ශ්රී දත්තාත්රේය සහස්ර නාම ස්තෝත්රම්

මුනයඃ ඌචුඃ
නිඛිලාගමතත්ත්වජ්ඤ බ්රහ්මධ්යානපරායණ ।
වදාස්මාකං මුක්ත්යුපායං සූත සර්වෝපකාරකම් ॥ 1 ॥

සර්වදේවේෂු කෝ දේවඃ සද්යෝ මෝක්ෂප්රදෝ භවේත් ।
කෝ මනුර්වා භවේත්තස්ය සද්යඃ ප්රීතිකරෝ ධ්රුවම් ॥ 2 ॥

සූත උවාච ।
නිගමාගමතත්ත්වජ්ඤෝ හ්යවධූතශ්චිදංබරඃ ।
භක්තවාත්සල්යප්රවණෝ දත්ත ඒව හි කේවලඃ ॥ 3 ॥

සදා ප්රසන්නවදනෝ භක්තචිංතෛකතත්පරඃ ।
තස්ය නාමාන්යනංතානි වර්තංතේऽථාප්යදඃ පරම් ॥ 4 ॥

දත්තස්ය නාමසාහස්රං තස්ය ප්රීතිවිවර්ධනම් ।
යස්ත්විදං පඨතේ නිත්යං දත්තාත්රේයෛකමානසඃ ॥ 5 ॥

මුච්යතේ සර්වපාපේභ්යඃ ස සද්යෝ නාත්ර සංශයඃ ।
අංතේ තද්ධාම සංයාති පුනරාවෘත්තිදුර්ලභම් ॥ 6 ॥

අස්ය ශ්රීමද්දත්තාත්රේයසහස්රනාමස්තෝත්රමංත්රස්ය අවධූත ඍෂිඃ, අනුෂ්ටුප් ඡංදඃ, දිගංබරෝ දේවතා, ඕං බීජං, හ්රීං ශක්තිඃ, ක්රෞං කීලකං, ශ්රීදත්තාත්රේයප්රීත්යර්ථේ ජපේ විනියෝගඃ ।

අථ ධ්යානම්
දිගංබරං භස්මවිලේපිතාංගං
බෝධාත්මකං මුක්තිකරං ප්රසන්නම් ।
නිර්මානසං ශ්යාමතනුං භජේऽහං
දත්තාත්රේයං බ්රහ්මසමාධියුක්තම් ॥

අථ ස්තෝත්රම්
දත්තාත්රේයෝ මහායෝගී යෝගේශශ්චාමරප්රභුඃ ।
මුනිර්දිගංබරෝ බාලෝ මායාමුක්තෝ මදාපහඃ ॥ 1 ॥

අවධූතෝ මහානාථඃ ශංකරෝऽමරවල්ලභඃ ।
මහාදේවශ්චාදිදේවඃ පුරාණප්රභුරීශ්වරඃ ॥ 2 ॥

සත්ත්වකෘත්සත්ත්වභෘද්භාවඃ සත්ත්වාත්මා සත්ත්වසාගරඃ ।
සත්ත්වවිත්සත්ත්වසාක්ෂී ච සත්ත්වසාධ්යෝऽමරාධිපඃ ॥ 3 ॥

භූතකෘද්භූතභෘච්චෛව භූතාත්මා භූතසංභවඃ ।
භූතභාවෝ භවෝ භූතවිත්තථා භූතකාරණඃ ॥ 4 ॥

භූතසාක්ෂී ප්රභූතිශ්ච භූතානාං පරමා ගතිඃ ।
භූතසංගවිහීනාත්මා භූතාත්මා භූතශංකරඃ ॥ 5 ॥

භූතනාථෝ මහානාථ ආදිනාථෝ මහේශ්වරඃ ।
සර්වභූතනිවාසාත්මා භූතසංතාපනාශනඃ ॥ 6 ॥

සර්වාත්මා සර්වභෘත්සර්වඃ සර්වජ්ඤඃ සර්වනිර්ණයඃ ।
සර්වසාක්ෂී බෘහද්භානුඃ සර්වවිත් සර්වමංගළඃ ॥ 7 ॥

ශාංතඃ සත්යඃ සමඃ පූර්ණෝ ඒකාකී කමලාපතිඃ ।
රාමෝ රාමප්රියශ්චෛව විරාමෝ රාමකාරණඃ ॥ 8 ॥

ශුද්ධාත්මා පාවනෝऽනංතඃ ප්රතීතඃ පරමාර්ථභෘත් ।
හංසසාක්ෂී විභුශ්චෛව ප්රභුඃ ප්රළය ඉත්යපි ॥ 9 ॥

සිද්ධාත්මා පරමාත්මා ච සිද්ධානාං පරමා ගතිඃ ।
සිද්ධිසිද්ධස්තථා සාධ්යඃ සාධනෝ හ්යුත්තමස්තථා ॥ 10 ॥

