ॥ 96 ॥

ක්ෂරෝऽක්ෂරෝ විනීතාත්මා වානරේශඃ සතාංගතිඃ ।
ශ්රීකංඨඃ ශිතිකංඨශ්ච සහායඃ සහනායකඃ ॥ 97 ॥

අස්ථූලස්ත්වනණුර්භර්ගෝ දේවසංසෘතිනාශනඃ ।
අධ්යාත්මවිද්යාසාරශ්චාප්යධ්යාත්මකුශලඃ සුධීඃ ॥ 98 ॥

අකල්මෂඃ සත්යහේතුඃ සත්යදඃ සත්යගෝචරඃ ।
සත්යගර්භඃ සත්යරූපඃ සත්යඃ සත්යපරාක්රමඃ ॥ 99 ॥

අංජනාප්රාණලිංගං ච වායුවංශෝද්භවඃ ශ්රුතිඃ ।
භද්රරූපෝ රුද්රරූපඃ සුරූපශ්චිත්රරූපධෘක් ॥ 100 ॥

මෛනාකවංදිතඃ සූක්ෂ්මදර්ශනෝ විජයෝ ජයඃ ।
ක්රාංතදිඞ්මංඩලෝ රුද්රඃ ප්රකටීකෘතවික්රමඃ ॥ 101 ॥

කංබුකංඨඃ ප්රසන්නාත්මා හ්රස්වනාසෝ වෘකෝදරඃ ।
ලංබෝෂ්ඨඃ කුංඩලී චිත්රමාලී යෝගවිදාං වරඃ ॥ 102 ॥

විපශ්චිත් කවිරානංදවිග්රහෝऽනල්පනාශනඃ ।
ඵාල්ගුනීසූනුරව්යග්රෝ යෝගාත්මා යෝගතත්පරඃ ॥ 103 ॥

යෝගවිද්යෝගකර්තා ච යෝගයෝනිර්දිගංබරඃ ।
අකාරාදික්ෂකාරාංතවර්ණනිර්මිතවිග්රහඃ ॥ 104 ॥

උලූඛලමුඛඃ සිද්ධසංස්තුතඃ පරමේශ්වරඃ ।
ශ්ලිෂ්ටජංඝඃ ශ්ලිෂ්ටජානුඃ ශ්ලිෂ්ටපාණිඃ ශිඛාධරඃ ॥ 105 ॥

සුශර්මාऽමිතධර්මා ච නාරායණපරායණඃ ।
ජිෂ්ණුර්භවිෂ්ණූ රෝචිෂ්ණුර්ග්රසිෂ්ණුඃ ස්ථාණුරේව ච ॥ 106 ॥

හරී රුද්රානුකෘද්වෘක්ෂකංපනෝ භූමිකංපනඃ ।
ගුණප්රවාහඃ සූත්රාත්මා වීතරාගඃ ස්තුතිප්රියඃ ॥ 107 ॥

නාගකන්යාභයධ්වංසී කෘතපූර්ණඃ කපාලභෘත් ।
අනුකූලෝऽක්ෂයෝऽපායෝऽනපායෝ වේදපාරගඃ ॥ 108 ॥

අක්ෂරඃ පුරුෂෝ ලෝකනාථස්ත්ර්යක්ෂඃ ප්රභුර්දෘඪඃ ।
අෂ්ටාංගයෝගඵලභූඃ සත්යසංධඃ පුරුෂ්ටුතඃ ॥ 109 ॥

ශ්මශානස්ථානනිලයඃ ප්රේතවිද්රාවණක්ෂමඃ ।
පංචාක්ෂරපරඃ පංචමාතෘකෝ රංජනෝ ධ්වජඃ ॥ 110 ॥

යෝගිනීවෘංදවංද්යශ්රීඃ ශත්රුඝ්නෝऽනංතවික්රමඃ ।
බ්රහ්මචාරීංද්රියවපුර්ධෘතදංඩෝ දශාත්මකඃ ॥ 111 ॥

අප්රපංචඃ සදාචාරඃ ශූරසේනෝ විදාරකඃ ।
බුද්ධඃ ප්රමෝද ආනංදඃ සප්තජිහ්වපතිර්ධරඃ ॥ 112 ॥

නවද්වාරපුරාධාරඃ ප්රත්යග්රඃ සාමගායනඃ ।
ෂට්චක්රධාමා ස්වර්ලෝකභයහෘන්මානදෝ මදඃ ॥ 113 ॥

සර්වවශ්යකරඃ ශක්තිරනංතෝऽනංතමංගළඃ ।
අෂ්ටමූර්තිධරෝ නේතා විරූපඃ ස්වරසුංදරඃ ॥ 114 ॥

ධූමකේතුර්මහාකේතුඃ සත්යකේතුර්මහාරථඃ ।
නංදීප්රියඃ ස්වතංත්රශ්ච මේඛලී ඩමරුප්රියඃ ॥ 115 ॥