සුලක්ෂණඃ සුමේධාවී විද්යාවාන්විගතාංතරඃ ।
විජ්වරශ්ච මහාබාහුර්බහුලානංදවර්ධනඃ ॥ 11 ॥

අව්යක්තපුරුෂඃ ප්රාජ්ඤඃ පරජ්ඤඃ පරමාර්ථදෘක් ।
පරාපරවිනිර්මුක්තෝ යුක්තස්තත්ත්වප්රකාශවාන් ॥ 12 ॥

දයාවාන් භගවාන් භාවී භාවාත්මා භාවකාරණඃ ।
භවසංතාපනාශශ්ච පුෂ්පවාන් පංඩිතෝ බුධඃ ॥ 13 ॥

ප්රත්යක්ෂවස්තුර්විශ්වාත්මා ප්රත්යග්බ්රහ්ම සනාතනඃ ।
ප්රමාණවිගතශ්චෛව ප්රත්යාහාරනියෝජකඃ ॥ 14 ॥

ප්රණවඃ ප්රණවාතීතඃ ප්රමුඛඃ ප්රලයාත්මකඃ ।
මෘත්යුංජයෝ විවික්තාත්මා ශංකරාත්මා පරෝ වපුඃ ॥ 15 ॥

පරමස්තනුවිජ්ඤේයඃ පරමාත්මනි සංස්ථිතඃ ।
ප්රබෝධකලනාධාරඃ ප්රභාවප්රවරෝත්තමඃ ॥ 16 ॥

චිදංබරශ්චිද්විලාසශ්චිදාකාශශ්චිදුත්තමඃ ।
චිත්තචෛතන්යචිත්තාත්මා දේවානාං පරමා ගතිඃ ॥ 17 ॥

අචේත්යශ්චේතනාධාරශ්චේතනාචිත්තවික්රමඃ ।
චිත්තාත්මා චේතනාරූපෝ ලසත්පංකජලෝචනඃ ॥ 18 ॥

පරං බ්රහ්ම පරං ජ්යෝතිඃ පරං ධාම පරංතපඃ ।
පරං සූත්රං පරං තංත්රං පවිත්රඃ පරමෝහවාන් ॥ 19 ॥

ක්ෂේත්රජ්ඤඃ ක්ෂේත්රගඃ ක්ෂේත්රඃ ක්ෂේත්රාධාරඃ පුරංජනඃ ।
ක්ෂේත්රශූන්යෝ ලෝකසාක්ෂී ක්ෂේත්රවාන් බහුනායකඃ ॥ 20 ॥

යෝගේංද්රෝ යෝගපූජ්යශ්ච යෝග්ය ආත්මවිදාං ශුචිඃ ।
යෝගමායාධරඃ ස්ථාණුරචලඃ කමලාපතිඃ ॥ 21 ॥

යෝගේශෝ යෝගනිර්මාතා යෝගජ්ඤානප්රකාශනඃ ।
යෝගපාලෝ ලෝකපාලඃ සංසාරතමනාශනඃ ॥ 22 ॥

ගුහ්යෝ ගුහ්යතමෝ ගුප්තෝ මුක්තෝ යුක්තඃ සනාතනඃ ।
ගහනෝ ගගනාකාරෝ ගංභීරෝ ගණනායකඃ ॥ 23 ॥

ගෝවිංදෝ ගෝපතිර්ගෝප්තා ගෝභාගෝ භාවසංස්ථිතඃ ।
ගෝසාක්ෂී ගෝතමාරිශ්ච ගාංධාරෝ ගගනාකෘතිඃ ॥ 24 ॥

යෝගයුක්තෝ භෝගයුක්තඃ ශංකාමුක්තසමාධිමාන් ।
සහජඃ සකලේශානඃ කාර්තවීර්යවරප්රදඃ ॥ 25 ॥

සරජෝ විරජෝ පුංසෝ පාවනඃ පාපනාශනඃ ।
පරාවරවිනිර්මුක්තඃ පරං‍ජ්යෝතිඃ පුරාතනඃ ॥ 26 ॥

නානාජ්යෝතිරනේකාත්මා ස්වයං‍ජ්යෝතිඃ සදාශිවඃ ।
දිව්යජ්යෝතිර්මයශ්චෛව සත්යවිජ්ඤානභාස්කරඃ ॥ 27 ॥

නිත්යශුද්ධඃ පරඃ පූර්ණඃ ප්රකාශඃ ප්රකටෝද්භවඃ ।
ප්රමාදවිගතශ්චෛව පරේශඃ පරවික්රමඃ ॥ 28 ॥

යෝගී යෝගෝ යෝගපශ්ච යෝගාභ්යාසප්රකාශනඃ ।
යෝක්තා මෝක්තා විධාතා ච ත්රාතා පාතා නිරායුධඃ ॥ 29 ॥

නිත්යමුක්තෝ නිත්යයුක්තඃ සත්යඃ සත්යපරාක්රමඃ ।
සත්ත්වශුද්ධිකරඃ සත්ත්වස්තථා සත්ත්වභෘතාං ගතිඃ ॥ 30 ॥

ශ්රීධරඃ ශ්රීවපුඃ ශ්රීමාන් ශ්රීනිවාසෝऽමරාර්චිතඃ ।
ශ්රීනිධිඃ ශ්රීපතිඃ ශ්රේෂ්ඨඃ ශ්රේයස්කශ්චරමාශ්රයඃ ॥ 31 ॥

ත්යාගී ත්යාගාර්ථසංපන්නස්ත්යාගාත්මා ත්යාගවිග්රහඃ ।
ත්යාගලක්ෂණසිද්ධාත්මා ත්යාගජ්ඤස්ත්යාගකාරණඃ ॥ 32 ॥

භෝගෝ භෝක්තා තථා භෝග්යෝ භෝගසාධනකාරණඃ ।
භෝගී භෝගාර්ථසංපන්නෝ භෝගජ්ඤානප්රකාශනඃ ॥ 33 ॥

කේවලඃ කේශවඃ කෘෂ්ණඃ කංවාසාඃ කමලාලයඃ ।
කමලාසනපූජ්යශ්ච හරිරජ්ඤානඛංඩනඃ ॥ 34 ॥

මහාත්මා මහදාදිශ්ච මහේශෝත්තමවංදිතඃ ।
මනෝබුද්ධිවිහීනාත්මා මානාත්මා මානවාධිපඃ ॥ 35 ॥

භුවනේශෝ විභූතිශ්ච ධෘතිර්මේධා ස්මෘතිර්දයා ।
දුඃඛදාවානලෝ බුද්ධඃ ප්රබුද්ධඃ පරමේශ්වරඃ ॥ 36 ॥

කාමහා ක්රෝධහා චෛව දංභදර්පමදාපහඃ ।
අජ්ඤානතිමිරාරිශ්ච භවාරිර්භුවනේශ්වරඃ ॥ 37 ॥

රූපකෘද්රූපභෘද්රූපී රූපාත්මා රූපකාරණඃ ।
රූපජ්ඤෝ රූපසාක්ෂී ච නාමරූපෝ ගුණාංතකඃ ॥ 38 ॥

අප්රමේයඃ ප්රමේයශ්ච ප්රමාණං ප්රණවාශ්රයඃ ।
ප්රමාණරහිතෝऽචිංත්යශ්චේතනාවිගතෝऽජරඃ ॥ 39 ॥

අක්ෂරෝऽක්ෂරමුක්තශ්ච විජ්වරෝ ජ්වරනාශනඃ ।
විශිෂ්ටෝ විත්තශාස්ත්රී ච දෘෂ්ටෝ දෘෂ්ටාංතවර්ජිතඃ ॥ 40 ॥

ගුණේශෝ ගුණකායශ්ච ගුණාත්මා ගුණභාවනඃ ।
අනංතගුණසංපන්නෝ ගුණගර්භෝ ගුණාධිපඃ ॥ 41 ॥

ගණේශෝ ගුණනාථශ්ච ගුණාත්මා ගණභාවනඃ ।
ගණබංධුර්විවේකාත්මා ගුණයුක්තඃ පරාක්රමී ॥ 42 ॥

අතර්ක්යඃ ක්රතුරග්නිශ්ච කෘතජ්ඤඃ සඵලාශ්රයඃ ।
යජ්ඤශ්ච යජ්ඤඵලදෝ යජ්ඤ ඉජ්යෝऽමරෝත්තමඃ ॥ 43 ॥

හිරණ්යගර්භඃ ශ්රීගර්භඃ ඛගර්භඃ කුණපේශ්වරඃ ।
මායාගර්භෝ ලෝකගර්භඃ ස්වයංභූර්භුවනාංතකඃ ॥ 44 ॥

නිෂ්පාපෝ නිබිඩෝ නංදී බෝධී බෝධසමාශ්රයඃ ।
බෝධාත්මා බෝධනාත්මා ච භේදවෛතංඩඛංඩනඃ ॥ 45 ॥

ස්වාභාව්යෝ භාවනිර්මුක්තෝ ව්යක්තෝऽව්යක්තසමාශ්රයඃ ।
නිත්යතෘප්තෝ නිරාභාසෝ නිර්වාණඃ ශරණඃ සුහෘත් ॥ 46 ॥

ගුහ්යේශෝ ගුණගංභීරෝ ගුණදෝෂනිවාරණඃ ।
ගුණසංගවිහීනශ්ච යෝගාරේර්දර්පනාශනඃ ॥ 47 ॥

ආනංදඃ පරමානංදඃ ස්වානංදසුඛවර්ධනඃ ।
සත්යානංදශ්චිදානංදඃ සර්වානංදපරායණඃ ॥ 48 ॥

සද්රූපඃ සහජඃ සත්යඃ ස්වානංදඃ සුමනෝහරඃ ।
සර්වඃ සර්වාංතරශ්චෛව පූර්වාත්පූර්වතරස්තථා ॥ 49 ॥