ලෝහිතාංගඃ සමිද්වහ්නිඃ ෂඩෘතුඃ ශර්ව ඊශ්වරඃ ।
ඵලභුක් ඵලහස්තශ්ච සර්වකර්මඵලප්රදඃ ॥ 116 ॥

ධර්මාධ්යක්ෂෝ ධර්මඵලෝ ධර්මෝ ධර්මප්රදෝऽර්ථදඃ ।
පංචවිංශතිතත්ත්වජ්ඤස්තාරකෝ බ්රහ්මතත්පරඃ ॥ 117 ॥

ත්රිමාර්ගවසතිර්භීමඃ සර්වදුෂ්ටනිබර්හණඃ ।
ඌර්ජඃස්වාමී ජලස්වාමී ශූලී මාලී නිශාකරඃ ॥ 118 ॥

රක්තාංබරධරෝ රක්තෝ රක්තමාල්යවිභූෂණඃ ।
වනමාලී ශුභාංගශ්ච ශ්වේතඃ ශ්වේතාංබරෝ යුවා ॥ 119 ॥

ජයෝऽජේයපරීවාරඃ සහස්රවදනඃ කවිඃ ।
ශාකිනීඩාකිනීයක්ෂරක්ෂෝභූතප්රභංජනඃ ॥ 120 ॥

සද්යෝජාතඃ කාමගතිර්ජ්ඤානමූර්තිර්යශස්කරඃ ।
ශංභුතේජාඃ සාර්වභෞමෝ විෂ්ණුභක්තඃ ප්ලවංගමඃ ॥ 121 ॥

චතුර්ණවතිමංත්රජ්ඤඃ පෞලස්ත්යබලදර්පහා ।
සර්වලක්ෂ්මීප්රදඃ ශ්රීමානංගදප්රියවර්ධනඃ ॥ 122 ॥

ස්මෘතිබීජං සුරේශානඃ සංසාරභයනාශනඃ ।
උත්තමඃ ශ්රීපරීවාරඃ ශ්රීභූරුග්රශ්ච කාමධුක් ॥ 123 ॥

සදාගතිර්මාතරිශ්වා රාමපාදාබ්ජෂට්පදඃ ।
නීලප්රියෝ නීලවර්ණෝ නීලවර්ණප්රියඃ සුහෘත් ॥ 124 ॥

රාමදූතෝ ලෝකබංධුරංතරාත්මා මනෝරමඃ ।
ශ්රීරාමධ්යානකෘද්වීරඃ සදා කිංපුරුෂස්තුතඃ ॥ 125 ॥

රාමකාර්යාංතරංගශ්ච ශුද්ධිර්ගතිරනාමයඃ ।
පුණ්යශ්ලෝකඃ පරානංදඃ පරේශප්රියසාරථිඃ ॥ 126 ॥

ලෝකස්වාමී මුක්තිදාතා සර්වකාරණකාරණඃ ।
මහාබලෝ මහාවීරඃ පාරාවාරගතිර්ගුරුඃ ॥ 127 ॥

තාරකෝ භගවාංස්ත්රාතා ස්වස්තිදාතා සුමංගළඃ ।
සමස්තලෝකසාක්ෂී ච සමස්තසුරවංදිතඃ ।
සීතාසමේතශ්රීරාමපාදසේවාධුරංධරඃ ॥ 128 ॥

ඉදං නාමසහස්රං තු යෝऽධීතේ ප්රත්යහං නරඃ ।
දුඃඛෞඝෝ නශ්යතේ ක්ෂිප්රං සංපත්තිර්වර්ධතේ චිරම් ॥ 129 ॥

වශ්යං චතුර්විධං තස්ය භවත්යේව න සංශයඃ ।
රාජානෝ රාජපුත්රාශ්ච රාජකීයාශ්ච මංත්රිණඃ ॥ 130 ॥

ත්රිකාලං පඨනාදස්ය දෘශ්යංතේ ච ත්රිපක්ෂතඃ ।
අශ්වත්ථමූලේ ජපතාං නාස්ති වෛරිකෘතං භයම් ॥ 131 ॥

ත්රිකාලපඨනාදස්ය සිද්ධිඃ ස්යාත් කරසංස්ථිතා ।
බ්රාහ්මේ මුහූර්තේ චෝත්ථාය ප්රත්යහං යඃ පඨේන්නරඃ ॥ 132 ॥

ඓහිකාමුෂ්මිකාන් සෝऽපි ලභතේ නාත්ර සංශයඃ ।
සංග්රාමේ සන්නිවිෂ්ටානාං වෛරිවිද්රාවණං භවේත් ॥ 133 ॥

ජ්වරාපස්මාරශමනං ගුල්මාදිව්යාධිවාරණම් ।
සාම්රාජ්යසුඛසංපත්තිදායකං ජපතාං නෘණාම් ॥ 134 ॥

ය ඉදං පඨතේ නිත්යං පාඨයේද්වා සමාහිතඃ ।
සර්වාන් කාමානවාප්නෝති වායුපුත්රප්රසාදතඃ ॥ 135 ॥

ඉති ශ්රී හනුමත් සහස්රනාම ස්තෝත්රම් ।