ඛමයඃ ඛපරඃ ඛාදිඃ ඛං‍බ්රහ්ම ඛතනුඃ ඛගඃ ।
ඛවාසාඃ ඛවිහීනශ්ච ඛනිධිඃ ඛපරාශ්රයඃ ॥ 50 ॥

අනංතශ්චාදිරූපශ්ච සූර්යමංඩලමධ්යගඃ ।
අමෝඝඃ පරමාමෝඝඃ පරෝක්ෂඃ පරදඃ කවිඃ ॥ 51 ॥

විශ්වචක්ෂුර්විශ්වසාක්ෂී විශ්වබාහුර්ධනේශ්වරඃ ।
ධනංජයෝ මහාතේජාස්තේජිෂ්ඨස්තෛජසඃ සුඛී ॥ 52 ॥

ජ්යෝතිර්ජ්යෝතිර්මයෝ ජේතා ජ්යෝතිෂාං ජ්යෝතිරාත්මකඃ ।
ජ්යෝතිෂාමපි ජ්යෝතිශ්ච ජනකෝ ජනමෝහනඃ ॥ 53 ॥

ජිතේංද්රියෝ ජිතක්රෝධෝ ජිතාත්මා ජිතමානසඃ ।
ජිතසංගෝ ජිතප්රාණෝ ජිතසංසාරවාසනඃ ॥ 54 ॥

නිර්වාසනෝ නිරාලංබෝ නිර්යෝගක්ෂේමවර්ජිතඃ ।
නිරීහෝ නිරහංකාරෝ නිරාශීර්නිරුපාධිකඃ ॥ 55 ॥

නිත්යබෝධෝ විවික්තාත්මා විශුද්ධෝත්තමගෞරවඃ ।
විද්යාර්ථී පරමාර්ථී ච ශ්රද්ධාර්ථී සාධනාත්මකඃ ॥ 56 ॥

ප්රත්යාහාරී නිරාහාරී සර්වාහාරපරායණඃ ।
නිත්යශුද්ධෝ නිරාකාංක්ෂී පාරායණපරායණඃ ॥ 57 ॥

අණෝරණුතරඃ සූක්ෂ්මඃ ස්ථූලඃ ස්ථූලතරස්තථා ।
ඒකස්තථාऽනේකරූපෝ විශ්වරූපඃ සනාතනඃ ॥ 58 ॥

නෛකරූපෝ විරූපාත්මා නෛකබෝධමයස්තථා ।
නෛකනාමමයශ්චෛව නෛකවිද්යාවිවර්ධනඃ ॥ 59 ॥

ඒකශ්චෛකාංතිකශ්චෛව නානාභාවවිවර්ජිතඃ ।
ඒකාක්ෂරස්තථා බීජඃ පූර්ණබිංබඃ සනාතනඃ ॥ 60 ॥

මංත්රවීර්යෝ මංත්රබීජඃ ශාස්ත්රවීර්යෝ ජගත්පතිඃ ।
නානාවීර්යධරශ්චෛව ශක්රේශඃ පෘථිවීපතිඃ ॥ 61 ॥

ප්රාණේශඃ ප්රාණදඃ ප්රාණඃ ප්රාණායාමපරායණඃ ।
ප්රාණපංචකනිර්මුක්තඃ කෝශපංචකවර්ජිතඃ ॥ 62 ॥

නිශ්චලෝ නිෂ්කලෝऽසංගෝ නිෂ්ප්රපංචෝ නිරාමයඃ ।
නිරාධාරෝ නිරාකාරෝ නිර්විකාරෝ නිරංජනඃ ॥ 63 ॥

නිෂ්ප්රතීතෝ නිරාභාසෝ නිරාසක්තෝ නිරාකුලඃ ।
නිෂ්ඨාසර්වගතශ්චෛව නිරාරංභෝ නිරාශ්රයඃ ॥ 64 ॥

නිරංතරඃ සර්වගෝප්තා ශාංතෝ දාංතෝ මහාමුනිඃ । [සත්ත්ව]
නිඃශබ්දඃ සුකෘතඃ ස්වස්ථඃ සත්යවාදී සුරේශ්වරඃ ॥ 65 ॥

ජ්ඤානදෝ ජ්ඤානවිජ්ඤානී ජ්ඤානාත්මාऽऽනංදපූරිතඃ ।
ජ්ඤානයජ්ඤවිදාං දක්ෂෝ ජ්ඤානාග්නිර්ජ්වලනෝ බුධඃ ॥ 66 ॥

දයාවාන් භවරෝගාරිශ්චිකිත්සාචරමාගතිඃ ।
චංද්රමංඩලමධ්යස්ථශ්චංද්රකෝටිසුශීතලඃ ॥ 67 ॥

යංත්රකෘත්පරමෝ යංත්රී යංත්රාරූඪාපරාජිතඃ ।
යංත්රවිද්යංත්රවාසශ්ච යංත්රාධාරෝ ධරාධරඃ ॥ 68 ॥

තත්ත්වජ්ඤස්තත්ත්වභූතාත්මා මහත්තත්ත්වප්රකාශනඃ ।
තත්ත්වසංඛ්යානයෝගජ්ඤඃ සාංඛ්යශාස්ත්රප්රවර්තකඃ ॥ 69 ॥

අනංතවික්රමෝ දේවෝ මාධවශ්ච ධනේශ්වරඃ ।
සාධුඃ සාධුවරිෂ්ඨාත්මා සාවධානෝऽමරෝත්තමඃ ॥ 70 ॥

නිඃසංකල්පෝ නිරාධාරෝ දුර්ධරෝ හ්යාත්මවිත්පතිඃ ।
ආරෝග්යසුඛදශ්චෛව ප්රවරෝ වාසවස්තථා ॥ 71 ॥

පරේශඃ පරමෝදාරඃ ප්රත්යක්චෛතන්යදුර්ගමඃ ।
දුරාධර්ෂෝ දුරාවාසෝ දූරත්වපරිනාශනඃ ॥ 72 ॥

වේදවිද්වේදකෘද්වේදෝ වේදාත්මා විමලාශයඃ ।
විවික්තසේවී ච සංසාරශ්රමනාශනස්තථා ॥ 73 ॥

බ්රහ්මයෝනිර්බෘහද්යෝනිර්විශ්වයෝනිර්විදේහවාන් ।
විශාලාක්ෂෝ විශ්වනාථෝ හාටකාංගදභූෂණඃ ॥ 74 ॥

අබාධ්යෝ ජගදාරාධ්යෝ ජගදාර්ජවපාලනඃ ।
ජනවාන් ධනවාන් ධර්මී ධර්මගෝ ධර්මවර්ධනඃ ॥ 75 ॥

අමෘතඃ ශාශ්වතඃ සාධ්යඃ සිද්ධිදඃ සුමනෝහරඃ ।
ඛලුබ්රහ්මඛලුස්ථානෝ මුනීනාං පරමා ගතිඃ ॥ 76 ॥

උපද්රෂ්ටා තථා ශ්රේෂ්ඨඃ ශුචිභූතෝ හ්යනාමයඃ ।
වේදසිද්ධාංතවේද්යශ්ච මානසාහ්ලාදවර්ධනඃ ॥ 77 ॥

දේහාදන්යෝ ගුණාදන්යෝ ලෝකාදන්යෝ විවේකවිත් ।
දුෂ්ටස්වප්නහරශ්චෛව ගුරුර්ගුරුවරෝත්තමඃ ॥ 78 ॥

කර්මී කර්මවිනිර්මුක්තඃ සංන්යාසී සාධකේශ්වරඃ ।
සර්වභාවවිහීනශ්ච තෘෂ්ණාසංගනිවාරකඃ ॥ 79 ॥

ත්යාගී ත්යාගවපුස්ත්යාගස්ත්යාගදානවිවර්ජිතඃ ।
ත්යාගකාරණත්යාගාත්මා සද්ගුරුඃ සුඛදායකඃ ॥ 80 ॥

දක්ෂෝ දක්ෂාදිවංද්යශ්ච ජ්ඤානවාදප්රවර්තකඃ ।
ශබ්දබ්රහ්මමයාත්මා ච ශබ්දබ්රහ්මප්රකාශවාන් ॥ 81 ॥

ග්රසිෂ්ණුඃ ප්රභවිෂ්ණුශ්ච සහිෂ්ණුර්විගතාංතරඃ ।
විද්වත්තමෝ මහාවංද්යෝ විශාලෝත්තමවාඞ්මුනිඃ ॥ 82 ॥

බ්රහ්මවිද්බ්රහ්මභාවශ්ච බ්රහ්මර්ෂිර්බ්රාහ්මණප්රියඃ ।
බ්රහ්ම බ්රහ්මප්රකාශාත්මා බ්රහ්මවිද්යාප්රකාශනඃ ॥ 83 ॥

අත්රිවංශප්රභූතාත්මා තාපසෝත්තමවංදිතඃ ।
ආත්මවාසී විධේයාත්මා හ්යත්රිවංශවිවර්ධනඃ ॥ 84 ॥

ප්රවර්තනෝ නිවෘත්තාත්මා ප්රලයෝදකසන්නිභඃ ।
නාරායණෝ මහාගර්භෝ භාර්ගවප්රියකෘත්තමඃ ॥ 85 ॥

සංකල්පදුඃඛදලනඃ සංසාරතමනාශනඃ ।
ත්රිවික්රමස්ත්රිධාකාරස්ත්රිමූර්තිස්ත්රිගුණාත්මකඃ ॥ 86 ॥

භේදත්රයහරශ්චෛව තාපත්රයනිවාරකඃ ।
දෝෂත්රයවිභේදී ච සංශයාර්ණවඛංඩනඃ ॥ 87 ॥

අසංශයස්ත්වසම්මූඪෝ හ්යවාදී රාජවංදිතඃ ।
රාජයෝගී මහායෝගී ස්වභාවගලිතස්තථා ॥ 88 ॥

පුණ්යශ්ලෝකඃ පවිත්රාංඝ්රිර්ධ්යානයෝගපරායණඃ ।
ධ්යානස්ථෝ ධ්යානගම්යශ්ච විධේයාත්මා පුරාතනඃ ॥ 89 ॥

අවිජ්ඤේයෝ හ්යංතරාත්මා මුඛ්යබිංබසනාතනඃ ।
ජීවසංජීවනෝ ජීවශ්චිද්විලාසශ්චිදාශ්රයඃ ॥ 90 ॥

මහේංද්රෝऽමරමාන්යශ්ච යෝගේංද්රෝ යෝගවිත්තමඃ ।
යෝගධර්මස්තථා යෝගස්තත්ත්වස්තත්ත්වවිනිශ්චයඃ ॥ 91 ॥

නෛකබාහුරනංතාත්මා නෛකනාමපරාක්රමඃ ।
නෛකාක්ෂී නෛකපාදශ්ච නාථනාථෝත්තමෝත්තමඃ ॥ 92 ॥

සහස්රශීර්ෂා පුරුෂඃ සහස්රාක්ෂඃ සහස්රපාත් ।
සහස්රරූපදෘක් චෛව සහස්රාරමයෝද්ධවඃ ॥ 93 ॥

ත්රිපාදපුරුෂශ්චෛව ත්රිපාදූර්ධ්වස්තථෛව ච ।
ත්ර්යංබකශ්ච මහාවීර්යෝ යෝගවීර්යවිශාරදඃ ॥ 94 ॥

විජයී විනයී ජේතා වීතරාගී විරාජිතඃ ।
රුද්රෝ රෞද්රෝ මහාභීමඃ ප්රාජ්ඤමුඛ්යඃ සදාශුචිඃ ॥ 95 ॥

අංතර්ජ්යෝතිරනංතාත්මා ප්රත්යගාත්මා නිරංතරඃ ।
අරූපශ්චාත්මරූපශ්ච සර්වභාවවිනිර්වෘතඃ ॥ 96 ॥

අංතඃශූන්යෝ බහිඃශූන්යඃ ශූන්යාත්මා ශූන්යභාවනඃ ।
අංතඃපූර්ණෝ බහිඃපූර්ණඃ පූර්ණාත්මා පූර්ණභාවනඃ ॥ 97 ॥

අංතස්ත්යාගී බහිස්ත්යාගී ත්යාගාත්මා සර්වයෝගවාන් ।
අංතර්යෝගී බහිර්යෝගී සර්වයෝගපරායණඃ ॥ 98 ॥

අංතර්භෝගී බහිර්භෝගී සර්වභෝගවිදුත්තමඃ ।
අංතර්නිෂ්ඨෝ බහිර්නිෂ්ඨඃ සර්වනිෂ්ඨාමයස්තථා ॥ 99 ॥

බාහ්යාංතරවිමුක්තශ්ච බාහ්යාංතරවිවර්ජිතඃ ।
ශාංතඃ ශුද්ධෝ විශුද්ධශ්ච නිර්වාණඃ ප්රකෘතේඃ පරඃ ॥ 100 ॥

අකාලඃ කාලනේමී ච කාලකාලෝ ජනේශ්වරඃ ।
කාලාත්මා කාලකර්තා ච කාලජ්ඤඃ කාලනාශනඃ ॥ 101 ॥

කෛවල්යපදදාතා ච කෛවල්යසුඛදායකඃ ।
කෛවල්යකලනාධාරෝ නිර්භරෝ හර්ෂවර්ධනඃ ॥ 102 ॥

හෘදයස්ථෝ හෘෂීකේශෝ ගෝවිංදෝ ගර්භවර්ජිතඃ ।
සකලාගමපූජ්යශ්ච නිගමෝ නිගමාශ්රයඃ ॥ 103 ॥

පරාශක්තිඃ පරාකීර්තිඃ පරාවෘත්තිර්නිධිස්මෘතිඃ ।
පරවිද්යා පරාක්ෂාංතිර්විභක්තිර්යුක්තසද්ගතිඃ ॥ 104 ॥

ස්වප්රකාශඃ ප්රකාශාත්මා පරසංවේදනාත්මකඃ ।
ස්වසේව්යඃ ස්වවිදාං ස්වාත්මා ස්වසංවේද්යෝऽනඝඃ ක්ෂමී ॥ 105 ॥

ස්වානුසංධානශීලාත්මා ස්වානුසංධානගෝචරඃ ।
ස්වානුසංධානශූන්යාත්මා ස්වානුසංධානකාශ්රයඃ ॥ 106 ॥

ස්වබෝධදර්පණෝऽභංගඃ කංදර්පකුලනාශනඃ ।
බ්රහ්මචාරී බ්රහ්මවේත්තා බ්රාහ්මණෝ බ්රහ්මවිත්තමඃ ॥ 107 ॥

තත්ත්වබෝධඃ සුධාවර්ෂඃ පාවනඃ පාපපාවකඃ ।
බ්රහ්මසූත්රවිධේයාත්මා බ්රහ්මසූත්රාර්ථනිර්ණයඃ ॥ 108 ॥

ආත්යංතිකෝ මහාකල්පඃ සංකල්පාවර්තනාශනඃ ।
ආධිව්යාධිහරශ්චෛව සංශයාර්ණවශෝෂකඃ ॥ 109 ॥

තත්ත්වාත්මජ්ඤානසංදේශෝ මහානුභවභාවිතඃ ।
ආත්මානුභවසංපන්නඃ ස්වානුභාවසුඛාශ්රයඃ ॥ 110 ॥

අචිංත්යශ්ච බෘහද්භානුඃ ප්රමදෝත්කර්ෂනාශනඃ ।
අනිකේත ප්රශාංතාත්මා ශූන්යාවාසෝ ජගද්වපුඃ ॥ 111 ॥

චිද්ගතිශ්චින්මයශ්චක්රී මායාචක්රප්රවර්තකඃ ।
සර්වවර්ණවිදාරංභී සර්වාරංභපරායණඃ ॥ 112 ॥

පුරාණඃ ප්රවරෝ දාතා සුංදරඃ කනකාංගදී ।
අනසූයාත්මජෝ දත්තඃ සර්වජ්ඤඃ සර්වකාමදඃ ॥ 113 ॥

කාමජිත් කාමපාලශ්ච කාමී කාමප්රදාගමඃ ।
කාමවාන් කාමපෝෂශ්ච සර්වකාමනිවර්තකඃ ॥ 114 ॥

සර්වකර්මඵලෝත්පත්තිඃ සර්වකාමඵලප්රදඃ ।
සර්වකර්මඵලෛඃ පූජ්යඃ සර්වකර්මඵලාශ්රයඃ ॥ 115 ॥

විශ්වකර්මා කෘතාත්මා ච කෘතජ්ඤඃ සර්වසාක්ෂිකඃ ।
සර්වාරංභපරිත්යාගී ජඩෝන්මත්තපිශාචවාන් ॥ 116 ॥

භික්ෂුර්භෛක්ෂාකරශ්චෛව භෛක්ෂාහාරී නිරාශ්රමී ।
අකූලශ්චානුකූලශ්ච විකලෝ හ්යකලස්තථා ॥ 117 ॥

ජටිලෝ වනචාරී ච දංඩී මුංඩී ච ගංඩවාන් ।
දේහධර්මවිහීනාත්මා හ්යේකාකී සංගවර්ජිතඃ ॥ 118 ॥

ආශ්රම්යනාශ්රමාරංභෝऽනාචාරී කර්මවර්ජිතඃ ।
අසංදේහී ච සංදේහී න කිංචින්න ච කිංචනඃ ॥ 119 ॥

නෘදේහී දේහශූන්යශ්ච නාභාවී භාවනිර්ගතඃ ।
නාබ්රහ්මා ච පරබ්රහ්ම ස්වයමේව නිරාකුලඃ ॥ 120 ॥

අනඝශ්චාගුරුශ්චෛව නාථනාථෝත්තමෝ ගුරුඃ ।
ද්විභුජඃ ප්රාකෘතශ්චෛව ජනකශ්ච පිතාමහඃ ॥ 121 ॥

අනාත්මා න ච නානාත්මා නීතිර්නීතිමතාං වරඃ ।
සහජඃ සදෘශඃ සිද්ධශ්චෛකශ්චින්මාත්ර ඒව ච ॥ 122 ॥

න කර්තාපි ච කර්තා ච භෝක්තා භෝගවිවර්ජිතඃ ।
තුරීයස්තුරීයාතීතඃ ස්වච්ඡඃ සර්වමයස්තථා ॥ 123 ॥

සර්වාධිෂ්ඨානරූපශ්ච සර්වධ්යේයවිවර්ජිතඃ ।
සර්වලෝකනිවාසාත්මා සකලෝත්තමවංදිතඃ ॥ 124 ॥

දේහභෘද්දේහකෘච්චෛව දේහාත්මා දේහභාවනඃ ।
දේහී දේහවිභක්තශ්ච දේහභාවප්රකාශනඃ ॥ 125 ॥

ලයස්ථෝ ලයවිච්චෛව ලයාභාවශ්ච බෝධවාන් ।
ලයාතීතෝ ලයස්යාංතෝ ලයභාවනිවාරණඃ ॥ 126 ॥

විමුඛඃ ප්රමුඛශ්චෛව ප්රත්යඞ්මුඛවදාචරී ।
විශ්වභුග්විශ්වධෘග්විශ්වෝ විශ්වක්ෂේමකරස්තථා ॥ 127 ॥

අවික්ෂිප්තෝऽප්රමාදී ච පරර්ධිඃ පරමාර්ථදෘක් ।
ස්වානුභාවවිහීනශ්ච ස්වානුභාවප්රකාශනඃ ॥ 128 ॥

නිරිංද්රියශ්ච නිර්බුද්ධිර්නිරාභාසෝ නිරාකෘතඃ ।
නිරහංකාරරූපාත්මා නිර්වපුඃ සකලාශ්රයඃ ॥ 129 ॥

ශෝකදුඃඛහරශ්චෛව භෝගමෝක්ෂඵලප්රදඃ ।
සුප්රසන්නස්තථා සූක්ෂ්මඃ ශබ්දබ්රහ්මාර්ථසංග්රහඃ ॥ 130 ॥

ආගමාපායශූන්යශ්ච ස්ථානදශ්ච සතාංගතිඃ ।
අකෘතඃ සුකෘතශ්චෛව කෘතකර්මා විනිර්වෘතඃ ॥ 131 ॥

භේදත්රයහරශ්චෛව දේහත්රයවිනිර්ගතඃ ।
සර්වකාමමයශ්චෛව සර්වකාමනිවර්තකඃ ॥ 132 ॥

සිද්ධේශ්වරෝऽජරඃ පංචබාණදර්පහුතාශනඃ ।
චතුරක්ෂරබීජාත්මා ස්වභූශ්චිත්කීර්තිභූෂණඃ ॥ 133 ॥

අගාධබුද්ධිරක්ෂුබ්ධශ්චංද්රසූර්යාග්නිලෝචනඃ ।
යමදංෂ්ට්රෝऽතිසංහර්තා පරමානංදසාගරඃ ॥ 134 ॥

ලීලාවිශ්වංභරෝ භානුර්භෛරවෝ භීමලෝචනඃ ।
බ්රහ්මචර්මාංබරඃ කාලස්ත්වචලශ්චලනාංතකඃ ॥ 135 ॥

ආදිදේවෝ ජගද්යෝනිර්වාසවාරිවිමර්දනඃ ।
විකර්මකර්මකර්මජ්ඤෝ අනන්යගමකෝऽගමඃ ॥ 136 ॥

අබද්ධකර්මශූන්යශ්ච කාමරාගකුලක්ෂයඃ ।
යෝගාංධකාරමථනඃ පද්මජන්මාදිවංදිතඃ ॥ 137 ॥

භක්තකාමෝऽග්රජශ්චක්රී භාවනිර්භාවභාවකඃ ।
භේදාංතකෝ මහානග්ර්යෝ නිගූහෝ ගෝචරාංතකඃ ॥ 138 ॥

කාලාග්නිශමනඃ ශංඛචක්රපද්මගදාධරඃ ।
දීප්තෝ දීනපතිඃ ශාස්තා ස්වච්ඡංදෝ මුක්තිදායකඃ ॥ 139 ॥

ව්යෝමධර්මාංබරෝ භේත්තා භස්මධාරී ධරාධරඃ ।
ධර්මගුප්තෝऽන්වයාත්මා ච ව්යතිරේකාර්ථනිර්ණයඃ ॥ 140 ॥

ඒකානේකගුණාභාසාභාසනිර්භාසවර්ජිතඃ ।
භාවාභාවස්වභාවාත්මා භාවාභාවවිභාවවිත් ॥ 141 ॥

යෝගිහෘදයවිශ්රාමෝऽනංතවිද්යාවිවර්ධනඃ ।
විඝ්නාංතකස්ත්රිකාලජ්ඤස්තත්ත්වාත්මා ජ්ඤානසාගරඃ ॥ 142 ॥

ඉතීදං දත්තසාහස්රං සායං ප්රාතඃ පඨේත්තු යඃ ।
ස ඉහාමුත්ර ලභතේ නිර්වාණං පරමං සුඛම් ॥ 143 ॥

ගුරුවාරේ දත්තභක්තෝ භක්තිභාවසමන්විතඃ ।
පඨේත් සදෛව යෝ හ්යේතත් ස ලභේච්චිංතිතං ධ්රුවම් ॥ 144 ॥

ඉති ශ්රීමද්දත්තාත්රේයපුරාණේ ශ්රී දත්තාත්රේය සහස්රනාම ස්තෝත්රම් ।